I. -

Empl. intrans.

A. -

[D'une chose]

1.

"Rester vide, manquer" : Car en toutes ces choses il n'i a lettre ne point qui vaque que il n'i ait grant mistere de salut [éd. : "car, dans toutes ces questions, il n'y pas une seule lettre ni un seul point qui manque sans qu'il y ait un grand mystère concernant le salut"] (FOUL., Policrat. B., V, 1372, 309).

2.

[D'une charge, d'un office, d'une dignité, d'un bénéfice...] "Ne pas être pourvu de titulaire, être transitoirement inoccupé" : Quant cilz offices et celle eveskiet vaghièrent, tantost li rois d'Engleterre... escrisi au duch de Bourbonqu'il... vosist ... aller devers le saint père pape Urbain et impetrer pour son chapellain l'eveskiet de Wincestre (FROISS., Chron. L., VII, c.1375-1400, 101). Ensi vaca par le mort dou connestable de France li offices de le connestablie : si fu avisé et ordonné et regardé de qui on le feroit (FROISS., Chron. R., IX, c.1375-1400, 233). ...par especial ou temps que le siege de l'Ampire de Ronme vaca par lonc temps, il [les papes] reconmencerent a dire que ceste puissance et prerogative il avoient de Droit devin. (Songe verg. S., t.1, 1378, 95). Et, en un aultre cas aussi, il pourret estre par aultre couroné, c'est assavoir se le siege de l'arcevesque vaque, ne si ne puet estre de liger pourveü d'arcevesque (Songe verg. S., t.1, 1378, 138). ...et aussi, quant l'Enpyre vaque, il [le pape] s'entremet du gouvernement de l'Enpyre (Songe verg. S., t.2, 1378, 9). Ordenons aussi que quant aucuns des siéges des séneschaucies ou bailliages de nostre royaume vacqueront, il y sera pourveu par bonne esleccion par les gens de nostre dit grant conseil et de nostre parlement, à gens suffisans et expers en fait de justice. (Ch. VI, D., t.1, 1406, 297). ...fu supplié au Roy d'aucuns seigneurs qu'il donnast le lieu de quart president, qui vacoit ou devoit vaquer vraissemblablement, par ce que le premier vacoit par ladicte election et par ainsy devoient monter l'un des autres oudit lieu, à maistre J. de Vailly, advocat (BAYE, II, 1411-1417, 132). Et finablement fu conclud sur ladicte requeste que ledit maistre Phelippe Le Besgue monteroit ou entreroit en ladicte Chambre de Parlement, ou premier lieu de clerc qui vaqueroit (FAUQ., II, 1421-1430, 48). Durant lequel temps vacqua l'archevesché de Narbonne, lequel, pour l'amour et faveur d'icelui duc de Bourgongne, fut donné par notre saint père le pape, à Jehan de Harcourt (MONSTRELET, Chron. D.-A., t.5, c.1444-1453, 59). ...le curé de son village alla de vie a mort, et ainsi vaca son benefice (C.N.N., c.1456-1467, 285). Quant il vacquoit aucun office de judicature ou autre, il se faisoit informer de la souffisance de ceulx à qui il la donnoit (BAUDE, Eloge Ch. VII, V., p.1484, 134).

-

Vaquer en/par regale. "Relever de l'autorité du roi, par suite de vacance" : ...afin que aus dessusdis conseilliers on veulle pourveoir d'une partie des benefices qui desormais vaqueront en regale et à la collacion du Roy (FAUQ., II, 1421-1430, 5). Et mesmement se plaingnoient et complaignoient, car les esglises ou vous avés droit de regale, quant elles vacquent en regale vous donnés les proffis de la regale, c'est assavoir du temporel de l'esglise, a aucuns particuliers (JUV. URS., Verba, 1452, 345). ...maistre Jehan Royer, docteur en theologie, est en procès par devant vous, à cause de la prebende et chanoinie de Tournay, que autresfoys luy avons donnez comme vaccant en regale, dont est fort inquieté et des pieça de sa partie adverse (Lettres Louis XI, V., t.8, 1479-1480, 1). ...nous avons (...) donné à (...) maistre Allart de Thoars la prebende de l'esglise Nostre Dame de Tournay lors vaccant par regalle, au moyen duquel don (...) il en a prins possession (Lettres Louis XI, V., t.8, 1479-1480, 104).

-

Empl. impers. Il vaque un lieu. "Un emploi est vacant" : ...quant aucun des seigneurs clerc ou ayant gages de clerc voloit estre lay et avoir gages de lay ceans, et il vacoit un lieu de lay, tel qui avoit par avant gages de clerc devoit estre preferé devant tous autres (BAYE, I, 1400-1410, 304).

-

[D'une terre, d'un fief] "Ne pas avoir transitoirement de seigneur" : La quèle dame fu moult desolée ... de le mort le conte son mari... Si se traist... à la terre de Binch dont elle estoit doée. Ensi vaca la conté de Haynau un temps (FROISS., Chron. L., III, c.1375-1400, 106). Auques en celle saison ossi trespassa de ce siecle li jones dus de Bourgongne qui s'appeloit messires Phelippes, par laquèle mort vaghièrent pluiseur pays, car il estoit grans sires durement (FROISS., Chron. L., VI, c.1375-1400, 77). Aultres raisons monstrans evidemment n'estre que desrision ce que Henry de Lenclastre se disoit avoir esté esleu roy, et comment le royaulme ne luy devoit advenir par quelque maniere qu'il vacquast (JUV. URS., T. crest., c.1446, 155). Et n'est doubte que, le royaulme vaccant, il vient au plus prochain lignagier habille a succeder de la couronne, et ainsi, en quelque maniere que le royaulme vacquast, il deust estre venu au plus prochain habille a succeder (JUV. URS., T. crest., c.1446, 156).

B. -

[D'une pers., d'une collectivité]

1.

[D'une pers.] "Cesser ou suspendre son activité, demeurer inoccupé, être au repos" : Il semble que felicité est en vacacion, car nous ne faison pas vacacion afin que nous vacon [on peut comprendre ainsi : "nous ne nous mettons pas en arrêt d'activité, en sorte que nous soyons par la suite en repos"], et nous bataillon ou combaton afin que aprés nous menon nostre vie a paix. (ORESME, E.A., c.1370, 521). [...ce Bertrand] Qui ne vous laira mie vaquer longuement (CUVELIER, Chron. Guescl. C., t.1, c.1380-1385, 18073).

-

Part. prés. en empl. adj. : Et telz gens qui ainsi ont leur viande et leur viez de bestes domestiques, il sont vacans et oyseus et se pourvoient de leurs vivres sans labeur (ORESME, Pol. Arist. M., c.1372-1374, 61). ...car il convient que le conseil democratique soit une chose tele que il ait la cure de conseillier et proveoir que le peuple ne soit vacant (ORESME, Pol. Arist. M., c.1372-1374, 198). Car pource que tel peuple ne a pas mout de substance ou de richeces, il ne est pas vacant ne oiseux (ORESME, Pol. Arist. M., c.1372-1374, 261).

Rem. Guill. Orange T.H.G., p.1450, gloss. (vacquer).

-

Part. prés. en empl. subst. "Cessation d'activité, fait d'être inactif" : Item, l'accion de celui qui est politique n'est pas vacant ou vacacion et final repos. (ORESME, E.A., c.1370, 521).

-

[D'un animal] "Rester sur place" : D'oneur ne sçara tant ne quant, S'iert comme une chievre vacant Qui ne scet que brouter et paistre, Ou comme un chat qui est en l'aistre, Qui brulle son poil et qui l'art (DESCH., M.M., c.1385-1403, 107).

2.

[Du parlement, d'une cour de justice...] "Suspendre ses fonctions pendant quelque temps" : Jà soit ce que la court de parlement vacant de présent ne siée point, néantmoins, touz quanques avons peu estre trouvez à Paris, avons esté le XXVIIIe jour d'octobre, assemblez en la chambre dudit parlement. (Ch. VI, D., t.1, 1401, 214). Sur quoy a esté deliberé et advisé, que comme le Parlement vacast (...) messeigneurs les presidens (...) iroient sur ce que dit est parler au Chancellier (BAYE, II, 1411-1417, 26). Ce jour, vaque la Court pour les processions generales qui se font de Nostre Dame à Saincte Genevieve (BAYE, II, 1411-1417, 86). Ce jour vaque la court [du Parlement] (Ch. VI, D., t.1, 1412, 358). Mardi, XXVJe jour de juillet, furent commencées les plaidoiries après ce que le Parlement a esté remis sus, qui, par certain temps, avoit vacqué. (FAUQ., I, 1417-1420, 143). ...le fait de la Court, qui avoit longtemps vaqué et vaquoit par faulte de paiement des gaiges (FAUQ., III, 1431-1435, 18). Et, le premier jour d'octobre ensuivant, maistre Jehan Balue fut et ala en la sale du Palais royal à Paris, la court de Parlement vacant, pour ilec aussi faire publier lesdictes lettres, où il trouva maistre Jehan de Saint-Rommain, procureur general du roy nostre sire, qui formellement s'opposa à l'effect et execution desdictes lettres, dont ledit Balue fut fort desplaisant, et pour ceste cause fist audit de Saint-Rommain plusieurs menaces (ROYE, Chron. scand., I, 1460-1483, 185).

II. -

Empl. trans. indir. Vaquer à/en

A. -

Vaquer à/en qqc. (une activité). "Être occupé à qqc., y consacrer son temps" : Li roys Tarquins a fait semblant de funder temples, lieux religieuz aussi comme se il fust de tout hors de cure de batailles et de guerrez et que il n'eust que faire, mez que de vaquier auz euvrez urbaines et priveez (BERS., I, 1, c.1354-1359, 53.5, 88). Et entendent et vaquent mesmement a teles choses es temps dessus diz. (ORESME, E.A., c.1370, 433). Mais celui qui vaque et met son entencion a speculacion, il ne a mestier de nulle tele chose quant a son operacion (ORESME, E.A., c.1370, 526). Et ceste povreté voluntairement acceptee est expediente pour miex vaquer a contemplation, si comme il appert ou .XVIe. chapitre du .Xe. d'Ethiques. (ORESME, Pol. Arist. M., c.1372-1374, 307). ...il estoient une maniere de gens, lezquelx estoient appellés Druydes, qui devoient vaquier es choses dyvines (Songe verg. S., t.1, 1378, 324). Car il estoit venu principaulment pour nostre salut et redempcion, a laquelle chose il voulet vaquier conme a la plus neccessaire, plus haute et plus profitable (Songe verg. S., t.2, 1378, 56). Et la verge puignant et rude Fait l'enfant vacquier a l'estude (THOMAS MAILLET, Prov. Alain H., c.1375-1400, 58). ...le doien de Paris, maistre J. Chanteprime, conseiller ceans, ne povoit vacquer, obstant son doienné, à sondit office (BAYE, I, 1400-1410, 166). ...plus me griesve l'empeschement que a l'estude par ses occupacions me fait [Fortune], qui mainte fois troublent si ma fantasie que ne puet vaquer l'entendement au bien qui lui delicte, tant est offusqué par ces dures pointures que ne fait le fait du mal que j'en sueffre. (CHR. PIZ., Avision T., 1405, 169). ...et pourront desoremaiz travailler ne vacquer ès affaires de nostredicte chambre (Ch. VI, D., t.1, 1406, 295). Il mesme se servoit en vacant a philosophie pour enseigner aultrui. (PREMIERFAIT, Cas nobles hommes G., 1409, 200). ...se tu vacques à vin et à luxure tu t'asubjectis (CHR. PIZ., Paix W., 1412-1413, 174). ...en excusant la Court de ce qu'elle n'a pas acoustumé de vaquer en adinvencions de finances (FAUQ., I, 1417-1420, 212). Ce jour, la Court taxa pour les salaires dudit Rose en ladicte commission, pour chascun jour qu'il y a vaqué ou vaquera, X solz à Paris, et hors de Paris XXIIIJ solz parisis. (FAUQ., I, 1417-1420, 223). ...oultre leur salaire ordinaire d'avoir vaqué nagaires à la vendicion ou delivrance de certains blez (FAUQ., II, 1421-1430, 11). ...pour les plus astraindre et pour les faire entendre et vaquer plus diligemment en ses causes et besoingnes (FAUQ., III, 1431-1435, 38). Quiconques aprendra familiarement aymer meditacion et souuent y vouldra vaquer elle luy rendra tresioyeuse vie (CIB., p.1451, 180). Per tout le pays fut grant feste et dura XXII jours sans vacquer a aultre chose (Belle Maguel. C., 1453, 59). ...[le marchand] vacca et entendit au gouvernement de navires, a entasser thesaur et amonceler grandes richesses (C.N.N., c.1456-1467, 554). Tant avoit vacqué et donné son entente a l'estude, que en tout le païs n'y avoit clerc de plus grand renommée (C.N.N., c.1456-1467, 569). Plus parfaictes devocions Devons aussy avoir ensemble (...) Et vacquer au divin service (Myst. Pass. Troyes B., a.1482, 1031). Cestui vaqua tout son temps en astrologie et eut plusieurs disciples (SIMON DE PHARES, Astrol., c.1494-1498, f° 26 v°). De cestui est escript qu'il vaca nonante ans à l'estude de sapience (SIMON DE PHARES, Astrol., c.1494-1498, f° 72 r°). Cestui, lui estant à Boulongne et à Pavie, a vacqué ès jugemens particuliers longtemps, comme je lui ay oy dire (SIMON DE PHARES, Astrol., c.1494-1498, f° 165 r°). SAINCT MARTIN (...) [au novice]. Mon amy, vacquez a l'office Et, tous les jours, de vostre corps Rendez a Dieu le sacreffice (LA VIGNE, S.M., 1496, 375).

-

Vaquer à/en + inf. "S'occuper, s'employer à + inf." : Afin que il ne puissent vaquer ne entendre a machiner contre le tirant. (ORESME, Pol. Arist. M., c.1372-1374, 245). ...apres l'ivrece vaca A elle oir, et revoca La sentence qu'il ot donnee (CHR. PIZ., Chem. estude P., 1402-1403, 236). ...à Jehan Malechart, Gauthier Journot (...) ouvriers de bras, et à plusieurs autres, la somme de huit frans sept gros demi (...) pour plusieurs journees qu'il ont faites, employez et vacquees en avoir apporter des l'ostel Huguenin d'Aufrezin de Mascon jusques sur le port de la riviere de Soone pres dudit Mascon plusieurs biens meubles, tant vins que autres choses (Comptes Etat bourg. M.F., t.2, 1418-1420, 173). ...ordonnons par ces presentes que, non obstant que la dicte court ait publié les vacacions estre données de certain jour avenir jusques au prouchain Parlement, qui sera le XIIIe jour du mois de novembre prouchainement venant, noz amez et feaulx les conseilliers et gens de monseigneur et de nous ordonnez à tenir la dicte court soient, vacquent et entendent diligenment, durant les dictes vacacions, en la chambre de la dicte court, à conseillier, deliberer, visiter et jugier les procès estans appoinctiez au conseil et en arrest (Doc. Poitou G., t.7, 1419, 347). Et sur ce ne fust prinse conclusion, pour ce qu'il convenoit lors entendre et vaquer à oïr les plaidoieries. (FAUQ., II, 1421-1430, 115). Venredi, XIXe jour d'aoust et les jours ensuivans, les presidens et conseilliers de ceans n'ont gaires vaqué à entendre à l'expedicion et jugement des procès (FAUQ., II, 1421-1430, 318). ...et lequel aide à maçon rapporta response desdictes lettres à ladicte femme dudit maistre Odo, qui avoit gaigné par chacun jour qu'il avoit vacqué à aler audit lieu d'Estampes et retourner à Paris II sous parisis par chacun jour. (ROYE, Chron. scand., I, 1460-1483, 75). Et, après que ledit connestable ot ainsi esté laissé es mains des dessus nommez, monseigneur le chancelier, premier et second presidens de Parlement, et autres notables et sages personnes en bien grant nombre vaquerent et entendirent à bien grant diligence et solicitude à faire ledit procès, et, en faisant icellui, interroguerent ledit seigneur de Saint-Pol sur les charges et crimes à lui mis sus et imposez : ausquelz interrogatoires il respondi de bouche sur aucuns poins. (ROYE, Chron. scand., I, 1460-1483, 352).

-

Au passif empl. impers. (Il) est vaqué à qqc. "On s'occupe de qqc." : Cedit jour, vint le Chancellier en la Court, et appellées toutes les Chambres, tant de Parlement que des Comptes et du Tresor, fu vaqué au scrutine de l'election de procureur du Roy, et nundum conclusum. (BAYE, II, 1411-1417, 102).

-

Empl. abs. Vaquer. "Besogner, travailler" : ...et a esté enjoint aux procureur du Roy general et dudit Chastellet qu'ilz vaquent et besoignent avec lesdiz commis et les instruisent. (FAUQ., II, 1421-1430, 110). De rechief, par ce que nostre dit tres chier pere est tenu et empeschié d'une tres griefve maladie, ce que nous avons doleur ramenbrer, et que pour celle cause il ne povoit entendre ou vacquer en sa personne pour disposer les besongnes du royaulme (JUV. URS., T. crest., c.1446, 58). Expiré est et mort vostre exalteur, Cil qui portoit les pesans faiz et sommes, Pour escripre perdant repoz et sommes, Vaccant adez pour louer vostre haulteur, Des grans vertuz le vray excitateur : Trepassé est et mis dessoubz la lame (ROBERTET, Oeuvres Z., c.1450-1500, 175).

-

Empl. trans. dir. Vaquer des journees : Leon de la Vau, qui requiert estre paié de plusieurs journees qu'il a vacquees pour le fait de la ville... (Reg. Poitiers F., t.2, 1465, 329).

B. -

Vaquer à qqn/qqc. "S'appliquer à qqc., se concentrer sur qqn ou qqc." : Et mouvoir ainsi continuelment sanz vacacion et sanz cesser et sanz avoir remission ne repos de vaquer a prudence ou a speculacion, ce n'est pas bonne vie. (ORESME, C.M., c.1377, 304). Ainsis par jeune femme prandre Ne puez tu vacquer ne entendre A chevalerie n'a elle. (DESCH., M.M., c.1385-1403, 142). Mets au devant de toutes choses exteriores la vacacion a Dieu. Car tu ne porroies vacquier a moy et toy deliter ensamble es choses transsitores. (Internele consol. P., 1447, 233). Si delessent leurs haults couraiges et les bonnes entreprinses qu'ilz ont commencées, pour entendre et vacquer à la charnelle volupté (BUEIL, I, 1461-1466, 27). ...aulcunnefois, est advenu que la necessité a esté a la chose publique que le prince se soit dés sa jeunesse mis a la conduitte et gouvernement de son peuple et de ses affaires, qui ont esté telz qu'il n'a eu temps ne opportunité d'estudier ne de vaquier aux lettres ne aux sciences (FILLASTRE, Traité Conseil H., c.1472-1473, 156). Mais puis que ainsi l'avez volu requerre, Obeyr veul a vous tous sans enquerre Et y vaquer de tout mon pensement. (Myst. siège Orléans H., c.1480-1500, 94).

-

Vaquer à Dieu/aux choses spirituelles : En un chascun de ses lieux conversa en administrant la vierge. (...) En Nazareth : en vacant a Dieu seulement et estre ententive es choses espirituelles (Mir. Berthe, c.1373, 156). ...et l'office de ce chief [le Saint Pere] est vaquier es choses espiritueles seulement (Songe verg. S., t.1, 1378, 61).

-

Vaquer à qqn. "S'occuper de qqn" : ...pour le paiement des gages des seigneurs de ceans par messeigneurs qui vacoient aux prisonniers oudit Chastellet. (BAYE, II, 1411-1417, 276).

-

Empl. abs. "Se concentrer, se recueillir dans la méditation" : O quant me sera donné tout a plain que je puisse vacquer et veïr comme tu es souef, mon Seigneur et mon Dieu ? (Internele consol. P., 1447, 131).

C. -

P. ext. Vaquer en (telle ou telle situation, tel ou tel état). "Se trouver (dans telle ou telle situation, tel ou tel état)" : Et ala par le pays, visitant les fors et les villes. En ce party vacqua par my la terre deux mois (ARRAS, c.1392-1393, 212). ...ouquel voyage faisant tant en alant, sejournant comme en retournant, il a affermé avoir vacqué par cinq jours entiers, commençans ledit IIe jour d'octobre et finissant continuelment ensuivant, qui au feur de VI gros par jour font ladite somme de II frans demi, et rend cy l'acquit. (Ecorch. Ch. VII, T., 1444-1445, 49). En ce son premier voyage vaca le bon marchant l'espace de cinq ans (C.N.N., c.1456-1467, 126).

-

Vaquer à paix/en repos. "Être en paix, être tranquille" : Et vaquer ou reposer a paes les fait plus estre injurieus. (ORESME, Pol. Arist. M., c.1372-1374, 328). Mes elles [l'attrempance et la justice] sunt plus neccessaires a ceulz qui sunt a paes et vacans en repos qu'a ceulz qui ont guerre. (ORESME, Pol. Arist. M., c.1372-1374, 328). Car ceulz ici avroient meismement mestier de philosophie et de attrempance et de justice de tant comme il seroient vacans en repos et en habundance de telz biens (ORESME, Pol. Arist. M., c.1372-1374, 329).

-

Vaquer par. "Se complaire dans" : Ilz vaquent par lez delitz mondains, et se ingerent aux vanités dez cours temporellez et aux occupations de oeuvrez layes (CHART., L. Esp., c.1429-1430, 55).

-

Vaquer sans... "Rester sans..." : Le temps que Cesar vacqua sans faire guerre... (MAMEROT, Romuleon D., 1466, 258).

-

Empl. abs. "Se trouver là, se trouver qq. part" : Combien que saint Pol die en l'epistre aux Rommains que toutes choses sont sceues par humaine nature, voire sans les secretes choses de Dieu, et qu'il a retenues en sa congnoissance, sans autre, la nature aux humains si est a entendre pluseurs hommes vacquans par universes contrees. (ARRAS, c.1392-1393, 311).

-

[D'une chose] Vaquer outre. "Se trouver à l'encontre (?)" : Mais accomplis entierement et loiaulment ce que tu dois et qui t'est enjoint, et se aucune chose vacque oultre, ren toy a toy mesmes, ainsi comme ta devocion le desire (Internele consol. P., 1447, 321).

-

Empl. impers. "Se passer"

Rem. Percef. IV, R., c.1450 [c.1340], 225/198.

V. aussi vacant