A. -

"Grondement qui accompagne la foudre, tonnerre" : ...croullement de terre Et (une) esmuete de tonnerre (GUILL. DIGULL., Pèler. vie hum. S., c.1330-1331, 244). Lors s'en ala sans atargier A Jupiter, et fist forgier Foudres, tonnoirres et tempestes Par jours ouvrables et par festes. Car ceste ouevre tant li tardoit Que jour, ne feste n'i gardoit. (MACH., J. R. Nav., 1349, 146). Si que li fel Altercans ot fait cel oultrageux omicide, la mer se commença a engrossier et a enfler, et li airs fu troublés, li cieulx s'ouvry, et saillirent druement tonnerre et esclistre, et s'esmeurent li vens si grossement qu'il estoit bien avis que li mondes deüst finer. (Bérinus, I, c.1350-1370, 132). Car ou il gist et ou habite Le vent y cuert de toutes pars, Pluie, gresil, tonnerre, espars (Mir. Theod., 1357, 115). Et la cyre art, Qui alume le monde main et tart Plus que ne fait du tounoire l'espart (MACH., Voir, 1364, 548). ... descendi une plueve dou ciel si grosse et si espesse que merveilles, et un tonnoires et un esclistres moult grans et moult horribles (FROISS., Chron. L., III, c.1375-1400, 176). Mes aveques ce, c'est inconvenient que les corps qui n'ont quelcunque sens et ne oiient rien ne eussent a souffrir de ce, car nous voions que les sons excellenz destruissent les corpulences des corps meismes qui sont sans vie, si comme le son du tonnerre dissipe les pierres et les plus durs corps qui soient. (ORESME, C.M., c.1377, 470). ...par tempeste et fouldre et tonnoire (Man. lang. G., 1396, 84). Dyables, venez a grant maisnie, Fouldre, tonnerre et grant tempeste, Venez moy choir dessus la teste ! (MARCADÉ, Myst. Pass. Arras R., a.1440, 62). ...tresgrans et hideux espiraulx de fumees (...) qui font au saillir de ces grans puis tresespoentables bruis et semblent a tonnoirres bruians (LA SALE, Salade, c.1442-1444, 144). Ladicte année fut fort moiste, et en divers lieux en France y crut de bons blez, et en autres lieux ne valurent gueres et estoient nuylez ; et y ot de grans tempestes en divers lieux, tant de escler que de tonnoirre, vent, pluies et autres tempestes, qui firent moult de maulx et de dommages en divers lieux dudit royaume, et par especial ou pays de Soissonnois, où elle gasta les blez, les vins et autres fruiz et destruisy plusieurs belles maisons, manoirs, couvertures d'eglises et autres maulx. (ROYE, Chron. scand., I, 1460-1483, 163). Item, [pour mes obsèques] je vueil qu'on sonne a bransle Le groz beffroy qui est de voirre, Combien qu'il n'est cueur qui ne tremble Quant de sonner est a son erre. Sauvé a mainte belle terre, Le temps passé, chascun le scet : Feussent gens d'armes ou tonnoirre, Au son de luy tout mal cessoit. (VILLON, Test. R.H., 1461-1462, 144). ...et en y allant fist grand tempeste sur la mer, de tonnoire et d'esclitre (LENGHERAND, Voy. G., 1486-1487, 84). Faisons mouvoir en l'air fouldre et tonnerre, Tumber venin et poisons sur la terre, De quoy seront tous fleurs et fruitz infectz, Si punirons le peché des maulvais. (Cene dieux, c.1492, 120). ...sans oblier à ramentevoir sommairement les plus grans strages, clades et batailles qui oncques furent, aussi les mouvemens de terre, tonnoirres, tempestes, fouldres et choses semblables, dignes de avoir escout et tenir à memoire (SIMON DE PHARES, Astrol., c.1494-1498, f° 10 r°). ...et jugea sur la revolucion du premier an de son regne les tempestes, fouldres et tonnerres, qui puis advindrent à Colongne, en l'eglise Saint Perre (SIMON DE PHARES, Astrol., c.1494-1498, f° 107 v°).

-

"Foudre" : Et aussy ly viel concetes rendent plus obscure perle que ly jouene. Et se il conchoyvent tant com la tonnoyre esclique, la pierre aortist et va a nient (MANDEVILLE, Lap. M., c.1350-1390, 181). Si entra une pière d'engien en celle tour par une trelle de fier que elle rompi. Et fu adont avis proprement à Quatreton que li tonnoires fust descendus laiens (FROISS., Chron. R., VIII, c.1375-1400, 197). Oncq on ne vit cheoir le tonnoirre Au bourdeau ne a la taverne ! (Jehan A., c.1400-1500, 132). Et advint que le XIIIe jour de juing le tonnoire chut à Paris sur le clocher des Augustins, et fouldroia ledit clochier (Journal bourgeois Paris T., 1405-1449, 225). Et à ung des esclatz dudit tonnoirre qui fut à ladicte heure, vint icelluy tonnoirre enflamber et mettre le feu au clochier de madame Saincte-Geneviefve au Mont de Paris (ROYE, Chron. scand., II, 1460-1483, 133).

-

Ne pas ouïr le tonnerre : ...adont fist sonner trompettez et aultrez instrumens de si haulte bondie que l'en n'eust paz oÿ le tonnoire (Comte Artois S., c.1453-1467, 95).

-

[Pour évoquer par comparaison le caractère aléatoire de l'issue d'une guerre] : Nulluy ne se doit esmouvoir Des grans fortunes de la guerre ; C'est pour y perdre ou pour avoir ; Nulluy n'est point sceur y conquerre. A qui y survient la tonnerre Ne se peut de ce garantir ; C'est la planete qui defferre Les combatans a son plaisir. (Myst. siège Orléans H., c.1480-1500, 482).

B. -

P. anal. "Bruit violent, assourdissant" : Se chascune de ses paroles est bien entendue es oreilles des princes, ce sont grans tonnoires (FOUL., Policrat., IV, 1372, 57). Trop est sourde l'ame qui ne s'esveille a tel tonnoirre, a tel son d'en hault qui esmuet tout le lieu ou nous sommes sa jus. "Rumpez, Sire, dit saint Augustin, ceste surdité !" Certes qui n'obeira a ce son, il oïrra l'orrible tonnoirre de la sentence si tres doloreuse : "Ite maledicti in ignem eternum, alés vous en, maudis, ou feu perdurable !" (GERS., Pent., p.1389, 79). Il sort d'enfer, faisant grant feu, fumee et grant tonnerre et vient frapper sur les aultres deables. (LA VIGNE, S.M., 1496, 223).

REM. Autre mot ds le passage suiv. (?) : A Jehan de Piza, pour avoir esté du bois de Vincennes à Melun, querre et faire venir le chariot de laditte dame servant pour le tonnerre, pour ce 18 sous (CHART. J., Chron. Ch. VII, V., t.3, Fragm. hist., 1416, 276).Obscur.