| 12 exemples |
| 1 | Semblablement en choses qui sont en oïr, ceulz qui se esjoïssent et delitent superhabundanment et trop en melodies de vois humaines et de sons faites par instrumenz, nul ne les dit pour ce desactrempés. (ORESME, E.A., c.1370, 220). |
|
| 2 | Lors fu Florie moult joyant, et vint a la fenestre et regarde en la mer et voit tant gallees et tant maint grant vaissel qui arrivoient au port, et ot ces trompectes sonner et instrumens de pluseurs sons. (ARRAS, c.1392-1393, 143). |
|
| 3 | ...monseigneur Loiz de France, ainsné filz du Roy nostre sire (...) moult grant plaisir avoit à sons d'orgues (BAYE, II, 1411-1417, 231). |
|
| 4 | Et la fu la feste grant, et y ot de moult nobles mès servis cellui jour, et y ot grant melodie des sons musiquaux, et donna le conte de riches dons. (ARRAS, c.1392-1393, 32). |
|
| 5 | ... et fu la receue a grans sons d'instrumens moult honnourablement. (ARRAS, c.1392-1393, 39). |
|
| 6 | NOSTRE DAME. (...) Anges, chantez sons accordens Sanz plus cy estre. (Mir. march. juif, c.1377, 217). |
|
| 7 | Et quant ceste tressainte nouvelle fut ainsin par tout publiee, lors tous vrais crestiens (...) incontinent coururent aux eglises, a grans sons de campanes, Nostre Seigneur remercier (LA SALE, J.S., 1456, 222). |
|
| 8 | Ou .XVIIe. chapitre il reprouve l'opinion d'aucuns qui disoient que les corps du ciel par leurs mouvemens font sons melodieus. (ORESME, C.M., c.1377, 468). |
|
| 9 | Dont li espriviers s'arresta, Mais adès celle part gaita, S'oï l'oiselet sauteler Et les fueillettes venteler Aus sons que li gens oiselès Faisoit, qui si apertelès Estoit que point n'estoit vuiseus, Et s'estoit un petit noiseus, Si comme pour li esjoïr, Se se faisoit adès oïr. (MACH., D. Aler., a.1349, 274). |
|
| 10 | Au departir dou bel esté Qui a gais et jolis esté, De fleurs, de fueilles faillolez, Et d'arbrissiaus emmaillolez, Arrousez de douce rousée, Sechiez par chaleur ordenée Que le soleil li amenistre, Et qu'oisillons ont leur chapitre Tenu de sons et de hoquès, Par plains, par aunois, par bosquès, Pour li servir et honnourer, Que tout ce couvient demourer Pour le temps qui, de sa nature, Mue sa chaleur en froidure, (...) M'en aloie par mi ma chambre. (MACH., J. R. Nav., 1349, 137). |
|
| 11 | Ensi que il passoient leurs armeures sonnoient et retentissoient. De quoi pluiseur qui cela ooient s'en esmervilloient que ce pooit estre ; car à le fois messires Pières et ses gens cessoient d'aller avant. Et si tretost que il se rescueilloient à l'aller, cilz sons et retentissement revenoit à ces gardes qui estoient en le rue Saint Pière (FROISS., Chron. L., V, c.1375-1400, 80). |
|
| 12 | S'Amours voloient aussi bien Comme tercellés et faucons, Queles clochettes et quelz sons Mettriez vous chascune au sien, Et quel loirre a dire : "Revien" Leur seroit agreable et bons ? (DESCH., Oeuvres R., t.8, c.1370-1407, 124). |
|
