| 54 exemples | | 1 | Ceulx qui ont les corps sains, user de fortes medecines laxatives est forte chose. (SAINT-GILLE, A.Y., 1362-1365, 62). | |
| 2 | Si furent ses medicins et chevaliers d'oppinion que on l'envelopast en lincieux de toille fine my user [l. usée], trempez en eaue ardant, pour que sa nature est de eschauffer (SIMON DE PHARES, Astrol., c.1494-1498, f° 151 r°). | |
| 3 | ...user de plus large diete (SAINT-GILLE, Comment. A.Y. L., 1362-1365, 351). | |
| 4 | Si pri Amours, qui scet que loyaument Et longuement l'ay servi, sans fausser, Et serf encor de si vray sentement Que tous me vueil en son service user, Qu'elle pité face en ma dame ouvrer, Tant que merci en puisse recevoir, Ou que la mort me face tost avoir ; Car, par m'ame, s'à sa merci failloie, Devant la mort nulle riens ne vaurroie. (MACH., L. dames, 1377, 34). | |
| 5 | ...toutes les viandes qu'ilz convoitoient a user. (Percef. IV, R., c.1450 [c.1340], 897). | |
| 6 | ...donc est grant danger user lesdittes eaues (LE FORESTIER, Rég. épid. pest., 1495. In : Chrestom. R., 278). | |
| 7 | ...ilz lui respondirent que il n'en avoit que faire, et que ce estoit mauvaise viande, et que tel en pourroit bien mengier et user à qui il ne feroit jà bien. (Reg. crim. Chât., I, 1389-1392, 424). | |
| 8 | Ceulx qui vouldront en leur cuisine User donques de la marine Doivent choèsir poisson et prendre De légière substance et tendre (LA HAYE, P. peste, 1426, 93). | |
| 9 | Et faict grant mal qui lors n'abstine De toute chose lacticine, Fors de formage en fin de table, Duquel user est tolérable (LA HAYE, P. peste, 1426, 95). | |
| 10 | Des manières de bevrages desquelz fault user et desquelz non user en temps pestillencial. (LA HAYE, P. peste, 1426, 98). | |
| 11 | Tu ne vauroies un festu, S'en ce prens ton temps a user. (ACART, Prise am. H., 1332, 19). | |
| 12 | Si met dou tout en vostre garde Cuer, corps, ame ; car il n'est lieus Ou mettre les peüsse mieus, Pour mon temps user liement. Et se vous promet loiaument Qu'en vostre douce compaingnie Vueil mon temps user et ma vie. Quar je voy bien tout en appert Que cils qui vous pert, il se pert. (MACH., R. Fort., c.1341, 85). | |
| 13 | Pour li ne vueil user jamais Qu'en pleur mes ans. (Mir. nat. N.S.J.C., c.1343, 238). | |
| 14 | ...demourer conme hermite Y voulray (...) Et ycy par devocion Mon temps user. (Mir. chan., c.1361, 175). | |
| 15 | Puis que j'empris l'amer premierement, Je n'eus onques matiere de chanter Qui de dolour ne fust ou de tourment. Mais plus ne vueil einsi ma vie user, Einsois me vueil dou tout reconforter Et estre liés, chantans et pleins de joie, Qu'Amours le vuet et ma dame m'en proie. (MACH., L. dames, 1377, 87). | |
| 16 | Et puis qu'einsi loyal amour l'agrée, Je vueil mon temps user, sans repentir, En ce penser et en ce dous desir. (MACH., L. dames, 1377, 92). | |
| 17 | Ne plus ne vueil aourer Venus n'Espoir, ne vivre en doulz penser, Eins vueil fuir et haïr toute joie, Quant j'ay perdu la riens que plus amoie. Si vueil user toute ma vie en plours Et tant plourer que m'arme soit noïe En mon plourer et qu'avec mes dolours Ma fourme soit en larmes convertie. (MACH., L. dames, 1377, 201). | |
| 18 | Ottroiez ly conseil sy ferme Que il puist sy user le terme De sa vie, qui est mortele, Qu'il ait des ciex la joie belle, Qui tout temps dure. (Vie st Fiacre B.C.P., c.1380-1400, 20). | |
| 19 | Onques ne vost user sa vie La jus fors en afflicïon. Bonne remuneracïon En doit avoir. (Vie st Fiacre B.C.P., c.1380-1400, 26). | |
| 20 | ...lui veant qu'il estoit aagiez homs et ne povoit doresenavant user sa vie ne espargnier aucune chose audit mestier, s'estoit et est parti de Paris puis IIJ sepmaines (Reg. crim. Chât., II, 1389-1392, 521). | |
| 21 | En vray astronomë user Ay volu ma vie (Jeu Etoile T., c.1400-1500, 101). | |
| 22 | Mais je te diray que je fais : Je regarde la grant franchise Qui en li est mise et assise, Et comment il vuet sans fausser En moy servir sa vie user ; Et puis, selonc ce qu'amer vuet, Soit bas, soit haut mettre l'estuet, Car raison n'y iert ja gardée, Puis que mise y iert sa pensée. (MACH., D. verg., a.1340, 29). | |
| 23 | Et d'autre part je sçay certainnement C'on ne puet miex valoir, fors empirer, De faire dueil. Pour ce vueil liement User mon temps en loyaument amer, Ne plus ne vueil desconfort osteler, Ains chanteray plus que je ne soloie, Qu'Amours le vuet et ma dame m'en proie. (MACH., L. dames, 1377, 88). | |
| 24 | Si vueil user mon vivant, En servant Vo biauté fine esmerée, Et faire vo dous comant. (MACH., L. dames, 1377, 98). | |
| 25 | Ne je ne pris un bec de jay Ceuls qui s'en vorroient ruser, Car je ne puis mon temps user En milleur n'en plus bel usage Pour avoir noble et lié corage Et pour estre gais et jolis, Gens, joins, apers, cointes, polis. (MACH., Prol., c.1377, 7). | |
| 26 | Et combien qu'il eust esperance de l'espouser et de user ses jours avec elle (Chancell. Henri VI, L., t.2, 1433, 251). | |
| 27 | ...user le bendit ["béni"] corps Jhesu Crist (HENRI FERR., Modus et Ratio, Livre deduis T., c.1354-1377, 151). | |
| 28 | Il [le prêtre] fait le pain en char changier (...) Et le peust lever et couchier (...) Et user bien communement. (HENRI FERR., Modus et Ratio, Songe pest. T., c.1354-1377, 40). | |
| 29 | L'ONCLE. (...) Sire, vous avez une fille (...), Laquelle (...) Pour un nostre ami requerons Par mariage (...). LE PÉRE. Biaux seigneurs, ceste chose c'est Un fait a autre non pareil, Qui ne se doit point sanz conseil Faire, qui bien en veult user. (Mir. chan., c.1361, 154). | |
| 30 | En ta foy, esperance et charité, Sire, me fay perseverer et user (GAST. PHÉBUS, Livre oraisons T., c.1380-1383, 30). | |
| 31 | Et me vault mieulx, pour abreger, Y user par secrete voye ["agir avec discrétion"] (Au grey d'amours F.-H., c.1400-1500, 232). | |
| 32 | ...et puisque ainsi est que vostre plaisir est tel que de user par le conseil desdits seigneurs en ceste matière... (CHASTELL., Chron. K., t.3, c.1456-1471, 163). | |
| 33 | ...et mesmes le roy s'effémina et s'oublia en péchés, et donna loy quasy et exemple d'user de mesme (CHASTELL., Chron. K., t.4, c.1456-1471, 368). | |
| 34 | ...il en fist à l'ordonnance des lois et costumes du pays de Hollande, lequel est un pays de justice et bien sachant user sur tels cas et samblables, touchant la mer (CHASTELL., Chron. K., t.5, c.1456-1471, 87). | |
| 35 | Puis que je suis roy couronnez ; Je renonce a vostre conseil, Et desoresmais user vueil De ma puissance en touz endroiz, Ainsi qu'il me plaira (Mir. ste Bauth., c.1376, 118). | |
| 36 | ...qui labouroit de ses propres mains pour soy nourrir et les siens sans user de l'auctorité de prendre son vivre temporel de ceulz ausquelz il semoit bien espirituel ? (GERS., P. Paul, a.1394, 509). | |
| 37 | Cesar disoit que on devoit contre son anemy user du conseil duquel les medicins conseillent a user contre les maladies du corps, c'est assavoir de fain ainchoiz que de fer. (LA SALE, Salade, c.1442-1444, 61). | |
| 38 | Quand je me vy ainsi d'elle eloigné, je voulz user pour remede du conseil d'Ovide. (C.N.N., c.1456-1467, 177). | |
| 39 | Toutevoies a user par fruition des choses comme il appartient, deux choses sont requises, c'est a scavoir la presence de la chose, et de ce dont on use par fruicion et deue et convenable disposition d'icellui qui doit user par fruicion. (Somme abr., c.1477-1481, 117). | |
| 40 | User proprement d'aucune chose est de le prendre en la faculté selon le pouoir de la voulenté, mais fruir et [l. est] user en joyeuseté realement, non pas en espoir, mais de fait. Par quoy appert que fruir est plus general que user, car quiconques fruyt, il use, mais qui use, pas ne fruyt. (Somme abr., c.1477-1481, 118). | |
| 41 | [Les habitants de Châtillon, dispensés de la servitude du I>portage/I>] ont leur franc marchié soit de leur creu ou pour leur user ou pour marchandise (Chartes communes Bourg. G., t.1, 1371, 388). | |
| 42 | ...que nuls drapiers ne drapiere (...), ne drapece ne ne face draper par lui ne par autrui, en appert ne en couvert, soit pour sen user ou aultrement, nulz draps enthirs ne piece de draps quelzconques (Hist. industr. drapière Flandre E.P., t.3, 1384, 26). | |
| 43 | ...et aussi avoir prins plusieurs draps de lit, desquieulx il a fait des robelinges pour son user. (Reg. crim. Chât., II, 1389-1392, 170). | |
| 44 | Item à Rouen pour son user une paire de solers ès hales dudit lieu et à une autre foiz ès hales de Paris pour son user deux paires de solers. (Reg. crim. Chât., II, 1389-1392, 438). | |
| 45 | Damp Jehan Fixot, prieur des Houlletes (...) a en la forest du dit lieu des Monstiers Hubert pour son user et chauffer le boiz sec en estant et en gesant et le vert en gesant, hors deffens et sans amende. (HECTOR DE CHARTRES, Cout. R.B., 1398-1402, 25). | |
| 46 | Et sy a son desgrain es troiz moulins de la prevosté de Gavray sans paier moulture de son fourment pour son user (HECTOR DE CHARTRES, Cout. R.B., 1398-1402, 102). | |
| 47 | Hurtebise, Tost, tost, abille tes chevaulx Pour charier bas en ces vaulx : Ma dame veult son car user. (MOLINET, Myst. st Quentin C., c.1482, 316). | |
| 48 | Item, qu'ilz doivent avoir le fourcq et la branche pour fere charbon pour leur user. (HECTOR DE CHARTRES, Cout. R., 1398-1408, 10). | |
| 49 | Item nuls marchans forains admenans denrées et marcheandises d'espicerie a Paris ne pourront icelles vendre a detail a Paris, synon par trois jours entresuyvans seullement, a compter du jour que icelles denrées auront esté visittées par lesdits jurez, ad ce que le peuple en puist avoir pour son user seullement et non pour revendre (Mét. corp. Paris L., t.1, 1450, 507). | |
| 50 | ...si fut sa bonne femme contrainte (...) en lieu de mary user d'amy, actendant le rappaisement de son dit mary (C.N.N., c.1456-1467, 421). | |
| 51 | ...quant Bruiant vous eut ravie la pucelle Flamine, il la conduisi a cheval jusques au lieu ou vous le trouvastes endormy, et la en cuida user deshonnestement. (Percef. III, R., t.2, c.1450 [c.1340], 194). | |
| 52 | Pour user cinquante semelles Soubz mes souliers... (Sots gard., a.1488, 114). | |
| 53 | ...Et pour a point plusieurs coups desbender La grosse trousse de garrotz et de vires, Pareilz a ceulx qu'on voit en ses navires Le plus souvent user a volunté (LA VIGNE, V.N., p.1495, 213). | |
| 54 | Et pour ce te vault il mieulx user tes biens par raison en ta vye (...) que tu ne fais de les laissier a ceulx que tu ne scez comment il[s] les useront. (LA SALE, Sale D., 1451, 128). | |
|
