| 26 exemples | | 1 | Car elle [Fortune] n'est ferme n'estable, Juste, loyal, ne veritable ; Quant on la cuide charitable, Elle est avere, Dure, diverse, espouentable, Traïtre, poignant, decevable (MACH., R. Fort., c.1341, 34). | |
| 2 | Et, biau sire, Bonne Esperence Qui moult a valour et puissance, Comme sage et bien doctrinée, Loial, juste et bien avisée, Vous a consillié sagement, Ce m'est avis. (MACH., R. Fort., c.1341, 139). | |
| 3 | J'ay oy dire que li angles, Li saint, les saintes, les archangles, De vois delie, seinne et clere, Loent en chantant Dieu le pere, Pour ce qu'en gloire les a mis Com justes et parfais amis, Et pour ç'aussi que de sa grace Le voient adès face a face. (MACH., Prol., c.1377, 10). | |
| 4 | Or vueilliez, s'il vous plaist, espondre Le fait de quoy vous vous dolez ; Et s'einsi faire le volez Vous ensieurez la juste voie De droit, ou je ne saveroie Le fait congnoistre ne niër. Se non, vous devez ottriër Que je m'en voise frans et quittes De ce forfait que vous me dites (MACH., J. R. Nav., 1349, 166). | |
| 5 | Fai einsi, si feras que sages, Car c'est uns bons et biaus usages, Et cils qui a Dieu souvent compte, Il li rent bon et juste compte. Mais viez pechiés et vieilles debtes Font a Dieu compter a clingnettes, C'est a dire qu'il n'i voit goute. Non fait cils qui le compte escoute. (MACH., C. ami, 1357, 122). | |
| 6 | Et vesci ce qu'il [les Vénitiens] respondirent. Premierement il li offrirent Navie, qu'il delivreront à tous ceuls qui passer vorront, Et avec ce juste nol pris, Et encor, se bien l'ay compris, Ayde, faveur et confort. Li roys les mercia moult fort De leur aïde et de leur offre, Qui vaut d'or fin tout plain un coffre (MACH., P. Alex., p.1369, 49). | |
| 7 | Après li feïrent requestes, Qui n'estoient justes ne honnestes. Et vraiement il demandoient Choses qu'à faire n'afferoient ; Dont li gentils roys amast mieux Qu'on li eüst crevé les yeux, Et que mais n'afulast heaume, Ou avoir perdu son royaume (...) Qu'il leur acordast telement, Et qu'a toute peinne s'offrist Qu'en son royaume les soffrist. (MACH., P. Alex., p.1369, 203). | |
| 8 | [Guillaume] A attenté contre Franchise, Et tout de sa premiere assise, Quant ma dame a point l'aprocha Dou fait qu'elle li reprocha, Et il s'en senti aprochiez A juste cause et reprochiez. Il ala avant par rigueur, Et se mist toute sa vigueur Pour lui deffendre encontre li. (MACH., J. R. Nav., 1349, 260). | |
| 9 | Pour ce fait bon parler a point Par scens, par avis et par point, Doucement, sans maniere ruste, Et demander ce qui est juste, Car encontre bon demandeur Appartient bon escondisseur. (MACH., R. Fort., c.1341, 139). | |
| 10 | Qui porroit bien ces poins entendre Et il y voloit garde prendre, Il porroit vëoir clerement D'Amours le juste paiement Sus ceste comparison faite, Qui de l'alerion est traite, Des peles qui tranchamment taillent, Tant que juste partie baillent A chascun selonc ce qu'il pense, Dont Amours de droit recompense Ce qu'on a fait ou qu'on vuet faire, Et selonc l'uevre le salaire. (MACH., D. Aler., a.1349, 339). | |
| 11 | Si qu'il n'est doleurs ne meschiez Dont cuers d'amans soit entechiez, Qui soit de si triste marrien Com celle qui n'espargna rien Que Hero ne meïst a mort Pour son ami qu'elle vit mort, Ne nuls n'en porroit par raison Faire juste comparison, Ne que de fiel encontre baume. Et pour ce je vous lo, Guillaume, Que cils debas soit en deport ; Car vraiement, vous avez tort. (MACH., J. R. Nav., 1349, 251). | |
| 12 | La ne trouvasses verité, Equité, raison ne pité, Plaisence, amour, fors le contraire De tout ce qu'on te deüst faire. Tout ce pues vëoir clerement Par vray et juste experiment, Car maint en sont mat et perdu, Honni, destruit et esperdu D'estat, d'onneur et de chevense, Et maint de ceste pestilence Sont mort, dont leur hoir tel seront Que jamais ne reverdiront. (MACH., C. ami, 1357, 101). | |
| 13 | Pour Dieu, ne soies variables, Mais justes, fermes et estables, Autant pour toy com contre toy, Et n'oublie pas mon chastoy, Car ç'affiert trop bien a personne Qui vuet que Dieus honneur li donne. (MACH., C. ami, 1357, 102). | |
| 14 | Vulcans fu en l'eure mandez. Mars li dist : "A moy entendez. Vous avez des dieux la science, Et vraie et juste experience, L'auctorité et la maistrie Seurs tous ouvriers qui sont en vie Pour un homme armer proprement, Richement et seürement. Faites moy unes armeüres, Bonnes et belles et seüres, Qui seront pour cest enfançon..." (MACH., P. Alex., p.1369, 7). | |
| 15 | Et aussi la juste balance Li demoustroit signefiance Qu'elle devoit en tous cas vivre Aussi justement com la livre Ou on ne puet, par nulle voie, Mettre n'oster, qu'on ne le voie. (MACH., J. R. Nav., 1349, 177). | |
| 16 | ...ton roiaume et ta puissance A Dieus mis en une balance. Mais la balance juste et fine Clerement moustre et determine Que tu es cils qui meins y a Pour l'orgueil qui te conchia Et conchie de jour en jour, Quant en toy fait si lonc sejour, Qu'i ne puet nullement souffrir Que tu ailles ton cuer offrir Au vray dieu qui fist tout le monde... (MACH., C. ami, 1357, 33). | |
| 17 | ...sa face blanche et vermeille, Par juste compas faite a point, Si que meffaçon n'i a point (MACH., R. Fort., c.1341, 55). | |
| 18 | Par dessus tout me servoit et cremoit ; Son cuer, s'amour, sa dame me clamoit ; Tous estoit miens ; mes cuers bien le savoit ; Ne riens desplaire Ne li peüst qui a moy deüst plaire. De nos deus cuers estoit si juste paire Qu'onques ne fu l'un a l'autre contraire ; Einsois estoient Tuit d'un acort ; une pensée avoient ; De volenté, de desir se sambloient (MACH., J. R. Beh., c.1340, 63). | |
| 19 | Tu, sires, par douce pité Has promis, selonc ta bonté, Remission et penitence Des pechiés qui nous font grevence. Tu, qui es sires vrais et justes, N'as pas mis penitence aus justes, Ne rien remis de leur pechié, Pour ce que n'ont mie pechié. (MACH., C. ami, 1357, 54). | |
| 20 | Vous l'avez appellé de gage, Sans nulle cause, par outrage ; Si que vous vous en desdirez, Et devant chascun li direz Qu'il est preudons, justes, loiaus, Et qu'onques ne fu desloiaus, Et qu'en li nul mal ne savez, Et aussi que vous le tenez Pour bon et loial chevalier, Veritable, ferme et entier (MACH., P. Alex., p.1369, 242). | |
| 21 | Quant Susanne son jugement Vit et sa mort apertement, A haute vois, sans detrier, Les mains jointes, prist a crier : "Sire Dieus, qui es pardurables, Justes juges et raisonnables, Tu scez les choses reponnues, Les alees et les venues ; Tu congnois des cuers les pensees, Einsois qu'elles soient pensees ; Tu scez tout, einsois qu'il soit fait..." (MACH., C. ami, 1357, 10). | |
| 22 | Li dieus qui point ne faut ne ment, Qui n'a fin ne commencement, Qui est fermes, justes, estables, Regnans sans fin et pardurables, A veü et congnut les ouevres De quoy tu as ouvré et ouevres. (MACH., C. ami, 1357, 32). | |
| 23 | ...S'elle estoit toudis en un point Et de raison usoit a point, Si qu'envers tous fust juste et une, Elle ne seroit pas Fortune. Mais pour ce qu'elle ne sejourne, Eins se change, mue et bestourne En fait, en dit, en renommée, Est elle Fortune nommée. (MACH., R. Fort., c.1341, 93). | |
| 24 | ...les innocens opprimoies Et les courpables delivroies, Et Dieus dit qu'on n'ocie mie L'innocent et juste de vie. (MACH., C. ami, 1357, 13). | |
| 25 | Sires Dieus, qui es tous puissans, Qui gardes tes oubeïssans, Dieus de nos peres Abraham, Ysaac, Jacob, qui maint ahan Heurent pour t'amour en leur vie, Dieus es de leur juste lignie (MACH., C. ami, 1357, 52). | |
| 26 | Daniel dou lac aus lions, Pour ses bonnes conditions Et pour ce que Dieus l'ot trouvé Juste, quant bien l'ot esprouvé, A grant honneur le delivra Et si le roy Daire enyvra De s'amour qu'en plus haut degré Le mist qu'onques mais, tout de gré, En despit de ses annemis (MACH., C. ami, 1357, 57). | |
|
