| 40 exemples | | 1 | Quant a son hostel fu venus, Ensy fist que apercheüx Ne se fust de lui nullement. Et ly jones homs seullement S'alla en sa chambre enfermer (Dit prunier B., c.1330-1350, 54). | |
| 2 | Et puis en grant pensement, Doulcement, Seulement, Vers la cité se retire (Vie st Eust. 2 P., c.1400-1450, 206). | |
| 3 | En enterinant lequel appoinctement, ycellui prisonnier fu fait despouillier tout nu, mis, lié et estendu à question sur le petit tresteau seulement. (Reg. crim. Chât., II, 1389-1392, 473). | |
| 4 | ... il n'a pas en tous nous ensemble tant de sens qu'il a en vous seulement. (ARRAS, c.1392-1393, 47). | |
| 5 | Li gentis rois pleins de noblesse, Il n'a pas le cuer esperdu, Trouva que il n'avoit perdu C'un chevalier tant seulement, Et IX.. ou X.., qui folement En la ville embatu s'estoient Et les hostels pas ne savoient. (MACH., P. Alex., p.1369, 210). | |
| 6 | Selon Averroïz, au devant de Ptholomee les anciens tenoient que la lune avoit .III. mouvemens seulement, et Ptholomee met que elle en a .V. (ORESME, C.M., c.1377, 498). | |
| 7 | Auquel homme mort il print une bourse qu'il avoit pendue à sa poitrine, en laquelle avoit XIJ s. seulement (Reg. crim. Chât., I, 1389-1392, 65). | |
| 8 | Ensi que il cevauçoient, euls vintime tant seulement, et estoient entre Frane et Escaupons, deus villages qui sont entre Valenchiennes et Condet, il regarderent sus les camps et veirent gens fuians, et monstroient que il estoient en grant esfroi. (FROISS., Chron. D., p.1400, 430). | |
| 9 | ...leur nefz et barges Fist ardoir, et si les encharge Qu'ilz ne feissent ne nef, ne barge, Mectre sus mer, fors seulement .XXX. nefz, ne plus nullement. (CHR. PIZ., M.F., III, 1400-1403, 236). | |
| 10 | Deux amiraus ont esleüs, Sages hommes et pourveüs Et devers le roy les envoient, Et nos messages les convoient, Tant seulement pour raporter Se li roys vorroit acorder La pais cornue qu'il li portent. (MACH., P. Alex., p.1369, 200). | |
| 11 | ...pour seulement tourniier les dittes montagnes deux liewes, il venroient tout au plain là où les Compagnes estoient (FROISS., Chron. L., V, c.1375-1400, 188). | |
| 12 | Et que princes ne fussent fais Pas seulement pour, en leur fais, Estre haultains et avoir gloire, Sanz servir de quelque acessoire Autre, nous pouons adés prendre A propos ce que veult apprendre Varo, qui dit... (CHR. PIZ., M.F., II, 1400-1403, 27). | |
| 13 | LE CONTE. (...) je ne puis pas ma conté Gouverner par moy seulement, Sanz gens avoir (Mir. enf. ress., 1353, 14). | |
| 14 | ...combien que je ne vueil ne m'entens point les choses cy après escriptes estre appellées, dictes ou nommées Croniques, pour ce que à moy n'appartient, et que pour ce fayre n'ay pas esté ordonné et ne m'a esté permys, mais seulement pour donner aucun petit passe temps aux lisans, regardans ou escoutans icelles, en leur priant humblement excuser et supployer à mon ignorance et adresser ce qui y seroyt mal mis ou escript (ROYE, Chron. scand., I, 1460-1483, 2). | |
| 15 | LA CHAMBERIERE. (...) Car il n'y ara sur vous vaine, Quant venra a l'enfantement, Qui ne rompe, fors seulement Du petit doit. (Mir. enf. ress., 1353, 20). | |
| 16 | Et appert par ce que dit est que tout mouvement n'est pas simple qui est selonc droite ligne mais seullement celui qui est en montant droit ou en descendant droit. (ORESME, C.M., c.1377, 60). | |
| 17 | Mais il ne lui fault rien qu'il n'ait a son plaisir, fors seulement le partir de ceans. (ARRAS, c.1392-1393, 304). | |
| 18 | Mais y tant fist pour lui ma mere Que de toutes choses mon pere Bien ressemblay et proprement, Fors du sexe tant seulement, Mais des façons, de corps, de vis, Si bien que il vous fust avis, Meismement es condicions, Que tous semblables les eussions. (CHR. PIZ., M.F., I, 1400-1403, 20). | |
| 19 | Et semble chose merveilleuse Qu'Erculés peust estre abatus D'une femme, car onques nulz Ne nasqui de pareil effort, Fors seulement Sampson le fort (CHR. PIZ., M.F., III, 1400-1403, 16). | |
| 20 | Puis qu'autre rien ne me puet plaire Ne le gré de mon cuer actraire Fors voustre beauté seulement, Helas et pourquoy ne comment La me veult Fortune fortraire ? (CHART., R. Bal., c.1410-1425, 382). | |
| 21 | Autre bien n'ay, n'autre bien n'assaveure Fors seulement l'actente que je meure (CHART., Compl., 1424, 327). | |
| 22 | Aultre exemple avons nous tres singulier, asscavoir Nostre Seigneur Jhesu Christ qui enseigna ceste obedience non seulement de parole, mais aussi par exemple, venant au monde et demourant au monde et passant au monde. (DAUDIN, De la erudition H., c.1360-1380, 218). | |
| 23 | Et avec ce, non pas seulement en la maison ou a la table compaignie est joieuse, mais aussi en la voie ou en chemin, selonc le dit de Macrobe : «Le compaignon bel emparlé est ou chemin pour confort». (DAUDIN, De la erudition H., c.1360-1380, 256). | |
| 24 | LA DAME. (...) Toy seule gloriffïeray, Car seulement par ta puissance J'atens a avoir delivrance Et brief secours. (Mir. enf. ress., 1353, 42). | |
| 25 | Et commende Dieu non pas seulement que le prince preigne exemple aus prestres, mais desclaire les quielz quant il le renvoie a la ligniee de Levi. (FOUL., Policrat., IV, 1372, 63). | |
| 26 | Car des choses delectables, toutes celles qui ne sunt nuisibles sunt convenables et propices non pas seulement a la fin, mes ovecques ce a repos. (ORESME, Pol. Arist. M., c.1372-1374, 348). | |
| 27 | ...et [Dieu] ne se pourroit departir ne absentir de quelcunque lieu et ne peust estre ymaginé lieu qui soit privé de la presence de son essence et que l'en peust dire "Dieu n'est pas yci" ; et non pas seullement des lieus de cest monde, mais samblablement en l'espace infinie ymaginee et immobile. (ORESME, C.M., c.1377, 278). | |
| 28 | Mon seigneur, non tant seulement Voulentiers, maiz de tresbon cuer Que ne le lairoye a nul fuer. (Gris., 1395, 90). | |
| 29 | Et en icelle [la loi salique], ainsi que l'en dit, estoit contenu ung article qui dit ainsi : (...) laquelle exclut femmes de tout en tout de povoir succeder a la couronne de France (...). Et qui vouldra bien querir et regarder les cronicques de France et d'Angleterre et toutes aultres, on ne trouverra point que le contraire si ayt esté gardé et observé en ce royaulme ; et ne se garde mie seullement en la couronne de France, mais semblablement es terres baillees par les roys a leurs enffens masles ou freres par appannages, car il n'y succede que les masles, et non mie feumelles (JUV. URS., Aud. celi, 1435, 157). | |
| 30 | Voz predecesseurs meismes, pour faire paix avecques leurs ennemis, delaissoyent non mie seulement ce que leurs ennemis avoyent sur eulx concquesté, mais ce qu'ilz tenoyent, en faisant le plaisir de Dieu et relevant le peuple des oppressions (JUV. URS., T. crest., c.1446, 167). | |
| 31 | Ne m'achoisonnez autrement, Mais que m'en voise seulement Sauve ma vie. (Mir. march. larr., c.1349, 106). | |
| 32 | Il ne me chault quelque le face Seulemant qu'il soit fait tantoust (OUDIN, St Genis M.S., c.1490, 96). | |
| 33 | Et pour ce, selon verité, les corps du ciel ne attaignent ou aquierent par leur mouvement quelcunque perfection fors tant seulement que par telz mouvemens il sont appliquiéz deuement pour oevrer a la fin pour quoy il sont ou furent creés (ORESME, C.M., c.1377, 508). | |
| 34 | De testament ne fit autre ordonnance, Fors seulement qu'elle donna puissance A son mary et a son pere faire A leur vouloir (RÉGN., F.A., 1432-c.1465, 183). | |
| 35 | ...je leur liverai pont pour passer, mès que nous aions trois jours de respit ensamble tant seulement pour le faire (FROISS., Chron. L., II, c.1375-1400, 32). | |
| 36 | Adonc se parti il, lui cinquime tant seulement, et vint ou logeis des dessus dis François (FROISS., Chron. L., VI, c.1375-1400, 221). | |
| 37 | Et donques sont .III. mouvemens symples en general pour ce que tant seullement en .III. manieres se puet avoir par mouvement un corps ou regart du centre ou du milieu du monde (ORESME, C.M., c.1377, 60). | |
| 38 | Et se nous voulons entendre a parler de ceste chose universelment, nostre propos n'appert pas seullement par les raysons que nous avons mises ou livre de Phisique ou nous avons dit des principes de nature, quar ileuques nous avons determiné devant de infini universelment. (ORESME, C.M., c.1377, 114). | |
| 39 | Et jura et afferma par serement, et sur sa part qu'il entendoit à avoir en Paradis, que il fu seul à fere ycelle larrecin faite sur ledit messire Phelippe, et que oncques homme ne femme n'en sceut aucune chose ne n'eust aucun prouffit, sinon lui tant seulement. (Reg. crim. Chât., I, 1389-1392, 33). | |
| 40 | Lequel malfaiteur il n'avoit pas trouvé, mais avoit trouvé seullement sa femme qui lui dist que ledit malfaitteur, son mary, estoit alez le dimenche precedent en la ville de Senliz (Reg. crim. Chât., II, 1389-1392, 376). | |
|
