"À l'aise, dans l'aisance" : Et fu en pou de temps l'eglise et la prieuré assouie, et mis moynes blans dedens jusques a VIIJ., qui portent en leur desouzain habit une croix azuree, et [les deux frères] les renterent bien pour vivre aaisiement, et encores y est. (ARRAS, c.1392-1393, 76). Uriiens et sa gent se logierent es logeiz des Sarrasins, et manderent leur sommage, qui furent moult joyant de la victoire, et s'en vindrent liement en l'ost, et se logierent bien aaisiement. Et firent les deux freres partir l'eschec si bien que chascun s'en tint a bien a paiez. (ARRAS, c.1392-1393, 113). Dont, dist Anthoine, vaut il mieulx qu'ilz l'appreingnent la peine de souffrir leurs harnoiz en temps que ilz le pevent faire a leur aise et eulx rafreschir seurement, pour savoir la maniere comment ilz le pourront plus a aisiement [l. plus aaisiement] souffrir quant mestier sera, que s'il leur convenoit apprendre entre leurs ennemis, en doubte et en durté. (ARRAS, c.1392-1393, 156).