A. - | "Pièce de bois portée sur quatre pieds et servant de support (à une table, un étalage, une estrade...), tréteau" : Messagiers et garsons d'estables Dressent fourmes, trestiaus et tables. ([MACH., R. Fort., c.1341, 143]). PREMIER CLERC. (...) Ne seroit ce pas li plus biaux, S'en ce mostier sur deux treteaux Ce corps estoit ? SECOND CHANOINE. Vraiement, sire, si seroit. Or vous souffrez, je les vois mettre. ([Mir. ev. arced., c.1341, 118]). Pour 3 trétiaux pour drécier l'establie, et pour le charpentier qui l'assist, 3s. ([Comptes argent. rois Fr. D.-A., I, 1359-1360, 276]). ROUSSELET. (...) ne pensons Fors que brief la table dressons (...). CONNESTABLE. Voulentiers ; ça, je suis tout prest : J'ay mis mon trestiau, met le tien. ([Mir. st Alexis, 1382, 283]). ...il trouva un grant treteau à sieur d'aiz, et le apporta à l'endroit desdites fenestres, par lesqueles, et à l'ayde dudit treteau, il monta et entra en ladite chambre ([Reg. crim. Chât., I, 1389-1392, 128]). Et quant la char morte de nostre pelerin sera ainsi trainee ou cuer enmy l'eglise sur la cloie, a la pure terre, sans traitiau ne autre chose desoubz lui, il avera lors entour le corps .IIII. petites chandelles alumees ([MÉZIÈRES, Test. G., 1392, 309]). Et y avoit bons anneaulx de fer au travers, pour soustenir la biere, se on vouloit mettre le corps, car la avoit il ordonné sa sepulture. Et estoit le corps en bonne toile ciree, et gesoit en sa biere sur deux haulx treteaulx devant le maistre autel de layens, et y avoit grant luminaire, et tousjours VIII. des freres de layens autour, jour et nuit, qui disoient pseaulmes et vigilles de mors. ([ARRAS, c.1392-1393, 290]). Et pendant le temps que vous baignerez vostre esprevier se le souleil se convertissoit en pluye, ou se en cheminant il plouvoit sur vostre oysel, il le convient essuyr a tresbon feu ou au soleil sur un trestel ([Ménagier Paris B.F., c.1392-1394, 154]). ...aud. Mainneville, huchier, pour (...) avoir mis a point pour l'O de mondit seigneur les trestres, tables et trétiaux ad ce neccessaires, faire I marchepié en la chambre dud. monseigneur le Vicaire ([Comptes Archev. Rouen J., 1426-1427, 101]). Une table à deux trateaulx de sapin. ([Comptes roi René A., t.2, 1461, 302]). Cy gist et dort en ce sollier Qu'Amours occist de son raillon, Ung povre petit escollier Qui fut nommé Françoys Villon. Oncques de terre n'eust sillon, Il donna tout, chascun le scet, Table, tresteaux, pain, corbillon. ([VILLON, Test. R.H., 1461-1462, 142]). ...puis fut mys ledit corps sur deux bréchés, aliàs tréteaux, et, ce fait, ledit doyen demanda aux serviteurs de ladite dame qui avoient amené ledit corps de Prouvence s'ilz estoient bien certains que c'estoit le corps du roy de Sicile qui estoit dedans la chasse qu'ilz avoient amenée ([Roi René vie L., 1481, 387]). FRANCEQUIN. Actendez donc que je soublieve Ung peu la table et les treteaux. Sortez, monsieur. Sus, qu'on relieve La nappe, serre ces cousteaux, Emporte tranchoire et plateaux, Ces pussins, ces vïandes grasses, Et de pain ces petis chanteaux ([LA VIGNE, S.M., 1496, 206]). |
| | - | Petit tresteau. "Instrument servant au premier interrogatoire" : En enterinant lequel jugement, le dessus dit prisonnier fu despouillé, mis et lié à la question, et estendu sur le petit tresteau ; et aussi, comme l'en lui voult donner et jetter de l'eaue sur lui, requist instaument que l'en le meist jus, et il diroit [verité] dudit crime ([Reg. crim. Chât., I, 1389-1392, 287]). ...et, pour ce [sa vieillesse], fu ycellui despouillié, lié à la question, estendu et questionné simplement et seulement sur le petit tresteau ([Reg. crim. Chât., II, 1389-1392, 523]). |
