| 77 exemples | | 1 | SALOMÉ. (...) se de mes yeulz ne veoie La dame, et de mes mains touchoie, Je ne croiroie point tel dit ; Pour ce maintenant (...) L'iray veoir et puis taster. (Mir. nat. N.S.J.C., c.1343, 214). | |
| 2 | Si fu tastés et exquis, et la lettre trouvée sur lui (FROISS., Chron. L., III, c.1375-1400, 64). | |
| 3 | L'EVESQUE. (...) A vous deux [matronnes] ceste dame baille. (...) Despoilliez la trestoute nue (...). Et diligenment la tastez Par les flans et par les costez ; Puis m'en venez dire briefment Vostre avis (Mir. abbeesse, 1340, 92). | |
| 4 | Premiers, s'orine resgarderent, Et puis après si la tasterent [la jeune fille] ; Li uns après l'autre tastoient Partout ou taster la devoient, Les piez, le pous, et puis les temples ; Et puis si moustroient exemples Des cures qu'il avoient faites En pluseurs lieus et bien parfaites. (MACH., J. R. Nav., 1349, 202). | |
| 5 | ...elles [les matrones] ont veue et diligenment visitée à grant diligence Marion de La Court, prisonniere dessus nommée, tastée et mesniée à nu au mieulx que elles ont peu et sceu, et ne tiennent en elle aucun signe parquoy elles peussent et osassent tesmoignier que elle soit grosse d'enfant (Reg. crim. Chât., II, 1389-1392, 430). | |
| 6 | MAISTRE MORIN. (...) mais que souffrir puisses Que tes jambes taste et tes cuisses, Je t'en diray tantost le voir Se jamais garison avoir Pourras ou non. LE CONTRAIT. Maistre, or y gardez (Mir. st Panth., 1364, 331). | |
| 7 | ...les roys les souloient curer en tastant [les écrouelles], mesmement le roy de France et, pour ce, l'appelle on maladie royalle (GORDON, Prat., c.1450-1500, I, 20). | |
| 8 | J'alay et ving tout entour li, A savoir mon së endormy Estoit et le pous li tastai (GUILL. DIGULL., Pèler. vie hum. S., c.1330-1331, 194). | |
| 9 | ...et par vostre tresseinte charitee a moy taster le chief et le pous (HENRI LANC., Seyntz medicines A., 1354, 192). | |
| 10 | Mais Nonchaloir, mon medicin, M'est venu le pouse taster, Qui m'a conseillié reposer Et rendormir sur mon coussin (CH. D'ORLÉANS, Rond. C., 1443-1460, 292). | |
| 11 | Laissez moy taster vostre pous, Vous tient point celle maladie ? (CH. D'ORLÉANS, Rond. C., 1443-1460, 404). | |
| 12 | Sa mere la prent par la main, et luy taste son poux, et son corps, et son chef (C.N.N., c.1456-1467, 135). | |
| 13 | Apres ce, a l'issir de l'estable, s'il a courtes et droictes oreilles, maigre ou grasse teste, bonne veue et saine, et bons yeulx gros, saillans dehors la teste, et puis taster dessoubz gencives qu'il y ait grant entredeux et bonne ouverture et large, et qu'il n'y ait gourme, bube ne malen, et que l'entree du gavion ne soit en riens despecié (Ménagier Paris B.F., c.1392-1394, 137). | |
| 14 | Amis, nous vous venons taster Le pous pour donner medicine. (Mir. st Alexis, 1382, 347). | |
| 15 | ...et doit tenir la lancete avecques le poulce et avecques le doy monstreux de la destre main et doit avecques celluy d'empres taster la vayne et regarder avant bien le lieu qui veult bien et seurement saigner. (LE LIÈVRE, Traité saignée W., a.1418, 19). | |
| 16 | L'orine la jugoit haitie, Et li tasters ne jugoit mie Cause froide, ne de chalour, En quoy il prenissent coulour D'ou ne de quoy cils maus venoit, Ne quel remede y couvenoit, Pour li un po assouagier (MACH., J. R. Nav., 1349, 202). | |
| 17 | [Le rêve de l'amant] ...il me sembla ainssi Que la simple et coie Au gent corps joli Disoit : "je sui toie". Lors la rembraçoie Et par son congé Sa bouche baisoie. Fut ce bien songé ? Sa bouche baisoie. Fut ce bien songé ? Toudis vourroie estre ainssi, Assez joie avroie, Qu'el me baisoit et je li, Par tout la tastoie, Là où je voloie. Aiez en juigé, Se Diex vous doint joie. Fut ce bien songé ? (MACH., App., 1377, 648). | |
| 18 | S'il est homme, a eulz [aux femmes] se prenra Et ne se tenra point en paiz Qu'il ne les taste et pince mais. (Mir. fille roy, c.1379, 96). | |
| 19 | ...en oyant leur trompe [des femmes], Taster leurs corps (MARTIN LE FRANC, Champion dames D., t.2, 1440-1442, 83). | |
| 20 | ...il ne se savoit saouler de la regarder de plus en plus. Et aprés aussy ne se povoit tenir de la despoitriner et regarder et adviser sa tresbelle et tresblanche poitrine qui estoyt plus blanche que cristal a veoyr et tastat sa doulces mamelles (Belle Maguel. C., 1453, 31). | |
| 21 | Il a de coustume, comme tu scez, de se virer par nuyt vers moy, et me taster ung peu, et puis me laisse et se rendort. (C.N.N., c.1456-1467, 248). | |
| 22 | ...monseigneur est de trop legier somme, et ne s'esveille jamais qu'il ne taste après moy (C.N.N., c.1456-1467, 247). | |
| 23 | Quant les chars furent eschaufées, Si commencerent a puir, Et les ennemis a courir Pour femmes prandre et violer, Pour pillier et pour desrober : Ly uns robe, ly autres taste (DESCH., M.M., c.1385-1403, 336). | |
| 24 | Item, scet l'en se ung connin est gras a luy tater ung nerf ou col entre les deux espaulles, car la scet l'en s'il a grosse gresse par le gros nerf (Ménagier Paris B.F., c.1392-1394, 173). | |
| 25 | ...[Monseigneur] vers sa chambriere se vira, cuidant estre sa femme, et au taster qu'il fist hurta sa main d'aventure a son tetin (C.N.N., c.1456-1467, 250). | |
| 26 | ...quant le chevallier se senti ainsy feru, il se redressa au plus tost qu'il peut, puis voit le chevallier devant lui qui ainsi l'avoit tasté.... (Percef. III, R., t.1, c.1450 [c.1340], 39). | |
| 27 | JAUNE BEC. Plumés ? Me voullez vous routir ? A, Dieu, comment vous me tatez ! Hay ! Hay ! PLAISANT FOLLIE. Souffrez. JAUNE BEC. Vous me gastez ! (Pipée R., c.1470-1480, 195). | |
| 28 | L'EVESQUE. Je croy que pas n'aurez soucy Tantost de si hault caqueter. PREMIER [TIRANT]. Avant que je parte d'icy, J'espere de bien le taster. L'EVESQUE. Sus, enffans, veillez vous haster De luy monstrer son becjaulnaige ! SECOND [TIRANT]. Je le veulx en chien appointer. TIERS [TIRANT]. De frapper ay si fain que raige ! (Pause. Ilz le batent.) (LA VIGNE, S.M., 1496, 342). | |
| 29 | Mon lit tastai pour savoir u Je me pouoie estre endormis (FROISS., Par. am., c.1361-1362, 91). | |
| 30 | Nous ne sommes choses que on puisse ouir, ou oudurer, ou assavourer, ou taster. (GERS., Trin., 1402, 157). | |
| 31 | Adonc ont li enffant en leurs cauches tasté, Chascun un grant coutel y a adonc trouvé Au braieul atakiet et bien enkaienné (Renaut Mont. B.N. V., c.1350-1400, 767). | |
| 32 | ...elle trouva que [son mari] estoit de son lit party. Et taste sur son oreiller, et en sa place trouva qu'il y faisait tant froit... (C.N.N., c.1456-1467, 366). | |
| 33 | ...ilz estoient à deux lieues angleces près de leurs ennemis, mais qu'ilz peussent à l'adresce passer la riviere de Tamise. Et pour taster le fons, le duc de Glocestre y envoya de ses chevaulcheurs, lesquelz trouverent la riviere en tel point que puis XXX. ans on l'avoit bien peu veu si basse ; et passerent oultre moult legierement ces courreurs du duc (FROISS., Chron. M., XIV, c.1375-1400, 68). | |
| 34 | ...aprés qu'elle fut cauquie, tasta que ce povoit estre, si trouva que c'estoit une chose velue de assez doulz poil. (Ev. Quen., I, c.1466-1474, 91). | |
| 35 | ...et là par les commis du roy Anglois furent tous tastez et espluchez, et leur fu osté or, argent, vaisselle, joyaulx et autres bagues s'ilz les avoient (MONSTRELET, Chron. D.-A., t.3, c.1425-1440, 308). | |
| 36 | De mon baston, affin que ne forvoye, Je vois tastant mon chemin ça et la (CH. D'ORLÉANS, Ball. C., c.1415-1457, 89). | |
| 37 | ...je tastai a mon grenon, A savoir s'il estoit ou non Mués. (FROISS., Joli buiss. F., 1373, 228). | |
| 38 | ...comme en cest gendre animal aiant ame sont contenues diverses especes, c'est a scavoir homme, cheval, beuf, asne et toutes bestes, qui ont ame sensitive par les sens corporelz, voyant, oyant, flairant, goustant, tastant. (Somme abr., c.1477-1481, 147). | |
| 39 | Lasse ! j'ai perdu le taster. Lasse ! lasse ! lasse ! mes mains Ay perdu. (Mir. nat. N.S.J.C., c.1343, 214). | |
| 40 | Parler vault mieulx, pour faire chiere lie, De bons morceaulx et de frians pastez, Mais qu'ilz soient tout chaudement tastez ! (CH. D'ORLÉANS, Ball. C., c.1415-1457, 136). | |
| 41 | Il ne peut pas bien estre chaste, Quant des chauldes vïandes taste (Tomb. Chartr. Trois contes S., c.1337-1339, 93). | |
| 42 | Vroiement, monseigneur, dit la matrone qui garde la dame, qui represente ung docteur en sa science, vostre commere de tel lieu ne fist aujourduy aultre chose fors efforcer madame de menger, mais elle ne tasta aujourduy de chose que Dieu feist croistre, ne ne scey que el a. (Quinze joies mar. R., c.1390-1410, 20). | |
| 43 | Moult fussent aises les pouvres oiseaux prisonniers, si fussent en la liberté que sont les aultres, qui pouent aller de riviere en riviere et taster de toutes viandes ! (Quinze joies mar. R., c.1390-1410, 78). | |
| 44 | Item , autrement, prenez des ongnons rouges cruz et les broyez, et espraingnez le jus en une escuelle et le mectés ou les mouches repairent, et toutes celles qui en tasteront mourront. (Ménagier Paris B.F., c.1392-1394, 102). | |
| 45 | N'y demoura, ne pois ne febves, Dont ne tatassent des premiers Ratz et souris, et verminiers ; Et les espiz en emportoient, Des blez qui demourez estoient. Et par moult diverses manières Ils les mettoient en leurs tesnières (MONSTRELET, Chron. D.-A., t.6, c.1444-1453, 188). | |
| 46 | ...ledit suppliant print leurs espées, aussi osta audit Berquellet une petite chesne d'or qu'il avoit au coub et le tata s'il avoit point d'argent (Doc. Poitou G., t.12, 1483, 613). | |
| 47 | Ha, frere Bernard, que n'estez vous cy ! Par ma foy, vous n'en partiriez tant qu'auriez tasté de la lemproye (C.N.N., c.1456-1467, 261). | |
| 48 | Et je m'en voy querir de la farine et du burre, si ferons des gauffres et par Dieu, le villain Jocquesus n'en tastera ja.. (Ev. Quen., I, c.1466-1474, 105). | |
| 49 | Chivaliers, ce sont les gasteaulx Qu'on fait en court pour en taster. (Pass. Auv., 1477, 111). | |
| 50 | Versez de ce bonum vinum Et m'en baillez, j'en tasteray (Roy sotz, c.1450-1500, 229). | |
| 51 | Se vin est mauvais a taster, Il regibe trop mallement. (Tr. Men., c.1480-1500, 287). | |
| 52 | ...pour taster ledit vin... (Lettres rémission René II P.D.H., 1489, 184). | |
| 53 | PIERRE. (...) Or ça, qu'est ce que me donrrez A humer, dame ? LA BEGUINE. D'un bon coulis, sire, par m'ame. Tenez, tastez. PIERRE. N'en sui pas moult entalentez ; Nientmoins, ça ! j'en essaieray Et puis mon avis en diray. (Mir. Pierre Changeur, c.1378, 252). | |
| 54 | O, qu'il [ce breuvage] est bon, par Dieu ; c'est rage ! Taste, Janus ; n'est yl pas doulx ? (Pass. Auv., 1477, 222). | |
| 55 | Et aventure povreté Avoit les mengans si tasté Quë avoir plus ne pouoient Vin (GUILL. DIGULL., Pèler. J.-C. S., 1358, 143). | |
| 56 | E ! mére Dieu, com me deplaist Le temps que j'ay si mal gasté ! L'ennemi m'avoit bien tasté ; Mais, Dieu mercy, ne suis pas mors. (Mir. Oton, c.1370, 375). | |
| 57 | ...et luy commanda aller taster aux gens des seigneurs dessusdictz, veoir s'ilz avoyent point de brigandines soubz leurs robbes (COMM., II, 1489-1491, 318). | |
| 58 | Car Fortune, qui les tasta, Si durement les tempesta Que de leur vie pou d'espoir Orent (CHR. PIZ., M.F., III, 1400-1403, 171). | |
| 59 | Espoir par haste Aguise Desir et le haste, Qui le point asprement et taste (CHART., L. Dames, 1416, 261). | |
| 60 | ...moult forment doubtoient et craignoient, non sans cause, le martire de la mer, car le jour precedent ilz en avoient esté tellement tastez et si durement qu'ilz cuidoient bien mourir (RENÉ D'ANJOU, Cuer am. espris W., 1457, 109). | |
| 61 | ...onc sanglier ne fut de prés hasté De chiens mordans ne de luy faict pasté, Tant com sera de reprouches tasté : Chacun dira Mal contre luy, jurera, mesdira, Maulgrera Dieu qui luy contredira (MESCHIN., Lun. princes M.-G., c.1461-1465, 83). | |
| 62 | Et quant vous arés en ce point Mon present sermon bien tasté, Ja n'y verrés latin gasté, Et se raison y est perdue Au moins y est rime entendue (Barbes brayes A., a.1450, 253). | |
| 63 | Dya, dya, madame, j'ay bien sceu la cause de vostre pelerinage. Vous cuidiez taster et esprouver le grand brichouart de nostre hoste de Saint-Michel [Avec jeu de mots grivois] (C.N.N., c.1456-1467, 411). | |
| 64 | He ! Dieu et la Vierge benoiste ; Voicy diverse destinee ! Fault il dont que gouste et taste Telle douleur, telle journee ? (Myst. siège Orléans H., c.1480-1500, 341). | |
| 65 | ...je estoie jeune fille et fasoie ce que mes pere et mere me disoient (combien que, a l'aventure, el en avoit bien tasté davant) (Quinze joies mar. R., c.1390-1410, 38). | |
| 66 | Plusieurs depuis l'ont mauldict, et moy aussi, qui en ay tasté, soubz le roy de present, l'espace de huyct moys. (COMM., II, 1489-1491, 320). | |
| 67 | Et s'il est aucun qui contre moy s'esmeuve, disant que j'ay embrassié trop grand fardel en cestui oeuvre (...), plaise lui prendre response (...) que (...) je me sens mieulx en ce cas [je suis plus conscient en l'occurrence] que aultrui ne me taste. (MARTIN LE FRANC, Champion dames D., t.1, 1440-1442, 5). | |
| 68 | LE MARCHANT. Ai je chapel ? LE LARRON. Oil, par foy. Taste en ta teste. (Mir. march. larr., c.1349, 107). | |
| 69 | Li rois ... tastoit tout bellement et secretement à ceulz de Abbeville et de Pontieu, quelz il les trouveroit, et s'il demorroient Englès ou François (FROISS., Chron. L., VII, c.1375-1400, 93). | |
| 70 | ... entre Amiens et Abbeville, il i a pluisseurs passages sus la riviere de Sonme. On deveroit envoiier taster se li pont sont desfait ou bien gardé. (FROISS., Chron. D., p.1400, 704). | |
| 71 | Sire, li rois de France nous envoie par deviers vous et vous segnefie que il est chi venus et arestés sus le mont de Sangates pour vous combatre ; mais il ne puet veoir ne trouver voie conment il puist venir jusques a vous. Si en a il grant desir pour dessegier sa bonne ville de Calais, et a fait aviser, taster et regarder par ses honmes conment il poroit venir jusques a vous ; mais c'est cose imposible a faire, ce li ont raporté si honme. (FROISS., Chron. D., p.1400, 830). | |
| 72 | Si soubtillarent les aucungs secrettement d'envoyer eschelleurs compaignons à leur adventure pour taster et assayer s'ilz pourroient riens executer, fust sur la ville de Lucembourg ou sur la ville de Tionville (LA MARCHE, Mém., II, c.1470, 35). | |
| 73 | Et en cet estat furent les deux chevaliers assez longuement, tastant et essayant en leur puissance si avoit aucung advantaige chascun sur son compaignon. (LA MARCHE, Mém., II, c.1470, 132). | |
| 74 | Taste s'i pleut Saincte sang bieu ! (P. Jouh. D.R., a.1488, 19). | |
| 75 | Seigneur, je y vaiz ; je veulx taster Si fait bon boire a ceste tasse. (Pass. Auv., 1477, 89). | |
| 76 | Or savez conment il m'est, dame, Puis que je sui conme vous femme Et que j'ai mamelles : tastez. (Mir. fille roy, c.1379, 93). | |
| 77 | Item, l'en congnoist espreviers qui sont trop gras a taster par dessoubz l'esle comme une geline. (Ménagier Paris B.F., c.1392-1394, 166). | |
|
