I. -

Empl. trans. "Donner la tonsure"

-

Se faire tonsurer : Et par ce puez appercevoir Que ceuls qui sanz marier naissent A Dieu et au monde desplaisent Et sont en ce fait actuel De l'Eglise et du temporel, Quant aux libertez et franchises, Laidement pugny en deux guises : L'une, en ce qu'ilz n'eritent pas, Et en après voy l'autre cas, Qui leur est dur et impropice : Tenir ne puelent benefice, Ce que les nez en mariage Puelent faire par droit usaige: Succeder, l'en succede a eulx, Ilz ont les biens esperiteux, Comme frans se font tonsurer, Ne les fault point legitimer, Car ilz le sont par la droiture De mariage en l'escripture (DESCH., M.M., c.1385-1403, 278). Entre les aultres prisonniers, messire George Guisselin, chevalier, seigneur de La Bouve, qui, pour eschapper, s'estoit fait tonsurer comme Mendiant... (MOLINET, Chron. D.J., t.1, 1474-1506, 599).

II. -

Empl. pronom. "Prendre la tonsure et devenir clerc" : ...tous mes subgés de ladicte ville, et qui yssent des femmez de la condition dudit Leffincourt, ne se puellent marier ou tonsurer, senz ma licence et congié (Trés. Reth. S.L., t.2, 1380, 274).

III. -

Part. passé en empl. adj. "Qui a reçu la tonsure" : ...je autroie que lez clers qui ne sont pas mariés et qui ne sont mie de vie et de conversacion laie, et ceulx qui ne sont pas tonsurés en fraude de Dieu et de Sainte Eglise, lez clers qui ensievent lez voies de Jhesuchrist, (...) touz teulx clers, (...) devent estre frans et joïr dez privilieges et libertés autroïés par lez Saintes Escriptures (Songe verg. S., t.1, 1378, 43). ...clercs royez, seculiers ou mariez qui ne sauront ne a ne b, et ou meffait ne seront pas trouvez tonsurez ne en habit de clerc, lesquelx nous attrairons a nous et de fait par l'une de noz clefz, et en ferons justice, non tant seulement par nostre espee espirituelle, mais par nostre temporelle. (MÉZIÈRES, Songe vieil pèl. C., t.2, c.1386-1389, 302). Et en verité, j' ay sceu des juges lais, quant ilz en prenoient, que avant qu'ilz les missent en prison ilz leur faisoient oster leurs cheveux, ad fin que la coronne fut ostee, et que ilz deissent que ilz n'estoient point en habis et tonsurés. (JUV. URS., Nescio, 1445, 500). Et ce jour mesmes vint l'official de Magalonne qui me requist ledit Morasgnes comme clerc marié. Et après que je fu informé qu'il estoit en habit et tonsuré, je le rendi audit monseigneur l'évesque de Magalonne et à son official, à la charge de ladicte somme et luy fis deffense qu'il ne procédast à la délivrance et eslargissement dudit Morasgnes sans mon ordonnance (Aff. Jacques Coeur M., 1451-1453, 212). ...à cause de leurs offices ou charges de coultres, ilz sont du corps et collège de ladicte eglise, clercs tonsurez et portans tousjours les draps et habitz ecclesiastiques, deputez au divin service et residans jour et nuyt en ladicte eglise, pour la garde des sainctes reliques, aornemans et tresor d'icelle (Doc. Poitou G., t.12, 1481, 392).

V. aussi tonsuré