| 36 exemples | | 1 | Ches meschans gens ... se commenchièrent à eslever, pour che que il dissoient que on les tenoit en trop grande servitude, et que au commenchement dou monde il n'avoit esté nuls sers (FROISS., Chron. R., X, c.1375-1400, 95). | |
| 2 | ...ilz ont protesté et protestent que pour le temps avenir ce qu'ilz feront et paieront ne leur puist porter aucun prejudice, ne aquerir aucun droit ou saisine de servitute à ycellui segneur contre les dessusdiz, et que nonobstant ce ilz demeurent en leurs franchises et libertés anciennes (FAUQ., II, 1421-1430, 356). | |
| 3 | Las ! or seray en l'Empire en essil, Car je voy bien qu'estre convient comme un Prestres et lais, et en main de commun. Mais j'aim trop mieus franchise et po d'avoir Que grant richesse et servitute avoir. (MACH., Compl., 1340-1377, 252). | |
| 4 | ...communaulté de cytoiens, laquelle naturellement est franche et tend à liberté, jamais scientement ne se submectroit à servitude, ou s'abbaisseroit au joug de la puissance tyrannique (ORESME, Monnoies W., c.1365, LXXII). | |
| 5 | Car se les proffis qui viennent d'amistié n'estoient distribuéz selon la dignité des operacions et des merites, ce seroit faire comme ministracion par servitute et non pas par amistié. (ORESME, E.A., c.1370, 450). | |
| 6 | Car c'est la nature de servitude que elle doie estre au proffit du seigneur (ORESME, E.A.C., c.1370, 436). | |
| 7 | ...le temps de la servitude et chetiveté de Babiloine (JEAN GOLEIN, Rational B.D., c.1370-1372, 368). | |
| 8 | Adont s'avisèrent li Parisien que il s'armeroient et monsteroient au roi à l'entrer en Paris quel poissance il i avoit à che jour en Paris ... Mieux leur vausist que il se fuissent tenu quoi en leurs maisons, car celle monstre leur fu convertie depuis en grant servitude (FROISS., Chron. R., XI, c.1375-1400, 75). | |
| 9 | Avant, seigneurs barons. Par ma foy, s'il [Gieffroy] nous eschappe, ce sera grant honte a nous tous. Mal nous est venuz demander servitute en nostre pays. Et quant Gieffroy entent ceste parole, si trait l'espee sans plus dire, et fiert le premier sur le chief que il l'envoye tout estourdy par terre. (ARRAS, c.1392-1393, 200). | |
| 10 | ...en grant servitude livrent Leurs corps, quant pour eulx delivrer D'elles, s'en veulent tant grever. (CHR. PIZ., Chem. estude P., 1402-1403, 198). | |
| 11 | SAINCT MARTIN. (...) Je supplie ta deïté Et ta tresdivine clemence, S'en servitude suis bouté, Qu'en bien me doinct perseverance, Vraye constance En pascïence, Et esperance De mieulx en mieulx (LA VIGNE, S.M., 1496, 365). | |
| 12 | ...il y a .ii. servitudes, l'une qui est ordenee au createur... (JEAN GOLEIN, Rational B.D., c.1370-1372, 480). | |
| 13 | ...homme qui a esté reduit de servitude à liberté lequiel doit service et office à son patron : car naturellement et de droit commun les enffans doivent familiarité et service à leurs parens (Cout. instit. Anjou Maine B.-B., t.2, 1437, 373). | |
| 14 | AGRAPPART [un diable]. (...) S'est bon que nous mettons estude Qu'en la premiere servitude Soient toujours [les humains], se nous poons (MARCADÉ, Myst. Pass. Arras R., a.1440, 165). | |
| 15 | Or il se mit en telle servitute de l'ennemy, qu'il luy convenoit estre en certain lieu toutes fois qu'il estoit par ledit ennemy évocqué : ouquel lieu ilz avoient accoustumé faire leur consistoire, et ne luy failloit que monter sur ung balay, qu'aussi-tost il estoit prestement transporté là où ledit consistoire se faisoit. (Doc. 1453. In : CHART. J., Chron. Ch. VII, V., t.3, c.1437-1464, 45). | |
| 16 | Prenez sur eulx vostre droit, sans eulx taillier oultre raison, ne alever coustumes inraisonnables, car, se peuple est povre, le seigneur est mendiz, et, se besoing lui orisoit de guerre ou d'autre neccessité, il ne se sauroit de quoy aidier, dont il pourroit cheoir en grant servitute, et n'en seroit ja plaint ne d'estrangiers ne de privez. (ARRAS, c.1392-1393, 86). | |
| 17 | Einsi est, puis que tant t'assers A Fortune que tu la sers Et yes mis en sa servitute, Il couvient par force que tu te Mettes a nagier et a rime, Selonc ce qu'elle nage et rime, Et qu'a ses meurs tu te conformes En tous cas et en toutes formes (MACH., R. Fort., c.1341, 94). | |
| 18 | Ledit du Lau honnoura mal [son] veu, quant il voulut mettre en servitude le roy et qui tant luy avoit fait de biens et honneurs. Et est à noter que, [de] ceulx qui se meslerent de ceste matiere, les aucuns en moururent confez et repentans ; et avoit le patriarche mal retenu ung proverbe qui se dit en basque, qui s'ensuit : Reguia contraqeue ereua, c'est-à-dire : "Qui se rebelle contre le roy est fol" (LE CLERC, Interp. Roye, c.1502, 189). | |
| 19 | Et se tu ta richesse sers, C'est trop honteuse servitute. Et saches, biaus amis, que tu te Honnis et mes a deshonneur. Fi de richesse sans honneur ! (MACH., C. ami, 1357, 103). | |
| 20 | ...et pour elle suspendi la commission des troys seurs, Demonstrative, Dyaletique et Sophistique, qui de apparence verbal povoient troubler et empeschier sa rayson, et les soubzmist du tout en l'obeissance et franche servitude de la foy divine (CHART., L. Esp., c.1429-1430, 26). | |
| 21 | LA FEMME. Nonpourtant [les juifs] ont planté de biens. LE CRESTIEN. Ilz en sont heureux en ce monde. LA FEMME. Et nous malheureté parfonde. LE CRESTIEN. En servitude est nostre vie. LA FEMME. En grant povreté asservie. LE CRESTIEN. Par faulte de gouvernement... (Mir. st Nic. juif, c.1480-1500, 77). | |
| 22 | Toute volenté d'omme des jonesse est encline a mal, car de celle premiere prevarication ou inobedienche est engendree a l'omme amour de propre volenté, laquelle, delaissant la volenté du createur, la fu subgette a servitude ou elle veult avoir seignourie (DAUDIN, De la erudition H., c.1360-1380, 237). | |
| 23 | Se par jeusnes et veilles elle amaigrist son corps et met en servitude, pour quoy au contraire le feu endormi ou comme extaint veult elle susciter ou esmouvoir par nourrissemens de baings ? (DAUDIN, De la erudition H., c.1360-1380, 371). | |
| 24 | ...comme Jehan Pasturet, de Pont, et Catherine sa femme, dès longtemps ayent esté et soient nos homme et femme de serve condition et mainmorte, à cause de nostre terre et seigneurie dudit Courcelles, à la cause de laquelle servitude les enfants desdits Jean Pasturet et Catherine, sa femme, sont rebouttés et retardés en aucune manière de mariage (Archives servit. Louis XI, T., 1469, 24). | |
| 25 | ...le noble et vray couraige des hommes mortelz habonder en repotz et transquilité sans servitutes d'armes (LA MARCHE, Mém., III, c.1470, 215). | |
| 26 | En matière de servitutes, aucunes sont ruraux, aucunes sont de villes et de citez. (Cout. instit. Anjou Maine B.-B., t.1, 1411, 577). | |
| 27 | ...servitutes ruraux, comme d'avoir sentier ou voye ou dommaine d'autruy à pié et à cheval, à charroiz, à bestes mener boire à mon viver, ou pour autres causes à ton viver (Cout. instit. Anjou Maine B.-B., t.1, 1411, 577). | |
| 28 | En servitutes de villes, comme en cas de édiffices de maisons voisines en bonne ville, comme veues, goutières, que les eaux des maisons voysent par la court ou par ton héritaige, privaises, apuyer mon chevron ou autres choses de mon édiffice contre le mur d'autruy, empescher la veue de son voisin (Cout. instit. Anjou Maine B.-B., t.1, 1411, 578). | |
| 29 | ...ung voysin ne peult acquérir sur son aultre voysin aulcun droict de servitude en la ville et faulxbourgs de Paris sans tiltre (Cout. Chât. O.-M., c.1480-1500, 427). | |
| 30 | ...par combien de temps lesd. supplians en ont fait [de lad. taillie] le poiement, possession et servitute (Actes Jean V Bret. B., t.3, 1422, 96). | |
| 31 | Saches que je te venderay, En servitute greve et pesme, Aux barbarans (Mir. Pierre Changeur, c.1378, 266). | |
| 32 | ZOILE. Pierre, (...) je vous vueil (...) hors bouter De servitude a touz jours mais, Et que vivés dès ores mais Avec moi conme ami et frére (Mir. Pierre Changeur, c.1378, 283). | |
| 33 | Ainsi seras en servitude comme esclave, et ta renommee en dangier d'estranges gens. (CHART., L. Esp., c.1429-1430, 14). | |
| 34 | Dont (...) voult rendre ceste honneur a cellui qui l'avoit de servitute en liberalité remis (LA SALE, Sale D., 1451, 219). | |
| 35 | Tel servitude est franchise, Servitude de bonne guise. (Mir. N.D. Rosarius K., c.1330, 152). | |
| 36 | Car je me mis de richesse en essil, De seürté en un mortel peril, De joie en dueil, par son regart soutil, Et de franchise En servitute ou on n'aimme, ne prise Moy, ne m'onnour, m'amour, ne mon servise, Ne ma vie vaillant une cerise. (MACH., J. R. Beh., c.1340, 88). | |
|
