A. -

"Tourment imposé à qqn" : Le Clerc preuve que aucunes herbes et la melodye dez instrumens si ont vertu naturele d'anpechier la vexacion et le tourment de l'Anemy, lequel il donne a aucun lunatique. (Songe verg. S., t.1, 1378, 390). Je feray des maulx largement Aux merchans, et aux laboreux ; Souvant les feray doloreux Par travaux et vexacions, Et de leurs biens perdicions. (Myst. st Adr. P., c.1450-1485, 8). Et te plaise garder nos corps De touts maulx et vexations (Prières saints R., t.2, c.1480-1500, 376). Je obtiendray procuracion De nostre infernal domicille, Tant feray grant vexation Aux humains par oeuvre subtille. (Myst. Pass. Troyes B., a.1482, 88). [GRÉBAN, Pass. J., c.1450, 4965] DIEU. (...) Il a heu payne, traveil, vexacion, Grande misere et tribulacion Jusques icy, tout le temps de sa vie (LA VIGNE, S.M., 1496, 555).

-

"Tourment, souffrance que l'on endure (et qui peut être salutaire)" : ...et lui feist aucuns biens, pour les peines, travaux et vexacions que prins avoit en sondit service faisant (Reg. crim. Chât., II, 1389-1392, 188). Assez fait ceste parolle a noter, mais plus a doubter, pour ce que vexacion et travail doit l'entendement esclarcir et le sentement accroistre, et, ou le rebours est, c'est signifiance de cuers endurcis et de voulenté obstinee, quant après l'adversité ne vient aux hommes cognoissance des ochoisons et des offenses qui les ont a telz meschiefs asserviz, ains retournent des qu'ilz se sentent quelque peu deschargiez a leurs premieres acoustumances comme le chien a son vomissement. (CHART., Q. inv., 1422, 50). Et leurs enfans, que travail avoit aprins a pacience, et vexation introduiz a entendre, recouvrerent comme innocens de peché le merite de grace, et comme vrays enfans de Israël l'eritage de leurs peres (CHART., L. Esp., c.1429-1430, 76). Tres humble supplication Vous fait par lamentaction, Piteusement, sans fixion, Vostre povre bailly d'Aucerre, Qui vous a par dilection Servy en bonne intention, Et sans dissimulation, Par temps de paix et temps de guerre, Dont il a grant vexation Et de vous n'a solation, Car tant a eu d'affliction Que venduë en a sa terre (RÉGN., F.A., 1432-c.1465, 170). Ce que je, frère Jean Chartier, chantre de Sainct-Denis en France, chroniqueur de France, certifie avoir veu et esté présent, endurant de grandes froidures, et souffrant beaucoup de vexation, combien que j'estois et soye sallarié et deffrayé pour les despens tant de moy que de mes chevaux, par l'ordonnance et volonté du roy (CHART. J., Chron. Ch. VII, V., t.2, c.1437-1464, 180). Tu dois volentiers emprendre toutes choses pour l'amour de Dieu, c'est assavoir labeurs et doleurs, temptacions, vexacions, anxietés, necessitez, enfermetez, injures, obloquucions, reprehensions, humiliacions, confusions, corrections et despections. (Internele consol. P., 1447, 174). Si advient communement que fortune ayde les hardis, comme dit Virgille, et vexacion donne entendement, comme dit le Saige (BUEIL, I, 1461-1466, 70). Cestui vesquit moult longuement sans aver quelque infortune, maladie ne vexacion grande (SIMON DE PHARES, Astrol., c.1494-1498, f° 17 v°).

B. -

En partic. "Harcèlement, persécution de qqn (par quelque abus de pouvoir, par des poursuites injustes...)" : En oultre, la Court a eu advis et deliberacion pour remedier aux vexacions que on fait chascun jour par procès de Court de Romme aux personnes ecclesiastiques de ce royaume (FAUQ., II, 1421-1430, 6). ...il sera tolleré (...) ausdictes femmes et autres de vendre et acheter, comme font de present esdictes places (...) et parmi la ville, sans leur faire aucune nouvelle contrainte ou vexacion au contraire par lesdis gens du Roy oudit Chastellet. (FAUQ., II, 1421-1430, 360). ...un procès de novelleté à l'occasion des vexations que l'evesque fait par sa jurisdiction ecclesiastique à pluiseurs qui appellent de lui à Sens (FAUQ., III, 1431-1435, 145). ...par le moyen de l'auctorité, port et faveur qu'il avoit, tant entour nostredit feu seigneur et père que à cause de sondit office d'avocat, il a faictes plusieurs acquisicions de droiz cessez à luy faiz de diverses personnes, moyennant lesquelz droiz cessez il avoit donné plusieurs grandes et indeues vexacions et travaulx à plusieurs de noz subgez et les tenoit longuement en procès, et tellement que par ces moyens il est venu à ses fins (Doc. Poitou G., t.10, 1456-1464, 436). Et, quant à la vexation, inquietation ou molestation de noz subgectz, et autres inconveniens advenus, (...) nous vous mandons, que, appellez aucuns notables hommes (...) vous advisez sur ce les provisions convenables et necessaires, et icelles nous envoyez pour en ordonner, ainsi que verrons estre à faire (Lettres Louis XI, V., t.2, 1461-1465, 122). ...quant doleances sont prinses des bailliz et autres juges dudit pays pour sortir juridicion en l'Eschiquier, ceulx qui obtiennent lesd. doleances les presentent et requierent souventesfois l'executoire aux plus loingtains vicontes des lieux ou sont les questions pendans. Et a ce moien, quant les parties descordent de la reintegracion, ilz sont contrains aller plaider devant le commissaire et executeur qui aucunesfois est de loingtaine viconté, qui est vexacion, travail et despense, et s'ensuivent plusieurs dommages pour les parties et grant desordre et confusion ès presentacions des causes de l'Eschiquier. (Echiq. Normandie S., 1469, 149). Mais continuellement avoit et résidoit en court ung trésorier et ung général, qui expédioient, chacun endroit soy, les matières survenans, ainsi que les trésoriers et généraulx des charges qui survenoient eussent peu faire, pour rédimer la vexacion et despense des poursuivans. (BAUDE, Eloge Ch. VII, V., p.1484, 137).

-

Racheter sa vexation. "Soudoyer pour arrêter le harcèlement" : ...pour lezquellez choses il avient souvent que plusieurs persones, et sanz cause, sont cytees devant eulx, seulement afin que ilz rachetent leur vexacion et travail de grant quantité d'argent ; laquelle chose est et redonde ou tres grant prejudice du Roy et de sez subjés. (Songe verg. S., t.2, 1378, 173). Quant lez officiaux veulent extorquier chevance d'aucune personne honeste et de bonne conversacion, pour ce que ilz ne treuvent que redire sur luy, il luy mettent suz que il soit usurier, lequel, pour echiver l'esclandre que le pueple ne cuide que il soit tel, et pour racheter sa vexacion, si leur donne, ou promet, aucune sonme d'argent. (Songe verg. S., t.2, 1378, 191).