| 58 exemples | | 1 | ...Et Amour souvereinnement M'argüoit gracieusement, Pour mieus mon cuer entalenter, Que la gent vosisse hanter Qui de ce mestier se mesloient Et ceaus qui le plus en savoient, Et cil me porroient aprendre Tant comme j'en porroie entendre. Et si fis je : Je les hantay Et de pluseurs poins les temptay, Selonc ce que j'avoie a faire, En celant si bien mon affaire Que j'estoie adès seur ma garde Qu'il ne se donnassent en garde Comment j'estoie talentis Dou savoir (MACH., D. Aler., a.1349, 244). | |
| 2 | BERENGIER. (...) Sa voy venir sa damoiselle ; Tempter la vueil, savoir mon s'elle Me pourroit aidier nulement. (Mir. Oton, c.1370, 345). | |
| 3 | L'anemi estoit avec lui, Qui si ardanment le tempta Qu'il m'occist (Mir. st J. Paulu, c.1372, 144). | |
| 4 | ...pour ce que l'argent qu'il avoit apporté de ladite ville de Thies-Hebert li estoit failli, il, tenté de l'art de l'ennemy, estoit venus oudit Chastellet (Reg. crim. Chât., I, 1389-1392, 232). | |
| 5 | ...il qui parle, oudit temps, et tempté de l'anemi, mal print en la male d'icelui son maistre deux tasses d'argent qui y estoient (Reg. crim. Chât., II, 1389-1392, 39). | |
| 6 | Elle [Cruaulté hayneuse] est fille de l'ennemi de l'umain lignage, Sathan, par lequel il impugne, tempte et traveille toute ame devote qui veult servir a Dieu, qui veult finablement es cieulx estre royne couronnee et des sains anges saluee et honnouree. (GERS., Annonc., a.1400, 234). | |
| 7 | Tu ne peulx mectre remede que telles fantasies ne sourdent qui a la fois viennent par loperacion du dyable qui en te temptant les mect deuant toy (CIB., p.1451, 213). | |
| 8 | ...je ne craindroye en rien le dyable qu'il eust sur moy puissance ne autorité, sinon seulement de moy tenter (C.N.N., c.1456-1467, 427). | |
| 9 | O Belzebut, d'enfer ministre, Et vous diables d'enfer maulvaiz, Charchés quelcun bon artumiste Qui sache d'un mal faire maiz, Et je luy donrey charge et faiz D'aler Herodïas tempter, Pour faire la mort actempter A Jehan baptiste, de Dieu voix. (Pass. Auv., 1477, 92). | |
| 10 | SAINCT MARTIN. (...) De bon cueur je le remercye [Dieu] Des biens que sans cesser me fait, Luy priant que le deable infect, Qui trop souvant me vient tempter, Que jamais, en dit në en faict, A mon corps ne puisse actenter. (LA VIGNE, S.M., 1496, 535). | |
| 11 | Ne m'obliez pas ceste foiz, Quelque pecheur que j'aie esté Par l'ennemi qui m'a tempté De luxure (Mir. st J. Paulu, c.1372, 139). | |
| 12 | Le dyable (...) delaissa le bon religieux paisible et oncques depuis ne le tempta de telles illusions (COLART MANS., Dial. créat. R., 1482, 192). | |
| 13 | Respont PILATE es Juifz. Seigneurs, veullés moy escouter : Je veulx Jhesus fere tanter Et a ung paler estachier. (Pass. Autun Biard F., 1470-1471, 95). | |
| 14 | Laquelle beneiçon monseigneur Saint François dist a frere Lyon son compaignon, tempté de aucune diabolique temptacion, laquelle onques puis ne lui vint. (LA SALE, J.S., 1456, 42). | |
| 15 | ...pour ce secondement Fu un second Adam formez, Vierge, par lequel fu matez Li maus serpens qui le tempta [Adam] (Mir. st Sev., 1362, 232). | |
| 16 | Ostez-vous de devant moy, Beaulté, par vostre serment, Car trop me temptez souvent (CH. D'ORLÉANS, Rond. C., 1443-1460, 245). | |
| 17 | Son chapellain, qui estoit jeune et frez, voyant ceste belle fille, n'estoit pas si constant que par elle ne fust souvent tenté, et en devint trop bien amoureux. (C.N.N., c.1456-1467, 454). | |
| 18 | ...me querez et contendez traveiller et tenter ; car vous cognoissez ma simplesse, jeunesse et innocence (C.N.N., c.1456-1467, 565). | |
| 19 | Jehan Boccace : "Que doncques me surquiers tu ?" La roine : "Je te surquiers voirment et ne te cesseray a tempter, importune, jusques que j'aray tiré conseil de toy a aultruy resconfort, ou que je soye mise en ton livre par toy reciter ma cause." (CHASTELL., Temple Boc. B., 1463-1464, 89). | |
| 20 | Je di que li aigles volans Fait souvent mains oiseaus dolans, Car quant il la voient voler, Il ne scevent quel part aler, Tant sont de li espouenté. Et se ne sont mie tenté Li simple oisel tant seulement, Mais cil de proie proprement, Dont chascuns en fait si grant doubte Qu'oisel n'i a qui ne le doubte Pour sa noblesse et sa puissance. (MACH., D. Aler., a.1349, 355). | |
| 21 | Ne cuidiez pas que d'amer me repente, Se je ne voy souvent vo doulz viaire, Douce dame, car vostre amour me tente Et me prie de vo service faire Plus que ne suet ; et pour ce, sans meffaire, Vous aim et serf com loyaus et certeins, Dame, comment que vous soie lonteins. (MACH., L. dames, 1377, 124). | |
| 22 | Si ne puet pas longue durée avoir En sa dolour, car desirs trop le tente De reveoir ma douce dame gente. (MACH., L. dames, 1377, 135). | |
| 23 | ...en ung doy de sa main ung anel y bouta, disant que, tant que cest anel y fust, jaloux il ne seroit, ne cause aussi jamais venir ne luy pourroit que de ce le tentast. (C.N.N., c.1456-1467, 86). | |
| 24 | ...nul ne doit commettre son secret a son amy se par avant ne le a tempté et esprouvé (...). L'homme ne doit point croire de legier a son amy devant que l'ait esprouvé, mais aprés ce qu'il l'aura bien tempté et esprouvé et qu'il l'aura trouvé loyal, il lui peut bien et sceurement descouvrir son secret et sa necessité. (COLART MANS., Dial. créat. R., 1482, 249). | |
| 25 | ...nous fummez comme d'acord et temptés d'aller relever nostre heritaige qui escheu nous estoit de nos peres et de nos meres (Percef. IV, R., c.1450 [c.1340], 415). | |
| 26 | Exemple de Saint Pol, qui estoit tempté continuelement de l'esperit malvais de vaine glore pour les miracles et les choses merveilleuses qu'il faisoit (Somme abr., c.1477-1481, 177). | |
| 27 | Le jeune lyon, tempté par son oultrecuidance (,) queroit partout l'homme, dont son pere lui avoit deffendu la bataille. (COLART MANS., Dial. créat. R., 1482, 216). | |
| 28 | La panthere fut une fois temptee de mengier chair de porc (COLART MANS., Dial. créat. R., 1482, 259). | |
| 29 | Mais le joenne d'aage ne la puet pas plainnement entendre pour ce que il a peu veü d'experiences, et si est plus tempté de desirs corporels. (ORESME, E.A.C., c.1370, 107). | |
| 30 | De ce avient que une personne melencolieuse et maladive et de chetive complexion sera a la fois plus ardemment temptee de charnalité que une personne saine et sanguine (GERS., Traité R. Rose, 1402. In : Chrestom. R., 52). | |
| 31 | ...quant vous serez seigneur de voz ennemis et que serez temptez de vengence ou de cruelle chaleur, qu'il vous souvienne des paroles que Dieu dist... (LA SALE, J.S., 1456, 42). | |
| 32 | ...Dedens mon cuer venirent doubtes Qui y entrerent par folie Et par droite merencolie. Car j'estoie trop esbahis Et aussi com tous estahis Et d'erreur telement temptez, Que je cuiday estre enchantez. Mais en si fait amusement Ne demouray pas longuement (MACH., J. R. Nav., 1349, 183). | |
| 33 | Et tient en voies et sentiers, A son avis les plus hantées ["suivies"], Les plus froiees ["frayées"] et tantées (FROISS., Méliad. L., t.1, 1373-1388, 211). | |
| 34 | Je m'en yrai vers Troyes et m'approucheray des faulxbourgs, et feray semblant d'espier la ville, et de tenter de ma lance les fossez (C.N.N., c.1456-1467, 450). | |
| 35 | A chief de fois je m'avançoie De parler, et sus telle entente Aumains je l'en esmoech et tempte Qu'il me die de son afaire, Ou il va ne qu'il a a faire. (FROISS., Dits Débats F., 1363-1393, 94). | |
| 36 | Lansonnès moult bien li aÿe Tant que sa plaie soit loiie Et tantée, bien et a point. (FROISS., Méliad. L., t.1, 1373-1388, 127). | |
| 37 | Semblablement, s'aucun blesche ou mehaigne, Remede y fault telle qui assouvaige Et a ce fault medecin bon et saige Pour bien tenter le fons et la rachine Et le mal prendre en cure et en couraige Car a tout fault remede et medecine. (TAILLEV., Ress. relèv. hôt. D., p.1440, 274). | |
| 38 | Mais il en garira, se dist maistre Fourré, Ung mire qui lui a sa grant plaie tenté. (Enfances Doon de Mayence P., c.1450-1500, 678). | |
| 39 | ...pour chose que dire on luy seuist, ne volt demourer pour soy faire medecyner ne tanter ses playes, dont il en avoit deux moult grandes. (Hist. seign. Gavre S., c.1456, 80). | |
| 40 | Adont li acorda pour voir Et s'i aida a bendeler La ditte plaie, et au tanter De Lucanor, sans nul delay. (FROISS., Méliad. L., t.3, 1373-1388, 106). | |
| 41 | Et a l'experience que met Aristote de la vessie enflee, premierement, si comme recite saint Thomas d'Aquin, Simplicius et Themistius et aucuns autres tempterent ceste chose a grant diligence et fu trouvé que aucune tele chose plaine de aer pesoit equalment comme wide de aer, et aucune fois moins et aucune fois plus (ORESME, C.M., c.1377, 690). | |
| 42 | Ainsi le fiz, Dieu me soit targe, Combien que ma simplicité Si me déust en vérité Du tout excuser et retraire De tel chose tempter et faire (LA HAYE, P. peste, 1426, 13). | |
| 43 | Maistelle [l. Mais telle] perpetuité de mouvement ne porroit estre faite par art se la fantaisie d'aucuns n'estoit vraye qui ont aucune foys tempté et cuidié faire une chose appellee rota viva. (ORESME, C.M., c.1377, 202). | |
| 44 | ...tempter de l'un et de l'autre (SAINT-GILLE, Comment. A.Y. L., 1362-1365, 346). | |
| 45 | Et encor appartient as princes adrecier ce que la lay ne peut ordener et tempter se l'en pourroit avoit [l. avoir] melleurs lays que celles que sunt mises. (ORESME, Pol. Arist. M., c.1372-1374, 158). | |
| 46 | Et s'aucun m'interrogue ou tente Comment d'Amours j'ose mesdire, Ceste parolle le contente : «Qui meurt a ses loix de tout dire». (VILLON, Test. R.H., 1461-1462, 69). | |
| 47 | Pour ceste cause veult et enseigne que la demande soit proposee et faicte par droite pure affeccion de cuer, non mie pour tempter ne pour savoir se la science est vraie ou que cilz en dira, maiz de grant voulenté pour estre conseillié a son tres grant besoing. (EVR. CONTY, Harm. sphères H.P.-H., c.1400, 30). | |
| 48 | Quant li sains peres a veü, Essaié, tempté et sceü Que li bons roys qui tant valoit Nul acort faire ne voloit, Il a dit qu'il le mandera Et de la pais le priera, Et qu'à ce vuet mettre grant peinne. (MACH., P. Alex., p.1369, 236). | |
| 49 | J'ay moult mis a moy conseillier Pour mettre en l'estat ou je tente (Mir. ev. arced., c.1341, 111). | |
| 50 | ...tempter a garir telz chancres (SAINT-GILLE, Comment. A.Y. L., 1362-1365, 346). | |
| 51 | Et pour ce, le juge tempte a faire equalité en ostant de la partie ou est le gaaing, et metant vers la partie ou est le damage. (ORESME, E.A., c.1370, 289). | |
| 52 | Item, les mathematiciens qui ont tempté a trouver la mesure de la rondece ou circuite de la terre dient que elle est de IIIIc mile, par quoy il n'appert pas seulement que elle est ronde mes aveques ce que elle n'est pas grande ou resgart des autres estoilles. (ORESME, C.M., c.1377, 566). | |
| 53 | LE PREMIER SERGENT. N'y a nul de nous qui ne tempte A faire tout vostre plaisir, Chiére dame, de grant desir Et sanz desroy. (Mir. fille roy, c.1379, 16). | |
| 54 | Car les gens ne sont pas fais medicins operatis et bien ouvrans selon medicine par les escriptures des livres de medicine, combien que les aucteurs temptent et se efforcent de dire et de mectre en escript pas tant seulement les curacions, mais avecques ce la maniere comment il convient faire les cures en divisant les especes et les manieres des maladies singuleres et en monstrant comment l'en doit les choses appliquer a chascune. (ORESME, E.A., c.1370, 539). | |
| 55 | Encores veul prouver que c'est pour tempter Dieu, car les clers dient que demander chose contre nature est pour miracle ou pour tempter Dieu. (LA SALE, J.S., 1456, 30). | |
| 56 | ...vous entendez sainement qu'en attendant la tierce apparition je veille que vous tentez Dieu. [L'attente permettra de savoir si Dieu est bien l'origine des deux apparitions précédentes] (C.N.N., c.1456-1467, 102). | |
| 57 | Car ne tantras Nostre Seigneur. (RIVIÈRE, Nef folz D., 1497, 276). | |
| 58 | Mais que fera la bonne princepce quant ainsi temptee se sentira ? (CHR. PIZ., Trois vertus W.H., c.1405, 14). | |
|
