| 36 exemples | | 1 | Mais il failloit que j'aprenisse, Car qui n'aprent en sa juenesse, Il s'en repent en sa vieillesse, S'il est tels qu'il le sache entendre : Car trop noble chose est d'aprendre. (MACH., R. Fort., c.1341, 152). | |
| 2 | Li preudome de la cité, Quant au lieu de conseil venirent, A l'enfant doucement deïrent : "Vien sa aveques nous sëoir, Car Dieus donner et pourvëoir T'a volu l'onneur de vieillesse." Daniel en mi eaus se dresse Et dit : "La verité sarez ! L'un long de l'autre separez." Et tantost on les separa. (MACH., C. ami, 1357, 13). | |
| 3 | ...veue ladite confession, l'en ne povoit espargnier ledit prisonnier à estre mis à question afin de savoir la verité de ses autres mesfaiz, sauf tant que, pour sa vieillesce, il feust une seule foiz et doulcement traitié et questionné. (Reg. crim. Chât., II, 1389-1392, 523). | |
| 4 | Car le temps s'en va sanz retour, Et s'ore ez en ta jeune flour, Viellece vient acourant fort Et avec, que piz est, la mort Qui nul ne nulle ne deporte, N'a nul age ne se rapporte (Gris., 1395, 12). | |
| 5 | Folz, voire voir, que c'est folaiges De soy arrester en jeunesce, Que cil qui attent la viellesce Ains que son cuer face meurir, Avant ses jours se fait morir, Car au retraire vient a tart, Si n'a qui de meschief le gart (Gris., 1395, 15). | |
| 6 | GRISELDIS [au marquis]. Et desci suis appareillie De retourner en la maison Mon pere, qui esté m'a bon, Ou je fui jadiz en jeunesce, En paix de cuer et en lÿece ; Ma viellesce y trespasseray Comme ma jeunesse y usay Et morray com vesve eüreuse, Qui ay esté femme et espeuse De tel et si noble seigneur (Gris., 1395, 82). | |
| 7 | Tu as beauté corporelle mais vieillesce tost la te muera. (GERS., Concept., 1401, 417). | |
| 8 | Ha ! Dieux ! avises en toy meismes que se tu n'as a present en toy les mouvemens que joennece livre aux gens joennes, ne plus ne te delictes en tieulx folies par vieillece qui t'a meuree et refroidie, tu n'es mie pour tant sans pechié (CHR. PIZ., Trois vertus W.H., c.1405, 200). | |
| 9 | ...toutesfois à cause de ma vieillesse je n'ay peu estre partout (LA MARCHE, Mém., III, c.1470, 304). | |
| 10 | ADAM. Mon confort, mon soulagement, L'esperence de ma vieillesse, Caÿn t'a murtry faulcement (Myst. Pass. Troyes B., a.1482, 116). | |
| 11 | Car Elizabeth, ta cousine, A conceu filz en sa vielliesse Par ung supernaturel signe, Dont elle a perfecte lÿesse. (Myst. Pass. Troyes B., a.1482, 157). | |
| 12 | A tort seroit par peste a mort livré(r) Quelque chose que nature propose, Et soustiendray, tandis que je vivray, Que encore doibt vivre bien longue pose Sans estre oultré, ne blecé, ne navré Tant que viellesse a son gré en dispose. (Cene dieux, c.1492, 111). | |
| 13 | JOSEPH À MARIE. ...des ce que m'espousastes Dëistes bien que ja a vous Part n'aroie, ce saves vous. Et je n'i contredis de rien, Mez le voul et vouloie bien ; Quar chasté a ce me menoit Et viellece s'i consentoit (GUILL. DIGULL., Pèler. J.-C. S., 1358, 57). | |
| 14 | Cestui fut moult expert en astrologie et en composa des livres qui sont communs en plusieurs lieux et, entre iceux, en fist ung sur les nativités qui est incomplect, par maladie qui lui survint en sa viellesse. (SIMON DE PHARES, Astrol., c.1494-1498, f° 109 r°). | |
| 15 | En l'aage de vieillece premiere, entre quarante ans et soixante, vient plus ceste appoplexie. (SAINT-GILLE, A.Y., 1362-1365, 96). | |
| 16 | Je te dy que le sire de ce païs et de ceste cité est un viel homme et ancien, et a nom Ysopes, et bien a .LX. ans passez que par viellesse ne voit goute (Bérinus, I, c.1350-1370, 63). | |
| 17 | Car il doubte que ne failliez Par viellece ou par impotence (Mir. mère pape, c.1355, 379). | |
| 18 | ...car vieillece et toute impotence fait les gens estre illiberalz. (ORESME, E.A., c.1370, 239). | |
| 19 | Ueterosus (...) : plain de vielesse (Aalma R., c.1380, 439). | |
| 20 | [Griseldis] Leur [à elle et à son père] petite vie appareille, (...) Et si couche son pere et lieve Et soustient, que point ne lui grieve Sa vieillesce, treshumblement ; Et lui fait, pour dire briefment, L'amour toute et l'umanité, Qu'elle puet en sa povreté (Gris., 1395, 29). | |
| 21 | ...afin que ycellui Chiffrelin, qui cheoit en villeesse, eust mielx de quoy vivre en ses derreniers jours, a donné et octroyé la somme de 30 frans de pension par an (Comptes Etat bourg. M.F., t.2, 1419, 326). | |
| 22 | Helas moy, je porte grandz faix, De viellesse mon corps chancelle (Pass. Semur D.M., c.1420 [1488], 88). | |
| 23 | Mon cher filz Seth, (...) Me fault de ce monde passer, Et par vieillesse trespasser (Myst. Pass. Troyes B., a.1482, 127). | |
| 24 | Les hommes en l'aage de villece jeunent tres legierement, secondement les consistens ; mais les enffans en adolescence le seuffrent plus a paine (SAINT-GILLE, A.Y., 1362-1365, 56). | |
| 25 | O vielliesse, Estat de rudesse, D'impotence et de grant foiblesse, Tant ay vesqu que je suis en tes laz. (Myst. Pass. Troyes B., a.1482, 317). | |
| 26 | LE PERE. (...) Dorenavant, mes membres sont confitz De grant viellesse Qui me rend mact, caducque, viel. (LA VIGNE, S.M., 1496, 164). | |
| 27 | Jalousie et ire amendrissent les jours et avant le temps amainent viellesse de pensee (DAUDIN, De la erudition H., c.1360-1380, 345). | |
| 28 | Se aucun est en possession paisible et saisine d'avoir fourches en aucun lieu et, aprés ce, ses fourches cheent par feblesse, veillesse ou par vent, non obstant ce qu'il se souffroit par pluseurs années de refaire les fourches, par ce ne pert il mie sa saisine ne sa possession qu'il ne puisse refaire les fourches, quant il lui plaira et le cas y avendra. (Cout. bourg. glosé P.M., c.1380-1400, 154). | |
| 29 | ...lequel escu estoit ja par viellesce moictié descouloré et presque tout terny (RENÉ D'ANJOU, Cuer am. espris W., 1457, 125). | |
| 30 | Et pour lesdis cas plusieurs en furent batus au cul de la charette, pour leurs jeunes aages et premier mefait, et les aultres, pour leur mauvaise coutume et perseverence, furent penduz et estranglez au gibet de Paris, nommé Montigny, [nouvellement] créé et estably pour la grant vieillesse, ruyne et decadence du precedent et ancien gibet, nommé Montfaucon. (ROYE, Chron. scand., I, 1460-1483, 4). | |
| 31 | Quant ceulx qui sont en aage de joenesce ont les ventres fluxibles, en aage de vieillesce ilz ont les ventres durs ; quant les joeunes ont les ventres durs, ilz sont fluxibles en vieillesce. (SAINT-GILLE, A.Y., 1362-1365, 60). | |
| 32 | Biau filz, qu'est ce ? Pour quoy m'as mis en tel tristesce Que ma viellesce deshonneures... ? (Mir. Barl. Josaph., c.1363, 276). | |
| 33 | Lors li vieus Saturnus parla Bien et honnestement ; car là N'avoit mie dieu ne deesse Qui le seurmontast de vieillesse. (MACH., P. Alex., p.1369, 4). | |
| 34 | Mais aucunes choses qui ont esté touchiees nous meuvent a faire une question, assavoir mon que l'en doit dire d'un homme qui avra bien vescu et beneureement jusques en sa vieillesce et sera mort bien et selon raison appartenante a felicité. (ORESME, E.A., c.1370, 131). | |
| 35 | Afin que quant il vendront en villece et il seront delivrés du benefice... (ORESME, Ycon. Arist. M., 1374, 845). | |
| 36 | Car combien que soie en viellesce, Je conmenceray la bataille Contre Dacien (Mir. st Lor., 1380, 163). | |
|
