| 57 exemples | | 1 | Ma dame, par ses damoiselles, A alligué raisons trés beles Et toutes choses veritables, Fermes, seüres et estables, Toutes traites de l'escripture Et ramenées a droiture. Mais qui tout vorroit deviser, Trop y averoit a viser. (MACH., J. R. Nav., 1349, 263). | |
| 2 | Si reçurent Son sacrefice en si bon gre Que li enfes en haut degré En fu ; c'est chose veritable, Ne say se le tenez à fable. (MACH., P. Alex., p.1369, 4). | |
| 3 | Et quant je fu bien endormis Et de mon penser tous hors mis, En mon dormant songay un songe Que je ne tien pas pour mensonge, Einsois le tien a veritable Et bon, que qui le teingne a fable. (MACH., F. am., c.1361, 199). | |
| 4 | Or tenez vostre parolle et faictes tant qu'elle soit veritable, ou aultrement il y ara maltalent et très grant courroux de moy à vous. (FROISS., Chron. M., XIV, c.1375-1400, 205). | |
| 5 | Li contes qui se veoit pris, ne savoit que dire, mais s'umelioit dou plus que il pooit, et n'esperoit pas a jamais estre delivrés de ce dangier. Et son esperance fu veritable, car on l'envoia en prison ens ou chastiel dou Louvre. (FROISS., Chron. D., p.1400, 503). | |
| 6 | Car en vostre loy je regarde Qu'il n'i a riens de veritable (Mir. st Ign., 1366, 95). | |
| 7 | Or disons donques quant est en voir dire ou signifier de soy meïsme, celui qui tient le moien soit apellé veritable et telle vertu soit dicte verité. (ORESME, E.A., c.1370, 167). | |
| 8 | ...il bailla lettres autentiques, seelees dou seel le roi et de pluisseurs barons d'Engleterre qui la estoient, en tesmongnant et en aprouvant les lettres a veritables (FROISS., Chron. D., p.1400, 450). | |
| 9 | Mais ton aide insuperable, Ta science veritable, Ta justice redoutable, Et ta grace secourable Le pevent de tout defendre (CHART., L. Esp., c.1429-1430, 17). | |
| 10 | ...c'est a entendre que sont maintes faulses langues desliees de flacteurs a gecter les fumees sans feu, c'est a dire porter et rapporter faulses et mauvaises renommees a hommes et a femmes sans cause et contre raison, mais elles ne peuent porter le feu, c'est la veritable preuve (LA SALE, J.S., 1456, 308). | |
| 11 | ...elle eschappa de mort a cause d'avoir senty des biens de ce monde. Qui est notable et veritable exemple a pluseurs jeunes filles de point refuser ung bien quand il leur vient. (C.N.N., c.1456-1467, 351). | |
| 12 | ...car j'ay trouvé des docteurs qui le alleguent pour acteur auctentique et veritable (SIMON DE PHARES, Astrol., c.1494-1498, f° 156 r°). | |
| 13 | ...on devroit dire messire Bertran du Glay-Aquin, et je vous diray dont ce sournom anciennement luy vint, selonc ce que j'ay oy recorder les anciens ; et c'est une chose toutte veritable, car on le treuve en escript en es anchiennes croniques de Bretaingne (FROISS., Chron. M., XIV, c.1375-1400, 8). | |
| 14 | Sire, en confesse le vous dy Pour veritable. (Mir. st J. Cris., c.1344, 292). | |
| 15 | S'avoit esté nez en Prouvence, Et bien enlignagiez en France Estoit de princes et de contes, Que veritables soit mes contes. De gentils gens estoit servis, Preus et apers a grant devis, Et avoit en sa compaingnie De moult noble chevalerie, A qui riches robes donnoit. (MACH., J. R. Nav., 1349, 213). | |
| 16 | Che que les Grecs dient est approuvé tres veritable : que folie engendre confidence, et erudition ou doctrine amaine cremeur (DAUDIN, De la erudition H., c.1360-1380, 34). | |
| 17 | Et puisque les deux opinions dessus dis ne plaisent pas et ne sont pas veritables, donques convient il dire que ce qui est par soy bien et qui est bien vraiement et proprement, tele chose est simplement et selon verité voluntable. (ORESME, E.A., c.1370, 194). | |
| 18 | Et pour ce, dire paroles veritables n'est pas tant seulement tres proffitable a science, mais avecques ce a bonne vie. (ORESME, E.A., c.1370, 497). | |
| 19 | Mais ce que telz diroient ne fait difference a la rayson ou conclusion que nous avons mise, quar nostre dit est veritable generalment, pousé que l'excellence soit ou resgart de la chose dehors ou en la vertu, c'est a dire en la puissance, quar le voiement qui puet veoir la mendre chose est plus puissant que celuy qui ne puet veoir si petite chose, et la puissance qui puet mouvoir par plus grande isneleté est la plus grande. (ORESME, C.M., c.1377, 194). | |
| 20 | Sachiez de certain que se je cuidoie que ces paroles feussent veritables, que je y mettroie remede si hastivement qu'il ne tendroit jamais terre ne possession, ceste ne autre. (ARRAS, c.1392-1393, 49). | |
| 21 | Et sachiez, quant de moy, que je croy que l'ystoire soit veritable. (ARRAS, c.1392-1393, 308). | |
| 22 | Nous ottroyons tout au premier de grace especiale l'umble supplicacion que Oroison a faicte pour noz bonnes gens de nostre bonne ville de Nazareth, Joachim et Anne, attendue la bonne et veritable relacion que vous de commun accort avez faicte d'eulx. (GERS., Concept., 1401, 405). | |
| 23 | Interrogué se le contenu es lettres de sentence d'icellui prevost, dont lecture a esté faicte ceans, present ledit maistre, estoit veritable, [ledit maistre Bernart] respond que non et qu'il y a faulte en deux ou en trois clauses (FAUQ., II, 1421-1430, 238). | |
| 24 | L'ARCEVESQUE. Et que saint esperit, di moy, Est Diex ? le croiz tu en tel guise ? (...) CLOVIS. Tout ce croy j'estre veritable, Et n'en doubt point. (Mir. Clov., c.1381, 276). | |
| 25 | Ledit Huguet Aubert, présens lesdiz Octo et Briçonnet, me présenta en une fueille de papier une compaignie de marchandie escripte et signée de la main d'icellui Huguet et aussi de Guillaume de Varye, lequel Huguet me dist et afferma que ladicte fueille de papier et le contenu en icelle estoit véritable (Aff. Jacques Coeur M., 1453-1457, 116). | |
| 26 | ...des hommes [du pays de Brabant] on soult dire, et se trouve assez veritable, que tant plus vivent et plus sont sotz (C.N.N., c.1456-1467, 461). | |
| 27 | ...j'en feray ung petit [conte] qui ne vous tiendra gueres ; mais il est veritable et de nouvel advenu. (C.N.N., c.1456-1467, 489). | |
| 28 | Maistre Meletun de Russis de Forlivio fist ung judice sur la revolucion de l'an 145e [sic, pour 1405] le XIe mars (...) avecques les figures probables des quartes et conjonctions et autres aspectz pertinens ad ce, et fut trouvé veritable et precizement calcullé. (SIMON DE PHARES, Astrol., c.1494-1498, f° 150 v°). | |
| 29 | Et tenoit on ce dit lieu imprenable Pour en donner sentence veritable. (LA VIGNE, V.N., p.1495, 245). | |
| 30 | Le tiers point, qu'il a esté bruit que Mons. de Bourgoigne avoit volu entreprendre le gouvernement du royaulme et plusieurs [choses] ou prejudice de mondit seigneur vostre frere, et qu'ilz le vouldroient bien advertir que ledit bruit n'estoit pas veritable, et en vouloient bien descharger mondit seigneur de Bourgogne envers luy. (LE CLERC, Interp. Roye, c.1502, 220). | |
| 31 | Par argumens bons et notables Et par questions veritables (CHR. PIZ., M.F., II, 1400-1403, 129). | |
| 32 | ...pour occasion de certaine injurieuse requeste, non veritable, baillée par escript de par ledit Courtableau en la Court de ceans (...) pour donner charge audit de la Porte à tort et sans cause (FAUQ., II, 1421-1430, 308). | |
| 33 | Le trop parler me deffendoit ; Parler a point me commandoit, Sans baudour et sans venterie, Sans mentir et sans flaterie ; Car c'est chose moult honnourable D'estre en son parler veritable, Et verité ne quiert nuls angles, N'elle n'a que faire de jangles. (MACH., R. Fort., c.1341, 9). | |
| 34 | C'estoient une gent, pour voir, Dous, humble, courtois, amiable, Entreprenant et veritable, Po emparlé, fier et hardi. Et ceste gent dont je vous di Dieu, raison, honneur et tout bien Et les dames sus toute rien Amoient et tenoient chier (MACH., D. Lyon, 1342, 206). | |
| 35 | Et voit on que, quant uns homs n'aura oncques yssu de sa contree, qu'il a des choses veritables assez prez de sa contree et region, que jamais ne vouldroit croire par l'ouïr dire, s'il ne le voit. (ARRAS, c.1392-1393, 4). | |
| 36 | GABRIEL. Alons, Pierres, il n'est nulz lieux Si delitables. MICHIEL. En ce dire estes veritables, Gabriel, que vous oy parler. (Mir. pape, 1346, 394). | |
| 37 | Et si as bon et loial juge, Sage, piteus et veritable, Qui t'est chose si pourfitable Qu'i te pardonra ton meffait, Se tu avoies bien meffait, La quel chose je ne croy mie. (MACH., C. ami, 1357, 65). | |
| 38 | Si que je li ajousteray Quant ce livre parfineray, Qu'il est preudons, et s'est estables, Liés, larges, loiaus, veritables, Justes, sages, bien avisez ; Et, se très bien le devisez, En tout est de si bon affaire Com nature puet homme faire, Asses vous en deviseroie (MACH., P. Alex., p.1369, 218). | |
| 39 | Mais nous entendon ici endroit de celui qui est veritable en vie et en parole senz regart a aucune difference quant a justice ou injustice. (ORESME, E.A., c.1370, 267). | |
| 40 | Et par ce, appert que ceux ne sont pas veritables, mais sont seducteurs qui loent et comandent pure povreté et dient que c'est estat de perfeccion (ORESME, E.A.C., c.1370, 529). | |
| 41 | Je vous lo que vous l'achetez [un mien serf], Et se l'avez, ne vous doubtez, Qu'il vous sera bien prouffitable, Car loiaux est et veritable. (Mir. Pierre Changeur, c.1378, 269). | |
| 42 | Et ceulx mirent leur conseil ensemble, et par les anciens trouverent qu'ilz ne avoient oncques eu discort aux ducs de Lucembourc, ne a leurs complices, et que, puis qu'il estoit si vaillans homs et si veritables, qu'ilz le lerroient passer. (ARRAS, c.1392-1393, 175). | |
| 43 | Par le contraire on maudit tous outrageux estaz tant es roynes comme es roys. Notez comment par bonnez roynes et veritables, chastes et humbles les biens sont venuz a divers royaulmes, comme la foy s'acreut en France par Clotilde, espouse au roy Clovys (GERS., Annonc., a.1400, 239). | |
| 44 | Job fut ung homme moult notable, Riche, puissant et veritable, Et qui voulentiers Dieu servoit (RÉGN., F.A., 1432-c.1465, 103). | |
| 45 | C'est a dire que verité est sur toutes choses. Et pour ce, mon ami, soiez tousjours ferme et veritable et fuiez la compaignie des bourdeurs et des rumoreux (LA SALE, J.S., 1456, 46). | |
| 46 | Et ce que je vous en ay fait, c'est pour ce que je vous entend a traictier comment la noble et puissant forteresse de Lisignen en Poictou fu fondee par une faee, et la maniere comment, selon la juste cronique et la vraye histoire, sans y appliquier chose qui ne soit veritable et juste de la propre matiere. (ARRAS, c.1392-1393, 5). | |
| 47 | ...non pas que je veille toutesfoiz dire que tous les chaperons fourrez ne soient bons et veritables ; mais car il y eut non pas ung peu de desloyaulté en cestuy cy, mais largement (C.N.N., c.1456-1467, 414). | |
| 48 | ...nostre maistrë Estourdy (...) est homme veritable. (Est., p.1460, 26). | |
| 49 | Je lui donne [à mon père adoptif, Guillaume de Villon] ma librarye Et le roumant du Pet au Deable, Lequel maistre Guy Tabarye Grossa, qui est homs veritable. Par cayeulx est soubz une table ; Combien qu'il soit rudement fait, La matiere est si tres notable Qu'elle admende tout le meffait. (VILLON, Test. R.H., 1461-1462, 78). | |
| 50 | Il estoit en son vertueulx advenir saige, large et veritable, et se nourrit en telz meurs et en telz vertuz, que je n'ay point leu ne sceu si vertueulx advenement de prince (LA MARCHE, Mém., II, c.1470, 335). | |
| 51 | Maistre Denis de Vincennes, medicin à Montpelier et excellant astrologien, apellé au service du duc Loys d'Anjou, fut moult veritable en ses jugemens particuliers (SIMON DE PHARES, Astrol., c.1494-1498, f° 144 r°). | |
| 52 | LA VEFVE. (...) O tressainct homme veritable, Amÿable, Favorable, Aÿdez moy presentement, Car j'ay douleur insacïable (LA VIGNE, S.M., 1496, 491). | |
| 53 | Car elle [Fortune] n'est ferme n'estable, Juste, loyal, ne veritable ; Quant on la cuide charitable, Elle est avere, Dure, diverse, espouentable, Traïtre, poignant, decevable (MACH., R. Fort., c.1341, 34). | |
| 54 | Et est chose veritable qu'il a passe plus de XL. ans que aucuns les plus saiges Sarrasins de Surie le revelerent secretement a moy, grant pecheur, zelateur et seul en Dieu dictateur de ceste nouvelle Chevalerie de la Passion de Jhesu Crist, disans trop clerement qu'il ne... (MÉZIÈRES, Sustance H., 1396, 99). | |
| 55 | ...je vous pry, ne creez pas tous Plaisir mondain qui parle ung chascun jour pour luy et pour ses procureurs sans nombre, que vous n'ayez le cuer volontaire et prest d'ensuyr et croire ce que on vous monstrera estre veritable et a tenir. (GERS., Déf., 1400, 222). | |
| 56 | ...de ce qu'il me sembloit adonc impossible advenir, j'en voy l'experience veritable (C.N.N., c.1456-1467, 573). | |
| 57 | Voicy chose terrible, Miserable, honteuse et confusible, Et se le tout se trouve veritable, O genre humain qu'est ton peché horrible Devant les dieux, puans et detestable (Cene dieux, c.1492, 116). | |
|
