| 96 exemples | | 1 | Aussi doi je, se trop ne fail, Loër Esperence, a qui bail De moy et de mon cuer le bail, Et mercier ; car se riens vail Et s'a bien faire me travail, C'iert sans doubtance Par li ; car en mortel travail Fui entre le coing et le mail, Si que je ne donnasse un ail De ma vie ; mais soustenail Me fu, dame, amie et murail, Tour et deffense. (MACH., R. Fort., c.1341, 120). | |
| 2 | Vueilles sur moy ta grace espandre, Si que pacienment je port L'angoisse et travail de la mort Que je reçoy par ma desserte (Mir. femme roy Port., c.1342, 194). | |
| 3 | Donques poons nous, de noz prelas, conclurre ce qui est escript : "Ilz ont regné mez ce n'a pas esté de moy" et n'ont pas esté ez labeurs ne ez travaux aveques lez Apostres. (Songe verg. S., t.1, 1378, 18). | |
| 4 | ...ce que je voy sur la terre de miseres et de tenebres et d'orrours, ou il n'a nulle perfection, mes tres grans travaills et tribulations (GAST. PHÉBUS, Livre oraisons T., c.1380-1383, 55). | |
| 5 | ...et lui feist aucuns biens, pour les peines, travaux et vexacions que prins avoit en sondit service faisant (Reg. crim. Chât., II, 1389-1392, 188). | |
| 6 | Qui est la mere, je vous demande, qui vouldroit soustenir les perilz et les travaux pour nourrir ses enfans, lesquelz soustint saint Pol pour les hommes sauver (GERS., P. Paul, a.1394, 510). | |
| 7 | ...la somme de deux cens frans, à trente sept gros 4 deniers parisis monnoye de Flandres la piece, que mondit seigneur lui a donné de grace especial pour consideracion des bons et agreables services qu'il lui a fais longuement et loyalment et faisoit encores de jour en jour comme des grans peines, travelz et dangiers qu'il avoit eu en l'office de prevost des mareschaulx de l'ost et siege du roy estans lors nagueres devant Monstreau (Comptes Etat bourg. M.F., t.1, 1420, 400). | |
| 8 | ...il la fist (...) tresbien penser, dont elle avoit bon mestier, a cause des grans labours et travaulx qu'elle avoit eu en ceste queste. (C.N.N., c.1456-1467, 70). | |
| 9 | Las ; maintenant Vous voy a neant - aler pour ces crüelz travaulx. (Pass. Auv., 1477, 210). | |
| 10 | ...après ce bel passetemps, qui aucunement traveil luy estoit, [madame] arriere s'endormit. [Cont. érotique et valeur de litote] (C.N.N., c.1456-1467, 76). | |
| 11 | Mains travalx et mains grans ennuit Font pluseurs pour eulx hault monter. (DUPIN, Mélanc. L., c.1324-1340, 134). | |
| 12 | Amours, je t'ay donné le bail De moy, et encor le te bail. Mais bien voy qu'en vein me travail, Qu'adès te truis Preste pour moy faire travail. Si n'ay fortresse ne murail Que ne soie dessous le mail Dangier destruis. (MACH., Compl., 1340-1377, 244). | |
| 13 | ...pluseurs de nos sergens de la baillie d'Amiens et d'ailleurs sont venus en la dicte ville d'Aire et, par vertu de commissions et autrement de leurs volenté, ont adjourné (...) pluseurs personnes (...), sanz appeller les diz maire et eschevins et sanz ce que iceuls sergens en soient requis de partie, qui est en tres grand lesion de justice et ou grant traveil et domage des diz habitans (Hist. dr. munic. E., t.1, 1347,,, 89). | |
| 14 | ...les grans travaulx et les inhumains meschiefz (...) que les mauvais esperis lui avoient fait. (Percef. III, R., t.1, c.1450 [c.1340], 92). | |
| 15 | ...la femme qui nagueres au bailly d'Amiens se complaignit de son mary pour le tresgrand traveil qu'il luy donnoit de semblable cas n'avoit pas si bien matere de soy douloir que ceste cy. [D'une femme victime d'un mari trop ardent] (C.N.N., c.1456-1467, 87). | |
| 16 | ...et congnoissant que assez les povoit espovanter par leur donner continuel traveil par ses engins, les espéroit bien à vaincre (CHASTELL., Chron. K., t.1, c.1456-1471, 97). | |
| 17 | ...par ce que attif homme estoit [l'évêque d'Autun] et agu et de grant port a cause de son pere [le chancelier de Bourgogne], apliquoit a l'espiritualité beaucop de choses temporelles dont ne devoit avoir cognoissance, en foulle certes des nobles et vassaux qui s'en doloient et ausquelz par chescun jour il donnoit traveil sans que remedier y peussent. (CHASTELL., Chron. IV, D., c.1461-1472, 111). | |
| 18 | ...Les biens que Dieux a faiz por lui, Le travoil qu'a por lui soufert Et le bien qu'il li a ofert (Renart contref.,, 1ère réd. R.L., t.2, c.1319-1322, 216). | |
| 19 | ...icellui chevalier, pour cause du dit service, a souffert moult grans paines et travaulz et s'est exposez en pluseurs perilz, en pluseurs lieux (Doc. Poitou G., t.2, 1348, 390). | |
| 20 | Mais sil furent gettés en une fosse aval Ou ilz souffrirent moult de paine et de travail. (Tristan Nant. S., c.1350, 674). | |
| 21 | Mais ains grans peines et travaulx Souffrirent, par mons et par vaulx. (CHR. PIZ., M.F., III, 1400-1403, 220). | |
| 22 | ...se Dieu de sa grace n'eust regardé son povre pueple, les biens de terre estoient en grant peril et par consequant le pueple, nonobstans les travaulx que sueffre en moult de manieres (BAYE, I, 1400-1410, 93). | |
| 23 | Je te afferme que tant de peine, de travail, de soucy et de honte ne te fault pas souffrir pour servir Dieu, ton bon et loyal amy, et paradis avoir (GERS., Concept., 1401, 412). | |
| 24 | L'anffe croit et amande sans avoir nulz trovalz, Car ceu qu'il li failloit li estoit communalz. (Lion Bourges K.P.F., c.1350, 30). | |
| 25 | ...des paines et travaulx que son fil Jhesu Crist avoit soustenu (MIÉLOT, Spec. hum. Salv. L.P., 1448, 144). | |
| 26 | ...Les peines, travaulx et oultraiges (...) Qu'il [Nostre Seigneur] voult endurer pour nous tous. (GRÉBAN, Pass. J., c.1450, 33). | |
| 27 | Mais ainchois qu'il l'eut concquis, il endura du traveil largement. (Percef. III, R., t.1, c.1450 [c.1340], 104). | |
| 28 | ...toutte la chevallerie estoit illecques assamblee, qui souffrirent ce jour paine et traveil a merveilles (Percef. III, R., t.1, c.1450 [c.1340], 174). | |
| 29 | ...il aprinst a souffrir coups et travaulx (Percef. IV, R., c.1450 [c.1340], 280). | |
| 30 | ...il se povoit vanter d'en avoir autant obtenu, sans faire gueres grand queste ne poursuite, que celuy qui mainte peine et foison de travaulx en soustint. (C.N.N., c.1456-1467, 228). | |
| 31 | Eco (...) Fut surprise de l'amour Narcissus, Parquoy depuis endura maintz travaulx. (COQUILL., Oeuvres F., 1478-p.1494, 113). | |
| 32 | LE PREMIER PAYEN. (...) Tu n'es bon qu'a desordonner Povres gens simples, bestïaulx Pour en enffer les emmener Souffrir grans paynes et travaulx. (LA VIGNE, S.M., 1496, 493). | |
| 33 | ...s'il chiet que Jhesus retourne Et a vostre traveil ne tourne, Vous lui pourrez signifïer Que... (GRÉBAN, Pass. J., c.1450, 150). | |
| 34 | Leur travail commence encore Et leur penible adversité ! (CHR. PIZ., M.F., III, 1400-1403, 74). | |
| 35 | Nuit et jour en tel traveil Est le povre cuer de moi, Car onques tourment pareil Ne senti, si com je croi, Car sans cesser, en recoi, De celli cui sui amie Regrette la compagnie. (MACH., Voir, 1364, 512). | |
| 36 | Depuis ala par mons et vaulx Herculés, en divers travaulx. (CHR. PIZ., M.F., III, 1400-1403, 22). | |
| 37 | Et puis, quant ce vint au destroit De son travail [de ta mère], quand tu fus nez, Le dyable vint abrivez, Qui te vouloit prendre et saisir (Mir. enf. diable, c.1339, 27). | |
| 38 | De ma jonne moillier ai .j. moult bel enfant, Et si n'a pas troys jors qu'elle en ot travail tant C'onc dame n'en ot plus en tretout son vivant. (Brun de la Mont. M., c.1350-1400, 17). | |
| 39 | Depuis lequel temps, et à l'enfantement que elle fist dudit enfant, et en ses plus grans maulx, peines et travaulx, elle dist publiquement aus femmes qui estoient presentes que icellui filz estoit et appartenoit audit feu Jehannin du Bois (Reg. crim. Chât., II, 1389-1392, 126). | |
| 40 | Je scay que point ne le dira, car sans travail doit enfanter et en leesse. (GERS., Concept., 1401, 402). | |
| 41 | Le lundi quart jour de fevrier, après la departie de l'Empereur, comme dit est, la royne de France enfanta une fille, dont moult fu grevée du travail. (CHR. PIZ., Faits meurs Ch. V, S., II, 1404, 133). | |
| 42 | Et n'est pas de merveille car elle ne ot quelconque travail, ains naquit d'icelle cest benoist enfant sans blessure du corps virginel de nostre Dame (GERS., Noël, p.1404, 298). | |
| 43 | SARRA. Je sens bien mon terme abreger Et de mon traveil les undées (...). S'il fault que meure en enfantant... (Myst. Viel test. R., t.1, c.1450, 373). | |
| 44 | ...il convenoit que le jour naturel venist d'effanter (...) ...les dames d'entour avoient tres grant pitié pour le travail qu'elles lui veoient pourter. (Percef. IV, R., c.1450 [c.1340], 157). | |
| 45 | ...à l'heure du droit et grant traveil de la dame, un merveilleux et très-impétueux coup de tonnoire vint férir par-dessus la maison (...). Donc prestement après, la contesse se délivra d'une fille que le dauphin tint sur fons (CHASTELL., Chron. K., t.3, c.1456-1471, 297). | |
| 46 | Or soit benite La plaie et ossi la saiette Qui me tient en si douce dette Que mon travel [var. traveil] et ma souffrette Tieng pour merite. (FROISS., Espin. amour. F., c.1369, 116). | |
| 47 | Je m'esjouÿs moult grandement D'aler en vostre compagnye, Mais j'ay moult grant paour que, Marie Ensaincte, traveil ne se face. (Myst. Pass. Troyes B., a.1482, 191). | |
| 48 | Comment la belle Priande en son travail d'enffant eut une vision tres mervilleuse (Percef. IV, R., c.1450 [c.1340], 155). | |
| 49 | Il lui estoit advis qu'elle estoit avecques son mary en une forest ou le traveil d'enffantement lui print (Percef. IV, R., c.1450 [c.1340], 193). | |
| 50 | ...elle devoit ung pelerinage a quelque saint (...) que promis luy avoit quant elle avoit esté en traveil (C.N.N., c.1456-1467, 526). | |
| 51 | Je sui en si grant maladie Et de travail si forment lasse Qu'il n'est riens de quoy je menjasse (Mir. st J. Cris., c.1344, 288). | |
| 52 | ...Assés plus grans m'est li travauls [dit le lévrier mené en laisse] Qu'a toi [le cheval qui croule sous la charge], qui es et grans et fors, Car je n'ai q'un bien petit corps. (FROISS., Dits Débats F., 1363-1393, 171). | |
| 53 | Et pour ce elle [la sensitive] se lasse et ennuye et a travail, labeur et fatigacion et ne puet longuement continuer son operacion. (ORESME, E.A.C., c.1370, 508). | |
| 54 | Aprés travail nous plaist plus le repos Et la grant soif fait boire enmy les pos, Et es perilz acquiert on les grans los. (CHART., D. Fort., 1412-1413, 166). | |
| 55 | Le VIe est qu'il doit assaillir ses anemis, quant par ses espies il scet l'eure qu'ilz sont traveilliez en chevauchant, ou qu'ilz se logent, ou pour le traveil se reposent desarmez ou endormis (LA SALE, Salade, c.1442-1444, 243). | |
| 56 | Dont, aprés les dansses et maintes chançons dictes, pour le travail et blessure du seigneur de Loissellench, le roy manda le vin et les espices, et aprés ce tous prindrent congié. (LA SALE, J.S., 1456, 170). | |
| 57 | Dezquellez choses il appiert que France est le lieu et le reffuge de l'Eglyse et Ronme si luy doit estre conme lieu de deluge ; France si luy est lieu de repos et de conseil, mez Ronme est lieu d'exil et de travail. (Songe verg. S., t.1, 1378, 334). | |
| 58 | Ceuls qui ne partent de l'ostel Sanz aler en divers pais, Ne scevent la dolour mortel Dont gens qui vont sont envahis, Les maulx, les doubtes, les perilz Des mers, des fleuves et des pas, Les langaiges qu'om n'entent pas, La paine et le traveil des corps (DESCH., Oeuvres R., t.7, c.1370-1407, 69). | |
| 59 | ...car il approce fort au terme de son pelerinage et a la fin de son grant travel qui a duré plus de .LX. ans, esquelz par la misericorde de Dieu il a passé maint grant peril et aventures sans nonbre (MÉZIÈRES, Test. G., 1392, 302). | |
| 60 | Par incident, le pont Nostre-Dame de Paris, ensemble les maisons qui dessus estoyent esdifiies, churent en Saine par le jour Saint-Luc ; et ce vint par pourreture et traveil des pilotis sur quoy il estoit fondé. (MOLINET, Chron. D.J., t.2, 1474-1506, 471). | |
| 61 | Met en ton cuert bonne astinance, Jeunes, travalx et penitance, Quart ce fait luxure retraire. (DUPIN, Mélanc. L., c.1324-1340, 195). | |
| 62 | ...car battoient, tuoient, ravissoient à force, persécutoient le peuple par tel mauvaisté et traveil que nul ennemy mortel à autre n'en pourroit plus. (CHASTELL., Chron. K., t.3, c.1456-1471, 340). | |
| 63 | ...mais tousjours a vescu bien et honnestement, sanz aucun reprouche, gaignié sa vie à la peine et traveil de son corps, et de sondit mestier de cousturier. (Reg. crim. Chât., I, 1389-1392, 138). | |
| 64 | Et dit que faite yert de ses oz, Pour ce, a travail et a repos, A homs compaignie feroit La femme (CHR. PIZ., M.F., II, 1400-1403, 136). | |
| 65 | ...quand je suis par force de travail si rebouté qu'on ne tireroit point de moy une lyeuette de chemin, si je me treuve vers elle, je suis homme pour en faire trois ou quatre (C.N.N., c.1456-1467, 207). | |
| 66 | ...quoyqu'il fust et gros et gras, et ne se donnoit du traveil que bien a point, si n'en jeunoit il journée. (C.N.N., c.1456-1467, 580). | |
| 67 | Et en faisant gros chasteaulx en Espaine, Musant, trachant, a grant traveil de corps... (MOLINET, Faictz Dictz D., 1467-1506, 101). | |
| 68 | ...lequel, venu à elle qui parle, lui dist que elle lui avoit fait et faisoit moult de peine et de traveil, sanz ce que elle lui donnast aucune chose du sien, ne ne feist aucun bien. (Reg. crim. Chât., II, 1389-1392, 295). | |
| 69 | ...ne ne cuidez point que le siege qui est devant ceste ville, ne travail d'armes ne paour que j'aye soit occasion de mon mal (BEAUVAU, Troyle, c.1455. In : Chrestom. R., 89). | |
| 70 | LE PERE. (...) Saichez que suis entalenté D'abandonner les grans exces Que j'ay soubstenu et porté ; Dont, puisque je suis transporté Par viellesse en aultre deduyt, Au travail sera depporté Mon filz et aux armes conduyt. (LA VIGNE, S.M., 1496, 162). | |
| 71 | Et aussi di je que onques ne vi homme qui amast travaill et deduit de chiens ou d'oisiaus qui n'eüst moult de bonnes coustumes en luy, quar celi vient de droite noblesce et gentilesce de cuer (GAST. PHÉBUS, Livre chasse T., 1387-1389, 57). | |
| 72 | Et, pour ce que moult de genz me blasmeroient, pour ce que de si pou d'age je met enfant au travaill des chienz ["au soin des chiens de chasse"], je leur respons que... (GAST. PHÉBUS, Livre chasse T., 1387-1389, 138). | |
| 73 | N'espagnerons traveil ne paine Pour vous, de ce soyez certaine. (Renart contref. R.L., t.1, 1328-1342, 15). | |
| 74 | ...consideré et resgardé la perseverance, les granz profiz et trevails que le dit Guillaume a faiz pour ycelui chevalier (Doc. Poitou G., t.2, 1343, 268). | |
| 75 | Vassal, se m'aïst Dieux, a grant paine et a grant travail nous avez delivré de ces perilleuses bestes. (Bérinus, I, c.1350-1370, 308). | |
| 76 | Mais princes qui fort se traveille Et qui dou cuer et de l'ueil veille Pour ses anemis resveillier, La se doit il bien travillier. Et certes, ce n'est pas travail, Ce samble a moy, qui petit vail, Eins est repos qui renouvelle Honneur, qui porte tel nouvelle, Que ses annemis trop aville Qui leur grieve a champ et a ville. (MACH., C. ami, 1357, 128). | |
| 77 | ...le fort labour et traveil (SAINT-GILLE, Comment. A.Y. L., 1362-1365, 349). | |
| 78 | [Polyphème à Galatée] Mais se tu bien me congnoissoies, Je croi tu te repentiroies De ce que tu me vas fuiant ; Si t'iroit sans doubte anoiant, Si mettroies paine et traveil A mettre ad fin ce que je vueil. (MACH., Voir, 1364, 634). | |
| 79 | L'enfant moult haut crioit par destresse de faim, la mere se taisoit par traveil inhumain, l'enfant queroit sa vie ou sain de sa nourice, la mere queroit mort et derrenier supplice (MOLINET, Faictz Dictz D., 1467-1506, 139). | |
| 80 | ...pou leur chaloit de chevaulx, A pié pouoient grans travaulx, Sanz qu'aultre beste les portast, Ne qui plus leur erre hastast. (CHR. PIZ., M.F., II, 1400-1403, 179). | |
| 81 | Une riche cité assise A, et, par moult grant travail, prise (CHR. PIZ., M.F., IV, 1400-1403, 16). | |
| 82 | Car l'air mauvaiz ainsi attrait Grève le cuer et le deffait, Et tout travail est plus grevant Qui n'est amors de pardevant, Dont il appert évidemment À tout homme d'entendement Que nul ne doit lors s'avancier À nouveau travail commencier (LA HAYE, P. peste, 1426, 84). | |
| 83 | ...Porcius donna conseil, et pluiseurs aultres, que le consulle Claudius et ses gens, qui moult estoient las et traveilliez, resposassent par ce jour (...). Mais ad ce Claudius ne s'y accordoit point ; car il doubtoit que le bon advis et le grant traveil qu'il avoit eu ne fut perdu par trop tarder (LA SALE, Salade, c.1442-1444, 44). | |
| 84 | ...mais cestui ouvrage tent a sa fin desiree pour le travail de l'ouvrier (Percef. IV, R., c.1450 [c.1340], 405). | |
| 85 | ...il pensa que l'eure estoit venue de prendre salaire de son travail (Percef. IV, R., c.1450 [c.1340], 738). | |
| 86 | Noblesse de lignage vient de parens, sans travail, mais noblesse de cuer et de courage vient de la grace de Dieu, avecques travail. Nul ne l'a s'il ne traveille de cuer et de corps. (Nouvelles inéd. L., p.1452, 124). | |
| 87 | ...pource que dommage eust esté que telle devocion et travail n'eust esté cogneu, Fortune permist et voult que (...) l'embusche fut descouverte [Cont. érotique : les femmes prennent des habits de moines pour aller retrouver leurs amants, des frères mineurs] (C.N.N., c.1456-1467, 374). | |
| 88 | ...il entreprendroit de la ramener hardiement et de la conduire sous son traveil ["moyennant la peine qu'il se donnerait"] (CHASTELL., Chron. K., t.1, c.1456-1471, 213). | |
| 89 | Vous conclués que je pers donc ma painne Et mon traveil, ce lÿon poursuyvant ? (Lyon cor. U., 1467, 39). | |
| 90 | Quant ses resgars me vint enamourer, J'estoie liez, gais et jolis et baus. Las ! or ne fais fors moy pleindre et plourer En acroissant les dolereus travaus ; Et se j'en muir, n'est pas par mes deffaus, Qu'Amours scet bien qu'onques mal ne folie Je n'i pensay qu'onneur et courtoisie. (MACH., L. dames, 1377, 110). | |
| 91 | Tout le traveil que cent amis ont mis Ung ennemy renverse sans prouffit (Lyon cor. U., 1467, 54). | |
| 92 | Il vit Moyse qui seoit, du commencement du jour jusques a la nuyt, a ouyr les quereles et questions du peuple et se consommoyt de labour et travail qu'il prenoit pour discuter et jugier de leurs differens (FILLASTRE, Traité Conseil H., c.1472-1473, 184). | |
| 93 | Je n'auroye pas ung seul denier Ce ce n'est par travail et paine, Et ma femme tant me demaine Que merveilles, et de pis en pis. (P. Jouh. D.R., a.1488, 16). | |
| 94 | En sourriant, luy respondis Qu'il estoit permis quelque fois De soy recroire ["récréer"] entre amis, Fust aux champs, en ville ou en bois (...). Travail ront l'homme qui ne pose ["qui ne se repose"] (GAGUIN, Passe temps oisiv. T., 1489, 367). | |
| 95 | Et le ciel est meu sanz labour ou travail pour ce que il n'est mestier de metre quelcunque neccessité violente qui le detienne en son mouvement et qui empeesche que il ne soit meu d'autre mouvement auquel il soit naturelment enclin. (ORESME, C.M., c.1377, 296). | |
| 96 | Car la cause pourquoy telles choses, comme sont honmes et bestes, ont labour et travail ou poine en mouvant elles meismes ou autres choses pesantes est pour ce que pesanteur les encline a reposer ou a estre meues d'autre mouvement aucunement contraire. (ORESME, C.M., c.1377, 296). | |
|
