A. -

"Personne chargée, à titre officiel, de transmettre un message à une ou des personnes importantes" : ...les dis de Dourlans supplient a vous, nosseigneurs les ambassadeurs, que de votre bonne et haute discretion vous plaise remontrer audit monseigneur le duc, afin que provision y soit mise (Comptes Doullens W., 1386, 12). ...tu doys estre moyen et cause efficient en ce monde de la restauracion de la Crestiente, ilz auront grant joye d'estre tes vrais amis et d'otemperer a ta sainte requeste, faicte par tout par tes solennelz ambaxadeurs et messaiges honnourables (MÉZIÈRES, Songe vieil pèl. C., t.2, c.1386-1389, 293). Gieffroy erra tant qu'il vint en Norhombellande avecques les ambaxadeurs et ses X. chevaliers. Lors que les barons du pays scorent sa venue, si vindrent a l'encontre de lui moult honnourablement (ARRAS, c.1392-1393, 262). Et en ce pendant vindrent les ambassadeurs de Lucembourc qui firent moult honnourablement la reverence a Raymond et a Melusigne et a toute la compaignie. Et ilz furent moult liement receuz, et fu tantost recongneu le gentil homme qui avoit esté a la conqueste de Chippre de pluseurs qui la estoient, et fu grandement festoiez. (ARRAS, c.1392-1393, 149). ...et outre persuaderent lesdiz messages ou ambassadeurs à la Court qu'elle voulsist conseiller le Roy de rendre l'obeissance à nostre Saint Pere le pape Benedic XIIIe (BAYE, I, 1400-1410, 31). La Court a commiz maistres Ja. du Gard et O. Gencien pour aler à Compiegne devers monseigneur le Dauphin, avecques les ambaxateurs de l'Université de Paris (BAYE, II, 1411-1417, 276). ...Fabricius, qui n'ot point de honte d'estre veu des embassadeurs notables de ses ennemis mengier à table seant sus une petite fourme, servi en escuelles de bois (CHR. PIZ., Paix W., 1412-1413, 102). A ! vray Dieu, quel ambassadeurs ! Pluseurs [n. propre] a il le cuer sy sade De m'envoyer telle ambassade Comme Flaterie et Envie ? (Pouvre peuple H., c.1450-1492, 220). Ung ambassadeur ne doit mye Avoir aucun mal, sus ne jus. Pour quelque façon ou abus Ou quelque chose qu'il apporte, N'en doit avoir aucun rebus ; Tout temps messagier en supporte. (Myst. siège Orléans H., c.1480-1500, 427-428). ...les noms des seigneurs, capitaynes, conducteurs, gouverneurs, maistres d'ostelz et ambassadeurs de la conduycte, charge et gouvernement de ceste entreprise. (LA VIGNE, V.N., p.1495, 129).

-

En partic. "Personne chargée d'une mission officielle auprès d'un souverain étranger" : Il avoit de bons chevaliers Et de notables escuiers, Riches gens et de grant arroy En la compaingnie dou roy, Qui moult humblement li prierent Par pluseurs fois et supplierent Qu'avecques les embassadeurs, Qui de la pais furent traiteurs, Peüssent aler pour veoir Le Quaire et le païs (MACH., P. Alex., p.1369, 177). De l'autre part, a la senestre se seoient les ambaxadeurs et messagiers du royaume de France, d'Escoce, d'Espaigne... (MÉZIÈRES, Songe vieil pèl. C., t.1, c.1386-1389, 306). En tant que de la dispensation, li ambasadour d'Engleterre s'en cargierent (FROISS., Chron. D., p.1400, 157). ...et aussy les arcevesques de Pise et messire Nycolas de Robertis, chevalier, ambaxiateurs du Pape en France (BAYE, I, 1400-1410, 338). Si avint une fois que cellui roy, ou autre sien successeur, avoit envoyé ses ambassadeurs en une autre contree (CHR. PIZ., Trois vertus W.H., c.1405, 201). ...fraiz d'armees de mer, voyages d'ambassadeurs, presens aux estrangiers (CHART., Q. inv., 1422, 51). ...c'est chose a luy [au roi] honnorable et prouffitable de entendre a certain traictié de paix ouvert par les ambassadeurs de luy et du roy d'Angleterre (JUV. URS., Loquar, 1440, 301). ...le reverend pere en Dieu monseigneur messire Jehan Michiel, presentement evesque d'Angiers, qui fut secretaire a la poursuyte dudit royaume avec messeigneurs les ambassadeurs du roy Loys second (LA SALE, Salade, c.1442-1444, 5). En l'année mil IIIIc quatre vingtz, passerent la mer d'Angleterre pour venir en France pardevers le roy le seigneur de Hauart, ung protonotere, et autres ambassadeurs anglois, pour le fait de l'entretenement de la treve d'entre le roy et le roy d'Angleterre. (ROYE, Chron. scand., II, 1460-1483, 95). Ainsi furent despeschez les ambaxadeurs et chevaucherent devers le Roy tant qu'ilz furent devant luy. (BUEIL, II, 1461-1466, 140). Si les ambassadeurs secretz et publicques viennent de par princes où la hayne soit telles comme je l'ay veüe continuelle entre tous ces seigneurs (COMM., I, 1489-1491, 219). Le jeudi, premier jour d'octobre, vindrent les ambassadeurs du duc de Millan et des Venyciens devers le roy (LA VIGNE, V.N., p.1495, 308).

.

Ambassadeur de la paix : ...Que de chascune ville ala Vers le soudan une personne Notable, diligent et bonne, Qu'estre doivent embassadeurs De la pais et mediateurs Entre le soudan et le roy (MACH., P. Alex., p.1369, 221).

.

Envoyer ambassadeur : ...messire Edouart de Guerles (...) envoya ambassadeurs devers le duc de Braibant (FROISS., Chron. M., XIV, c.1375-1400, 157). Et tandiz que le roy Petre estoit avecquez le prince, il envoia messagiers et ambaxadeurs au roy de France (Chron. Valois L., c.1377-1397, 172). Voicy donc par quelle cautelle Frauder et prandre le pourrons [Jésus] : Embassadeurs luy envoyrons Pour luy demander et prier Que il nous dye s'on doit payer Tribut a l'empereur de Romme. (Myst. Pass. Troyes B., a.1482, 608).

.

Envoyer ses ambassadeurs pour + inf. : Et est la chose alée si avant que, en ceste année, nous avons envoyé devers lui noz ambaxadeurs pour accorder le mariage de nostre dicte très amée fille Anne, vostre niepce, avec nostre beau cousin le prince de Pymont, son filz aisné. (Doc. 1432. In : Bibl. Éc. Chartes 35, 1874, 141). ...ilz envoièrent leurs ambaxadeurs partout pour faire aliance contre le roy et mesmes à Venise, où j'estoys (COMM., III, 1495-1498, 286).

Rem. On rencontre un seul ex. où ambassadeur a le sens de "conseiller d'un prince" : : ...[le roy Amydas] estoit homme qui vouloit user tousjours par conseil ; et, posé ores que son oppinion eust esté la meilleure, si voulloit-il prendre celle de son conseil, affin qu'ilz lui aidassent de meilleur cuer à soustenir ses affaires contre ses ennemyz ; et tint l'oppinion telle qu'elle avoit esté. Mais il y eust aucuns ambaxadeurs particulliers qui le desmeurent de sa bonne voulenté, comme vous orrez. [Repris p. 233, par «aucuns conseillers à part»] (BUEIL, II, 1461-1466, 231).

B. -

P. ext. "Celui qu'on envoie pour apporter un message, messager" : ...veez cy nostre chaperon fourré qui envoye ses ambaxadeurs devers sa dame la cordoanniere (C.N.N., c.1456-1467, 415).