A. -

[D'une pers.] "Âgé ; qui porte les marques de l'âge" : Telx puet estre viez et chenuz... (DUPIN, Mélanc. L., c.1324-1340, 172). Là avoit un viés amiral Qui leur dist tout en general : "Biaus seigneurs, que volez vous faire ? Honnir nous voulez et deffaire !..." (MACH., P. Alex., p.1369, 200). ...puis ont un viez menestrier ou trompecte qui porte un viez esmay, et lui donnent une de leur vieilles robes (LA SALE, J.S., 1456, 278).

B. -

[D'une chose]

1.

"Ancien, vieux" : Agnés a Sare molt enhorte Que plus ne tiegne la loy morte, Mes la nouvele praigne foi Et deguerpisse la viés loy. (Mir. N.D. Rosarius K., c.1330, 19). Et si ot des musiciens Milleurs assez et plus sciens En la viez et nouvele forge Que Musique qui les chans forge, N'Orpheüs, qui si bien chanta Que tous ceaus d'enfer enchanta Par la douceur de son chanter, Devant eaus ne sceüst chanter. (MACH., R. Fort., c.1341, 147). Si ont tant nagié et vogué, Parmi la mer, qui a po gué, Qu'au viez port, devant Alixandre, Vint li bons roys sans plus atendre, En un juedi, ce m'est avis, Jour de la feste St. Denis ; Et y vint à l'eure de nonne. (MACH., P. Alex., p.1369, 67). ...einsois qu'eussent but ne mengié, Furent li anemy logié, Devant le viés port, à tel route, Qu'il couvroient la terre toute. (MACH., P. Alex., p.1369, 67). Il avoient si grant defaute de vivres qu'il ne savoient que mengier. Et y vendoit on un pain trois viés gros ; encore n'en pooit on recouvrer pour son argent bien souvent (FROISS., Chron. L., VII, c.1375-1400, 145). ... il i aporta la finance de .LXM. viés esqus. (FROISS., Chron. D., p.1400, 860). Mais tout ce ne li vaut une viese castaigne (Jourd. Blaye alex. M., a.1455, 113).

-

[Du vin] "De plus d'un an" : Jamais ne buverai ne viez vin ne claré Tant qu'il sera penduz et o vent encroé. (Jourd. Blaye alex. M., a.1455, 678).

-

[D'un péché] "Invétéré, non confessé" : Fai einsi, si feras que sages, Car c'est uns bons et biaus usages, Et cils qui a Dieu souvent compte, Il li rent bon et juste compte. Mais viez pechiés et vieilles debtes Font a Dieu compter a clingnettes, C'est a dire qu'il n'i voit goute. (MACH., C. ami, 1357, 122). Item s'il plaira a Dieu consentir que le povre pelerin pour ses grans pechiés viés soit fort temptés de blasfeme ou de vaine gloire ou de desesperacion ou de la foy [l. desperacion de la foy], que ja n'aviegne, ou que l'anemi infernal li monstre ses pechiés ocultes ou manifés dont par aventure il n'a pas esté bien confés, le pere prieur et peres Celestins, selonc le cas et temptacion qu'il porront apercevoir oudit agonisant, li veullent recorder qu'il doie prier a Dieu mercy a grant esperance d'avoir pardon de tous ses pechiés noviaus et viés. (MÉZIÈRES, Test. G., 1392, 318).

2.

"Ancien et usé (par le temps ou par l'usage)" : ...et pluiseurs qui demoroyent entre deux murs, se mirent à garison en le vièse forterèche. (Hist. chron. Flandres K., t.2, c.1342-1383, 93). LE FIL COME FOL. (...) il [le bugle] m'en portoit vers un assault De gens cornuz a rouges testes Qui tenoient les gens pour bestes, Se ne fussent de genoulz deux Renouans et coupans par eulx Cornettes de viez chapperons, Et couvrans de viez napperons La fumée de leurs langages. (Mir. parr., 1356, 15). ...ce viez chapperon (Hugues Capet Lab., c.1358, 265). ...alez tost (...) Une estache drescier et mettre Ou viez bordel qui est maison Gaste. (Mir. femme, 1368, 207). Nos gens ne pooient monter Sus la montaingne nullement Fors par trois lieus tant seulement, Qu'il n'i avoit que IIJ. entrées Vers le chastel, assez po lées, Entre viés murs et viez terraces ; Ne riens n'i avoit que les places. (MACH., P. Alex., p.1369, 162). Mais je tieng à trop grant laidure Que les mauvaises gens et fausses Li avoient mis unes chausses Rouges, reses, viez et usées ; Et s'estoient toutes troées ; Et uns viez solers emboez Qui tous IJ. estoient troez, Si que l'un des piez li paroit Telement qu'à tous apparoit ; Et un viez chaperon de pers Qui estoit tous mengiez de vers (MACH., P. Alex., p.1369, 272). Assés priès dou chastiel... avoit vieses maisons où nulz ne demoroit (FROISS., Chron. R., VIII, c.1375-1400, 78). Jehan Balle et Jaque Strau furent trouvé en une viesse maison repus (FROISS., Chron. R., X, c.1375-1400, 124). ...lui estant couchié en un lit en la ville de Gonnesse, avec un compaignon dont il ne scet le nom, de nuit, print en la bourse dudit compaignon quatre viez blans qui y estoient (Reg. crim. Chât., I, 1389-1392, 192). La marquise, sanz signe d'ire, despoille son riche habit et reprent le viez qu'elle avoit laissié et se consent liement de retourner a son povre pere. (Gris., 1395, 83). Lors s'en vinrent li doi chevalier et lor route sus l'oost ; et entrués la contesse et li aultre prissent un viés chemin herbu, qui s'adreçoit droit sus les fosses. (FROISS., Chron. D., p.1400, 519). ...comme .I. viez pelichon (Jourd. Blaye alex. M., a.1455, 634). ...puis ont un viez menestrier ou trompecte qui porte un viez esmay (LA SALE, J.S., 1456, 278).

3.

Loc. adv. De viez. "Depuis longtemps"

Rem. DESCH., Oeuvres Q., t.2, c.1370-1407, 51.

V. aussi vieux