A. -

[Corresp. à abuser de]

1.

"Fait d'abuser de qqc., d'en faire mauvais usage, d'en user avec excès" : Flateur pourra icy dire : "Reprens tu les habiz a roynes, a damez, a damoiselles ? Veulz tu qu'ellez soient vestues comme femmes de village ou comme beguinez ?" Response : je ne reprouve que l'excez et l'abuz et l'orgueil et le mal acquest. (GERS., Annonc., a.1400, 238). Je ne te acorde pas que pour l'abus dez recevans soit frustee la charité du donneur. (CHART., L. Esp., c.1429-1430, 56). Desloyal Mahommet, tu promettoies moderer (...) maiz ta moderation est tournee en abuz (CHART., L. Esp., c.1429-1430, 122).

-

"Mauvais usages [des textes]" : ...lez maistrez de leurs synagoges lez nourrissent en abus, et pervertissent le sens dez saintes lettres (CHART., L. Esp., c.1429-1430, 106).

-

Par faux abus. "Par mauvais usage" : ...au pont de Saint-Clo (...) Fu Antonnes de Croy pour garder pourvéus, Mais une garde y mit, qui puis par faus abus Le garda maisement ; car par luy fu vendus Aus faus Hiermygnasgois. Se s'en tint pour chamus (Geste ducs Bourg. K., c.1410-1419, 504).

-

C'est abus : : LE PRINCIPAL. Soffise toy, n'en parlez plus, Aultrement ce seroit abus (Sots gard., a.1488, 113).

2.

"Excès, désordre" : ...la vous trouverrez les abus de la guerre, et les choses qui povoient mouvoir a paix, et aussi telles qui povoient mouvoir a paix et a non faire guerre (JUV. URS., Nescio, 1445, 523). Le dit du Saige trop lui feiz [au mauvais enfant que j'étais, ou à ma jeunesse folle] Favourable, bien en puis mais ! Qui dist : "Esjoïs toy, mon filz, En ton adolessence", mes Ailleurs sert bien d'un autre mes, Car "Jeunesse et adolessance - C'est son parler, ne moins ne mes - Ne sont qu'abuz et ygnorance". (VILLON, Test. R.H., 1461-1462, 36). A jeunesse feray despit ; Fuyr veulx ses mauvays abuz. (Pass. Auv., 1477, 117). Las, voz mains sont plaines de sang Du cruxiffiement de Jhesus, Et si faictes si grand abus Que vous estes venus au temple, Ung tas de murtriers tout ensemble, Qu'est contre nostre loy vrayement ! (Pass. Auv., 1477, 266). De donner provision au fait de la police et justice desdits pays là où il [Anthoine de Chabannes] verra et trouvera les faultes et corriger les abuz et de y mettre et donner tel ordre pour le temps advenir qu'il verra estre à faire au bien de nous tous. (LE CLERC, Interp. Roye, c.1502, 229).

-

"Exercice excessif d'un pouvoir (notamment à propos de la justice ecclésiastique) ; action contraire au droit, à la justice" : Pourquoy, nous, qui ne voulons lesdiz maléfices et habus qui sont dignes de grant pugnition passer soubs dissimulation ne iceulx demourer impugnis, sur ce, eu grant et meure délibération et advis de notre conseil, attendu que lesdiz Maïeur, eschevins et procureur de Dijon ont delinqué en faisant les choses dessusdites en leur justice qui leur a esté octroyé par nos predécesseurs et nous et en abusant folement d'icelle au grant contempt et mesprisement de nous et de notre souveraine justice, comme dit est et pour pluseurs autres justes causes et raisonnables, vous mandons et par ces présentes commectons que... (Chartes communes Bourg. G., t.1, 1427, 100). ...que vos officiers leur baillent [aux ecclésiastiques] par escript et declaracion les abus que ilz veullent maintenir estre commis par les juges ecclesiastiques (JUV. URS., Verba, 1452, 402). Aussi, monseigneur, tous les estas du payz, tant messeigneurs de l'Eglise, messeigneurs les nobles que le commun et la chose publique en general, vous devez avoir l'ueil à faire droit à ung chascun, à vostre povoir, et faire justice au foeble comme au fort et au povre comme au riche, ne avoir faveur ne hayne tant à amy comme à ennemy. Si vous savez que messeigneurs de l'Eglise facent aucuns abuz, vous devez advertir le Roy. Si messeigneurs les nobles veullent faire aucune force, vous ne leur devez pas souffrir, pour ce que vous avez la force. (BUEIL, II, 1461-1466, 27). Et Dieu veult qu'on face raison à chascun. Et, pour ce, ne veult pas le Roy que nul ayt cause de soy plaindre de luy. Et, pour vous advertir touchant le fait des saufconduictz, beaucoup de gens y veullent donner des abuz en plusieurs manières et les vuellent empescher et y prendre marque ; ce qui ne se peult ne doit faire, pour ce que celluy qui prent le saufconduit est ton ennemy, et, si n'estoit pas ton ennemy, il n'achetteroit pas ton saufconduit et ne viendroit pas à toy, s'il n'estoit asseuré. (BUEIL, II, 1461-1466, 28).

.

Abus de justice : ...octroions que les dis prelas, gens d'eglise, barons (...) demeurent quittes (...) de toutes tailles, imposicions, prinses de blez, de vins, bestes et autres choses, d'abus de justice fais par eulx, ou aucuns d'eulx, en leurs terres et pooir, et sur leurs subgiés ou alliés, en quelque païs et en quelque temps, et contre quelconque personne que ce soit, sans ce que l'en leur puisse jamais riens demander pour le temps passé (Doc. Poitou G., t.4, 1372, 186-187). Las moy, bon Dieu, quele moquerie, quel monstre en bonnes meurs, quel abus de justice est ce maintenant veoir les hommes laboureurs, simples, innocens, sanz cruaulté et sanz armes, qui nuyt et jour demeurent en povres maisonnetes, si sobrement repeuz et vestus de leurs propres labours que a peines ilz appaisent la faim, et de vilz palestreaux ilz cueuvrent leurs necessaires membres recourbez et froissiez par continuel labour. (PREMIERFAIT, Cas nobles hommes G., 1409, 85). ..et, s'il [le sire de Pons] voit que besoing soit, acompaigné de tant et telz gens qui luy plaira, mander et faire venir devers lui les nobles, officiers et autres dudit pays en telz lieux qu'il verra estre convenable, pour soy informer avecques eulx et autrement, ainsi qu'il verra mieulx estre à faire des extorcions, entreprinses, abus de justice et autres griefz indeuement faiz à noz subgectz dudit pays ; aussi des entreprinses et intelligences que aucuns desdits pays ont avecques noz anciens ennemyz, les Angloix, pour mettre et livrer nostredicte ville de Bourdeaulx et pays de Bordeloix es mains et subgection de nosditz ennemis les Angloix. (LE CLERC, Interp. Roye, c.1502, 228).

.

Appeler comme d'abus. "Faire appel pour excès d'ordre juridique (notamment de l'autorité ecclésiastique)" : Et fu dit en l'Eschiquier de Saint Michel 1348 que le juge royal pourroit revoquer la congnoissance de la cause, mesme en cas d'heritage, devant le juge d'eglise, supposé que la contestation fut sur ce donnée par devant icellui juge, et faire cesser le juge d'eglise et venir les parties plaider devant luy, mais que la revocation fut faite, ains qu'il y eut sentence de laquelle le condamné pourroit appeler comme d'abus en respondant de secondes procedures volontaires. Car les sujets du roi ne peuvent proroguer jurisdiction en court ecclesiastique. (Echiq. Normandie S., 1348, 16-17).

Rem. Cf. F. Lot, R. Fauwtier, Hist. des instit. fr. au Moy. Âge, t.2, 1958, 459 et t.3, 1962, 458-459 : appel comme d'abus, procédure inaugurée par le Parlement en 1448.

3.

"Action abusive exercée à l'encontre de qqn ; exaction"

-

Faire un/des abus (à qqn). "Exercer une action abusive sur qqn ; le maltraiter, le malmener" : ...tant faire D'abus, d'excès, d'extorcions (DESCH., M.M., c.1385-1403, 156). ...ledit Maciot Beauté criera mercy en la Court de ceans et demandera pardon au procureur general du Roy des abus et exactions par lui commis et faictes ou prejudice de la chose publique (FAUQ., I, 1417-1420, 381). ...la cognoissance des deliz, malefices, excès et abus qui pourroient estre faiz aus devant dis parroissiens... (Chron. Mt-St-Mich. L., t.1, Pièces div., 1425, 197). ...et que pour l'abus qu'il ly ont fait, il soient condempnez chacun en une emende arbitraire à appliquer à mondit seigneur et juesques à la somme de cent L salutz (Ecorch. Ch. VII, T., 1447, 502). En ce temps messire Robert d'Estouteville, chevalier (...) fut mis et constitué prisonnier en la bastide Saint-Anthoine à Paris (...) pour aucunes injustices ou abus qu'on lui mettoit sus qu'il faisoit en excercant sondit office (ROYE, Chron. scand., I, 1460-1483, 11). ...iceluy duc de Bourgogne, par ses promesses et abus qu'il faisoit aux habitans, fist en pluseurs lieux mectre hors les gens du roy, et mectre les places et villes en son obéissance. (RAOULET, Chron. Ch. VII, V., c.1461-1467, 158). En ceste partie est Enfer Ou sont Sathan et Lucifer, Belial et Bellezebuthz Qui aux pecheurs font maintz abus (Myst. st Laur. S.W., 1499, 125).

-

Abus de délit charnel. "Abus sexuel" : Et aucuns se delictent en mangier charbons et terre, et les autres en abus de delit charnel avecques enfans masles. (ORESME, E.A., c.1370, 381).

B. -

[Corresp. à abuser qqn] "Tromperie" : Vous sçavez qu'il est ung edict, Par toute Judee imposé, Que, s'il est homme si ozé Qu'i vueille empeschier les tribuz De l'empereur par quelque abuz, Il est jugié a mort cruelle. (GRÉBAN, Pass. J., c.1450, 226). ...pour plus et mieux entretenir ledit mestier et marchandise et bonne police y estre gardée, au bien public et prouffit de la chose publicque, estoit necessaire desdites ordonnances corriger aucuns poins et articles, d'y en adjouster aulcuns pour eviter aux fraudes, malversations et abbus qui chascun jour audit mestier et marchandise se pourroient faire par chacun desdits maistres et varletz d'icellui mestier (Mét. corp. Paris L., t.1, 1464, 557). LE JUIF. (...) Cest homme estant en povreté Et en grande necessité, Vint vers moy et, par ces abus, Luy prestay jusqu'a cent escus (Mir. st Nic. juif, c.1480-1500, 118). ...et soudainnement, par adversité, viellesse ou maladie tout est renversé et mys en ruÿne et perdicion et tourne espoir en abuz, plaisir en douleur, fiance en desespoir. (LA MARCHE, Triumphe dames K.-B., p.1488, 61). Ainsi que le poisson a l'ain Est pris a l'apast d'un achet, Vous prend le faulx dieu incertain, Par ses abus, au trebuchet (LA VIGNE, S.M., 1496, 297).

-

Jouer d'abus. "Tromper" : Je m'apperchois bien, par cest croix, Que mes gens m'ont joué d'abus (Pasté T., c.1475-1500, 196).

-

P. personnif. : Cuiderïe je suys et Abus ensement, Qui sommes cy venus pour cuider seulement Vouloir prendre les grues en volant se poons. (RENÉ D'ANJOU, Cuer am. espris W., 1457, 176).

-

"Chose illusoire, trompeuse" : Les biens mondains, les honneurs et les gloires Qu'on ayme tant, desire, prise et loe Ne sont qu'abus, et choses transitoires (TAILLEV., Rég. fort. D., c.1445, 234).

C. -

[Corresp. à s'abuser] "Erreur, divagation" : ...et, a voir dire, Dyent aulcuns, par grant abus, Qu'il fu filz de Nabtanabus (CHR. PIZ., M.F., IV, 1400-1403, 29). Je pensse que nous ferons sens, Car de le querir cy entour Il n'y fault ja faire retour : Ce seroit abus a nous deux. (GRÉBAN, Pass. J., c.1450, 391). ...celluy qui demande conseil a aultruy doit avoir ceste ymagination en soy que celluy auquel il se conseille soit plus sages que luy et plus vertueux. C'est donques grant abus de demander conseil a homme vicieux. (FILLASTRE, Traité Conseil H., c.1472-1473, 152). Item se il estoit ung mal souverainement duquel procederoient tous maulz, il s'ensievrroit que, selon le corps, Cristus seroit de ce mal principe, car en son corps a esté le mal de paine, comme sa passion et sa mort et aultres paines qu'il souffrit demonstrent, laquelle chose dire est abus comme puet apparoir par les choses dessus dittes. (Somme abr., c.1477-1481, 107). Vostre nom, que nous le sachon, Affin qu'il n'y ait point d'abus. (Dorib., p.1480, 246). Par legierement croire, qui est tres grant abuz, sont pluiseurs gens de bien a male fin venus. (COLART MANS., Dial. créat. R., 1482, 206). ...par ignorer la grande differance qui est entre ladicte vraye science de astrologie et les ars divinatoires et supersticieux, venoient plusieurs grans et ennormes abbuz ou royaume de France, j'ay voulu employer mon petit entendement à vous faire ce present Elucidaire, pour vous monstrer et donner clerement à congnoistre et à iceulx detracteurs, comment astrologie est vraye science (SIMON DE PHARES, Astrol., c.1494-1498, f° 1 v°).

-

C'est abus de + inf. "C'est faire erreur que de" : Si fault dire que c'est abuz De croire qu'il [Cristus] soit né encores. (GRÉBAN, Pass. J., c.1450, 120).

-

Sans abus. "Sans erreur ; assurément" : Mais sy est il bien comparé ; Sans abuz sera reparé Par diffinitive sentence (Au grey d'amours F.-H., c.1400-1500, 186). On luy mect sus [à Jésus-Christ] Que des pechés, tant soient ilz ors, Donne remors Es pecheurs sans estre confus, Et qu'ad nul il ne fait reffus, Mes sans abus Il veult a chascun complaire. (Pass. Auv., 1477, 136).

-

"Pensée confuse (ici à la suite d'une trahison)" : La dame, qui plus sçavoit de barat qu'on ne pourroit penser, se mist au chemin aprés son seigneur et luy demanda qu'il avoit. "Ce ne sçay je mye, dame," fait il, "car trop ay d'abbuz en ma teste. Pourquoy vous, Haston et Fromont m'avez ainsi faulsement et desloyaulment tray ?" (Beufves Hant. I., c.1499-1503, 22).