| 48 exemples | | 1 | Ces deux gens qu'elle [la mère de Dieu] a acueilli, Qui lui ont voué chaasté, Avant que voie un mois passé Je leur feray leur veu brisier (Mir. enf. diable, c.1339, 5). | |
| 2 | Puis qu'a Dieu en convent l'avons, S'il vous plaist, nostre veu tenrons (Mir. enf. diable, c.1339, 5). | |
| 3 | Notez que sept empeschemens sont en mariage, comme il appert par ces lettres ensieuvans : Erreur, condition, veu, cognation, pechié, disparité de religion, ordre, ligation, honnesté, parenté, impuissance de habiter ensemble. (Sacr. mar., c.1477-1481, 48). | |
| 4 | Le tiers empeschement, c'est l'empeschement du veu voué. Veu n'est aultre chose que promission faicte d'aucun bien avec deliberation. Veu est conception de bon propos fermee par grant deliberation, par quoy aucune personne se oblige a Dieu a faire aucune chose ou non faire. Le veu de continence empesche mariage. Un chascun de saine pensee puet vouer quant le veu est inspiré par la loy du Saint Esperit. Les femmes sont deffendues et ne peuent vouer, ne faire veu de continence, se n'est par pareil consentement et voulenté l'un de l'aultre (Sacr. mar., c.1477-1481, 52). | |
| 5 | Le veu se puet solenniser en enfans masles en l'eage de XIIIJ. ans, en femmes a l'eage de XIJ. ans. (Sacr. mar., c.1477-1481, 52). | |
| 6 | Ilz sont deux manieres de veux, c'est le veu simple et le veu solennel. Le veu simple est cellui qui est voué simplement sans solennité en disant : Je Anthoine vueil estre celestin ou chartroux, et plus avant ne procede. Veu solennel, c'est quant aprez le veu la solennité s'ensieut. De ceste solennité de veu, il fault noter que aucuns dient en trois manieres de veu sans estre solennisié par propre profession, car l'habit ne fait pas le moyne, mais la profession, c'est jurer de garder les saints veux et estatus de la sacree religion (Sacr. mar., c.1477-1481, 52). | |
| 7 | ...car l'habit ne fait pas le moyne, mais la profession, c'est jurer de garder les saints veux et estatus de la sacree religion, en laquelle il se submet (Sacr. mar., c.1477-1481, 54). | |
| 8 | Cette conqueste ainsi rapportée, pour estre mise en croniques, fut affirmée sur les saincts Évangiles de Dieu, et sur le voeu de prestrise, par vénérables et ecclésiastiques personnes, Messire Jean Valate ou Valète, prestre, Messire Patoix ou Patrice Tourvalle ou Tournalle, aussi prestre, et André Valète, homme pur laïc (CHART. J., Chron. Ch. VII, V., t.3, c.1437-1464, 68-69). | |
| 9 | Et quant li gentis roys le sot, Il ne fist mie comme sot, Eins loa Dieu devotement Et sa douce mere ensement ; Et fist faire processions, Veus, promesses, oblations, À la gloire de Dieu toudis Et de la court de paradis. (MACH., P. Alex., p.1369, 122). | |
| 10 | Je vois savoir se mon neveu Trouveray, a qui j'ay fait veu Et promesse d'aler a lui. (Mir. chan., c.1361, 150). | |
| 11 | Si devoie un pelerinage A .II. lieues pres du manoir Ou ma dame devoit manoir. Si m'avisai que jë iroie Et que mon veu adcompliroie (MACH., Voir, 1364, 180). | |
| 12 | LE ROY. (...) Puis que serement en ay fait Et veu, je le tenray de fait Conment qu'il aille. (Mir. fille roy, c.1379, 40). | |
| 13 | LE BOURGOIS. (...) je ne fineray Tant qu'au moustier veillié aray Nostre Dame c'on dit du Puy. Car, vraiement, dame, je y suy Par veu tenuz. (Mir. enf. ress., 1353, 26). | |
| 14 | Li gentils chevaliers avoit voé en Engleterre, oant dames et signeurs, et dit ensi : "Se la guerre s'esmuet entre le roi d'Engleterre mon signeur, et Phelippe de Valois qui se dist rois de Franche, je serai li premiers qui s'en armera et qui prendera chastiel ou ville sus le roiaume de France." Et de ce veu point il n'en defalli (FROISS., Chron. D., p.1400, 303). | |
| 15 | ...et lors les seigneurs, les dames et damoiselles, les chevaliers et escuiers feront leurs veux, et quant ilz les avront faiz, alors vous vouerez aux dames et au paon (...) que (...) vous mectrez un bracelet d'or (LA SALE, J.S., 1456, 84). | |
| 16 | Cestuy chevalier, par veu fait au banquet des veux a Lille (...), n'alloit querrant riens fors marces et frontieres des infidelles (CHASTELL., Chron. IV, D., c.1461-1472, 77). | |
| 17 | Je, Anthoine, seigneur de Cry, consideré le veu qu'a fait mon très redoubté seigneur monseigneur le duc de Bourgoingne, en ensuyvant icelluy, voue à Dieu, mon createur, aux dames et au faisant, que ou cas que mondit seigneur le duc entretienne son voyaige et armée, que soubz les condictions contenues en sondit voeu, que il a voué de faire sur les Sarrasins et mescreans, par ainsi que ce soit son plaisir, j' yray avecques luy et en sa compaignie, et le serviray pour l'honneur de Dieu, en sondit voyaige, de mon corps et à mes despens, ung an entier, sans pour ce prendre ne de luy ne d'aultres chrestiens aucungs gaiges ou bienfaictz (LA MARCHE, Mém., II, c.1470, 385). | |
| 18 | Je, Charles, seigneur de Rochefort, fay voeu à Dieu, mon createur, et à la glorieuse vierge Marie, aux dames et au faisant, que se mon très redoubté seigneur monseigneur le duc va au sainct voyaige sur les infidelles, ennemys de nostre foy, se son bon plaisir est, je yray avecques luy, et l'accompaigneray et serviray de mon corps et de ma puissance (LA MARCHE, Mém., II, c.1470, 390). | |
| 19 | Monsr le duc de Bougoingne fist le grant bancquet en sa ville de Lille, auquel bancquet se firent les veux du faisant (Arch. Nord, 1454, B 31, f° 142 v°, IGLF). | |
| 20 | Si alai a l'esglise ; mais, Tantost com le piet mis dedens, Je fis un veu entre mes dens Que, tant comme laiens seroie, Tous les jours de nouvel feroie Pour l'amour de ma dame douce, Qui vuelt et qui desire tout ce Qui me plaist par bien - Dieus li myre ! - Et si vuelt estre mon doulz mire. (MACH., Voir, 1364, 190). | |
| 21 | Messires James d'Audelée tenoit en veu... que , se il se trouvoit jamais en besongne là où li rois d'Engleterre fust... que ce seroit li premiers assallans et li mieudres combatans de son costé, ou il morroit en le painne (FROISS., Chron. L., V, c.1375-1400, 33). | |
| 22 | Non obstant toutes parolles, il dist que il avoit ce de veu et qu'il iroit, comment que ce fust (FROISS., Chron. R., VIII, c.1375-1400, 228). | |
| 23 | Ilz conclurent entre eulx et avec leurs femmes (...) que tout le voyage ilz ne coucheroient pas avec elle, mais en continence yront et viendront (...) si n'eust esté le veu du voyage, (...) chacun d'eulx eust couché avec sa chacune. (C.N.N., c.1456-1467, 201). | |
| 24 | J'oy dire qu'il a fait veu Que ja ne se mariera, Et que briefment prestre sera. (Mir. chan., c.1361, 157). | |
| 25 | Le veu que vous feistes au partir, dit elle, de point coucher avec vostre femme. (C.N.N., c.1456-1467, 204). | |
| 26 | ...luy souvint du veu qu'il avoit fait (C.N.N., c.1456-1467, 428). | |
| 27 | ...s'il n'eust si bien fait de son devoir je ne seroye pas si contente de la ronture de son veu (C.N.N., c.1456-1467, 204). | |
| 28 | ...nous avons plus de regret a vous appeller matin que vous n'avez fait ennuyt de conscience de rompre et casser vostre veu ? (C.N.N., c.1456-1467, 204). | |
| 29 | ...[c']est chose de si hault merite qu'elle sera suffisante d'effacer la faulte du cassement de nostre veu. (C.N.N., c.1456-1467, 205). | |
| 30 | Je ne vouldroye pour rien avoir enfrainct mon veu (C.N.N., c.1456-1467, 205). | |
| 31 | ...vous avez double peché, comme de faulser vostre veu et de mentir a esscient (C.N.N., c.1456-1467, 205). | |
| 32 | ...ilz avoient commencé de leur veu entrerompre (C.N.N., c.1456-1467, 206). | |
| 33 | ...quant a moy je rappelle mon veu, et n'ay pas intencion de plus me mettre en ce dangier. (C.N.N., c.1456-1467, 206). | |
| 34 | Sa lettre bien considerai Et lors contre moi esperai Pluiseurs choses a moi contraires, Et aussi fist mes secretaires ; Qu'elle en aloit hors de son estre Le droit jour quë y devoie estre, Et la belle bien le savoit : Nonpourquant partir se devoit ! Si devins melancolieus, Tristes, pensis et anuieus ; Et recommençai sans delai Mon veu [le voeu que Machaut avait fait de composer une neuvaine de vers] que je point ne delai, Mais je fis de triste matiere, Toute contraire a la premiere (MACH., Voir, 1364, 276). | |
| 35 | ...je vous fas veu et promesse Que voz heures, ains que je cesse, De cuer devotement diray (Mir. st J. Paulu, c.1372, 139). | |
| 36 | Il trespasse tous desirs et tous veux, car il est imcomparable sans comparoison. (Somme abr., c.1477-1481, 149). | |
| 37 | ...assez tost après que nostre amoureux perceut qu'elle [sa femme] dormoit, se coula tout doulcement jus de son lit, et s'en alla combattre ou lit de sa dame la chambriere tout prest pour son veu accomplir (C.N.N., c.1456-1467, 366). | |
| 38 | ...infinités sont les evidens miracles [obtenus par saint Jean Michel] (...), qui sont tant et telz, que de ce peu que j'ay veu, reservé l'ymaige de la tresglorieuse vierge La Nonciade de Florence, que tant de veulx en nulle esglise ayt (LA SALE, Reconf. De Fresne H., 1457, 5). | |
| 39 | ...et en celle eglise a merveilleusement de veux apportés tant des villes d'Ytalie que de dessus mer (LA VIGNE, V.N., p.1495, 264). | |
| 40 | Tant est la Dame d'esconfort pure et monde Dont il y a soit derriere ou devant Des veux de cyre plus qu'en place du monde. (LA VIGNE, V.N., p.1495, 221). | |
| 41 | Et après ce, avoit fait acheter, ladicte Sauverelle, par ladicte, un quarteron de cire, duquel elles furent un veu à la fourme d'un homme. Lequel veu (...) avoit porté à l'ostel dudit Capitaine. Et fu miz soubz son lit (Ch. VI, D., t.2, 1382, 183). | |
| 42 | ...nous soions applain informez que Marie, dame de Montauban, (...) fait faire certains veuz, carathères et autres choses contre les termes de nostre foy (Archives servit. Louis XI, T., 1471, 39). | |
| 43 | Cedit jour, après disner, furent les seigneurs du Conseil assemblez en l'ostel du Chancellier pour eslire president et maistre des Requestes du Palaiz, et en la presence dudit Chancellier (...) dirent aucuns en scrutine leurs veus et deliberation, et ne fu pas parfaicte ladicte election pour le brief temps, mais remise à demain après disner. (BAYE, I, 1400-1410, 297). | |
| 44 | Dy a quelle fourme, a quelle heure et quelle aage de Nostre Dame il la salua ? Dy pourquoy elle fu espouse, et s'elle fist, en ce, contre son veu ? (GERS., Annonc., a.1400, 229). | |
| 45 | Chiers compains et amis, je voai une fois a Dieu, et ce veu je l'ai tousjours tenu en secré, que, se je pooie ja veoir le temps et les jours que le roiaulme d'Escoce je peuisse obtenir en paix a l'encontre des Englois, en l'onnour de Jhesu Cris qui volt mort recevoir en crois pour nous et son sanch espandre, je voloie faire un voiage sus les ennemis de Dieu et la exposser mon corps et mes biens. Or ay je tousjours eu tant a faire encontre les Englois, ensi que vous savés, que je sui devenus vieuls et cheus en debilité de corps et de maladie, par quoi je ne puis mon veu acomplir. (FROISS., Chron. D., p.1400, 165). | |
| 46 | Ung gentil chevalier (...) fist veu de jamais faire le signe de la croix, par la tresferme foy et credence qu'il avoit ou saint sacrement de baptesme (C.N.N., c.1456-1467, 15). | |
| 47 | LE JUIF. S'i lui plaist [à saint Nicolas] estre intercesseur Envers la puissance divine, Que par luy puisse veoir tel signe Que ce povre homme vivifie Tellement qu'il lui rende (la) vie, J'en faitz cy veu au createur Et au glorieux confesseur Le sainct baptesme recevoir. (Mir. st Nic. juif, c.1480-1500, 144). | |
| 48 | Car de ceens fortrais la nonne Que vous teniez a tant bonne, Et li ay fait rompre son veu. (Mir. nonne, 1345, 349). | |
|
