| 147 exemples | | 1 | Je me plein de celui qui en celier converse : Il me honnist mon vin de l'iaue qu'il y verse. Mout fu l'uevre de Dieu à la sienne diverse ; Car il fist d'yaue vin, et il fait la renverse. C'est uns truans convers qui aimme une converse, Orde, vieille et puante, orgueilleuse et perverse. (MACH., Compl., 1340-1377, 266). | |
| 2 | Après vint chascuns en la sale Qui ne fu vileinne ne sale, Ou chascuns fu, ce m'est avis, A point honnourez et servis Einsi de vin et de viande Com corps et appetis demande. Et la pris je ma soustenance, En regardant la contenance, L'estat, le maintieng et le port De celle ou sont tuit mi deport. (MACH., R. Fort., c.1341, 145). | |
| 3 | Le disner fut grant et bel et bien servis. Le disner fait, on entra en la chambre de parement et là commencierent-ilz à gengler et à parler de pluseurs choses et avoir menestrelz. Bien cuidoient ces seigneurs de France avoir responce, mais non en eurent. On aporta vin et espices, et aprez ce ilz prindrent congié du duc et retournerent à leurs hostelz et s'y tindrent ce soir. (FROISS., Chron. M., XIV, c.1375-1400, 16). | |
| 4 | Ayons des viandes les melheurs Et vins rouges, blans et clarés. (Pass. Auv., 1477, 88). | |
| 5 | Et est chose veritable en faisant comparation du vin blanc au rouge qu'ilz soyent tous du terrouer et non pas aultrement, car les vins rouges de France ne sont pas si chaulx ne si fors que plusieurs vins blans d'aulcunes contrees. (Rég. santé corps C., 1480, 27). | |
| 6 | ...les vins rouges et gros sont plus nourrissant que les vins aquatiques ; toutesfois ilz sont moins nutritifz que les vins noirs. (Rég. santé corps C., 1480, 29). | |
| 7 | Les vins rous sont de moindre chaleur que les vins rouges clers, comme veult Galien en celuy comment prealegué ou il parle du vin blanc ou il dit : les vins rouz sont de plus grande chaleur que les blans, et pour ce blessent plus le cerveau que le vin blanc. (Rég. santé corps C., 1480, 29). | |
| 8 | ...les vins rouz sont mains nutritifz que les vins rouges et blans et aulcuns nomme iceulx vins rouz vin blanc, et pour ce dient aulcuns que le vin blanc incontinent eschauffe fort [le] corps. (Rég. santé corps C., 1480, 29-30). | |
| 9 | Lors li metras la table de sobresse, la chandelle de vray[e] foy, le pain de sapience, le vin de compunccion, le sel de discrecion, le fruit de bonnes oeuvres. (GERS., Pent., p.1389, 84). | |
| 10 | Item, sont tenus païer un septier d'avoine à l'ancienne mesure, cinquante harens, cinquante chandelles de cire de demi pié de long, XXV pains de couvent, un septier de vin de couvent, et ne les doivent fors une fois l'an (HECTOR DE CHARTRES, Cout. R., 1398-1408, 4). | |
| 11 | ...I quart de vin de pays (Compte Navarre I.P., 1367-1371, 434). | |
| 12 | Et n'ayez doubte, vous avez assez bescuit, eaue doulce, vin aigre, chars salees, poissons salez et de bons vins pour grant temps. (ARRAS, c.1392-1393, 88). | |
| 13 | Et maint Sage si veult et dit Qu'il soit bon lors mettre un petit De vin aigre dedens le pain, Quant on le fait, et pour certain Il vault aussi de tout costé Prendre au matin du pain tosté Taint en vin aigre, sans mesleure, Ou en vin aigre et eaue pure (LA HAYE, P. peste, 1426, 125). | |
| 14 | ...leur varlez par derriere eulx, qui portoient flacons et boutelles plaines de vin toursées à leurs selles (FROISS., Chron. M., XIV, c.1375-1400, 164). | |
| 15 | Lesquelles choses doit-on prendre Aprez l'asil, sans moult attendre, Maiz vin aigre riens ne meffait De franc roisin et sec extrait (LA HAYE, P. peste, 1426, 126). | |
| 16 | Audit Jehan le Maire, concierge de l'Ostel de ladicte ville, qu'il avoit payé à 3 femmes, qui avoient escuré les quartes d'icelle ville et livré aigre vin, sablon et autres choses pour porter l'ipocras la veille de Noel 1459 (Comptes Paris M., t.2, 1458-1460, 199). | |
| 17 | SAINCT MARTIN. (...) Il [Jésus-Christ] gousta fiel, suye et vin aigre (LA VIGNE, S.M., 1496, 567). | |
| 18 | ...a Jehan Deshaiez a esté baillé par l'ordonnance de mond. seigneur ung noble d'or pour lui et ses compaignons pour le vin du feste de la librairie nouvelement édifiée en l'ostel archiépiscopal (Comptes Archev. Rouen J., 1439-1440, 207). | |
| 19 | Et quant vint au vin du congié prendre, Madame, qui vit le petit Saintré qui portoit une tasse a servir, le fist a soy venir (LA SALE, J.S., 1456, 11). | |
| 20 | ...mais, pour le matin estre tous a l'eglise, [le roi] demanda les espices et son vin de congié. (LA SALE, J.S., 1456, 225). | |
| 21 | Si le pere vendoit heritaige à aucun, et aucun de ses enffans aagez fust present o lui et heust sa part du vin de marché, il n'en auroit pas le retraict (Cout. instit. Anjou Maine B.-B., t.2, 1437, 256). | |
| 22 | "Haro, messire Guillaume, que je le veroie jà volentiers ! " Messire Guillaumes se hasta de parler et dist : "je le vous manderai par couvent que vous jeuerés à moi pour le vin " (FROISS., Chron. L., V, c.1375-1400, 91). | |
| 23 | LE GROSSAIRE DU PAPE [à l'évêque] Vez les ci, mon seigneur, tenez ! L'EVESQUE. Et, beau sire, vous en arez Le vin de doree semence. Prenez vint florins de Florence, Car bien les avez desserviz. (Gris., 1395, 74). | |
| 24 | A Melon, pallefrenier de monseigneur le sénéchal d'Anjou, (...) en IIII escuz, cent dix sols, à lui donnez par ledit seigneur pour le vin d'un cheval en poil grison (Comptes roi René A., t.2, 1451, 173). | |
| 25 | ... li contes... dist au signeur de Rainseflies... "Faites aporter le vin". On l'aporta : si burent chil de Gaind , et puis se partirent (FROISS., Chron. R., IX, c.1375-1400, 214). | |
| 26 | A Hance Hamis et Niclaux, compaignons brodeurs de maistre Pietre de Billant, en I escu, vingt sept solz six deniers, pour le vin à eulx donné par ledit seigneur (Comptes roi René A., t.1, 1452, 268). | |
| 27 | Et cil l'ont fait ainsy con vous l'oez conter, Qui cuident bien leur vin en celle heure haper (Jourd. Blaye alex. M., a.1455, 505). | |
| 28 | A Guyot Bouton, la somme de 25 s. dudit pris pour son vin d'avoir porté le 4e jour dudit mois de septembre lettres closes dudit argentier adressans a Jehan de Le Stague, son clerc, estant lors en Bourgoingne touchans le payement de deux cens lances... (Comptes argentier Ch. le Téméraire B.F.L., t.3/1, 1470, 239). | |
| 29 | A Vranque van Lare, la somme de 21 s. dudit pris pour son vin d'avoir porté ledit 7e jour de septembre et des lieu et commandement que dessus lettres closes de mondit seigneur adressans a messire Bauduin de Lannoy... (Comptes argentier Ch. le Téméraire B.F.L., t.3/1, 1470, 241). | |
| 30 | Vous nous faictes cy mencion D'estre faussaires et baveux Par payant ung vin gracïeulx (GRÉBAN, Pass. J., c.1450, 404). | |
| 31 | Vous arez Chascun de vous pour vostre vin, C'est m'entente, un petit fleurin : Tendez les mains. (Mir. pape, 1346, 356). | |
| 32 | ESTIENNE. Lembert, alons sanz plus attendre Mettre en ma main ces troys maisons De quoy plaidié yci avons (...). LE SERGENT. Vous en deverez bien le vin, Maistre, qui ainsi les avez. (Mir. prev., 1352, 242). | |
| 33 | LE MARQUIS [à la nourrice]. En bonne heure soit elle [ma fille] nee ! De par Dieu soit, puis que c'est fille. Pensez en bien, et par saint Gille Grandement paieray le vin (Gris., 1395, 50). | |
| 34 | ...priant grandement au portier qu'il peust passer, pource qu'il avoit très-grant haste, et il luy payeroit très-voulentiers le vin. (CHART. J., Chron. Ch. VII, V., t.2, c.1437-1464, 70-71). | |
| 35 | Mes amys de cueur fin, Que j'en aye vengeance. Je payeray bien le vin Tout a vostre ordonnance. (Myst. st Laur. S.W., 1499, 232). | |
| 36 | ... si disnèrent li signeur tout par loissir. Apriès disner et le vin pris, li connestables appella monsigneur le Barrois des Bares (FROISS., Chron. R., X, c.1375-1400, 50). | |
| 37 | ...monseigneur le curé en pourpoint (...) bien contrefaisoit l'adolé, et promectoit bon vin a ce trenchecoille. (C.N.N., c.1456-1467, 405). | |
| 38 | "Si vous me voulez garir et delivrer de ce mal sans la perte de mon oeil, je vous donneray bon vin", dit le chevalier. (C.N.N., c.1456-1467, 503). | |
| 39 | Prenez de nous ung courtois vin Pour nourrir amour et concorde, Et vous tenez en nostre corde Secrettement avecques nous, Et nous serons tousjours pour vous A passer tous par vostre esgard Ou cas que vous aurés regard A garder l'honneur qu'on vous pose. (Myst. Pass. Troyes B., a.1482, 895). | |
| 40 | Regardez quel vin vous donrons, Aprés noises et tous debatz (...) Par [serement] vous affermerés Que les disciples de Jhesus Ont par nuyt levé le serculs Et tiré leur maistre dedens. (Myst. Pass. Troyes B., a.1482, 896). | |
| 41 | Vous nous faictes cy mencion D'estre faulsaires et baveux Parpayant ung vin gracïeux : Je ne sçay quel vin ne quel saulse, Mais, s'il fault que mon ser(e)ment faulce Pour devenir menteur en fin, J'en auray ung si bon loppin Qu'il n'y fauldra pas retourner. (Myst. Pass. Troyes B., a.1482, 896). | |
| 42 | Et passa le roy les dictes crotes bien acompaigné, tant de grans seigneurs que ses gentilz hommes et ses gardes, et vint prendre son vin pres d'icelle petite ville cy davant nommee. (LA VIGNE, V.N., p.1495, 264). | |
| 43 | Mais il n'est nul esbatement Qui se puist penre nullement A celui qui son heritage Garde et s'onneur par vasselage, Après l'esbatement divin Qu'on fait de pain, d'eaue et de vin. (MACH., C. ami, 1357, 134). | |
| 44 | Elle fait toutes les karoles Par bours, par citez, par escoles, Ou on fait l'office divin Qui est fais de pain et de vin. (MACH., Prol., c.1377, 9). | |
| 45 | Ce pain (...) C'est mon corpz (...) Ausy ce vin ce est mon sang (Pass. Semur D.M., c.1420 [1488], 171). | |
| 46 | ...deux burectes d'or à mectre le vin et l'eaue à chanter en ladicte Chapelle (Ch. VI, D., t.2, 1420, 380). | |
| 47 | ...si comme seroit une pelote d'or perfaitement ronde. Et en ceste maniere doit l'en entendre que les estoilles sont speriques, car dire que elles sont creuses ou concaves et que elles contiennent autres corps aussi comme un vaiseau contient vin ou eaue, ce samble chose fainte et divinee. (ORESME, C.M., c.1377, 492). | |
| 48 | De Jehan de Montpellier, demourant à Tournuz, pour certains vins qu'il a euz des biens appartenans à Pierre d'Ausoir, alias de Cere, tenant le party que dessus, et pour compensacion par lui faite sur ce, par la main et pour convertir comme dessus, la somme de vint deux frans demi (Comptes Etat bourg. M.F., t.2, 1418, 81). | |
| 49 | ...si povre pays de labour, que il n'y croist vin ne bled (Trés. Reth. L., t.3, 1418, 14). | |
| 50 | En ladicte année, toutes les vignes presque universellement par tout le royaulme de France faillirent et ne apporterent que ung peu de chose, et le vin qui creust en ladicte année ne valut guieres et si se vendit bien chier. (ROYE, Chron. scand., II, 1460-1483, 108). | |
| 51 | Item , et qui veult faire ce moust des la saint Jehan et avant que l'en treuve aucuns roisins, faire le couvient de cerises, merises, guines, vin de meures, avec pouldre de canelle sans gingembre se petit non (Ménagier Paris B.F., c.1392-1394, 262). | |
| 52 | Ançoiz vault et proffitte ades Le vin des pommes de grenades, Et pareillement estimons Du jus de citres et limons. (LA HAYE, P. peste, 1426, 126). | |
| 53 | Quiconques homme vouldra prendre Ces trocisques pour soy défendre, En reçoive courtoisement Une dragme tant seulement, à la foiz o vin de grenades Acétouses et nompas fades, Et qui à ce vouldra s'embatre Faire le doit troiz foiz ou quatre, Ou plus ou mains, en la sepmaine (LA HAYE, P. peste, 1426, 146). | |
| 54 | Et si prins du vin aux chevaulx (JACQUES BRUYANT, Voie pauvreté richesse P., 1342, 38). | |
| 55 | ...pains, vin et hanaps, Met tout sur table. (Mir. st Alexis, 1382, 283). | |
| 56 | ...V ans a ou environ, il avoit admené par charroy, de la Rochelle en la ville de Valenciennes, certaine quantité de vins appartenant à Jehan Gauchier, son maistre (Reg. crim. Chât., I, 1389-1392, 395). | |
| 57 | Et fesoient les ouvriers dessuz diz tant d'ouvrage et si soubdainement que tous ceulx qui par la passoient en estoient esbahiz. Et les paioit Melusigne tous les samediz, si qu'elle ne leur devoit denier de reste. Et trouvoient pain, vin, char et toutes choses propices que il leur failloit, par grant habondance. (ARRAS, c.1392-1393, 46). | |
| 58 | Mais quant le peuple du païs scot que cellui qui estoit filz de leur droit seigneur estoit venus, si furent moult joyeux, et lui firent grans presens, a l'usaige du pays, comme de vin, de bestail, de poissons, de poulaille, de foings et d'avoines, et de moult d'autres choses. (ARRAS, c.1392-1393, 69). | |
| 59 | Et furent servis de tant de mez, et si grandement, et de vins si bons, d'oblies, d'ypocras, si largement que chascun s'esbahissoit dont tant de bien povoit venir. (ARRAS, c.1392-1393, 39). | |
| 60 | Quant on ot rusé longuement, Uns chevaliers isnelement Hucha le vin et les espices. Bien croy que ce fu ses offices, Car en l'eure, sans delaier, Y coururent li escuier. (MACH., R. Fort., c.1341, 147). | |
| 61 | Anciennement, comme dit Valere, usaige de vin estoit defendu a femme sur peine de mort. (GERS., Annonc., a.1400, 237). | |
| 62 | ... il sont moult sobre, et se passent bien deus ou trois jours a mengier char a moitié quite, sans pain, et de boire aige de rieu courant, sans vin ne cervoise. (FROISS., Chron. D., p.1400, 126). | |
| 63 | ...les Escos n'avoient nulles pourveances de vin, de pain ne de seel. (FROISS., Chron. D., p.1400, 145). | |
| 64 | Pour ce doit bien garder que on ne la voye nulle fois changee par vin prendre trop largement (CHR. PIZ., Trois vertus W.H., c.1405, 196). | |
| 65 | ...Pierre Hostelart, maistre des garnisons de vins d'icellui seigneur (Comptes Etat bourg. M.F., t.3, 1416-1418, 116). | |
| 66 | Ce jour, Geffroy des Molins, huissier de ceans, a esté commis à vendre au plus offrant certaine quantité de vins vielz de Bourgongne (FAUQ., II, 1421-1430, 193). | |
| 67 | Et, s'aucuns de noz Anciens, Qui furent bon Phisiciens, Aient défendu la béverie De vin en temps d'épidémie, Ilz le firent, com l'en présume, Pour ceulx qui n'orent pas coustume De le boire communelment (LA HAYE, P. peste, 1426, 99). | |
| 68 | Aussi ceulx de quelque parage, Qui puissance n'ont ou usage D'avoir vin en bonne manière, Doivent bouillir de l'eaue clère (LA HAYE, P. peste, 1426, 102). | |
| 69 | Et ce fait, entra en la Chambre, où il avoit fait assembler aucuns du Grant Conseil avec les maistres des Requestes de l'Ostel, et commanda d'apporter du vin pour nous faire boire. (FAUQ., III, 1431-1435, 18). | |
| 70 | Mais vous prenrez vin et espices Avec moy ains que vous partez. (MARCADÉ, Myst. Pass. Arras R., a.1440, 42). | |
| 71 | ...je me vois pourveoir D'un verre de vin froit et sain (Mir. ev. arced., c.1341, 119). | |
| 72 | Vueilz aussi que me rande compte De ces taverniers qui n'ont honte Chier compter ung po de viande (...) Et, quant vient au plus bas le vin, Le troublent pour vandre la lye. (Myst. st Adr. P., c.1450-1485, 7). | |
| 73 | Lors se tourna vers le dressouer, et versa du vin en une grande tasse (C.N.N., c.1456-1467, 214). | |
| 74 | ...on y beut d'autant et souvent et largement. Des vins et viandes parler ne seroient que redictes (C.N.N., c.1456-1467, 25). | |
| 75 | Helas, chetifz, je suis Longin, Gaignier ne seroye pain ne vin, Pouvre creature que ne voit goute, Despreveuz suis de force toute. (Pass. Autun Biard F., 1470-1471, 111). | |
| 76 | Je boyrey du vin de ce pot, Pour ce qu'il a belle couleur. (Pass. Auv., 1477, 89). | |
| 77 | Quel vin boit on ? (Pass. Auv., 1477, 149). | |
| 78 | Je croy qu'estes yvre de vin, Ma seur (Pass. Auv., 1477, 150). | |
| 79 | Goubelet, beau Gobelet (...) De grant cuer vous baisarey, mes que soyes plein de vin, Car tout le jour a vous j'ay ma pensee ; De grant amour vostre sçaveur m'agree. (Pass. Auv., 1477, 178). | |
| 80 | Pour plus longuement supporter Ma paine et ma passïon Contens suis de ce vin gouster Pour finer ma reffectïon. (Pass. Auv., 1477, 196). | |
| 81 | Advance toy ; de ce vin boy Pour mieulx en gré prendre la mort. (Pass. Auv., 1477, 206). | |
| 82 | LE JUGE. (...) Il vous ample de vin la pence (Mir. enf. ress., 1353, 29). | |
| 83 | Brun et Thederic qui, sans differance, decechoient toutes playes avec seul vin (PANIS, Guidon, 1478, chap. sing.). | |
| 84 | Dictes au chartier que luy mande Qu'il n'ait ne vin ne viande Nullement ne point de lumiere, Ne nulle rien qui luy affiere. (Mart. st Pierre st Paul, fragm. Anholt R., c.1480-1500, 201). | |
| 85 | Et voicy du vin, Dieu scet quel ! Il semble qu'on morde dedens. (Myst. Pass. Troyes B., a.1482, 928). | |
| 86 | Jamais je ne puisse mourir, Si je n'aimerais pas plus cher Du vin en un vilain picher Que de l'eau claire en une tasse D'or ou d'argent. (Myst. ste Barbe P., 1493, 40). | |
| 87 | ...[ils] entrerent ou celier d'un hostel d'icelle ville, et illec prindrent huit pintes de vin en quatre bouteilles, et aussy en burent. (Reg. crim. Chât., I, 1389-1392, 512). | |
| 88 | ...il vit Jehanne, femme Martin Loquet, couvreur de tuile, laquelle lui pria et requist que il voulsist boire de une chopine de vin avec elle et un sien filz nommé Colin (Reg. crim. Chât., II, 1389-1392, 347). | |
| 89 | Et, au fait des vignes, il y eut bien peu de vin, et par especial en l'Isle de France, comme d'ung muy de vin pour chascun arpent, mais il fut bien bon ; et se vendit chier le vin creu es bons terrouers d'entour Paris, comme de dix à unze escus chascun muy. (ROYE, Chron. scand., I, 1460-1483, 3). | |
| 90 | PREMIER POVRE. (...) Si vous pri, Menait, que de fait En la taverne nous menez Et ce pot de vin nous donnez Qu'avez promis. (Mir. Pierre Changeur, c.1378, 239). | |
| 91 | ...pour boire tout d'ung traict Ung pot de vin (Gaud. sot, c.1450, 8). | |
| 92 | ...le royaulme de France est, ... raempli de gros villaiges, de biaux pays, de doulces rivieres, de bons estans, de bonne prayeries, de courtois vins substancieux pour gens d'armes eux nourrir et raffresquir (FROISS., Chron. M., XIV, c.1375-1400, 86). | |
| 93 | Ne furent pas servi de mil, Mais de bon vin et de viande, Selonc ce qu'apetis demande. (MACH., C. ami, 1357, 25). | |
| 94 | Aussi y a vignoble d'excellence, Dont il en sort si tres grant habondance De vins clairetz, de vin rouge et vin blanc, Grec et latin que pour en parler franc, Sans les exquis muscadetz et vins cuitz, On y queult bien tous les ans mille muitz, Voire encore plus quant le bonheur revient (LA VIGNE, V.N., p.1495, 249). | |
| 95 | ...les vins communelment sont de chaulde et sèche nature, maiz de tant sont plus chaulx et plus secz que ilz sont plus vieulx, et sont les vins doulx plus nourrissans que les autres. (LA HAYE, P. peste, 1426, 234). | |
| 96 | ...et trouvoient ces chevaliers et escuiers d'Angleterre les vins ardans et fors, qui leur rompoient les testes et secquoient les entrailles et leur ardoient les foies et les poumons, (FROISS., Chron. M., XIV, c.1375-1400, 84). | |
| 97 | Le second remede est fuyr usage de vins fors et de chaudez viandez. (GERS., Annonc., a.1400, 237). | |
| 98 | Comme je le sans retantir ! Dieu, quel fort vin ! comme il point ! Je suis yvre, or est a point, Vin est trop perilleux bruvaige, Quil peu en bura sera saige. (Pass. Semur D.M., c.1420 [1488], 31). | |
| 99 | Et, au regard du fait et disposicion du temps de ladicte année, l'esté fut moult chault, et par especial depuis le moys de juing jusques au premier jour de decembre, et plus chault et ardant que onques n'avoit esté veu d'aage d'omme lors vivant. Et, à ceste cause, furent les vins chaulx et ardans, et plusieurs d'iceulx devindrent aigres et puans et en fut grant quantité de perdus et gettez par les rues. (ROYE, Chron. scand., I, 1460-1483, 300). | |
| 100 | Hé, mon Dieu, que ce vin est fort ! Il me fait la teste troubler. (Pass. Auv., 1477, 206). | |
| 101 | Mon Dieu, que ce vin est ardent ! Il m'eschaulfe toute la teste. (Pass. Auv., 1477, 207). | |
| 102 | Veés en cy dans ceste boutelhe. Boy, Jhesus, c'est coleur vermelhe De vin mirré pour toy ayder. (Pass. Auv., 1477, 196). | |
| 103 | Donnons luy a boere devant De vin espicé en mierre, Fin que son esperit se sarre Et qu'il vive plus longuement. (Pass. Auv., 1477, 196). | |
| 104 | Et delés ma dame disnai Ou petit prins pain et vin ai, Quen li veoir me delitoie Et de ce la me saouloie ; Car nous estiens priveement, Si qu'il n'i avoit seulement Fors la belle, moi et sa suer, Qui ne la laissast a nul fuer. (MACH., Voir, 1364, 346). | |
| 105 | ...li Englès sus le plat pays... trouvoient assés à vivre, et de ces nouviaus vins dont il faisoient grant larghèce (FROISS., Chron. L., VII, c.1375-1400, ). | |
| 106 | ...autre piece de vin, de vervins, de vinaigre, de miel, de ambres (Trés. Reth. S.L., t.2, 1408, 555). | |
| 107 | Et c'est ce que on seult dire moult souvent par maniere d'esbatement quant on dit qu'il est .IIIJ. manieres de vin, c'est assavoir vin de singe qui ne veult que saillir et jouer, vin de lion qui ne veult que riote et debat et bataille, vin de aignel qui ne veult que simplece et debonnaireté, et vin aussi de truye qui ne veult que dormir. Ainsy donc fait le vin moult de divers effects ou corps humain, sy come Aristote le tesmoigne qui en dit moult de choses en son livre des Probleumes (EVR. CONTY, Eschez amour. mor. G.-T.R., c.1400, 336). | |
| 108 | Deus cens nefs, d'un voille, marcheans d'Engleterre, de Galles et d'Escoce, arivèrent ou havene de Bourdiaus sus le Garonne, qui là aloient as vins (FROISS., Chron. R., VIII, c.1375-1400, 96). | |
| 109 | Compére, avez regardé point Celi qui est alé au vin ? (...) je devin Que ce soit Pierre le changeur (Mir. Pierre Changeur, c.1378, 288). | |
| 110 | Or vas viande et puis pain querre, Et je m'en vois au vin bonne erre (Mir. st Alexis, 1382, 283). | |
| 111 | J'ay veu maint mary Qui va au vin et n'en revient Jusque'aprez le chalivary. (MARTIN LE FRANC, Champion dames II, D., 1440-1442, 131). | |
| 112 | Quant viennent gens, je cours et happe ung pot, Au vin m'en voys sans demener grant bruyt (VILLON, Test. R.H., 1461-1462, 124). | |
| 113 | ...ilz avoient les vins si durs et si chaulx, et en buvoient largement pour oublier leur doulours. (FROISS., Chron. M., XIV, c.1375-1400, 98). | |
| 114 | Touz jours aras tu au vin guerre Tant con vivras ? (Mir. st Sev., 1362, 195). | |
| 115 | Mais de celui qui seuffre tele chose par trop boire vin ou par aucun autre incontinence, tout homme le devroit blasmer et vituperer. (ORESME, E.A., c.1370, 200). | |
| 116 | Sans sens est beste cellui qui est yvre et si remply de vin qu'il en pert raison et entendement ; il cuide boire le vin et le vin le boit (Ménagier Paris B.F., c.1392-1394, 44). | |
| 117 | [Au propre] Si doit de droicte coustume toute pucelle mettre largement de l'iaue en son vin et acoustumer a petit boire. (CHR. PIZ., Trois vertus W.H., c.1405, 196). | |
| 118 | ...qui ne fait bien son debvoir Envers sa femme, il lui enseigne Qu'elle se doit ailleurs pourvoir Et querir vin a aultre enseigne. (MARTIN LE FRANC, Champion dames II, D., 1440-1442, 156). | |
| 119 | ...ilz trouvoient petit de bonnes eaues ne de fresches pour temprer leurs vins ne eulx raffresquir (FROISS., Chron. M., XIV, c.1375-1400, 85). | |
| 120 | ...et puis buvoient de ces fors vins de Lucebonne et de Portingal, (FROISS., Chron. M., XIV, c.1375-1400, 98). | |
| 121 | ...bons vins de Gascongne, d'Ausai et de Rin, le potel pour trois estrelins (FROISS., Chron. D., p.1400, 123). | |
| 122 | Si trouverent li François ou havene de Garlande auquns vassiaus, ens esquels il i avoit des vins de Poito et de Saintongle et de la Rocelle, (FROISS., Chron. D., p.1400, 536). | |
| 123 | Et de toutes coses on i pooit recouvrer aussi largement conme a Bruges ou a Londres, et tavernes de tous vins de Grenate, de Grec, de Malevisie, de Riviere, de vins de Gascongne, de Poito, de France et de Rin, bon cabares et bien pourveus de chars, de volilles, de poissons. (FROISS., Chron. D., p.1400, 746). | |
| 124 | J'ay bon vin blanc et bon vermeil, Vin de Poitou et vin françois, Et j'ay bon vin sarrazinois, Vin de Rin et vin de Gascongne Vin d'Orlians, vin de Bourgongne, J'ay tres bon vin de Romenie D'Allemaigne et de Lombardie Vin bastart et bon Mouscadet Qu'on doit boire a petit godet (MARCADÉ, Myst. Pass. Arras R., a.1440, 266). | |
| 125 | Et s'ay tres bon vin d'Angleterre Qui a crut en roche de terre Tout hault en cruppe de montaigne Et s'ay aussi bon vin d'Espaigne Tel qu'il fault a ung bon friant Qui fait aler gens cancellant Aussi tost qu'on en a gousté Et s'ay en mon celier boutté Vin de Lieppe et vin d'Auxerre Qui est tant bel a boirre a verre (MARCADÉ, Myst. Pass. Arras R., a.1440, 266). | |
| 126 | Car le goust est quant au jugement des saveurs, et tel jugement font ceulz qui espreuvent les vins et qui asaveurent et confisent les sausses et les potages. (ORESME, E.A., c.1370, 222). | |
| 127 | Vin blanc, vin clairet de Lyon Des potz en eut ung million, Vin d'Alican, de Rommanie, Vin Bastard qui fait chiere lye, Vin d'Arragon, vin de Rosecte, Vin qui croist prest d'Eguebellette, Vin d'Anjou, vin de Sainct Porcin, Vin de Beaulnë et vin de Coing, Malvoisië et muscedeau, Vin d'Ausserre qui tant est beau Et aussi bon vin d'Ypocras. (Gaud. sot, c.1450, 13). | |
| 128 | ...le vin aqueux, subtil et blanc universalement est voisin a l'eaue, et quant au nourrissement resemble l'eaue et provoque l'orine et ne nourrist guere le corps. (Rég. santé corps C., 1480, 27). | |
| 129 | ...les vins rouges et gros sont plus nourrissant que les vins aquatiques ; toutesfois ilz sont moins nutritifz que les vins noirs. (Rég. santé corps C., 1480, 29). | |
| 130 | Vin d'estaples et de Vïart Vindrent aprés le vin bastart ; Vin de Saint Poursain, vin de Ris Orent des vins clarés le pris. (COUDRETTE, Mélus. R., c.1401-1402, 147). | |
| 131 | Et ensi va de ces boires, pur deviser si de coer coment homme poet avoir le vyn blanc et rouge et comander q'ils soient fortz pur faire moi et les autres hors de sens - car bien y est celui q'est yvres. (HENRI LANC., Seyntz medicines A., 1354, 20). | |
| 132 | ...lez Espaingnos estudiens avoient desir d'avoir copie de sez livres, si le prierent de souper avesques eulx, et luy donerent a boire vin rouge et vin blanc mellez ensembles, pour l'enyvrer, afin que il leur prestat plus tost sez livres (Songe verg. S., t.1, 1378, 228). | |
| 133 | Et donna ce jour la fontainne, tout au lonc dou jour, par les brocerons, vins blanc et vermel a tous ceuls qui en peurent ou vorrent avoir. (FROISS., Chron. D., p.1400, 93). | |
| 134 | ...est ordonné sur le pris du vin, que pipe de vin de pineau le meilleur ne sera vendu oultre C. solz et au dessoubz. (...) Item, le pot du meilleur vin claret et blanc, oultre VIII. d. (Doc. Poitou G., t.7, 1422, 381). | |
| 135 | Et portion espéciale De mellisse, herbe cordiale, Et les broier fort et quasser, O vin blanc, et puis les passer Par estamine ou autre chose (LA HAYE, P. peste, 1426, 122). | |
| 136 | Et que les vins blans soyent de moindre chaleur, il appert par Galien au IIIe livre des Maladies agues. En parlent du blanc vin il dit qu'il n'est pas possible que le vin blanc peust rendre l'omme fort eschaufé. (...) Et est chose veritable en faisant comparation du vin blanc au rouge qu'ilz soyent tous du terrouer et non pas aultrement, car les vins rouges de France ne sont pas si chaulx ne si fors que plusieurs vins blans d'aulcunes contrees. (Rég. santé corps C., 1480, 27). | |
| 137 | [Avant la bataille] Bien savoient que il avoient la bataille , puisque li Espagnol venoient en si grant flote... Si fist li rois aporter le vin, et but et tout si chevalier, et puis mist le bacinet en la tieste et ossi fisent tout li aultre (FROISS., Chron. L., IV, c.1375-1400, 92). | |
| 138 | L'on y boit du vin blanc Et vermeil à deux sols le pot. (Myst. ste Barbe P., 1493, 11). | |
| 139 | ...car dit Galien que le gros vin et rouge est plus nutritif que tous les aultres vins (Rég. santé corps C., 1480, 28). | |
| 140 | ...les vins noirs sont terrestres et de grosse substance. (LA HAYE, P. peste, 1426, 234). | |
| 141 | ...les vins rouges et gros sont plus nourrissant que les vins aquatiques ; toutesfois ilz sont moins nutritifz que les vins noirs. (Rég. santé corps C., 1480, 29). | |
| 142 | Les vins noirs sont de moindre chaleur que les rouz, et pour ce blessent moins le cerveau que les roux, mais il sont tardifz de descendre au ventre (Rég. santé corps C., 1480, 30). | |
| 143 | Guillaumes de Champdivers doit a Lambert le Chastelenet VI lb. XIII s. VI d. monoie courrent au pain et au vin a present pour vandue de vin vermoil (Echevin. Dijon L., 1342, 57). | |
| 144 | ...[ils] burent vin vermail à quatre tournois la pinte, et despendi chascun quatre deniers parisis. (Reg. crim. Chât., I, 1389-1392, 427). | |
| 145 | ...et puis ils aportent de tres bonne cervoise et des bons vins ; c'est à savoir vin claret, vermaille et blanc. (Man. lang. G., 1396, 66). | |
| 146 | C'est du vim roge de Valez. D'aultres y en a de Val d'Oste. (Myst. st Bern. Menth. L., c.1450, 38). | |
| 147 | ...achapt de quarente et six mileroles de vin roge (Comptes roi René A., t.3, 1458, 292). | |
|
