"Tromperie, fausseté, mauvaise foi" : ...s'il revenoit par aucune maistrie, Je seroie a tous jours retéz de tricherie (Flor. Rome W., c.1330-1400, 187). Or te vueil ces couleurs aprendre, Comme en Amours les dois entendre : Saches que le pers signefie Loiauté qui het tricherie, Et le rouge amoureuse ardure Naissant d'amour loial et pure (MACH., R. Fort., c.1341, 68). Tout en autelle maniere respondirent li autre prince, qui estoient plain de faulseté et de tricherie (Bérinus, I, c.1350-1370, 171). A l'entree de ce passage Trois dames ot, pleinnes de rage, Et s'estoient si grans maistresses Qu'elles s'appelloient deesses, L'une d'orgueil, l'autre d'envie, L'autre de toute tricherie. (MACH., C. ami, 1357, 82). Einsi me deporteray De tout ce que dire orray, N'en merencolie Ja mon cuer n'en metteray, Pour ce que pure me sçay De leur tricherie ; Ne cuers qui est de bon port Ne doit doubter leur raport Plein de felonnie. (MACH., Ch. bal., 1377, 598). ...par leur tres grant tricherie et barat, ilz jugent dez choses avenir, car quant l'Anemi pense a faire aucune chose, il le dit et revele aucune foys, en faignent que aultre le doye faire, pour monstrer que il sache lez choses avenir. (Songe verg. S., t.1, 1378, 371). L'omme qui veult mener rigle de bonne vie pour avoir beaucoup de bien en ses jours doit garder sa langue de dire mal et que de ses levres ne yssent quelconques parolles de faulseté ne tricherie (CHR. PIZ., Paix W., 1412-1413, 83). Tant a en ly de trucherie Car ou peuple de Guallillee Il a trestoute anichiellee La loy. (Pass. Semur D.M., c.1420 [1488], 191). ...toutes ydolles, toutes fantosmes et toutes dyableries perdirent incontinent leurs malvaistiez, faulcetez et tricheries, de quoy les dyables decepvoient les gens (LA SALE, Salade, c.1442-1444, 125).

Rem. FROISS., Méliad. L., 1373-1388, gloss. (trecerie).

-

"Acte de tromperie, mensonge" : Car Envie si n'est pas seule, Eins vomist souvent par sa gueule Contrueves, baras, jengleries, Meffais, traïsons, tricheries, Murtres, detractions, haïnes, Ou tant a de maises racines Qu'onques nul n'en dit bon exemple, N'en siecle n'a ordre ne temple Ne seculer qu'elle ne triche. (MACH., D. Lyon, 1342, 224). ...et toutes les lachetez, tricheries et mauvaistiez qu'il avoit faictes et maintenues, il les mettoit sur Aigres le gentil chevalier (Bérinus, I, c.1350-1370, 325). Ha ! frére, conment fuz tu tel Que pensas telle tricherie Pour acomplir ta lecherie ? (Mir. emper. Romme, 1369, 308). Diex, (...) Ne veult souffrir sa menterie, Sa traison, sa tricherie ; Pour ce m'a le parler rendu (Mir. Rob. Dyable, c.1375, 73). Sachiez que tant que vous userez de loyauté, sans penser ne faire tricherie, ne mauvaitié, et que vous les ayez sur vous, vous ne serez desconfiz par armes, mais que vous ayez bonne querelle... (ARRAS, c.1392-1393, 84). ...affin que, s'il y a tricherie ou mauvaise pourpensée, que ceulx qui ce feroient en soient corrigés et pugnis. (Echiq. Normandie S., 1423, 102). Messager doit sur soy porter l'enseigne de son maistre, maiz celuy a de soy effacé le signal de Dieu, qui se souylle des taches de murtre et de tricherie. (CHART., L. Esp., c.1429-1430, 119). ...vous avez fait de l'eglise de Dieu fosse de larrons, et du saintuaire divin banque de tricherie (CHART., L. Esp., c.1429-1430, 176). Il couvient que je te herré, Car tu m'as fait grant trichery ; Ton fait, il sont tout trompery. (Path. D., c.1456-1469, 132).

-

"Ruse" : Je vous prometz que temprement Useray mieulx de trecerie (MARCADÉ, Myst. Pass. Arras R., a.1440, 240).

-

"Trahison" : Adonquez s'avisa d'unne grant tricherie Dont mains hons en moru (Hugues Capet Lab., c.1358, 242).

-

Par tricherie. "Par tromperie" : Si la prist assez de legier Par aguet et par tricherie (Tomb. Chartr. Trois contes S., c.1337-1339, 76). Il [le diable] euvre en paix par tricherie ou persecucion contre lequel l'ame doit estre aussi appareillee de resyster comme il est de tempter. (CORBECHON, Mauvais anges S., 1372, 489). Et tous les jours nous t'amenons Tant de muldriés et de larrons Sy que ne cessons jour ne nuit De tempester et mesner bruit, Ou faire muldre et desrober, Ou par trahir, autre gaber, Ou par barat ou tricherie, Et en mainte aultre dyablerie Et abominables pechiez (Myst. st Adr. P., c.1450-1485, 109). ...soit a droit ou soit a tort, Il le faul livrer [Jésus] a mort, Quar pour barat et trucherie Il nous quier tel miserie, Prandre le faul en peu de temps. (Pass. Autun Biard F., 1470-1471, 79).

.

"Injustement" : On ne m'eust parmy ce drapel Fait boire [allusion à la question de l'eau] en ceste escorcherie [la prison du Châtelet] - Vous entendez bien joncherie -. Mais quant ceste paine arbitraire On me juga par tricherie, Estoit il lors temps de moy taire ? (VILLON, Poèmes variés R.H., c.1456-1463, 74).

-

[Lang. de l'amour]

.

Sans tricherie : ...elle sera d'amer esprise Et vorra doucement amer, Amouresement, sans amer, Sans penser mal, sans villonnie, Sans barat et sans tricherie, Son dous amy, et il sera Ad ce menez qu'il l'amera De cuer, sans pensée villeine, Plus que Paris ne fist Heleinne. (MACH., Compl., 1340-1377, 267). ...Loiauté et Droiture Faillent pour moy, et ma dame au cler vis Ne laist mon cuer vivre joieusement Ne ne le vuet occire, einsois l'esprent De bien amer, si que sans tricherie Sera de moy honnourée et cherie. (MACH., L. dames, 1377, 62). Douce dame, vo maniere jolie Lie en amours mon cuer et mon desir Desiramment, si que, sans tricherie, Chiérie adès en serés, sans partir. (MACH., L. dames, 1377, 78). Car tous mes cuers li est donnés, Sans retraire et sans vilonnie, Pour ce qu'il est à droit nommez Preus et loyaus sans tricherie ; Et s'a de grace compaingnie, Qui d'onneur le met ou sentier : Pour ce l'aim je de cuer entier. (MACH., L. dames, 1377, 96). Si que vie Plus jolie, Plus gaie et plus envoisie Qu'autre dame Mener doy, Quant amie Et cherie Sui de li sans tricherie Et sans blame, En bonne foy. (MACH., Les lays, 1377, 367).

.

Sans penser tricherie : Et pour ce Amours et ma dame deprie Que son service en gré vueillent avoir, Puis qu'il s'i est donnés pour miex valoir. Car je meismes m'i doing tous et ottri Com cils qui vueil, sans penser tricherie, Servir ma dame et bonne Amour aussi. S'ara le cuer et le corps sans partie, Car quant mes cuers le vuet, je ne doi mie Desobeïr à faire son voloir, Puis qu'il s'i est donnés pour miex valoir. (MACH., L. dames, 1377, 156). Amis, avoir ne puis lie journée, Quant ne vous voy ; mais sachiez vraiement Que long et près tres amoureusement, De loial cuer, sans penser tricherie, Vous ameray tous les jours de ma vie. (MACH., L. dames, 1377, 198).