| 43 exemples |
| 1 | Puis vont par les vilages la vitaille trassant (Renaut Mont. B.N. V., c.1350-1400, 234). |
|
| 2 | Se vous mande par moy qu'il vous fera dommage Ne il ne vous lairra ne hammel ne vilaige (Renaut Mont. B.N. V., c.1350-1400, 296). |
|
| 3 | Item, cogneut avoir prins, en l'ostel où il estoit logié en la ville de Senz, deux escuelles d'estain et un chandelier de cuivre, lesquelz il vendi en un village qui est entre la ville de Senz et Paris, duquel il ne scet le nom (Reg. crim. Chât., I, 1389-1392, 229). |
|
| 4 | ...durant ce qu'il a chevauchié en la compaignie desdiz Engloiz, il a veu bouter feux par ses compaignons, et lui present, en plusieurs villes et villaiges du royaume (Reg. crim. Chât., II, 1389-1392, 98). |
|
| 5 | ...en passant par un vilaige en alant ledit chemin à Nostre-Dame de Montfort, et un pou après ce que dit est, il vit et apperceut le mantel doublé duquel il a esté trouvé saisi (Reg. crim. Chât., II, 1389-1392, 278). |
|
| 6 | Et tant vont les freres cheminant, garniz de robes de noir pour eulx et pour leurs gens, qu'ilz sont venus a Montferrat, et logierent leurs gens au village dessoubz. (ARRAS, c.1392-1393, 289). |
|
| 7 | Et aussi di je a dame Agnes la beguine que des autres bestes, quant vous serez au village, elle commande a ceulx a qui il appartient a en penser : comme a Robin le bergier qui pense de ses moutons, brebiz et agneaulx (Ménagier Paris B.F., c.1392-1394, 130). |
|
| 8 | ...et chevauchierent oultre jusques au Louvion en Tierasse, car on lor avoit dit que il i avoit un gros village et rice, liquels estoit hiretages au conte de Blois. (FROISS., Chron. D., p.1400, 329). |
|
| 9 | ...pour occasion des Anglois, qui la nuit precedent avoient esté logiez en la ville de Saint-Ouin et en pluiseurs villages environ Saint-Denis (FAUQ., I, 1417-1420, 312). |
|
| 10 | ...ceulx de la ville de Paris aviserent que les gens de noz seigneurs logiez au pont de Saint Cloust leurs donnoient de grans chargiez et que le village n'estoit pas moult fortiffié pour soustenir grant feiz (CAGNY, Chron. M., 1436-1438, 65). |
|
| 11 | Au piet du mont, devers cellui de la royne Sibille, a ung villaige que on appelle Faugia, il y a une fontaine que on dist qui vient du lac. (LA SALE, Salade, c.1442-1444, 71). |
|
| 12 | ...aprés mains gistes qu'elle fist en Picardie, elle arriva par ung jour de dimenche en ung gros village (C.N.N., c.1456-1467, 70). |
|
| 13 | ...ilz trouverrent aucuns petis hamelès et villages (LE BEL, Chron. V.D., t.1, 1352-1358, 19). |
|
| 14 | ...avoit nagueres en ung bon village de Picardie ung maistre curé (C.N.N., c.1456-1467, 293). |
|
| 15 | ...en grand haste vindrent repaistre en ung petit village (C.N.N., c.1456-1467, 475). |
|
| 16 | ...nous fauldra gesir en ung meschant village et tous morir de faim. (C.N.N., c.1456-1467, 475). |
|
| 17 | En ung petit hamelet ou village de ce monde, assez loing de la bonne ville, est advenue une petite histoire (...). Ce village ou hamellet, ce m'est tout ung, estoit habité d'un moncelet de bons, rudes et simples paysans (C.N.N., c.1456-1467, 512). |
|
| 18 | Et, entre autres dommages, ladicte riviere vint si grande à ung village nommé Cloye, et en ung hostel ilec estant qui est à l'evesque de Meaulx, qu'elle en emporta toute la massonnerie du devant dudit hostel, où il y avoit deux belles tours nouvellement basties, dedens lesquelles y avoit de belles chambres bien natées, voiriées, garnies de litz, tapisserie (ROYE, Chron. scand., I, 1460-1483, 12). |
|
| 19 | ...mais il trouva que les Gantois avoient fortiffié le villaige, qui est cloz de marestz et de marescages (LA MARCHE, Mém., II, c.1470, 277). |
|
| 20 | Au plus pres d'un petit villaige Lequel est nommé Dompremy (...) La trouverras, sans plus enquerre, Une peucelle par honneur (Myst. siège Orléans H., c.1480-1500, 290). |
|
| 21 | Il avoit envoyé à Gand son barbier, appellé maistre Olivier, natif d'ung village auprès de ladicte ville de Gand (COMM., II, 1489-1491, 170). |
|
| 22 | O amer bruvaige, Venimeux potaige, Brouet plain de raige...[aige] Et saulce en tous venins confite, Fault il que maulgré mon couraige Sur humain lignage, En ville et village, Sur fol et sur saige, Sus maistre et sur paige Je t'espande en l'heure mauldicte ? (Cene dieux, c.1492, 131). |
|
| 23 | Predist aussi les fouldres et les tonnerres, (...) à l'ocasion desquelx plusieurs villes et vilages furent brullez (SIMON DE PHARES, Astrol., c.1494-1498, f° 123 r°). |
|
| 24 | ...adoncques poeut on veoir apparaument les fumieres des hameaulx et villages qu'ilz ardoient (LE BEL, Chron. V.D., t.1, 1352-1358, 50). |
|
| 25 | Cestui maistre Eustache predist les feux soubz terre qui s'estoient mis aux gestz, qui firent plusieurs subversions de villages et de terres (SIMON DE PHARES, Astrol., c.1494-1498, f° 159 v°). |
|
| 26 | Fournoue n'est seulement c'un villaige Ou une grant bourgade bien fournye (LA VIGNE, V.N., p.1495, 194). |
|
| 27 | ...un grant village champestre (...) qui estoit loings de la marine comme a une grosse lieue (Bouciquaut L., 1406-1409, 141). |
|
| 28 | Et s'estoient gens de vilages, Norris de lais et de frommages, De chos, de feves, de naviaus (MACH., D. Lyon, 1342, 213). |
|
| 29 | ...en la place où l'en vent les oignons, ès halles, il copa à une femme de villaige une bourse de cuir qui pendoit à sa sainture, en laquelle avoit XXIIIJ s. ou environ. (Reg. crim. Chât., I, 1389-1392, 79). |
|
| 30 | ...comme ilz estoient au dehors de la porte de Montmartre, trouverent un bon homme de village qui yssoit hors de la ville de Paris (Reg. crim. Chât., I, 1389-1392, 372). |
|
| 31 | Flateur pourra icy dire : "Reprens tu les habiz a roynes, a damez, a damoiselles ? Veulz tu qu'ellez soient vestues comme femmes de village ou comme beguinez ?" (GERS., Annonc., a.1400, 238). |
|
| 32 | Aussi vis la gent de villages Nourris de feves et laictages, Les gaaignages cultivans (CHR. PIZ., M.F., II, 1400-1403, 77). |
|
| 33 | A ceste noble bonne dame meismement les petites femmes de village, qui l'aimeront de tout leur cuer, lui aporteront aucunes fois de leurs petiz presens comme fruis et autres choses (CHR. PIZ., Trois vertus W.H., c.1405, 88). |
|
| 34 | ...une povre femme de village du païz de Dunois les avoit apportées [les dites lettres] à la requeste d'aucuns sergens de la garnison de Chasteaudun (BAYE, II, 1411-1417, 66). |
|
| 35 | Mais les Englois descendirent à pié selon le costé d'un vilaige et mistrent derriere eulz un closage fort, là où ilz firent pluseurs breches (Chron. norm. 14e M., c.1369-1372, 163). |
|
| 36 | ...ung bon homme de villaige (CHART., D. Her., p.1415, 422). |
|
| 37 | ...une demiselle de village nommee Transeline (Ev. Quen., II, c.1466-1474, 117). |
|
| 38 | Je voy bien femme d'avocas, De povres bourgois de villaige, Qui l'ont bien, (pourquoy ne l'arai ge ?) (DESCH., M.M., c.1385-1403, 44). |
|
| 39 | ...par petiz villages ou hameaux (ORESME, Pol. Arist. M., c.1372-1374, 47). |
|
| 40 | Car il reputent plus dignes ceulz qui sunt de la cité que ceulz qui demeurent es champs ou es villages (ORESME, Pol. Arist. M., c.1372-1374, 270). |
|
| 41 | Assés priès de là... sciet la ville de Juberot, ung grant villaige ouquel les Luscebonnois avoient envoié toutes leurs pourveances (FROISS., Chron. M., XII, c.1375-1400, 147). |
|
| 42 | Et quant ilz chevaulchoient en ce pays de Camp et ilz veoient de long ou d'une montaigne ung grant village par parant (FROISS., Chron. M., XIV, c.1375-1400, 92). |
|
| 43 | Et, quant le veneur voudra chascier le renart, il le doit querir en forts buissons ou en fort païs d'ajoncs ou de bruyeres et pres des vilaiges et hamiaux (GAST. PHÉBUS, Livre chasse T., 1387-1389, 242). |
|
