II. - | "Ouvrage en relief représentant un être animé ou une divinité, représentation sculptée, statue" : ...et si luy fu decreté par le senat une statue a cheval, laquelle fu assise par devant le temple de Castor ([BERS., I, 9, c.1354-1359, 43.22, 82]). Et en art de faire statues ou ymages, Policletus estoit sage ymagier. ([ORESME, E.A., c.1370, 341]). Et encore les Romains en usoient [des loys anciennes] et donnoient triumphes et coronnes de lorier et de palme et escrivoient titres triumpals et faisoient statues ou ymages pour le honeur et memoire de ceuls qui obtenoient nobles victoires. ([ORESME, E.A.C., c.1370, 211]). Ou selon similitude a nos destres, si comme sont les parties d'une statue ou ymage. ([ORESME, C.M., c.1377, 310]). ...quant Ninus fist une statue d'or pour memoire de son pere Belus, et commenda adourer du peuple comme Dieu ([CHART., L. Esp., c.1429-1430, 113]). ...puis ly fist ung sepulcre ouquel son estatue ou simulacre estoit entaillié, comme s'il fust tout proprement espirant et vif ([LA SALE, Sale D., 1451, 133]). Et quelque chose que les autres dissent, il ne sonnoit pas ung mot, mais se tenoit comme une droicte statue ou ung idole entaillé ([C.N.N., c.1456-1467, 199]). Secondement [image] se doit entendre quant au signe seulement et non pas a la verité de nature, comme nous disons que une statue, c'est a dire une ymage painte en une paroit ou entretaillié de pierre ou de boiz, est l'ymage d'aucun homme, et tele ymage est apellee ymage imparfaitement. ([Somme abr., c.1477-1481, 111]). ...par son subtil entendement fist et composa les deux grandes et merveilleuses statues et ymages d'arain fusille en l'isle de Rodes, outre celles dessus mencionnées, dont l'une avoit septante couldées de hault, de merveilleuses contenances. ([SIMON DE PHARES, Astrol., c.1494-1498, f° 24 r°]). ...en alant par la cité de Naples, vit une grande ydolle ou statue de marbre eslevée, laquelle avoit ung cercle de cuyvre ou chef (...) et trouva que l'ombre du chef d'icelle statue audit jour lui monstreroit ung grant tresor en terre ([SIMON DE PHARES, Astrol., c.1494-1498, f° 111 r°]). |
