| 118 exemples | | 1 | NOSTRE DAME. Ma suer, je te vien visiter Pour la pitié que j'ay de toy (Mir. enf. diable, c.1339, 18). | |
| 2 | Il respondi moult doucement : "Dous amis, par mon serement, Vous soiez li tres bien venus. Longuement vous estes tenus De moy viseter et vëoir. Mais puis qu'estes en mon pooir, Foy que je doi sainte Marie ! Einsi ne m'eschaperez mie, Ains me direz de vos nouvelles, Car je croy bien et pense qu'elles Sont courtoises et aggreables, Beles, douces et honnourables..." (MACH., F. am., c.1361, 188). | |
| 3 | ...voulant dire que s'il mentoit, il lui cousteroit la vie, à cause de quoy plusieurs aloient visiter ledit Pierre, affin qu'il se desdist, ce qu'il ne voult faire (SIMON DE PHARES, Astrol., c.1494-1498, f° 159 v°). | |
| 4 | Ce jour, m'a enjoint la Court (...) que je ne baille à aucuns de messieurs aucun procès à visiter que touche aucun de messeigneurs les ducs de Berry, de Bourgoigne, oncles du Roy (BAYE, I, 1400-1410, 18). | |
| 5 | Ce jour, a esté visité le procès d'entre Pierre Amiot, d'une part, et J. Prevost, dit Merveillier, d'autre part (BAYE, I, 1400-1410, 312). | |
| 6 | Et fu visité et jugié le procès de maistre J. Fusons [l. Jean Fusoris], maistre en ars, en médecine, en théologie (Ch. VI, D., t.1, 1416, 377). | |
| 7 | Si voulons et vous mandons que en toute diligence vous veez et visitez ledict procés et sur icelui donnez et prononcez vostre arrest et en brief (Lettres Ch. VIII, P., t.3, 1490, 75). | |
| 8 | En demantiers que le fruit est es champs et es vignes, le maire doit au moins une foiz la sepmaine visiter les messex et les vignex par les champs et par les vignes ; et doit enquerir de leur afaire et s'il font bien leur office loyaulment (Cout. bourg. glosé P.M., c.1380-1400, 33). | |
| 9 | ...mais voulons et ordonnons que en chascun mestier soient esleuz par nostredit prevost, appellez ceuls que bon lui semblera, certains preudoumes dudit mestier pour visiter icelui, afin que aucunes fraudes n'y soient commises ; lesquelz y seront ordonnez et instituez par nostredit prevost de Paris ou son lieutenant ou autre commis a ce de par lui, lesquelz seront tenus de visiter les denrées selon l'ordonnance de nostredit prevot et seront nommez et appelez visitateurs du mestier duquel ils seront et de tous delinquans ou defaillans en leur mestier, nostredit prevost de Paris de par nous, ou son lieutenant, ou autres commis a ce de par lui, auront toute la cognoissance, juridicion et justice, fors que nostredit prevost tant seulement (Mét. corp. Paris L., t.1, 1383, 51). | |
| 10 | Et aussy nuls desdiz maistres ou apprentilz ne se pourront louer à festes ou nopces, jusques à ce que jceluy roy des ménestrelz ou sesdiz depputez, les ayent une foys vuz, visitez et passez pour suffisans ; à laquelle visitation jcelluy (roy) ... (Mét. corp. Paris L., t.1, 1407, 97). | |
| 11 | LE PREMIER CLERC. (...) [l'evesque] me chargea (...) Que de par li vous die [à l'abbesse] ainsi Que ceans vous vueillez tenir, Car il veult cy demain venir Pour visiter. (Mir. abbeesse, 1340, 83). | |
| 12 | L'EVESQUE. Seigneurs, alons nous ent le pas Visiter en celle abaie ; Car especialement la vie De l'abbesse voulray savoir Qui est, ce m'a l'en dit pour voir, D'un enfant grosse. (Mir. abbeesse, 1340, 90). | |
| 13 | Au jour d'ui, a esté ordonné maistre Pierre Buffiere et commiz à visiter les merceries du Palaiz durant la mainmise du Roy faicte par la Court (BAYE, I, 1400-1410, 29). | |
| 14 | SAINCT MARTIN. (...) Mais, apprés ma mort, par loisir, Tousjours je vous visiteray Et plus de biens je vous feray Que je ne fis oncq en ma vie, Car Jhesucrist je prieray Pour vous en la gloire assouvie. (LA VIGNE, S.M., 1496, 558). | |
| 15 | Item, fu ordonné que les maistres des oeuvres du Roy et II des seigneurs de ceans et le graphier avec eulx visiteroient le Palaiz et haut et bas (BAYE, I, 1400-1410, 219). | |
| 16 | ......il vous fault pour la cuyse pour chescune nuit .lx. torches (...) pour visiter la boucherie, patisserie, poyssonnerie et tout le fait de la cuisine. (CHIQUART, Cuis. S., 1420, 136). | |
| 17 | ...avec six livres tournois pour chacun des deux jours en l'an quant il plest audit senescal et les sergens fieffés aller visiter en sa compaignie lesdictes forestz (HECTOR DE CHARTRES, Cout. R., 1398-1408, 138). | |
| 18 | ...et que lesdis generaulz maistres des monnoies visitent diligemment les euvres d'orfavrerie, en quelque lieu de Paris ordonnez à vendre que trouver les pourront. (FAUQ., II, 1421-1430, 304). | |
| 19 | Et ordonne que les dits robes, chaperons et habitz d'icelle dame seront visitez par deux couturiers et deux peletiers non suspectz ne favorables a l'une et a l'autre des parties (MART. D'AUV., Arrêts Am. R., c.1460-1466, 145). | |
| 20 | ...pour la peine desdictz jurez et maistres d'auoir uisité ledict chef d'euure (Mét. Blois B., t.2, 1494, 65). | |
| 21 | Pour despence faite par Me Simon Labbé, commissaire ou Chastelet de Paris, avec Denis Cappel et le dit receveur et autres, quand il vint en l'Ostel de ladite ville visiter les comptes et registres qui furent produits par devant luy pour consigner à ladite ville 6 l. p. de rente (Comptes Paris V.L.D., t.1, 1446-1447, 519). | |
| 22 | Et disoit encores ledit Bindot que lesdiz deniers à la couronne avoient esté depuis veuz et visetez par changeurs, et de treze livres que l'en disoit estre toutes fausses, l'en avoit trouvé finablement que trente soldées ou environ (PHIL. VI VALOIS, Doc. paris. V., t.2, 1342, 177). | |
| 23 | ...il estoit souvent visité de la creature qu'il amoit le mieulx en ce monde (Percef. III, R., t.1, c.1450 [c.1340], 117). | |
| 24 | Par l'ordonnance de sa dame, il print regle et coustume de la venir visiter a toutes les foiz qu'il sentoit le mary estre absent (C.N.N., c.1456-1467, 441). | |
| 25 | ...a telle heure son dit amoureux la pourroit visiter sans le sceu de son dit mary (C.N.N., c.1456-1467, 493). | |
| 26 | Si que, quant j'ay les amans pris Et dou mal amoureus espris, Je les doy souvent viseter Et de leurs maus reconforter, Sans plus faire de guerre don, Mais de joie et de guerredon, Quant bien et loiaument me servent : Faire le doy, s'il le desservent. (MACH., D. verg., a.1340, 33). | |
| 27 | ...et sans mentir, Eins qu'Esperence viseté M'eüst en ma neccessité, Mes scens estoit si pervertis Qu'encor ne m'estoie avertis Des oisillons, ne de leur noise, Ne comment chascuns se degoise. (MACH., R. Fort., c.1341, 109). | |
| 28 | Espoir, Souvenir, Avis et Congnissance vous visettent (FROISS., Pris. am. F., 1372-1373, 152). | |
| 29 | Car je fusse, lonc temps ha, mors, S'il ne fust à martire, Par l'ueil qui tray a en mon corps De desir une vire, Qui ja n'en sera traite hors, Se m'amour ne l'en tire Ou bons Espoirs qui m'a dès lors Viseté com dous mire Et conforté mes desconfors Doucement, Diex li mire. (MACH., Lays, 1377, 432). | |
| 30 | Po osoient a l'air aler, Ne de près ensamble parler. Car leurs corrumpues alainnes Corrompoient les autres sainnes. Et s'aucuns malades estoit, S'uns siens amis le visetoit, Il estoit en pareil peril ; Dont il en morut cinc cent mil ; Si que li fils failloit au pere, La fille failloit a la mere, La mere au fil et a la fille (MACH., J. R. Nav., 1349, 148). | |
| 31 | La fait .IX. jours ma demeure hai ; Et ainsi com je y demourai, Ma dame ne s'oublia mie, Ains mist sus une chevauchie De dames et de damoiselles Cointes, gentes, juenes et belles Pour moi vëoir et viseter Et de mancolie jetter. (MACH., Voir, 1364, 262). | |
| 32 | Cilz dez hamiaulz d'atour ne li firent nulz malz ; Vissetéz furent si deux gens per maint jornalz [Éd. : "aider"]. (Lion Bourges K.P.F., c.1350, 30). | |
| 33 | Mais tant pité N'i ai trouvé Qu'en m'orphanté M'ait viseté Ne conforté De sa clarté Les tenebres ne l'obscurté De la grief maladie Où j'ai esté (MACH., Lays, 1377, 378). | |
| 34 | Ore penser vois d'autre affaire, C'est de visiter la fillette Qui si joune est orfelinette (Mir. fille roy, c.1379, 31). | |
| 35 | Pharon, saches que Nostre Sire Veult que de toy soit visité Fïacre, car, en verité, Pas longuement [il] ne vivra. (Vie st Fiacre B.C.P., c.1380-1400, 27). | |
| 36 | Nul ne présume aler ades Visiter gens qui sont malades (LA HAYE, P. peste, 1426, 140). | |
| 37 | ...le Dieu de Fortune nous a visité et ne vuelt point que nous finons encores nos vies (Percef. IV, R., c.1450 [c.1340], 248). | |
| 38 | ...et mourut en la rue de la Mortellerie, près Greve et la cause fut pour ce qu'il ala visiter une grant dame, qui avoit la peste et qu'il n'estoit pas pourveu de deffensifz (SIMON DE PHARES, Astrol., c.1494-1498, f° 159 v°). | |
| 39 | Le Mesel visiter iray Qui de biens a necessite. (Myst. st Martin K., a.1500, 299). | |
| 40 | Vrayement vous dictes verité, Mais en l'an sommes et au jour Que toute fraternelle amour Sera corrumpue en ce point. De remedë [il] n'y a point Que de fuir aux lieux infectz Où que premier soyent deffectz Les visitans que (les) visitez. (Cene dieux, c.1492, 135). | |
| 41 | ...que le Souverain Dieu visiteroit son pueple d'une visitation mout esmervillable. (Percef. IV, R., c.1450 [c.1340], 577). | |
| 42 | D'autre partie, l'en doit regarder et redoubter que a son amy bienfortuné l'en ne face indelectacion ou appeticement de sa delectacion, par ce que par aventure il avroit opinion que celui qui le visite est trop charchant et trop ennuyeus. (ORESME, E.A., c.1370, 493). | |
| 43 | Celly qui fit le firmement Vous vullie en sancté tenir, Et vous doint feyre son plesir, Et de s'amour tousjours visiter Nous vullie et tous conforter Par som pleysir. (Myst. st Sébast. M., c.1450-1500, 38). | |
| 44 | Adonay, Dieu du firmement Tout maintenant Est venu son peuple visiter, Car le prophete qu'on actant, Asseureyement Veez le cy sans riens eziter. [Réf. à Luc 7, 16] (Pass. Auv., 1477, 132). | |
| 45 | Si com tu scez qu'en cuer secré Fais le fol (...), Par quoy nul de mon parenté Moy cognoissant ne me regart ; Dame, de ton piteux regart Me visite et vien regarder (Mir. parr., 1356, 55). | |
| 46 | Se le visitoit on pour ce plus povrement, Car partout ne tient on conte de povre gent. (Renaut Mont. B.N. V., c.1350-1400, 447). | |
| 47 | Mais le noble bourgois (...) Souvent le visitoit d'emmoureuse abondance. (Renaut Mont. B.N. V., c.1350-1400, 447). | |
| 48 | Si tient on eüreux, ce samble, Celui qui plus d'avoir assamble Pour trouver sez necessités, Car il en est mieulz visités. (LE FÈVRE, Respit Mort H., 1376-1380, 79). | |
| 49 | ...ung maistre jacobin tant hanta, visita et frequenta en une bonne maison de dames de religion de ce royaume, qu'il parvint a son intencion (C.N.N., c.1456-1467, 305). | |
| 50 | ...Et de faire selonc le sage Qui dit et demoustre en sa page Que, quant il a tout conceü, Tout ymaginé, tout veü, Esprouvé, serchié, viseté Le monde, c'est tout vanité, Et qu'il n'i a autre salaire Fors d'estre liez et de bien faire. (MACH., J. R. Nav., 1349, 142). | |
| 51 | Quant il eurent tout visité, Si com je vous ay recité, Le lonc et le lé des IJ. villes Et leurs ouevres qui sont soutilles, Les galées et le Flumaire, L'estat, la guise et le repaire, (...) Deux amiraus les ambassours Menerent devers le soudan (MACH., P. Alex., p.1369, 194). | |
| 52 | LE SEIGNEUR CHASTELLAIN. (...) Pour prendre ung peu d'esbatement Mes boys vueil aller visiter. (Myst. jeune fille L., c.1413-1445 [c.1530], 8). | |
| 53 | Aprés il met .III. enseignemens quant a visiter ses amis. (ORESME, E.A.C., c.1370, 493). | |
| 54 | Mauldit, tu ne vaulz pas deux noiz ! Que ne m'envies tu a Herodias Pour visiter son papïas ? Si je y vaiz, je y feray merveilhes (Pass. Auv., 1477, 93). | |
| 55 | ...moult humblement li prierent Par pluseurs fois et supplierent Qu'avecques les embassadeurs, Qui de la pais furent traiteurs, Peüssent aler pour veoir Le Quaire et le païs ; qu'espoir Par le sepulchre revenroient, Car grant devotion avoient De tous les sains lieus visiter. (MACH., P. Alex., p.1369, 178). | |
| 56 | Aler vueil (...) Visiter de cuer enterin Jherusalem com pelerin (Mir. emper. Romme, 1369, 247). | |
| 57 | Desir a et entencion D'aler par grant devocion Visiter les lieux (...) Ou Jhesu Crist fu mors et vis (Mir. ste Bauth., c.1376, 105). | |
| 58 | L'eglise Saint Denis en France, auquel glorieux saint avoit grant devocion, visitoit souvent (CHR. PIZ., Faits meurs Ch. V, S., I, 1404, 94). | |
| 59 | ...Et pour garder qu'il ne fust ennuyeux, Il visitoit tous les jours les sainctz lieux, Sacrez autelz, sumptüeuses reliques, Stacions et moustiers precïeux, En y faisant de grans dons autentiques. (LA VIGNE, V.N., p.1495, 232). | |
| 60 | Quant vint au Jeu de la Musette, Il entremesla son doulx chant Du vent qui le monde visette (MARTIN LE FRANC, Champion dames III, F., 1440-1442, 147). | |
| 61 | ...le medecin le doit visiter [le patient] (SAINT-GILLE, Comment. A.Y. L., 1362-1365, 354). | |
| 62 | ...pour vouloir à son povoir trouver le remede de la santté et garison dudit de Ruilly, ala veoir icellui de Ruilly, qui estoit tout malades et couchiez, parla à lui, et icelli visita de tout son povoir le mieulx que elle pot et sceust (Reg. crim. Chât., II, 1389-1392, 293). | |
| 63 | Aucuns de messeigneurs de la Court ont esté visiter un prisonnier à Saint Eloy, nommé Colin Verjus (...) et eulx, par le rapport de maistre Jaques Saquespée, medecin (...) ont trouvé que ledit prisonnier estoit très foible et entachié d'une espiece de melencolie (BAYE, I, 1400-1410, 294). | |
| 64 | Et vueil que toute ceste gentz (...) viengnent chascun moix une foys pour toy visiter et veoir (Chev. papegau H., c.1400-1500, 10). | |
| 65 | A maistre Guillaume Bouchier, phisicien, (...) pour avoir visité MdS en l'an CCCC et deux ou environ, que MS fu malade d'une bosse à Conflans. (Comptes Lille L., t.1, 1405-1406, 17). | |
| 66 | ...ledit Mahiu seroit visité par les prieur et maistres de S. Ladre, à savoir s'il estoit infect de lepre, ou non (BAYE, II, 1411-1417, 97). | |
| 67 | Et ledit messire Jehan de Luxembourg, pour la grant douleur de sa blesseure assouager, fut remené à Troies en Champaigne, où il fut soigneusement visité par notables médecins. (MONSTRELET, Chron. D.-A., t.3, c.1425-1440, 384). | |
| 68 | Concernant les circonstances, Et conditions et muances De l'actuèle maladie, À la savance et industrie Des Maistres et Phisiciens, Qui visitent les patiens Et oevrent en particulier En quelque suppost singulier (LA HAYE, P. peste, 1426, 158). | |
| 69 | Aprés le tournoy les mors furent ensepvlis honnourablement et les navrés furent visitez (Percef. IV, R., c.1450 [c.1340], 1132). | |
| 70 | Le duc a six docteurs medecins, et servent iceulx à visiter la personne et l'estat de la santé du prince. (LA MARCHE, Mém., IV, Pièces annexées, 1474,,, 16). | |
| 71 | ...chacune foiz que nostre cyrurgien venoit visiter son malade, la belle chambriere le compaignoit (C.N.N., c.1456-1467, 503). | |
| 72 | ...elles [les matrones], à grant diligence, ont veue et visitée Jehanne La Cordiere, prisonniere detenue en Chastellet, et tiennent et croyent fermement et en leurs consciences que icelle prisonniere est grosse d'enfant (Reg. crim. Chât., II, 1389-1392, 297). | |
| 73 | ...icelle Perrette, laquelle declaira lors qu'elle estoit grosse : par quoy fut derechief differé de l'executer et fut fait visiter par ventrieres et matrosnes qui rapporterent à justice qu'elle n'estoit point grosse. (ROYE, Chron. scand., I, 1460-1483, 5). | |
| 74 | ...elle denyoit le cas, offrant estre visitée par matrones, car elle se sentoit bonne puelle. (Doc. 1478. In : G. de Lhomel, Nouv. rec. de doc. pour servir à l'hist. de Montreuil-sur-Mer, 1910, 62). | |
| 75 | Mais je vous diray que ferons Et comment nous gouvernerons. Toutes nous ferons tondre en somme Les testes, et puis d'abis d'omme Nous vestirons ; En ce point les visiterons [les prisonniers], Et nul ne s'en prandra ja garde. (Myst. st Adr. P., c.1450-1485, 136). | |
| 76 | ...Jehan Garin, habitant du dit vilage de la Flaviere, voult regarder la plaie du dit Nicolas, pour le estanchier de le seignier et y faire à son pooir mieux qu'il pourroit, en priant au dit Nicolas que il se laissast regarder ou visiter et estanchier (Doc. Poitou G., t.5, 1386, 302). | |
| 77 | ...et pour la nuyt qui survint fut besoing a nos gens de retraire et d'eulz loigier sur le marois d'un estang (...) jusques au landemain bien matin que on ala visiter et recognoistre les trespassez. (LA SALE, J.S., 1456, 221). | |
| 78 | ...le jeudi VIe jour de juing, oudit an mil IIIIcLXV, advint à Paris, en la rue Saint-Denis, devant la Barbe d'Or, que ung ancien homme, bonnetier, nommé Jehan Marceau se pendit et estrangla en sa maison, et fut le corps trouvé mort ; si fut despendu et apporté ou Chastellet de Paris pour estre ilec visité, et, après ladicte visitacion faicte, fut envoié et porté pendre ledit corps au gibet de Paris. (ROYE, Chron. scand., I, 1460-1483, 45). | |
| 79 | Sire, je vouldroye ja estre Devant Orleans, pour assaillir Les Anglois ; je les vueil congnoistre Et les visiter a plaisir. (Myst. siège Orléans H., c.1480-1500, 281). | |
| 80 | ...pour eulx bien reposer et leurs chevaulx aisier et visiter, car ilz avoient esté moult traveillez de la tempeste (Percef. III, R., t.1, c.1450 [c.1340], 356). | |
| 81 | Et dit que après ce que il ot compté l'argent et visité les choses qui lui avoient esté baillées, comme dit est, il se parti et s'en ala tout seul droit le chemin de Chartres (Reg. crim. Chât., I, 1389-1392, 424). | |
| 82 | ...et fut visitée sa boiste, là où on trouva diverses lettres dedens (CHASTELL., Chron. K., t.3, c.1456-1471, 428). | |
| 83 | Pour despens du dit Roget, en alent d'Igny à la Forestiere pour visiter le dit estang et marchander des ouvrages dessus diz... (Comté Champ. Brie L., t.3, 1347-1348, 450). | |
| 84 | Je lo qu'en l'ostel en alons Ou noz noces faites avons, Et ne soions mie si nices Que ne visitons les offices Et la vaisselle aussi d'argent, Et mettons hors toute la gent (Mir. chan., c.1361, 172). | |
| 85 | Je m'en vois (...) Aux champs visiter mes gaignages, Afin que d'ouvriers, conme sages, Soie pourveuz sanz faillir, Quant il les me fauldra cueillir. (Mir. femme, 1368, 177). | |
| 86 | Or viennent les parens, amis, voisins de ce dolent hostel visiter et conforter la compaignie (C.N.N., c.1456-1467, 32). | |
| 87 | ...verité est que, au temps et jour du trespassement dudit defunct, et en visitant et regardant l'ostel d'icellui, il trouva sur une chaire ledit sac de cuir, lequel il print et muça et bouta en sa tasse jusques au soir (Reg. crim. Chât., II, 1389-1392, 87). | |
| 88 | ...et nous a requis que de ce faire nous lui veullions donner congié et que, se mestier estoit, nous feissions veoir et visiter le lieu et la place par les maistres du pont de Paris et aussi par voituriers et mariniers et gens en ce congnoissans a ce que yceulx pieux ne peussent ne ne puissent aucunement, ores ne ou temps a venir, porter prejudice a la marchandise de l'eaue, au cours et chemin d'icelle (Chartes Abb. St-Magl. T.F., t.3, 1392, 654). | |
| 89 | ...pour ordonner, visiter et trouver bonnes et souffisans places pour faire les cuisineries (CHIQUART, Cuis. S., 1420, 133). | |
| 90 | ...sans plus la laisser sermonner, vint sercher et visiter les angletz de sa chambre a tous lez au mieulx qu'il luy fut possible ; esquelx lieux, quand il les eut visitez et qu'il n'y trouvoit point ce qu'il queroit, il se donna garde du casier (C.N.N., c.1456-1467, 444). | |
| 91 | ...et à celle heure vint ung cordelier du villaige, qui nous dit comme le Roy françois s'en estoit allé à Corbeil, et que toutes manieres de gens d'armes françois avoient habandonné Montlehery, excepté ceulx qui tenoient ledit chastel ; et, pour plus grant seureté, furent gens envoyez pour visiter le lieu ; et fut trouvé que nulz François n'estoient demourez audit villaige de Montlehery, ne à l'environ. (LA MARCHE, Mém., III, c.1470, 14). | |
| 92 | ...il se trouva avec ses compaignons navieurs, et leur dist qu'il vouloit encores une foiz visiter Alixandrie et charger marchandises (C.N.N., c.1456-1467, 560). | |
| 93 | ...le remede dont il m'advertit (...), il mesmes le mist a execution ; qui luy fut tresgrand peine, et en sua pluseurs foiz, pource que mon cas requeroit d'estre souvent visité. (C.N.N., c.1456-1467, 42). | |
| 94 | Prince doit son corps governer, Son vivre et son sanc visiter Par mires et par phisiciains. (DUPIN, Mélanc. L., c.1324-1340, 82). | |
| 95 | ...et visiterent leurs plaies, mais ilz trouverent qu'ilz n'avoient garde de mort ne d'affolure (Percef. IV, R., c.1450 [c.1340], 1044). | |
| 96 | ...el se trouva devers ledit medicin, auquel, après qu'il eut visité l'urine de madame l'abbaesse, elle compta tout au long la fasson et maniere de sa maladie (C.N.N., c.1456-1467, 139). | |
| 97 | ...combien que es marches de France il feist sa residence, la visitoit souvent [sa mère]. (C.N.N., c.1456-1467, 458). | |
| 98 | Touz jours est terme et saison Que l'on doit son fait visiter [var. viriter] (DUPIN, Mélanc. L., c.1324-1340, 182). | |
| 99 | Annas, visiter fault no loy, Car a ce que je apperçoy, Il y a moult de grans erreurs Pour lesquelz il fault estre seurs De respondre subtillement Envers ceulx qui aulcunement Vouldront contre nous opposer, Affin que les puissons oster Hors de leur incredulité (MARCADÉ, Myst. Pass. Arras R., a.1440, 219). | |
| 100 | Certes ie ne doubte point se par feruent amour de Dieu tu te metz a visiter et veoir toutes ces choses, tu seras comme la royne Sabba qui vint veoir la sapience de Salomon (CIB., p.1451, 190). | |
| 101 | ...de mon sain tray hors Les escrips du debat de lors. Les lui monstray pour visiter S'oster y faloit n'ajouster (CHR. PIZ., Chem. estude P., 1402-1403, 269). | |
| 102 | J'ai viseté, regardé et a mon pooir examiné vostres lettres et ymaginé en moi meïsmes les parolles et les responses de vostre dame (FROISS., Pris. am. F., 1372-1373, 73). | |
| 103 | ...nous veons que lez examineurs dez lettres dez Saint Peres, dez Impereurs, et dez Roys, visitent lez lettres et lez approvent ou repruevent, non mie conme souverains, mez lez visitent afin que ilz sachent se elles sont vrayes ou fausses. (Songe verg. S., t.1, 1378, 212). | |
| 104 | Et a juré maistre Clement de Fauquanbergue (...) qui par avant visitoit les lettres à la Chancellerie, qu'il servira et desservira ceans son office continuelment (BAYE, I, 1400-1410, 349). | |
| 105 | Avant que souyés a demaim, Ceste lettre visiterons Et puis responce vous ferons. (Myst. st Sébast. M., c.1450-1500, 55). | |
| 106 | Si delaisse finablement ceste presente histoire à estre lue, visitee, interpretee et, se besoing est, corrigee, à tous nobles clercs, historians et expers en telles matieres (MILET, Épître épilogative, éd. M.-R. Jung, 1452. In : Trav. Ling. Litt. 16-1, 1978, 257). | |
| 107 | ...portans avec eux la copie du traité pour monstrer à leur roy, lequel, après l'avoir visité, se trouva au plus haut de ses désirs (CHASTELL., Chron. K., t.1, c.1456-1471, 117). | |
| 108 | Je m'en vaiz visiter ma mere. (Pass. Auv., 1477, 166). | |
| 109 | ...et venu devers eux leur monstra les lettres reçues, lesquelles ils visitèrent, et délibérèrent dessus avecques luy (CHASTELL., Chron. K., t.3, c.1456-1471, 181). | |
| 110 | ...si faim vous peut prendre de visiter mes oeuvres, et que loisir vous puisse traire à l'advertence d'icelles, ne vueillez doncques noter tant seulement le son des paroles, mais les causes et racines qui m'ont mu à les former telles. (CHASTELL., Chron. K., t.4, c.1456-1471, 14). | |
| 111 | ...et affin que l'on saiche que la maniere de mon recit et enregistrement est vray, je l'ay fait visiter par monseigneur de Lannoy et par Jehan Boudault, principaulx gouverneurs des choses dessus escriptes (LA MARCHE, Mém., II, c.1470, 380). | |
| 112 | Les lettres cy dessus declarees, recheus par le duc de Bourguoigne, il les visita bien et au long (WAVRIN, Chron. H., t.3, p.1471, 145). | |
| 113 | Cestui fut stipendié de Jehan Mocenico, duc de Venize, et fut famillier de Erhard Ratdolt et pour lui visita à grande estude le livre de Haly Abenragel, pour imprimer l'an mil IIIIcIIIIxxV, et fut fini le IIII des nones de jullet. (SIMON DE PHARES, Astrol., c.1494-1498, f° 161 r°). | |
| 114 | Ains plus ont grant honte De ces beaulx livres visiter. (RIVIÈRE, Nef folz D., 1497, 692). | |
| 115 | Cedit jour, a vaqué la Court audit Conseil à visiter, lire et conseiller les remedes articulez sur les defaus de la justice de ce royaume (BAYE, I, 1400-1410, 144). | |
| 116 | Et cedit jour (...) quant l'en visitoit les requestes en la Chambre, apparu eclipse de soleil (BAYE, I, 1400-1410, 159). | |
| 117 | Jehan de Bar, Jehan de Tuillieres et Nicolas Chaon, examinateurs du Chastellet, en la presence desquelz le procès et confessions faites par ledit prisonnier, cy-devant escrips, furent leuz et visitez mot après autre. (Reg. crim. Chât., I, 1389-1392, 188). | |
| 118 | ...mesdiz seigneurs de parlement avoient et ont dit, deliberé et appointié que par ledit mons. le prevost, appellé avec lui ledit maistre Jaques Boujeu et autres de messeigneurs conseilliers du roy oudit parlement, et tel autre conseil que bon lui samblera, il voye, visite et examine de rechief plus diligenment le procès dessus escript que fait n'est (Reg. crim. Chât., II, 1389-1392, 299). | |
|
