| 46 exemples | | 1 | ... li maronnier ... demanderent a la roine et as signeurs ... se il prenderoient terre a l'aventure en Engleterre, car il disoient que il estoient trop en sus de Orvelle et de Clocestre et des pors et des havenes de celle bende. Il dissent : "Oil", et presissent terre ou que fust, au plus tos que il peuissent, car prendre lor convenoit pour euls rafresqir et lors chevaus. Et vous di que tout chil maronnier estoient de Hollandes et de Zellandes et ne connissoient pas bien tout le pais et encores ce que la mer les avoit tourmentés. (FROISS., Chron. D., p.1400, 73). | |
| 2 | Et lors noz barons se remettent en mer pour retourner en Chippre ; mais, par force de vent et de la mer qui se tourmenta un petit ilz arriverent au Cruq en Armenie. (ARRAS, c.1392-1393, 124). | |
| 3 | Nul n'a plus grande charité, ce dit Jhesus, que mettre son ame pour ses amis : saint Pol livra son ame non pas seulement pour ses amis mais mille foys pour ceulz qui le persecutoient, batoyent et tourmentoyent (GERS., P. Paul, a.1394, 493). | |
| 4 | ...fut fait serf a tribulacion, le livra a tres crueux sergens pour le tourmenter, qui sont Fain, Soif, Angoisse, Misere, Tristesse et Maladies sans nombre. (GERS., Purif., 1396-1397, 61). | |
| 5 | La seconde question : Ou est purgatoire et se les ennemis les tormentent ? Response : Purgatoire est ou Dieu veult car on treuve par les hystoires que aucunes ames font leur purgatoire en divers lieux, comme recite saint Gregoire ou Dyalogue en la fin, et est a mieulz tenir que les ennemis ne les tormentent pas. (GERS., Déf., 1400, 232). | |
| 6 | Et la habitent les anemis de Dieu, qui par leur orgueil furent condempnez en la proffondeur d'enffer ; et la tormenteront les maleureuses ames que, par leurs pechiez, sans remission ne fin seront en ces trescruelles painnes maudittes et tourmentees. (LA SALE, Salade, c.1442-1444, 139). | |
| 7 | ...il estoit celuy qui lui vouloit garder son honneur jusqu'a la mort, et aymeroit mieulx estre pery, et en l'autre siecle tourmenté, que par sa coulpe elle eust deshonneur (C.N.N., c.1456-1467, 387). | |
| 8 | Oudit temps, fut grandes nouvelles par tout le royaume de France et en autres lieux de une jeune fille de l'aage de XVIII ans ou environ, qui estoit en la ville du Mans, laquelle fist plusieurs folies et grandes merveilles, et disoit que le dyable la tourmentoit, et sailloit en l'air, crioit, escumoit et faisoit moult d'autres merveilles, en abusant plusieurs personnes qui l'aloient veoir. (ROYE, Chron. scand., I, 1460-1483, 13). | |
| 9 | Plus ne porroye cy demeurer Ne souffrir le tarrible torment Lequel me fait mon pouvre enfant, Quant le diable ainsi le tormente. (Pass. Auv., 1477, 157). | |
| 10 | LUCIFER. (...) Lame de luy nous apporterez Et apres ce vous tourmenterez Vn filz qui est plus fol que sage Destre alle en vn hermitage Et veut deuenir Chrestien (Myst. st Martin K., a.1500, 180). | |
| 11 | Je requier treshumblement a Dieu (...) qu'il face et commende ung abysme ouvrir ou je soye jectée, les membres tous erachez, et tormentée de mort cruelle (C.N.N., c.1456-1467, 565). | |
| 12 | ...Pour ce mes dolens cuers souspire, Quant il sent que son mal empire Et qu'adès ha de mal en pire Sans aligence Et sans confort dou grief martire Qui le tourmente et le martire ; Si que ne sçay le mieus eslire De ma grevance. (MACH., Compl., 1340-1377, 241). | |
| 13 | Je voy les ennemis venir, Qui en enfer m'emporteront, Ou sanz fin me tormenteront (Mir. ev. arced., c.1341, 137). | |
| 14 | ...mes dolens cuers tant s'esmaie, Pour ce que m'esperence vraie N'est pas, qu'il n'est joie que j'aie. Ce me tourmente ; Ce me fait meinte mortel plaie ; Ce me confont ; ce me deplaie ; Si qu'il n'est maus que je ne traie Qu'autre amis sente. (MACH., R. Fort., c.1341, 49). | |
| 15 | LE MARI. (...) Et que mon cuer parmy ne creve, Tant me tourmente et tant me greve La paine qu'il ly fault encourre. (Mir. enf. ress., 1353, 60). | |
| 16 | La fu li chetis si estrains, Si tourmentez et si destrains, Qu'il savoit bien qu'il avoit tort. La se bestourne et se detort (MACH., C. ami, 1357, 84). | |
| 17 | Helas ! dolens ! et que vaut ceste attente, Ne ce qu'en vous ay mis toute m'entente, Quant je ne say, ma douce dame gente, S'il vous souvient Comment desirs pour vostre amour me tente, Comment il m'art et m'assaut et tourmente, Comment je vif en pensee dolente (MACH., F. am., c.1361, 156). | |
| 18 | Il est tel que grant joie aroie S'a mes ieulx morir le veoie [mon fils], Tant me courrouce et me tourmente. (Mir. Rob. Dyable, c.1375, 16). | |
| 19 | Car je t'aim en vraie entente Et tu moy, Et pour ce einsi nous tourmente Le desroy De Fortune qui n'a loy Que m'eslongne ta jouvente, Dont tous les jours en requoy, Sans arroy, En guises plus de cinquante Me desvoy. (MACH., Lays, 1377, 354). | |
| 20 | ...plus te ficheras es delices du monde et plus te survendra de divers desirs, lesquelz te tourmenteront le cuer pour ce que acomplir ne les pourras (CHR. PIZ., Trois vertus W.H., c.1405, 20). | |
| 21 | Par les choses que aucun peche il est et sera tourmenté. (CHR. PIZ., Paix W., 1412-1413, 98). | |
| 22 | Ces trois grans maulx desquelz vous compte, Plains de douleur, dommage et honte, Et mesmement grant pestillence, Abondèrent jadiz en France Et ailleurs en Crestienté, Dont le Monde fut tourmenté. (LA HAYE, P. peste, 1426, 11). | |
| 23 | ...les medicins virent apertement le grand meschef qui fort la tormentoit. (C.N.N., c.1456-1467, 33). | |
| 24 | Nous sommes les dolentes méres Qui avons (...) norriz ces petiz enfans Que mettre voulez a martire. Sire, c'est ce qui nous martire Et nous tourmente ainsi pour voir. (Mir. st Sev., 1362, 198). | |
| 25 | ...me plaist bien pour vostre garison et santé, et vous oster de la terrible angoisse qui vous tourmente, que je vous preste le lieu pour bouter vostre doy malade. (C.N.N., c.1456-1467, 537). | |
| 26 | Or ça, il ne m'est desormais mestier, obstant le nombre de mes ans, tourmenter ne troubler de doleurs, d'angoisses ne de pensemens. (C.N.N., c.1456-1467, 557). | |
| 27 | Ceste parolle me tourmente fort le courage, et me fait trembler toute, et ne sçay quelle chose je doye maintenant dire [P. méton.] (C.N.N., c.1456-1467, 565). | |
| 28 | Et ilz, pour encores plus le tourmenter et faire enrager, faisoient semblant de le non croire, et tenoient termes comme s'ilz fussent mal contens (C.N.N., c.1456-1467, 263). | |
| 29 | BERITH. Vecy deables qui a ton gré feront Ce qui ainsi te tourmente la teste ; Ou gist ton dueil ? LUCIFFER. Ce paillart, deshonneste, Coquin Martin, villain filz de putain, La cervelle de tous poincts me tempeste (LA VIGNE, S.M., 1496, 351). | |
| 30 | Et se tu dis qu'Amours te blesse, Tu vues ressambler a celui Qui ne se loe de nelui, Eins se tourmente et se courresse, Quant sa besongne bien adresse. Et certes, tu li fais injure De dire a li qu'elle t'est dure, Et c'est pechiez d'ingratitude Et maniere mauvaise et rude. (MACH., R. Fort., c.1341, 61). | |
| 31 | Après, s'elle a sa face double, Qui en fait et en dit se double, Tourné vers toy a meins dou quart Et fait de travers un regart, T'en faut il einsi dementer, Pleindre, plourer et tourmenter ? Tu deüsses en sa muence Penre cuer et bonne esperence De mieus avoir, se fusses sages. (MACH., R. Fort., c.1341, 99). | |
| 32 | Elle cria a haute vois : "Hé ! douce mere, je m'en vois. A Dieu vous commant, douce dame !" Et droit a ce point rendi l'ame. Elle fut de la gent criée, Et sa mere en fu tourmentée. (MACH., J. R. Nav., 1349, 206). | |
| 33 | ...des dangiers de Fortune Ne donroit jamais une prune - Car nuls ne se doit tourmenter De ce qu'il ne puet amender (MACH., F. am., c.1361, 240). | |
| 34 | Quant Phebus oÿ la nouvelle Du corbel qui dist que la belle Qu'il aime de fin cuer entier Le laist pour un autre accointier, De son chief cheÿ sa couronne, Et sa harpe qui souef sonne De ses mains cheï a ses piés. (...) Phebus trop forment se tourmente, Trop se complaint, trop se demente, Trop ha de mal et de dolour. En sa rage et en sa furour D'aventure la belle vid. Or orrés com il se chevit. L'arc prist, la fleche mist en coche Et si roidement la descoche C'a Coronis l'a traite ou pis Pour ce qu'il estoit acoupis. (MACH., Voir, 1364, 700). | |
| 35 | ...lors ceulx qui sont en fiévre ague sont moult tourmentez, tant pour la chaleur du temps conme pour la chaleur de la fièvre. (Mir. st Ign., 1366, 73). | |
| 36 | Or ne se vuet de moy travillier feindre, Einsois me fait tourmenter et destreindre ; N'un seul espoir ne laist en mon cuer meindre Qu'Amours entame, Quant je ne puis à mon desir ateindre Qui est sans blame. (MACH., Lays, 1377, 320). | |
| 37 | Et se pour li me tourmente Et demente, Quant elle ne m'est presente, Ce fait, sans mentir, Desirs qui me represente Plus de trente Pensers, voire de sexente, D'un seul souvenir. (MACH., Lays, 1377, 336). | |
| 38 | Se le dous viaire cler Qui n'a point d'amer, Qu'est nomper Et sans per, À veoir te tarde, C'est Desirs qui dementer Fait et tourmenter, Souspirer Et plourer Maint cuer ; maus feus l'arde. (MACH., Lays, 1377, 420). | |
| 39 | Si n'en puis mais se me tourmante Et me complaing et me lamante. (Mir. march. juif, c.1377, 203). | |
| 40 | Pouvre coquard, qui ainsi vous tourmentez, savez vous bien au mains pour quoy ? (C.N.N., c.1456-1467, 465). | |
| 41 | ASTAROTH. (...) O miserable, infernal Anthecrist, Dÿabolique, gouffrineuse caroigne, Mauldit paillart, tout nostre enffer est frit Se tu n'entens a ceste orde besongne. LUCIFFER (en se tourmentant). Haro, haro, brou, j'enraige, je foigne, Deables d'enffer, je creve de despit ! Levez vous sus ! Que la maudicte roigne, Grayne de Naples, vous tiengne sans respit ! (LA VIGNE, S.M., 1496, 224). | |
| 42 | Et là le Aymery fit le mareschal si tourmenter que à grans tenailles de fer l'en luy ostoit et evrachoit la char et ainsi mourut de dure mort (Chron. Valois L., c.1377-1397, 30). | |
| 43 | DACIEN. Seigneurs, par un tourment divers Que vous diray le tourmentez [Lorens]. (Mir. st Lor., 1380, 180). | |
| 44 | ...Esperit, l'amour, bonte et debonnairete du Saint Esperit est si grande qu'elle n'eust ja souffert que ledit Terrible en l'eglise de Dieu eust fait chose si terrible et horrible comme dessus est escript de six cardinaulx, lesquelx il fit crueusement tormenter, martiriser et tyrer a la corde (MÉZIÈRES, Songe vieil pèl. C., t.1, c.1386-1389, 373). | |
| 45 | Et dit, sur ce requise, que à toutes chascune des fois que elle mettoit ladite paile et eaue sur le feu, et aussi ledit voult, elle faisoit autant de misteres à une fois comme à l'autre, et tourmentoit aussi ycellui voult (Reg. crim. Chât., II, 1389-1392, 330). | |
| 46 | ...et, de fait, fist et mist sur le feu ledit voult de cire, le tourmenta, et, en après ce, lui monstra yceulx deux botereaux, et lui dist comment elle les piquoit d'aguilles (Reg. crim. Chât., II, 1389-1392, 332). | |
|
