A. -

"Marque, tache"

1.

"Marque colorée qui tranche sur le fond" : Cils chevaus estoit blans, sans tache. (MACH., D. Aler., a.1349, 312). Jaspes est une pierre dont il est de XVII manieres. Mais ly vers est ly millours. Et quant il a taches vermeilles ou jaunes, sy le nomme on dyaspre : adont est il tres precieus (MANDEVILLE, Lap. M., c.1350-1390, 181). ...la coleur blanche et sans aucune tache ["qui n'est pas tacheté"] de la dicte fleur, qui signifie vraye innocence et toute mundicite et nectete (MÉZIÈRES, Songe vieil pèl. C., t.2, c.1386-1389, 471).

-

[Domaine de l'astr.] : Quant au premier point, celle figure ou obscurté ou tache qui appert en la lune et est appellee macula lune, selon ce que aucuns ont regardé et consideré ou temps seri et cler vers les matins environ plainne lune, si comme recite Albert sus Metheores, elle est telle : yleuques est aussi comme l'ymage d'un lyon qui a la teste vers orient, et sus le dos de ce lion aussi comme la figure d'un arbre transversal qui s'encline vers occident, et au costé de cest arbre aussi comme l'ymage d'un honme qui seroit appoué a cel arbre et qui avroit ses piés vers le derriere du lyon. (ORESME, C.M., c.1377, 454). Mais ce ne vault, car telles impressions ou vapeurs ne demeurent pas longuement en un estat et celle tache appert touzjours sanz crestre et sanz appeticier et sans mutacion ou variacion de figure ne autrement. (ORESME, C.M., c.1377, 454). Le conte, qui moult savoit d'astronomie, regarde ou ciel, et voit les estelles cleres, et l'air pur, et la lune estoit moult belle, sans tache, ne obscurté. (ARRAS, c.1392-1393, 19).

2.

"Marque sur le corps, indice physique" : LA MATRONNE. (...) Chier pére, nous vous ramenons Ceste abbesse, et si vous disons Que pas n'est grosse vraiement, Ne tache n'en a nullement (Mir. abbeesse, 1340, 94). Mais le fer ardant de la flesche Qui le cuer toudis art et seche, Saches certeinnement qu'il art Et bruïst par si soutil art Qu'il n'i pert tache ne arsure, Trace, plaie, ne blesseüre, Et einsi se keuve et engendre Com li charbons dessous la cendre. (MACH., R. Fort., c.1341, 69). PREMIER SERGENT. Il n'a pas la char assez bise (...), Gamache. Fier com je fas, si que la tache Du cop y pére. (Mir. st Ign., 1366, 82). ... Frommont, qui fu assez beaulx. Mais il ot sur le nez une petite tache velue, comme la pel d'une taulpe ou d'un fouant. (ARRAS, c.1392-1393, 80). Son corps estoit tachiéz de diverses taches par la poitrine et par le ventre (MAMEROT, Romuleon D., 1466, 302).

-

[Domaine de la méd.] "Tache, opacité" : Catharata est aulcune tache ou maille panniculiere dedens l'ueil, devant la prunelle, par laquelle le voyement est deffendu de humidité estrange descendante en l'ueil (PANIS, Guidon, 1478, tr.VI, doct.2, chap.2). Des maladies de cornea qui sont dix en nombre et premierement des taiches et maillez et des catharatez. (PANIS, Guidon, 1478, tr.VI, doct.2, chap.2). Cy sera parlé de maculez, se sont maillez ou taichez (PANIS, Guidon, 1478, tr.IV, doct.2, chap.2).

3.

"Marque salissante, souillure" : Et quant tous les chevaliers seront couchiez, vous ferez couchier vostre fille ou lit moien devant eulx tous et, quant ce sera fait, vous avrez fait apareillier noir espac en telle maniere confit que on ne le puist laver sanz fort aisil, et le baillerez a vostre fille si priveement que nul ne s'en puist apercevoir, et lui direz que, se nullui vient couchier avec lui, qu'elle lui feïst une tache ou front, de cel espac. (Bérinus, II, c.1350-1370, 39). Et la beguine scet bien, et le vous dira, que se il y a aucune tache d'uile ou autre gresse, le remedde est tel: Ayez pissat, et le chauffez comme tiede, et mectez la tache tremper dedens par deux jours, et puis estraingnez le drap ou est la tache sans le tuerdre (Ménagier Paris B.F., c.1392-1394, 132).

Rem. Myst. process. Lille K., t.4, a.1485, 63/103.

B. -

Au fig.

1.

"Marque, trace" : ...elles perdent tousjours le nom de la vertu d'obeissance, et la tache de la desobeissance demeure longtemps aprez dedans le cuer du mary si atachee, qu'a une autres foiz il en souviendra au mary quant la femme cuidera que la paix soit faicte et que le mary l'ait oublié (Ménagier Paris B.F., c.1392-1394, 78). ...en vous qui nous alez blasmant N'a tesche de leal amour. (MARTIN LE FRANC, Champion dames D., t.3, 1440-1442, 53). Non les vertus ne les bons dis Ne le grant bien dont je n'ay taiche Sont cause pour quoy je bondis (CHAST., Temps rec. D., 1451, 70).

2.

"Souillure morale" : Car cils qui meinne vie pure, Sans mal, sans pechié, sans ordure, Ara l'ame polie et blanche Devant Dieu, plus que noif sus branche ; Et n'ara tache ne bruette, Eins sera clere et pure et nette. (MACH., P. Alex., p.1369, 13). Et, quant il a aucun domage es offices ou par la negligence du prince ou aucune dissimulacion et que la vertu ou renommee d'aucune office est appeticiee, le prince encourt laides taches et honteuses, car ses membres sont malades et lais. (FOUL., Policrat., IV, 1372, 84). ...en vous n'a teche Qui noient face a reprouver. (FROISS., Joli buiss. F., 1373, 107). ...elle [Bautheuch] est la plus humble c'on sache, Et la plus parfaitte sans tache De nesun vice. (Mir. ste Bauth., c.1376, 86). De tous vices est lonteinne Et procheinne De pris, de grace et d'onnour, N'en li n'a tache vileinne : Tant est sainne, Pure et de haute valour. (MACH., Les lays, 1377, 315). A vous apparra voz purtez Qui avez vos (n)[v]os chars gardés saingnes De trestoutes taiches villainnes, Ou ciel en seroiz couronné (Jour Jug. R., c.1380-1400, 253). ...les tasches qui ont esté Des charnelz deliz avec toy (DESCH., M.M., c.1385-1403, 200). D'un autre inconvenient ne me puis je pas taire, c'est que aucuns chiefs et conditeurs de gens prennent l'argent des gaiges de leurs souldoiers sans le leur departir, en les faisant vivre sur le peuple, si encourent la villaine tache de larrecin farcie de desloiaulté (CHART., Q. inv., 1422, 52). Se pollution ou sacrelege est faicte ou temple, la conscience dez faiseurs est premiere pollue et leur foy violee, ne la tache n'en demeure en l'eglise, maiz es ames des pecheurs qui le font, ou par qui peché Dieu le seuffre faire (CHART., L. Esp., c.1429-1430, 60). Or n'y povez riens prendre pour vous, si non vostre repas viatique, ne riens emporter, fors la tache de voz deffaulx ou la merite de vos vertus (CHART., L. Esp., c.1429-1430, 67). Messager doit sur soy porter l'enseigne de son maistre, maiz celuy a de soy effacé le signal de Dieu, qui se souylle des taches de murtre et de tricherie. (CHART., L. Esp., c.1429-1430, 119). ...et estudie de faire belle ta face et de la bien conposer et laver et panez toutes taches et effacier toutes maculez (CRAP., Cur Deus, De arrha B.H., c.1450-1460, 280). O ensiennes macules, o ordes macules et peutez taches, o laides et disturpees, grans abhominables macules quy tant avez estez avec moy ! (CRAP., Cur Deus, De arrha B.H., c.1450-1460, 288). SATHAN [à saint Martin]. (...) Car m'amour est particuliere En toy plus qu'en tous ceulx du monde, Pour ce que vie reguliere Tu mayne pure, necte et munde. Tache tu n'as qui soit immunde, Car tu es plain de saincteté, De grant devocion parfonde Et de parfaicte charité. (LA VIGNE, S.M., 1496, 540).

-

"Manquement à l'honneur, atteinte à la réputation" : Et se j'ai dit ou trop ou pau, Pas ne mespren, car, par saint Pau, Ma dame vueult qu'ainsi le face Soubz pene de perdre sa grace. Et bien vuelt que chascuns le sache, Puis qu'il n'i ha vice ne tache ; Et se le contraire y heüst, Elle bien taire s'en sceüst Et au celer bien li aidaisse, Car par ma foi bien le celaisse. Je vous ai ceste chose ditte, Mais ne m'en chaut se c'est reditte. (MACH., Voir, 1364, 366). Et en furent acuset de... traïson... Et en demora un lonc temps en grant dangier et en telle tache et paroles messires Gaillars de Vighiers (FROISS., Chron. R., IX, c.1375-1400, 3).

.

Mettre une tache au front de la renommee/de la goire de qqn. "Souiller la renommée, la gloire de qqn"

Rem. Hist. prem. destruct. Troie R., c.1470-1480, gloss.

3.

P. ext. "Qualité, positive ou nég."

a)

[Positive] (Belle/bonne) tache : Ly dis messires Wilhelmes de Warous, ly jovenes, demorat, en sa jovente, por apprende honeur et tiexhe, deleis le saingnor de Hers adont vivant, qui estoit uns poissans chevaliers (HEMRICOURT, Miroir Hesb. B.B., 1353-1398, 452). Car il n'est hom de quelque tesche, S'il parle plenté, qui ne pesche. (LE FÈVRE, Respit Mort H., 1376-1380, 66). Belle niepce, nous y avons ja pourveu ; il vous fault marier a un homme tel qui soit digne de vous gouverner, vous et vostre pays, ainsi qu'il appertient et il n'est pas loing de cy, beaulx et bons, nobles, preux, saiges et hardiz. Par foy, beaulx oncles, dist la pucelle, ce sont grant foison de belles et bonnes taches, et scay bien que vous ne me conseillerez pas voulentiers chose qui ne feust a mon honneur, la ou vous le pensiez savoir ne considerer. (ARRAS, c.1392-1393, 188). Si lui dit que c'estoit son germain Polidés, qui est beaulx et de belles taches et est taillé de venir à bien. (Ponthus Sidoine C., c.1400, 169). ...toutes bonnes taiches et bonnes meurs sont en lui (Ponthus Sidoine C., c.1400, 186). Ensurquetout, avec les bonnes taches et manieres qui lui affierent, apertient a toute pucelle estre humble et obeissant a pere et a mere, et les servir diligement de tout son pooir, s'attendre de son mariage du tout a eulx et non mie que d'elle meismes le face et sans leur consentement, ne quelconques paroles n'en doit tenir n'escouter paroles. (CHR. PIZ., Trois vertus W.H., c.1405, 196). Et, avec le bon enseignement que sa maistresse lui bailloit, la fille estoit tant bien condicionnee et bien adrecee de toutes belles taches d'amer Dieu et l'Eglise, estre aulmoniere aux pouvres que c'estoit ung grant bien que de ouyr parler d'elle (Cleriadus Z., c.1440-1444, 2). Hellas ! que feray je ? que diray je ne où yray je desormais en avant, quant j'ay perdu la plus belle, la meilleur, la plus adornee de toutes belles et bonnes taches qui fust, pour femmes mortelles, en cest monde et celle qui estoit commencement et moyen de tout mon bien et mon honneur et l'adresse de tous mes affaires ? (Cleriadus Z., c.1440-1444, 348). Cellui roy eut en soy toutes les bonnes taches et haultes virtus, qui doivent estre en prince terrien. (BUEIL, I, 1461-1466, 27).

Rem. Ex. d'a.fr. et LA TOUR LANDRY (pour ce est bon de ramentevoir leurs bonnes taches, pour y prendre bon exemple et bonnes meurs) ds T-L X, 26. V. aussi tacher.

b)

[Négative] "Défaut, tare" : ...il [ces sacrifices] doivent estre offers sans aucune tache vicieuse de corps ne de cuer (JEAN GOLEIN, Rational B.D., c.1370-1372, 463). ...car l'en m'a dist de lui mout de villainnes taiches qu'il a (Ponthus Sidoine C., c.1400, 111). Le corps apres avise à gouverner par tel discrection qu'il demeure sain d'onneur et de santé et à son povoir, en convalescence tellement que tache n'y ait ne reproche. (CHR. PIZ., P.V.H., 1416-1418, 35). Du cucu tient la teche amere Qui en fin destruist pere et mere. (Pastor. B., c.1422-1425, 247). Si aucun menoit beste au marché ou ailleurs et elle frappast ou mordist aucun, il est tenu d'amender les dommaiges au blecié (...) Et s'il disoit elle est moye et je l'aye amenée, je ne savoie pas qu'elle eust telle tache, o tant jurera qu'il ne sceust la tache, et poira cinq soulx qui sont appellez relief de homme, et remaindra la beste à la justice, et o tant sera quicte. (Cout. instit. Anjou Maine B.-B., t.2, 1437, 163).

Rem. GUILL. DIGULL., Pèler. vie hum. St., c.1330-1331, 3693 (Un mirour qui est sans tache).

-

Male tache. "Défaut, vice" : Li fil enforcierent et crurent, Qui maintes males taches eurent. (CHR. PIZ., M.F., II, 1400-1403, 293).