| 72 exemples | | 1 | Il prisoit moult petit la guerre Des bestes qui li vuelent nuire Et qui le pensent a destruire ; Qu'elles l'espioient de long. Bien le vi ; pour ce le tesmong. (MACH., D. Lyon, 1342, 177). | |
| 2 | Aussi conquist il Breselau, Qui estoit le duc Boselau, Et treize dus qui tout hommage Li firent, par son vasselage. Je le vi, pour ce le tesmong, Car partout en seray tesmong. (MACH., C. ami, 1357, 107). | |
| 3 | ...par quoy les habitans d'icelle [ville de Rouen] avoient famine et très grant deffaulte de vivres, si comme disoient et tesmongnoient deux hommes d'armes (FAUQ., I, 1417-1420, 213). | |
| 4 | Qui fist mourir autresfois en Egipte Les premiers nez de mort aspre et subite, Comme David tesmoigne par exprès, Fors seullement le peché des maulvais ? (Cene dieux, c.1492, 119). | |
| 5 | Tu dis voir. Mais encor avec ton tesmoing Je di par raison et tesmoing Que, se Fortune t'a osté De la joie ou tu as esté, Dont tu as receü maint mal, Que traïson ne fait, ne mal ; Car elle fait ce qu'elle doit, Et ce te mousterrai j'au doit (MACH., R. Fort., c.1341, 92). | |
| 6 | Car, en bonne verité, Riens ne vaut chose, où il n'a verité, N'il n'est amans qui ne tesmongne et die Que fin azur loyauté signefie. (MACH., L. dames, 1377, 235). | |
| 7 | Et, en après, lesdis de Bourberch et de Miraumont, ambassadeurs du duc de Bourgoingne, dirent et tesmoingnerent que le duc de Bourgoingne avoit juré lesdis traictiez et fait les seremens (FAUQ., I, 1417-1420, 368). | |
| 8 | Quoyque des autres ne le die, De ceste le tesmoingneray, Qu'après l'enfanter trouvé l'ay Vierge pucelle. (Mir. nat. N.S.J.C., c.1343, 214). | |
| 9 | Laquelle Guillemete, presente à ycelle confession, a dit et tesmoigné ycelles promesses et compaignie estre vrayes. (Reg. crim. Chât., I, 1389-1392, 53). | |
| 10 | ITEM, semblablement Cicero, prince rommain de tres grant savoir, veult dire ailleurs que tous ceulx qui proprement ont sceu escripre et deviser de puissance de pays, ont tesmoigné France estre fort et puissant en guerre sur tous pays et qui tres grandement fait à redoubter et craindre. (CHR. PIZ., Paix W., 1412-1413, 118). | |
| 11 | ...le nouveau chevalier le nommoit cousin et tesmoignoit son pere estre frere a Gadiffer (Percef. IV, R., c.1450 [c.1340], 959). | |
| 12 | ...pour laquel chose, se aucun avoit quelconques scrupule de conscience au contraire, tout apaisiée apaisié[e] la doit avoir, car n'est mie vraysemblable que un homme de telle autorité et de si grant science, tesmoigné de tous ceulz qui le cognoissent estre preud'omme, se voulsist dampner pour aucune amour ou faveur temporele. (CHR. PIZ., Faits meurs Ch. V, S., II, 1404, 154). | |
| 13 | Or vueille Diex mettre en tel gent sa cure, Car il n'est maux, bien le puis tesmoingner, Envers soussi de povre mesnagier. (MACH., App., 1377, 645). | |
| 14 | Et aussy ad ce tesmoingne Ysodore (...) que generalment toutes femmes prophetes, selon la langue de Grece, sont appellees Sibilles (LA SALE, Salade, c.1442-1444, 125). | |
| 15 | ...les aultres, qui sentent en leur conscience ne povoir accomplir le voyaige et sont vieulx et en estat de ne povoir servir, viennent à moy et se facent tous mettre en escript et soit bien certifié et tesmoingné des bons services qu'ilz ont fais, affin que aucuns trompeurs soubz umbre des bons ne se presentent. (BUEIL, II, 1461-1466, 167). | |
| 16 | Mais bele chose oy tesmongnier Po parler et bien besongnier. Si ne say que tu li demandes ; Qu'elle a acompli tes demandes Et fait plus que tu ne voloies De ce que tu li requeroies. (MACH., R. Fort., c.1341, 62). | |
| 17 | ...il est temoigné es gestes de Julius Cesar, si que au latin cy dessus est dit, que se France estoit aunie ensemble et sans division seroit puissant à resister contre tout le monde. (CHR. PIZ., Paix W., 1412-1413, 118). | |
| 18 | Jeremie, se ne m'en crois, Le tesmoigne en son double trois. (GUILL. DIGULL., Pèler. vie humaine S., c.1330-1331, 289). | |
| 19 | Et ainsi le tesmoingne Job qui dit : Vie d'omme sur terre ce n'est mais que une chevalerie. (Mir. st Val., c.1367, 123). | |
| 20 | ...samblablement, nous le veons dez meloudies, car lez unes si enclinent a lyesse, conme est le salterion, le lut et la guitterne et samblables ; lez aultres si enclinent a hardiesse et donnent courage, conme sont trompes et naqueres et samblables, conme ce nous tesmoigne Ysodore... (Songe verg. S., t.1, 1378, 390). | |
| 21 | Et ce meismes tesmoigne saint Augustin ou Livre de Correction, qui dit que deux choses sont neccessaires a bien vivre : c'est conscience et bonne renommee. (CHR. PIZ., Trois vertus W.H., c.1405, 41). | |
| 22 | Et ce tesmoigne bien Senecque là où à ta louenge il dit : Se richesces enmeillies ès lignaiges font les hommes nobles, certes trop plus est grande la noblece de ceulx qui l'ont prises es tresors de prudence. (CHR. PIZ., Paix W., 1412-1413, 65). | |
| 23 | Et ce tesmoigne Salemon où il a dit : Mieulx vault sapiences que forces et l'omme prudent que le fort. (CHR. PIZ., Paix W., 1412-1413, 74). | |
| 24 | Faisons pendre tous ceulx qui sont du lignaige Josselin environ ce recept, et le chastellain et les autres nous envoierons au roy de Bretaigne pour tesmoingnier la trahison qu'ilz nous ont faicte. (ARRAS, c.1392-1393, 73). | |
| 25 | à cause de ceste magnanimité que tres grans choses soient à homme possibles à faire, le tesmoigne en pou de parolles Ovide cy dessus allegué où il dist : Il n'est si bon glaive que le corage. (CHR. PIZ., Paix W., 1412-1413, 108). | |
| 26 | Titus Livius, Oroze, Lucan et pluiseurs aultres le tesmoingnent. (LA SALE, Salade, c.1442-1444, 241). | |
| 27 | Le roy les fist venir devant luy pour savoir s'aulcunement les porroit acorder sans eulx combatre (...). La estoit le conte de Bourgongne, quy dist tout en hault que la requeste faitte de par le roy et les barons n'estoit raisonnable ne juste, et dist : «Seigneurs, vous oéz que Gerart l'appelle de traïson. Ja Dieu ne place que je soye en lieu ou traÿson soit couverte. Il le couvient esclarchir, car l'escripture nous tesmoigne que l'omme quy est empeschiés de traÿson est le plus villain pechié du monde. Sy samble a moy grant folye de les voloir eulx destourber a combatre...» (Gérard de Nevers L., c.1451-1464, 142). | |
| 28 | Lucius Silla, ung grant dictateur entre les Rommains, fut mengié de poulz, à grant honte et destresse, et sans ce que sens d'homme y peust jamais pourveoir, comme tesmoingne Pline. (LA MARCHE, Mém., I, c.1470, 179). | |
| 29 | Tantost furent li desus dit Poitevin venu à lances abaissies, en escriant leurs cris ; et adonc li François et li Breton se traisent d'un lés et disent : "Ho ! signeur, cessés, cessés, nous sommes prisonnier". Là tiesmongnièrent li Englès et disent : "Il est verités, ce sont nostre". (FROISS., Chron. L., VII, c.1375-1400, 206). | |
| 30 | ...[elle] pria lors moult audit chappelain que ces choses il volsist dire et tesmoignier à icellui sire de Nouvion, et en ce aidier elle qui parle et sondit filz au mieulx que il pourroit (Reg. crim. Chât., II, 1389-1392, 121). | |
| 31 | Et envÿeux lui reseront nuysans, Qui en diront mos aigres et cuisans Pour l'esloignier, Et saront bien contre lui tesmoigner. (CHART., D. Fort., 1412-1413, 188). | |
| 32 | ...la copie desquelles lettres avoit esté extraicte des lettres originaulz en la ville de Galardon, si comme tesmoingna en ladicte Chambre de Parlement Estienne Adeneau, sergent du Roy (FAUQ., I, 1417-1420, 270). | |
| 33 | A Pilate Jhesu menés Et contre luy tesmoignés fort, Tellement qu'il soit mys a mort. (Pass. Autun Biard F., 1470-1471, 88). | |
| 34 | Ou sont ceulx que ont tesmoignhé Contre Jhesus en l'accusent ? (Pass. Auv., 1477, 175). | |
| 35 | ...car ceulx qui administrent les sacrifices et oblations divines ne sont pas seulement appellés sacerdotes, mais ceulx qui sont professeurs et menistres de justice, comme le tesmoigne saint Jerosme en son epitre ad Pammachium (BAYE, II, 1411-1417, 181). | |
| 36 | Florimont de Lesparre a non. Nez est dou païs de Gascongne, Si com la langue le tesmongne ; De Lesparre est sires clamez. (MACH., P. Alex., p.1369, 143). | |
| 37 | Item, ce que l'en fait es citéz et es communités tesmoigne ce que nous avons dit (ORESME, E.A., c.1370, 147). | |
| 38 | Encore ensuivant recite le dit livre que, avec le bon sens, qu'il convient à gouverner chevalerie, c'est assavoir fais d'armes, est neccessaire l'exercite par longue main, et qu'il soit voir, le tesmoigne l'experience que souventes fois on voit à petit de gens expers desconfire grant route de gent pou experte, et pour ce est dit, es fais du preux Julius Cesar, que petite porcion de ses chevaliers souffisoit à conquerir grant pais. (CHR. PIZ., Faits meurs Ch. V, S., I, 1404, 201). | |
| 39 | "Le plourer ne me poeut aidier, mais se je sceus oncques de nigromantie, a ceste fois je l'esprouveray. Et se mon sort tesmoigne le deshonneur du païs et de mes filles, je hasteray leur mort..." (Percef. IV, R., c.1450 [c.1340], 955). | |
| 40 | ...[les braies] que veez la pendues, (...) tesmoignent et approuvent la canonicque verité du troisiesme enseignement que jadiz feu mon pere me bailla (C.N.N., c.1456-1467, 336). | |
| 41 | Touteffois, pour sçavoir quel homme il estoit, ses euvres le tesmoignent tant qu'il touche l'exercite de sa personne. (BAGNYON, Hist. Charlem. K., c.1465-1470, 15). | |
| 42 | A che aussi est proufitable la memoire de la mort, selonc le dit de Ecclesiastique ou .VIIe. chapitre : "Aies memoire de ta mort et jamais ne pecheras". Comme dist saint Gregoire es Morales ou .XVIe. livre : "Les sepulcres tesmoignent que c'est la substance de la char...." (DAUDIN, De la erudition H., c.1360-1380, 302). | |
| 43 | ...Et avoit sommise Bourgoigne [l'empereur Valentinien], Si com la cronique tesmoigne, A la seignourie rommaine (Tomb. Chartr. Trois contes S., c.1337-1339, 107). | |
| 44 | Et si tesmoigne l'Escripture Que homs de membre contrefais Est en sa pensée meffais, Plains de pechiez et plains de vices. (DESCH., M.M., c.1385-1403, 81). | |
| 45 | Et fu donné (...) a Phelippes de Castiaus (...) .C. livres a l' estrelin de revenue par an et a paiier a Bruges et a tenir en fief dou roi. Et avoech les dons on bailla les lettres toutes seelees dou seel dou roi, qui tesmongnoient et certefioient ces dons. (FROISS., Chron. D., p.1400, 128). | |
| 46 | ...attendu que l'Ermite est mort, comme mesme le tesmoignent ses serviteurs (BAYE, II, 1411-1417, 235). | |
| 47 | Au chief du temps, ou bois parfont S'embati et la, d'aventure, Si com tesmoigne l'escripture, Trouva les ..II.. serpens ensemble. (CHR. PIZ., M.F., I, 1400-1403, 43). | |
| 48 | Je ne pense pas tout a dire, Quanque la Bible nous tesmoigne, Trop emprendroye grant besoigne ! (CHR. PIZ., M.F., II, 1400-1403, 139). | |
| 49 | Et ce meisme tesmoigne l'Escripture, qui dit : Mal pour la terre dont le roy ou seigneur est enfant - c'est a dire joenne de meurs. (CHR. PIZ., Trois vertus W.H., c.1405, 203). | |
| 50 | Et encores porront bien les princes prouffiter a pugnir ceulz qui forfont a la justice, ayans esgard a maintz aultres grans perilz que sont advenus, dont maintes escriptures le tesmoingnent. (LA SALE, Salade, c.1442-1444, 16). | |
| 51 | Aprés sa gloire et sublimation, Confusion je luy fis et vergoigne, Car par villains, comme l'acte tesmoigne, Fut deschassé en rencontre cruelle. (ANTITUS, Poés. P., c.1500, 19). | |
| 52 | Or avons donques comment la verité de la sainte Escripture est declaree et tesmoingnie en ceste partie par la fable des poëtes paiens, et telles confirmacions ou concordances loe et approuve saint Jerome en une epistre "ad magnum oratorem urbis Romme." (ORESME, C.M., c.1377, 376). | |
| 53 | Et la cause pourquoy l'en appelle ceste fonteine la "fonteine Moyse", si est que vous savez que l'Escripture tesmoigne que au temps de Moïse, qui estoit ebrieu, il avoit en Egipte moult grant peuple d'Ebrieux, qui estoient descenduz de Jacob et de Joseph qui fut vendus par ses frères et qui ot si grant povoir en Egipte au temps du roy Pharaon, roy d'Egipte, par lequel conseil de Joseph le roy Pharaon fist faire a son temps iceulx nobles gregniers que l'en dit les " gregniers Pharaon", dont nous parlerons cy apprès en Babiloine. (Voy. Jérus., c.1395, 54). | |
| 54 | Item, une raison devant mise tesmoingne que le ciel est ingenerable et incorruptible, et encor fu dit que il est impassible de toute mortelle difficulté. (ORESME, C.M., c.1377, 296). | |
| 55 | ...car qui ne porte soufframment les maulz d'autrui, son impacience tesmoingne que il est loing de la plantiveté des vertus. (CHR. PIZ., Trois vertus W.H., c.1405, 31). | |
| 56 | ...si comme tesmoingnent les sciences natureles, qui dient que veoir et oïr sont choses tristes. (ORESME, E.A., c.1370, 409). | |
| 57 | Ce meffait et cest avoutire, Si com nous l'avons recité, Vous tesmongnons en verité. (MACH., C. ami, 1357, 10). | |
| 58 | Au temps que ly contes Eimery regna, l'ystoire tesmoingne que de moult de sciences il estoit plains, et especialment de celle d'astronomie, comme j'ay dessus dit. (ARRAS, c.1392-1393, 17). | |
| 59 | En ceste partie nous tesmoingne l'ystoire que tant demoura Remondin en la terre de Guerrande qu'il mist accord entre aucuns des Bretons qui estoient en discencion, et fist tant que ly pays fu tous en paix. (ARRAS, c.1392-1393, 76). | |
| 60 | Roys Jhesu Crist, (...) vers cest esbrieu, Pour ton saint nom plus essaucier, Me tesmoingnes cy sanz cessier : De ce prest te plaise il a dire Se j'en sui quittes ou non (Mir. march. juif, c.1377, 219). | |
| 61 | ...quant ung estrangier vient demourer a Dieppe et il veult joyr et user de la franchise et bourgoisie d'icelle ville, apres ce qu'il a esté tesmongné suffisamment par deux aultres bourgoiz (Comptab. Dieppe M., 1474-1475, 116). | |
| 62 | Sire, et je ne m'en voeuil pas taire, Se il ne vous en doit desplaire, Car je vous tesmoingne pour voir, Devant tout ce est mon savoir. Au moins de ce bien me crëez Qu'avant que monde fut crëez, Furent fais anges beaux et gens ; Bien poez sçavoir se je mens. (Renart contref. R.L., t.1, 1328-1342, 63). | |
| 63 | Si ne li devez faire anui Ne de riens estre contre lui, Eins li devez la joie tendre Que vous volez vers lui deffendre ; Car nous le tesmoingnons pour digne En tous cas, sans nul mauvais signe. (MACH., D. verg., a.1340, 47). | |
| 64 | Se Fortune aimme, c'est de loing ; Elle faut toudis au besoing, N'elle n'a de personne soing, Soit vil ou monde. Et pour si fausse la tesmoing, Qu'elle porteroit faus tesmoing Pour le mieudre amy mettre en coing Qu'elle ait en monde. (MACH., R. Fort., c.1341, 34). | |
| 65 | Aussi faisoit il autre chose Dont s'ame Dieu prise et alose, Et je le tesmongne encor tel, Qu'onques en un pechié mortel Ne se volt couchier ne armer. (MACH., C. ami, 1357, 121). | |
| 66 | ...les orfevres qui ne ont esté approuvez ne tesmoingnez souffisans par les gardes dudit mestier d'orfavrerie (FAUQ., II, 1421-1430, 305). | |
| 67 | Et ce fait, ceulz qui par lesdiz gardes seront approuvez et tesmoingnez loyaulz et souffisans pour tenir forge dudit mestier, seront receuz par les generaulz maistres des monnoies en leur baillant pleges (FAUQ., II, 1421-1430, 306). | |
| 68 | Et aussi les phisiciens Me tesmoingnent pour veritable C'est maladie non curable De sa nature. (Mir. emper. Romme, 1369, 297). | |
| 69 | Mais garde bien que ne t'esmaies ; Car ja ne te sera si fiere Qu'elle [ta dame] te laidenge ne fiere, Se ce n'est de ses trés dous yeus Rians, attraians et soutieus. Mais je les tesmongne pour tels Que leurs cops ne sont pas mortels ; Car douce en est la blesseüre Et aggreable la pointure. (MACH., R. Fort., c.1341, 104). | |
| 70 | Car il est a penser a un chascun que femme qui aime bien son mary ne luy sera ja faulce, si ne puet faire autre certificacion de sa loyaulté fors par l'amour que elle lui monstre et les signes de par dehors par lesquelz on juge communement du courage, car autrement ne puet on jugier de l'entencion des gens fors par les oeuvres, lesquelles, se elles sont bonnes, tesmoingnent la personne bonne, et aussi au contraire. (CHR. PIZ., Trois vertus W.H., c.1405, 57). | |
| 71 | L'OSTELLIÉRE. Bien faites, tant que bon renom Je puisse de vous tesmoingnier. (Mir. roy Thierry, c.1374, 293). | |
| 72 | Tu congnois des cuers les pensees, Einsois qu'elles soient pensees ; Tu scez tout, einsois qu'il soit fait ; Tu scez que je n'ay riens meffait Et que malicieusement Ont tesmongnié et faussement Li faus juge qui m'ont jugie, Par qui le corps pers et la vie. (MACH., C. ami, 1357, 10). | |
|
