A. -

"Fait d'être vigilant, de veiller, de guetter"

1.

"Vigilance" : S'il [le lièvre ]] sent les chiens, lors s'en fuit sur les haulx, Dont sa vie est par son aguet sauvée ; Mais homs qui voit s'aveugle et se desrée Quant a touz maulx par son vouloir se lie (DESCH., Oeuvres Q., t.6, c.1370-1407, 5).

-

Gens d'aguet. "Gens capables d'exécuter une mission de surveillance, en utilisant tous les moyens" : Il nous fault trouver gens de taille, Gens adventureulx, gens d'aguet Pour faire jour et nuyt le guet Autour du sepulcre. (MICHEL, Myst. Pass. J., 1486, 438).

2.

Loc.

a)

Loc. adv. En/à aguet

-

Estre en/à aguet. "Être aux aguets, à l'affût (pour surveiller ou pour surprendre)" : Soiez tous en agait en la salle pavee ; Ce je corne ceu cor a moult haulte allenee, Si me venez aidier san nulle demouree. (Lion Bourges K.P.F., c.1350, 896). Aultrement convient faire au respondant contre le curieux inquisiteur ou demandeur, aultrement contre chelui qui est en aguet ou qui veult tempter ou qui est faulx accuseur, aultrement contre chelui qui enquiert verité, autrement contre le heretique et decepveur. (DAUDIN, De la erudition H., c.1360-1380, 152). Geronnet et les siens estoient toudis à agait à l'uis de l'ostel de la Couronne, pour savoir quant le gait retourneroit (FROISS., Chron. M., XIV, c.1375-1400, 209). Et ainsi qu'il vaucroit par la marine et cuidoit bien estre eschappez du peril des mains des crestiens ; mais de ce que fol pense la plus grant part en demeure le plus de foiz ; car le grant maistre de Rodes estoit en aguet sur la mer, o tout ses gens et ses galees. (ARRAS, c.1392-1393, 139). ...Dangier, Reffus, Jalouzie, les mesdisans, Honte et Crainte estoient tous leans en aguet et (...) ilz se fordoubtoient (...) de leur venue. (RENÉ D'ANJOU, Cuer am. espris W., 1457, 187). Plaisant, beau filz, et vous, Muget. Partons nous, soions en aguet. Allons recouvrer ceste perte. (MOLINET, Myst. st Quentin C., c.1482, 272).

.

[D'un bateau] : ...ne il n'estoit vaissel de Sarrasins, (...) qui tantost ne fust happez par ces galees qui tous jours estoient en agait (Bouciquaut L., 1406-1409, 153).

.

[D'un animal] : En grant agait sus les chemins Estoit [le milan] [,]a fin(,) quant pelerins Passoient, tantost assifloit Et aval descendre faisoit Touz les escouflaus des .III. nis (GUILL. DIGULL., Pèler. J.-C. S., 1358, 148).

.

En partic. "Être moralement vigilant, être sur ses gardes" : La mort nous vient soudainement, Si devrions estre en aguet De conscience et tous jours net (DESCH., Oeuvres Q., t.2, c.1370-1407, 275).

.

Estre en aguet de + inf. "Être prêt à" : Adont ilz nous commanderent monter sur ces chevaux et de les vous amener en vous certiffiant de par eulx qu'en ceste nuit ilz prenderont ceste place, ou ilz morront en la paine ; si soiez en aguet d'entrer en la porte quant il vous appelleront. (Percef. IV, R., c.1450 [c.1340], 258).

b)

Loc. verb.

-

Aller d'aguet. "Avancer avec précaution" : Item, au Chevalier du guet, Le Hëaulme luy establis, Et aux pietons qui vont d'aguet Tastonnans par ces establis, Je leur laissë ung beau riblis, la Lanterne a la Pierre au Let, Voire, mes j'aray les Troys Lis, S'ilz me mainent en Chastellet. (VILLON, Lais R.H., c.1456-1457, 20).

-

Avoir l'aguet (sur qqc.). "Guetter qqc." : Et certes, à ce ne faudrez, si vous continuez en ceste erreur ; car on y a l'agguet dessus plus d'en cent lieux, par envye, là où riens ne vous pourra nuyre si vous vous tenez bien ensemble. (CHASTELL., Chron. K., t.4, c.1456-1471, 330).

-

Faire l'aguet. "Faire le guet, monter la garde" : Et faisoient les dits abellétriés le xaway toute la nuit au long des murs ; et mist on plusieurs soldoier au gaige. (AUBRION, Journal L., 1465, 6). ...sus chacune porte, XVJ hommes, pour warder et pour faire le xawait par nuit. (AUBRION, Journal L., 1473, 57).

-

Mettre (son) aguet (sur qqn). " L'épier, le guetter" : Et quant les galans voient une belle jeune fille mariee a ung tel homme ou a ung sotin et ilz voient que elle est jolie et goye, ilz mectent leur aguet, car ilz pensent bien qu'elle devroit mieulx y entendre que une aultre, qui a mari jeune et abille. (Quinze joies mar. R., c.1390-1410, 102). Et la premiere qui jadis les mist avant [les Evangiles des Quenouilles] fut une demiselle de village nommee Transeline, ja toute vielle et, comme l'en dist, jalouse de son mary bel et jenne sur qui maint aguet jour et nuit mettoit et maint preschement en vain lui presentoit. (Ev. Quen., II, c.1466-1474, 117).

-

Mettre ses yeux en aguet. "Les mettre en alerte" : Lors n'eus je talent de dormir, Car je mis mes yeus en agait Qui faisoient adès le gait (MACH., D. Aler., a.1349, 270).

-

Se mettre en aguet. "Être vigilant" : Maintez bonnes dames se mirent en agait sur le soir de la bataille aournees d'enchantemens pour sauver leurs amys, et je fus avec la Rouine Faee qui emmena le roy Perceforest (Percef. IV, R., c.1450 [c.1340], 732).

-

Se tenir en aguet. "Guetter, se tenir à l'affût (pour observer ou surprendre)" : ...et toutdis nous nous tenrons sus èle etentre nos batailles en agait, pour veoir comment il se maintenront. (FROISS., Chron. L., VI, c.1375-1400, 122). En aguet se tient Bel Acueil, Et se par puissance, ou orgueil, Une foiz en ses mains te prent, Tu fineras piteusement Tes jours en la prison de Dueil (CH. D'ORLÉANS, Rond. C., 1443-1460, 502).

3.

P. méton.

a)

"Celui qui guette, sentinelle " : Or met aguetz, espïes et escoutes (CHART., D. Fort., 1412-1413, 185).

b)

"Groupe de gens qui font le guet, vont en reconnaissance ou montent en embuscade" : [Geronnet donne l'alerte] Tantost l'entendirent ceulx qui estoient en son agait (FROISS., Chron. M., XIV, c.1375-1400, 212). ...et devoient chevauchier en trois routes et en troix agais pour plus secretement faire leur emprise (FROISS., Chron. R., IX, c.1375-1400, 112). Alors l'aguet des chevaulx rommains et leurs pyons derriere eulx saillirent hors (LA SALE, Sale D., 1451, 187).

B. -

"Embuscade ; piège"

1.

Au sing.

a)

"Lieu où on se cache pour guetter ; embuscade, attaque surprise, guet-apens, piège" : LE LARRON. (...) J'estoie orains tout en ce point Con me veez en mon aguet. (Mir. march. larr., c.1349, 116). Puis que il n'y avoit bourc ne cité, tentes ne chevauchie qui peust soustenir la puissance rommainne ne resister a l'ost qui tant povoit en armes, touz les princes du paÿs ont eu leur conseil que il usassent contre les Rommainz d'aguais et d'embuches et de pourveoir d'aucun lieu couvenable se par aventure l'ost rommain s'allast esgaiant et s'espandist pour cause de proie et de pillier, si que il peust estre souspris. (BERS., I, 9, c.1354-1359, 31.6, 56). ...le cas qui est de très-mauvais fait appensé, de traïson et aguet de nuit et par force et hayne machinée de grant temps ; que freschement, c'est assavoir le lendemain du cas avenu, ladite Perrete se vint complaindre à justice de la force dessus dite (Reg. crim. Chât., II, 1389-1392, 513). Jehan dist a noz barons : "Seingneur, je vous conduiray que nulz ne vous mefface." Ilz en vont jusques l'aga[i]t de IIIm hommez. Quant Jehan vint la, sy escrie noz barons : "Faux trahitours françoys, tous vous convient morir ! Vous ne veiréz maiz Charles, le vilhart sodoiant !" Respont Rollant : "Tu mens, faux trahitre !" Atant trait Durendal, sy broche vers Jehan, maiz il musat en bois : il savoit la voie. Et Aloris salt del agait a IIIm hommez sur noz barons (JEAN D'OUTREM., Myr. histors G., a.1400, 214). Et les convenoit (...) envoiier auqunes escoutes (...) pour savoir se chil archier faisoient nul agait ne asamblee. (FROISS., Chron. D., p.1400, 122). La ramille et li espinois espes empeschoient si les Rommains qu'ilz ne se pouoient plainement gaitier de leurs adversaires qui leur sailloient des agais ou ilz se fichoient quant ilz avoient fait leurs cours. (Faits Romains M., c.1400-1500, 263). ...Hanibal, par sa soultinetté, ochist en ung aguet deux tresvaillans conssulles de Romme (LA SALE, Salade, c.1442-1444, 39). Et cheaz de Blise et de Hourle et de là entour issirent fours en eaux resiwant et cachant, tant qu'ilh vinrent sour ledit await ; et là oit belle skermuche, et y eut del partie de cheaz de Blise et de Hourle pris que mors le nombre de VIIxx et X. (STAVELOT, Chron. B., a.1447, 114). ...vous, ambassadeurs d'icellui seigneurs, vous estes tenus contens de mectre la congnoissance de ladicte prinse et aguet de chemin publique faiz ou royaulme devant mondict seigneur et pere et hors du royaulme. (Lettres Ch. VIII, P., Pièces justif., t.1, 1483, 368).

b)

"Vol à la sauvette" : Tous lesquelx, veues lesdites confessions, perseveracions et continuacions par lui faites, la multiplicacion d'iceulx larrecins et aguez par lui faiz, et l'estat d'icelli, furent d'oppinion que l'en ne le povoit espargnier qu'il ne feust excecuté comme larron, et qu'il estoit un très-fort larron. (Reg. crim. Chât., II, 1389-1392, 39).

c)

Loc. En aguet

-

Estre en aguet. "Être posté en embuscade (avec des intentions hostiles)" : ...et que bon gait Face chascuns, car en agait Sont Sarrazins pour eaus destruire, S'il veoient leur queue luire. (MACH., P. Alex., p.1369, 96). Et en ce point le deable, quy jamais ne dort pour tant qu'il puist mal faire, se mist a l'ouvraige en aguillonnant un sien menistre qui estoit en aguet pour murdrir le vaillant comte. (Percef. IV, R., c.1450 [c.1340], 170).

.

[D'un animal] : Car nous trouvons que l'ours est en aguet contre l'homme et le lyon se caiche affin qu'il ravisse l'omme. (ROB. HERL., Déb. fauc. lévr. H., c.1470-1500, 35). Les bestes que nous prenons, sont contraires et nuysibles, comme sont lyons, loups et autres bestes devant dictes, qui sont tousjours en aguet contre humaine nature (ROB. HERL., Déb. fauc. lévr. H., c.1470-1500, 38).

-

Mettre en aguet. "Placer en embuscade une personne, un animal" : ...aucuns leonceaux ravissans, mis en aguet pour esgrattiner le gardin et tourner l'arbre en hideuse gastine, voians ses hardies emprinses, retournerent en leurs duyeres, comme fort honteux et camus (MOLINET, Faictz Dictz D., 1467-1506, 246).

d)

Sans aguet. "Sans piège, sans risque" : De la parfaicte et bonne congnoissance, Qui tost aprés, sans aguet de desroy, On vit regner par grant benivolence Entre le pape et le vertüeux roy. (LA VIGNE, V.N., p.1495, 232).

e)

Loc. verb.

-

Faire aguet (sur qqn). "Monter une embuscade (contre lui)" : ...le dit Martin fist pluseurs aguez sur le dit suppliant pour le tuer et mettre à mort, et finablement tant l'espia et aguetta que, un jour (...) ainsi que le dit suppliant cuidoit aler en sa marchandise, ycellui Martin (...) comme provocant et aggresseur, envay le dit suppliant (Doc. Poitou G., t.5, 1380, 129).

.

Faire faire un aguet. "Faire dresser une embuscade" : Or oiez de Gombert le traytour lanier : Pour le boin duc Herpin occire et detranchier Ait fait faire ung agait deden ung boix plennier. (Lion Bourges K.P.F., c.1350, 638).

-

Mettre embusche et aguet sur qqn. "Lui tendre un piège" : Sy entra le déable au coeur de cestui et lui donna volenté cruelle et la plus inhumaine des autres, et voulut ainsi la malheureuse aventure de tous deux, que ainsi que l'un plein de venin et du conseil de l'ennemy un jour avoit mis embusche et aguet sur l'autre (CHASTELL., Chron. K., t.3, c.1456-1471, 435).

-

CHASSE Traire à aguet. "Tirer (sur l'animal) en étant posté en embuscade, en prenant toutes les précautions pour ne pas être perçu" : Item, archier qui veut traire a aget doit querre les bestes a pié bien matin ou la relevee, a heure que bestes sont relevees, et doit aler tout seul, son arc en sa main, et doit aler contre le vent, de voie en voie, tout bellement, et doit aler les sentes couvertes parmi les fors ou il cuide miex trouver les bestes. (HENRI FERR., Modus et Ratio, Livre deduis T., c.1354-1377, 133). Et se doit tous jours tenir au dessous du vent, et doit avoir a la bouche un petit foullet pour couvrir son visage, et ainssi doit aprochier la beste a quoi l'en veut traire a aguet. (HENRI FERR., Modus et Ratio, Livre deduis T., c.1354-1377, 134).

f)

Prov. Pire est (r)encontre qu'aguet. "Quand on croit avoir échappé à un danger, il en survient un plus grand" : D'omme ne se doubtoient qui fust de mère vis. On eschape d'agait, mais encontres vault pis. (Baud. Sebourc B., t.2, c.1350, 218). "Baron," che dist Gaufer, "vous estes mi parent, Car j'ai, à che jour d'ui, par vous tous sauvement ; Mais s'à Nimaie vieng, je vous ai en couvent Que chascuns en ara .J. loïal païement !" Chil chevauchent à joie, ne se doubtent noient, Mais pis vault li encontres que li agais souvent. (Baud. Sebourc B., t.2, c.1350, 378). Pour c'on dit ung proverbe qui est bien a dobter : Aultretant d'un encontre que d'un agait paisser. (Lion Bourges K.P.F., c.1350, 363). Tremblés, mutins, mamelus et Liegois, Courés, vollés que bougons empennés, Tremblés, cités, villes, chasteaux et tois, Prenés exemple aux orguilleux Gantois, Comment ils sont riflés et ramonnés ; Ainsy serés des meures ramenés, Se riens avés venu de mal acquest : Aujourd'huy vault pis rencontre que aguet. (MOLINET, Faictz Dictz D., 1467-1506, 231).

Rem. Cf. J. Morawski, Prov. fr., 1925, n° 1635, 59.

2.

Au plur.

a)

"Piège, traquenard, embûche " : Temptez est homs par maintz aguez, Combien qu'il soit saillant et guez ; Mais le plus si sont decheü, Se Dieu me [l. ne] doint bonne vertu, Par bourdes et par fol semblant (Renart contref. R.L., t.2, 1328-1342, 78). Nulz aguetz ne sont si repot Com ceulx qui se voeullent tappir Soubz couverture de servir. (Renart contref. R.L., t.2, 1328-1342, 102). Et d'autre partie il sunt plus seurement et vivent plus sans peril que ne funt les autres ; car l'en ne fait pas contre eulz communelment agaes ne machinations ne il ne se estudient a faire fraudes et deceptions. (ORESME, Pol. Arist. M., c.1372-1374, 187). ...ilz ne fussent par les agais Des femmes prins, mors ou desers. (DESCH., M.M., c.1385-1403, 182). ...quans aguetz d'ennemis, dangiers des servans (...), ligues et riotes entre les siens, prince menant guerre est tenu d'escouter (CHART., Q. inv., 1422, 46). Et de ce dist Vallerius que la force punicque fut instruite des agaitz et trischeries d'Auffricque (LA SALE, Salade, c.1442-1444, 48). Qui voeult eschever les aguets et perilz de son chat quant il est mascle, si lui coupe tout jus une paulme de sa queue ; car aprés que il a quatre ans, il pense nuyt et jour comment il pourra son maistre estrangler. (Ev. Quen., II, c.1466-1474, 137). Et combien que la fortune tournast contre luy, ce ne fut pas sa faulte d'emprandre ne de faire, et osa accomplir en sa personne ce que tant de princes abaient et menassent, et dont les ungs demeurent en negligence de la foy, pour leurs aises et delisses mondainnes et d'aultres pour leurs aguectz diaboliques, querans les pertuys et les voyes pour surprendre leurs voisins à la desmarche, pour les destruyre (LA MARCHE, Mém., I, c.1470, 200).

b)

En partic. "Piège tendu à l'homme par le diable" : ...que descendre Vostre grace faciez en my, Que des agaiz a l'ennemy Et des assaulx que tempre et tart Me fait souvent, vierge, me gart (Mir. st J. Paulu, c.1372, 95). Jhesus, qui tant souffris pour nous, je te requier pour la pitié dont regardas ta Mere quant lui baillas pour toy Saint Jehan a fils, disant, "Femme, voy ci ton fils," et au disciple, "Voy cy ta mere," que tous tes serfs justes tu vueilles conserver en estat de grace jusques a la fin, et deffendre des agais de l'ennemi. (CHR. PIZ., Psaumes allég. R., 1409, 143). Et, contre les agais nuisables Des diables, escus profitables Me soies pour m'ame garder. (Prières saints R., t.2, c.1415, 287). ...car d'autant que les personnes sont plus dignes et plus hautes en divine commission, d'autant contendent plus et mettent subtils aguets les déables pour les faire perdre confusément. (CHASTELL., Chron. K., t.3, c.1456-1471, 249).

c)

"Préparation frauduleuse, mets empoisonné" : Pense illec venins (...) Enchantemens, poisons, agays De toriaux, (...) Qu'elle puist lors pour soy vengier A son mary faire mangier (DESCH., M.M., c.1385-1403, 64).

C. -

"Attention, intelligence appliquées à un projet"

1.

[Avec une valeur positive] "Habileté, disposition, ruse" : Thamaris, qui fu de sens plaine, De grant agait se pourpensa (CHR. PIZ., M.F., II, 1400-1403, 206). ...mais le vaillant mareschal, par son sens et par son agait, leur estoit sur le col ains que ilz s'en donnassent de garde (Bouciquaut L., 1406-1409, 99). ...se (...) ressourdre et oster la victoire de la main du vainqueur. Telle oeuvre avons nous a mener, en quoy plus chiet d'aguet et de sens que d'ouvraige de chaude colle. (CHART., Q. inv., 1422, 35). ...la constance et courageuse amonicion du roy Preamus redoubla la proesce du vaillant Hector, les aguaitz et advisé gouvernement de Hannibal firent a ses gens passer les Alpes et les grans maraiz et merveilleux passaiges sans grans dommaiges (CHART., Q. inv., 1422, 62).

2.

Loc. [Avec une valeur positive ou nég.]

a)

[Faire qqc.] d'aguet/par aguet

-

"En utilisant la ruse, la surprise, la fourberie" : Si la prist [la cité] assez de legier Par aguet et par tricherie, Quar l'autre duc n'y estoit mie. (Tomb. Chartr. Trois contes S., c.1337-1339, 76). Sire, en Gombaut a grant malice, Car nulles foiz assault ne fait Ne pongneis fors par aguait (Mir. Amis, c.1365, 11). L'un est tué par aguet et envie, L'autre en guerre, l'autre muert par rumour, L'un muert par feu, l'autre muert par navie (DESCH., Oeuvres Q., t.2, c.1370-1407, 18). Ainsi avez vous le troisiesme exemple, qui est comment convoitise de honneur vaine, qui n'est autre chose que concupiscence et voulenté désordonnée à tolir à autrui sa noble dominacion et seigneurie, fist ladicte royne estre murdrière, faulse et desléale, pour obtenir par force tirannique la couronne et seigneurie du royaume de Jhérusalem. Et si avez oy comment par agaiz et espiemens elle fut occise. (Doc. 1408. In : MONSTRELET, Chron. D.-A., t.1 c.1425-1440, 202-203). ...la court defent (...) que aucun (...) ne die, publie, afferme ou enseigne en la signeurie du Roy qu'il soit loisible à quelque vassal ou subgiet ou autre occirre aucun par aguet, blandices ou deceptions (BAYE, II, 1411-1417, 270). ...aucuns noz adversaires, d'aguet et par traison machinée au desceu dudit Pierre Glé, entrerent oudit chastel (Chancell. Henri VI, L., t.1, 1424, 76). Ce pendant ladicte mauvaise royne [Athalie] régna par l'espace desdiz sept ans, par tyrannie et desloyaulté. Et la huitiesme année le vaillant évesque la fist espier et occire de fait d'aguet, et fist couronner le petit enfant [Joas]. (Doc. 1408. In : MONSTRELET, Chron. D.-A., t.1 c.1425-1440, 202). ...lui meismes de agait le prist et lui trencha la teste (LA SALE, Sale D., 1451, 250).

-

"En utilisant les ressources de son intelligence" : ...qu'il avoit entencion et entreprinse de prendre par substilité et d'aguet la dite place... (Chron. Mt-St-Mich. L., t.2, Pièces div., 1442, 140).

-

"En cherchant à tromper, à jouer au plus fin" : Aucuneffoiz avient que elle ne se lieve point, mes, davant le jour, el se plaint et mignote tout a escient et d'aguet et le bon homme, qui l'a ouye, lui demande : "Qu'avez vous, m'amye ?" (Quinze joies mar. R., c.1390-1410, 36). Car avec son amy l'en ne doit mye besongner par aguet ou malice, maiz plainnement et rondement cuer a cuer. (Ménagier Paris B.F., c.1392-1394, 91).

-

"De propos délibéré" : ...les incontinens de concupiscences sont plus injustes en tant comme il sont plus couvers et font leurs choses par agueit et par appensement. (ORESME, E.A., c.1370, 384). Si comme celi qui de certain propos et par agueit fiert, il est plus a pugnir que celui qui fiert par chaleur de yre, ceteris paribus. (ORESME, E.A.C., c.1370, 292). ...comme non pensant ad ce qu'elle faisoit, tout d'aguet et a propos entra dedans la garderobe ou son mary encores estoit dedans le bahu clos. (C.N.N., c.1456-1467, 187).

b)

D'aguet + part. passé

-

D'aguet apensé. V. apenser

-

D'aguet précogité. V. précogiter

c)

P. métaph. Prendre qqn en/par aguet. "Le surprendre, le piéger" : ...fait l'umble et le doulx Pour prendre dames en aguet (CHART., B. Dame, 1424, 358). Et Bel Acueil lui raconte tout de bout en bout, comment il avoit esté emprisonné par la vielle Jalousie et comment par aguet l'avoit pris et baraté mauvaisement (RENÉ D'ANJOU, Cuer am. espris W., 1457, 53).

d)

Coup d'aguet. "Coup destiné à surprendre l'adversaire, feinte" : ...à la cinquiesme venue, le seigneur de Ternant, qui marchoit et feroit à coup d'aguet, surprint ledit Galiot, et luy donna si grande atteinte ou haut de la piece, qu'il desmarcha ledit Galiot. (LA MARCHE, Mém., II, c.1470, 73). Il avoit l'espée au poing et monta jusques au plus hault, et contendoit de copper ladicte picque dont ledit Gantois deffendoit moult fierement la porte. Plusieurs cops d'aguet et d'avis rua le Gantois de la picque, pour cuyder l'escuyer atteindre, qui se soubstenoit vaillamment et contendoit d'entrer en la tour et de gaigner l'entrée à son povoir. (LA MARCHE, Mém., II, c.1470, 306).

e)

[Personne] de mauvais aguet. "[Personne] capable de ruse, capable de tendre un piège à qqn" : Sommes-nous gens de malice et de mauvais aguet pour faire venir le fils d'un roy de France en nostre ville, ensemble nostre naturel prince et seigneur, soubs ombre de paix, et de leur vouloir faire révérence et solempnité, et puis les tuer et murdrir ? (CHASTELL., Chron. K., t.3, c.1456-1471, 410).