| 9 exemples | | 1 | Forcë a (aussi) l'âme vegetative Comprenant generative Pour son espece conserver Et li tousjours monteplier, Et aussi la nutritive Avec la augmentative Qui sont pour garder seulement Le subget miex et longuement. (GUILL. DIGULL., Pèler. âme S., c.1355-1358, 234). | |
| 2 | Premierement, ce ne puet estre operacion de ame ou puissance vegetative, c'est vivre, car elle est commune as hommes, as bestes et as plantes, herbes et arbres. (ORESME, E.A., c.1370, 120). | |
| 3 | Il samble que l'opinion d'Averroïz, et d'Aristote selon Averroïz, estoit que, ausi comme les plantes ont vie et ame vegetative et les bestes vegetative et sensitive et les honmes vegetative et sensitive et intellective, que aussi le corps du ciel a en soy seulement ame intellective appellee intelligence, laquelle est indivisible et non pas estendue par quantité ne par parties, mes est toute en chascune partie de ce corps. (ORESME, C.M., c.1377, 314). | |
| 4 | ...le corps est ordené pour l'ame, et aussi lez puissances de l'ame sont ensembles ordenees, c'est assavoir lez puissances mains parfaites en la plus parfaite, conme la puissance vegetative, la speculative et la sensitive sont ordenees selon la puissance intellective, laquelle enforme et donne son estre a tout le corps (Songe verg. S., t.1, 1378, 59). | |
| 5 | Et povons assez demonstrer que ce [abstinences] soit contre nature vegetative, parce que il ne reçoit pas deübment son nourrissement. Secondement, c'est contre nature sensitive, parce que il ne prent nulle delectacion. Tiercement, c'est contre nature intellectuele, car naturel entendement si enseingne de nourrir le corps souffisament, sanz outrage. (Songe verg. S., t.2, 1378, 223). | |
| 6 | ...et comme tout ordre regulé soit par degrez reduisans en un, car autrement ce ne seroit pas ordre, si comme à aucun il n'affiere estre vague, aussi en nul ordre de laquelle homme est part il n'affiert qu'il n'y ait une fin et, comme dit le Philosophe, la fin, qui est le terme de tout oeuvre, rent concluse et close toute chose à terme establie, et à nostre propos, Dieu, sapience infinie, acteur de toute fourme, encore lui plot homme par le cours de son establis[s]ement, que nous disons nature, assimiler en diverses choses à tous autres animaulx, comme à nostre propos se peut appliquier aux plantes vegetatives, si comme nous veons en la nature des arbres en diverses saisons operacions estranges, si comme en yver est prise leur pregnacion et coagulence du fruit à venir engendré des vertus du soleil ou ventre de la terre, nourri en la racine attrempée par moisteur couvenable, lequel temps se peut comparer à l'enfent ou ventre de sa mere (CHR. PIZ., Faits meurs Ch. V, S., I, 1404, 32). | |
| 7 | ...car la Puissance Vegetative jamais ne repose, avecquez ses filles Nutritive, Formative, Assimilative et Unitive, qui sont en continuel oeuvre en leurs forges, dont les souffleiz bouffent par les membres espris de vie, de mouvement et de congnoissance, pour rapaisier le dommage de l'umeur radical, dont partie se consomme et degaste en chacun moment. (CHART., L. Esp., c.1429-1430, 24). | |
| 8 | Tourne toy apres a mediter les puissances de lame, tant en la partie vegetatiue que en la sensitiue que aussi en lintellectiue, et pense quelle diuersite il y a de vertus et comment ton ame a diuerses puissances en diuerses operacions. (CIB., p.1451, 186). | |
| 9 | ...il sont quatre humeurs ou corps humain, c'est assavoir sanc, fleume, colere et melancolie, comme a esté declaré, entre lesquelles le sanc est le meilleur, premierement car c'est la matiere des esperis, desquelz la vie est maintenue et toute operation vegitative, vitale et animale (Rég. santé corps C., 1480, 136). | |
|
