A. -

"Vantardise, fait de se vanter, défaut de celui qui se vante" : Le trop parler me deffendoit ; Parler a point me commandoit, Sans baudour et sans venterie, Sans mentir et sans flaterie ; Car c'est chose moult honnourable D'estre en son parler veritable, Et verité ne quiert nuls angles, N'elle n'a que faire de jangles. (MACH., R. Fort., c.1341, 9). Et nompourquant tant en vueil dire Sans venterie et sans mesdire A sa loange seulement, Que de li venra proprement, S'en toute ma vie riens vail, A qui cuer, corps et ame bail. (MACH., R. Fort., c.1341, 13). Pour ce vous pri que des or mais Soiez cointes, jolis et gais, Loiaus, secrez sans venterie, Car vous avez loial amie. (MACH., R. Fort., c.1341, 141). Laissiez ester icelle vanterie ; Je ne donroie riens de celle bourderie (Hugues Capet L., c.1358, 99). ...Et s'estoie certeinnement Dalés lui plus seürement Que long de li, se m'i tenoie, Pour ce qu'ailleurs aler n'osoie, Qu'on ne me tenist pour espie. Et s'on dit que c'est venterie, Bien afferroit ceste loange A tel qui bien fait l'armerenge. (MACH., F. am., c.1361, 148). Et le vice qui excede en feignant plus grant chose soit apellé vanterie, et celui qui a tel vice soit dit vantëeur, et celui qui est en moins soit dit eyron. (ORESME, E.A., c.1370, 167). Une vertu moienne est opposite a ventance ou venterie, mais elle est nommee et est presque vers teles choses comme est la vertu dessus dite. (ORESME, E.A., c.1370, 266). Ce sont les .III. manieres devant dites de venterie, mais la second et la tierce emportent autres vices (ORESME, E.A.C., c.1370, 268). L'autre vertu aussi que Aristote appelle verité nous encline a sy bien nous maintenir en port et en parole que nous ne puissons estre repris de vanterie par nous loer trop excessivement, n'estre repris aussi de moquerie par nous trop abaissier contre raison (EVR. CONTY, Eschez amour. mor. G.-T.R., c.1400, 444). Cil est nobles et pour tel se maintient, Sans vanterie et sans decepcïon, Qui envers Dieu obeïssant se tient Et fait le droit de sa professïon. (CHART., B. Nobles, c.1424, 396). C'est fol cuider et vanterie vaine Pour digne sang ou lignee haultaine De soy tenir pour noble, s'il n'y pert (CHART., B. Nobles, c.1424, 403). ...la folle vanterie D'ung jeune ouvrier (SAINT-GELAIS, Séj. honn. D., c.1490-1495, 340).

-

Au plur. "Propos de vantard" : ...vuiseuses paroles, Bourdes, mensonges et frivoles, Arrangies et attroppées, Malicieusement comptées, Ruses avec losangeries, Presumptions et vanteries Et toutes paroles volages. (MACH., D. Aler., a.1349, 268). Mais faire teles venteries afin d'avoir argent ou quelconquez chose de quoy l'en peut avoir argent, c'est plus laide chose et plus vituperable. (ORESME, E.A., c.1370, 268).

B. -

"Exagération"

-

Sans vanterie : Et se des oeuvres passees en ce temps de guerre se peut faire rapport sans vanterie et sans arrogance, on a peu veoir, en pou de jours, ung prince en joune aage esloignié par fureur et sedicion de la maison royal dont il est filz et heritier, guerroyé de ses ennemis, assailli de glaive et de parolles de ses propres subgiez... (CHART., Q. inv., 1422, 47). Et s'est fieux du milleur c'o jour d'ui soit en vie [var. du mont sans vanterie] (Jourd. Blaye alex. M., a.1455, 688).