"À la manière d'un vassal, d'un chevalier, courageusement, vaillamment" : ...et se sont monstrez si vassaument que on les doibt bien tenir proeuz (LE BEL, Chron. V.D., t.1, 1352-1356, 3). ...ilh s'aparelhat de deffendre, et soy corirent sus vassalement les dois partiies. (HEMRICOURT, Miroir Hesb. B.B., 1353-1398, 175). "Par ma foy, dist mesires Robers de Biaumanoir, je m'i acord, et mout parlés ore vassaument . Or soiiés vous trente ; nous serons nous trente, et le creante ensi par ma foy" (FROISS., Chron. L., IV, c.1375-1400, 112). Et dist bien li rois de France et afrema que li princes de Galles avoit regné poissamment et vassaument (FROISS., Chron. R., VIII, c.1375-1400, 225). Le captal se combatoit si vassaument qu'il resbaudissoit moult sa gent (Chron. Valois L., c.1377-1397, 146). ...messires Guillaumes de Douglas, conme preus et entreprendans chevaliers qu'il fu, issi de lor hoost environ l'eure de mienuit atout .CC. armeures de fier en sa compagnie, et passa celle riviere bien lonch de lor hoost, par quoi on ne s'en peuist apercevoir. Et se feri moult vassaument en l'oost des Englois, en criant : "Glas ! Glas !" Et conmenchierent ils et si compagnon a faire une grande envaie, et a coper et mehagnier gens et a abatre, car ce fu sus le point dou premier sonme (FROISS., Chron. D., p.1400, 148). Si passerent adonc li signeur et toute l'oost oultre, armé et ordonné par maniere de bataille et asallirent, a ce dont, le chastiel d'Agillon, fortement, sans euls espargnier. Et i ot ce jour maint honme blechiet, car chil qui dedens estoient, se desfendirent si vassaument que mervelles seroit a recorder. (FROISS., Chron. D., p.1400, 660).