| 179 exemples | | 1 | Et, comme en escript je le truiz, Adonc nuisent presque tous fruiz, Car le sang qui en est nourri Légièrement seroit pourri, S'ilz n'ont en soy stipticité Ou plaisant acétosité (LA HAYE, P. peste, 1426, 95). | |
| 2 | Item, a l'Orfevre de Boys Donne cent clouz, queues et testes, De gingembre sarrazinoys, Non pas pour acouppler ses boictes, Mais pour joindre cuz et couëctes Et couldre jambons et andoulles, Tant que le let en monte aux tectes Et le sang en devalle aux coulles. (VILLON, Test. R.H., 1461-1462, 94). | |
| 3 | Et donques quant aucun est si senz raison que il ensuit son appetit comme une beste, si comme aucuns barbarins qui boivent le sanc et manguent la cher des hommes, et aucuns Sodomites en maniere de bestes sauvages desquelles viennent les monstres, si comme dit Plinius (ORESME, E.A.C., c.1370, 363). | |
| 4 | ...les ventouses tirent plus le sang subtil que le gros et cellui de dessus que celluy du parfont. (PANIS, Guidon, 1478, tr.VII, doct.1, chap.1). | |
| 5 | Qui ne voelt avoir coer et hardement et sanc De venir avoec moi la ou je vois pensant ? (Bât. Bouillon C., c.1350, 187). | |
| 6 | Cuidiez vous que Bretons soient perdus du sang ? (Percef. I, T., c.1450 [c.1340], 175). | |
| 7 | En quoy plusieurs blâmoient le dauphin et lui imputoient à mauvais sang sa manière de faire et de soy esjoïr ainsi en la mort de son père publiquement et comme tout desnaturé (CHASTELL., Chron. K., t.3, c.1456-1471, 448). | |
| 8 | Je prens grant pitié des douleurs Que ceste femme [qui a perdu son enfant] a son cueur donne ; C'est Nature qu'ainsi l'ordonne, Qui ne puet a son sang mentir (GRÉBAN, Pass. J., c.1450, 161). | |
| 9 | ...le cas et maniere du murdre, proposé et appensé de longue main, et à fait appensé, à sanc meur et à grant deliberacion (Reg. crim. Chât., I, 1389-1392, 268). | |
| 10 | ...si trouvay ma femme Qui ne pensoit à nul diffame, Mais m'appareilloit à mengier A lie chière et sans dangier. Mes mains lavay et puis m'assis, Et souspasmes à sang rassis, Moy et ma femme, bec à bec, Du pain et du potage avec, Et de ce que Dieu mis y ot. (JACQUES BRUYANT, Voie pauvreté richesse P., 1342, 40). | |
| 11 | ...ledit suppliant (...) moult eschauffé et de chaut sanc et comme tout troublé, se releva pour cuidier férir ledit Denisart (Ch. VI, D., t.2, 1400, 10). | |
| 12 | Et lors icellui Gilet, meu de chaut sang et par temptacion de l'ennemi, sacha un baselaire ou cousteaulx que il avoit, et en donna ou dit Chauvet un cop sur la teste (Doc. Poitou G., t.7, 1404, 51). | |
| 13 | ...et adonc ledit suppliant courut sus audit grant Jehan Beauvoir atout son espée nue, ledit Picart avecques luy, et ilec de chault sang et chaulde colle, tout atainé des coups que ledit Beauvoir luy avoit donnez, en cuidant frapper ledit grant Jehan, frappa ledit Pierre Beauvoir (Doc. Poitou G., t.10, 1460, 258). | |
| 14 | ...il s'en retourna oudit hostel de sondit hoste, où lui fut dit par la dame d'icelluy que elle avoit fait le lit où il qui parle et ledit feu Andry avoient couché, et qu'elle y avoit trouvé du sanc, en lui disant qu'elle doubtoit que entre il qui parle et ycellui Andry eust eu aucun debat (Reg. crim. Chât., I, 1389-1392, 128). | |
| 15 | ...et ung aultre innocent (...) fut tué de chault sang (MOLINET, Chron. D.J., t.2, 1474-1506, 399). | |
| 16 | ...occiz et miz a mort par ses malveullans par propos delibré, de froit sanc, en aguait et en lieu encloz (Ordonn. Ph. le Hardi, Marg. de Male B.-B., t.2, 1401, 471). | |
| 17 | Aucuns furent prisonniers et les aultrez executéz de froit sang (MOLINET, Chron. D.J., t.2, 1474-1506, 76). | |
| 18 | ...de froit sang acheptee (ANTITUS, Poés. P., c.1500, 17). | |
| 19 | ...là où lesdits Picars, comme gens fort à sang et felles, galonnèrent bien lesdits d'Utrecht. (CHASTELL., Chron. K., t.3, c.1456-1471, 126). | |
| 20 | Je croi que ch'est par sanc Que vous alés ensi mes hommes mehaignant. (Bât. Bouillon C., c.1350, 27). | |
| 21 | ...en lysant [la lettre], le sang luy monte et le cueur luy fremist, et devint tout alteré de maniere et de coleur. (C.N.N., c.1456-1467, 180). | |
| 22 | ...il luy faisoit mouvoir le sang du corps, de crainte et de paour qu'elle avoit de luy accorder sa requeste. (C.N.N., c.1456-1467, 387). | |
| 23 | ...parce que ledit Guillaume, (...) estoit cy en droit meu de pitié et de sang, et (...) ne cuidoit pas tant offenser ne mesprendre (Paris domin. angl. L., 1427, 241). | |
| 24 | Quant Clarisse ot Genoivre le sanc li va muant (Lion Bourges K.P.F., c.1350, 307). | |
| 25 | Et aussi le roy affeblissoit fort, et avoit moult de sang perdu. (ARRAS, c.1392-1393, 106). | |
| 26 | Quant Gaudiffer l'antant, li sanc li est muéz (Lion Bourges K.P.F., c.1350, 426). | |
| 27 | Quant Gaudiffer le voit, le sang cude changier (Lion Bourges K.P.F., c.1350, 444). | |
| 28 | ...a peu qu'il ne cheut a la renverse, tant fut fort effrayé. Et quand il reut son sang, il met tout a haste la main a son oeil (C.N.N., c.1456-1467, 35). | |
| 29 | Quand la jeune musniere oyt qu'on trouveroit bien remede en son fait, le sang luy commence a revenir (C.N.N., c.1456-1467, 39). | |
| 30 | ...il disoit que il ne nommeroit les anemis du roy, (...) fors à la personne du roy (...) ou de son sanc (Conf. Jug. Parlem. Paris L.L., 1345, 170). | |
| 31 | ...monseigneur le duc, pour ces choses, demanda aus députez des trois estas, aus nobles de son sanc, et à pluseurs autres de son conseil, qui là estoient, se... (Doc. 1358. In : Douët d'Arcq, Bibl. Éc. Chartes 2, 1840-1841, 377). | |
| 32 | ...du conseil et consentement de pluseurs de nostre sanc et lignaige (Doc. Poitou G., t.3, 1361, 312). | |
| 33 | ...il lui a semblé que le homme de son sang mieulx taillé à le faire est son frère monseigneur le duc d'Orléans (Ch. VI, D., t.1, 1393, 115). | |
| 34 | ...nous voulons à nostre povoir acroistre noz fiez de homages de personnes notables et souffisans, en especial de gens de nostre sang et linage (Doc. Poitou G., t.6, 1396, 225). | |
| 35 | ...qui est de teil sanc et de sy grant parentel (JEAN D'OUTREM., Myr. histors G., a.1400, 23). | |
| 36 | ... ly uns des barons apperceut que le roy estoit, du senestre costé de la hanche jusques au talon, tous rouges de son sang, et la place ou il arrestoit, toute tainte et arrousee du sang de son corps. (ARRAS, c.1392-1393, 106). | |
| 37 | ...le pape Benedic (...) avoit envoié une bien mauvese bulle, par laquelle excommunioit le Roy et les seigneurs de son sang et tous adherens (BAYE, I, 1400-1410, 232). | |
| 38 | Or ay par mainte auctorité Prouvé comment c'est verité Que noblece qui vient de sanc Et de ligniee, n'est que fanc Et boe, se vertu n'y est (CHR. PIZ., Chem. estude P., 1402-1403, 180). | |
| 39 | ...apres la premiere joie de moy eue à cause de la paix faicte l'année precedent entre ceulx de ton sang, si que dit est devant, delaissié mon joyeux chant (CHR. PIZ., Paix W., 1412-1413, 90). | |
| 40 | Alors le roy se leva et tyra a part ceulx de son sang et de son conseil. (CHASTELL., Chron. IV, D., c.1461-1472, 40). | |
| 41 | Si estoit le roy assis en sa chaiere de magesté (...), adestré et acostoié des princes et seigneurs de son sang (CHASTELL., Chron. IV, D., c.1461-1472, 189). | |
| 42 | ...pour obvier aux mauvaises et dampnables entreprinses et voyes de fait d'aucuns des seigneurs de nostre sang (Cartul. Laval B., t.3, 1465, 203). | |
| 43 | Maulditz soyés, princes Juïfs, Que m'estes cause de ce mal ! En vostre sang estes maulditz ! Enfans estes de Belïal ! (Pass. Auv., 1477, 276). | |
| 44 | ...telx qu'il pleut lors à vostre très sacrée Majesté me commander fere, ce que je feiz en publiq en vostre presence et de plusieurs grans clercs et autres seigneurs de vostre sang. (SIMON DE PHARES, Astrol., c.1494-1498, f° 2 v°). | |
| 45 | ...environ mynuit, fist prandre Jherusalem, où il y avoit eu si grande famine que les meres y avoient mengé leurs enfans, et fut prins Sedechias en fuite ès desers de Jerico et fut admené, et lui sa feme et tout son sang (SIMON DE PHARES, Astrol., c.1494-1498, f° 44 r°). | |
| 46 | ...il avoit fait tuer cinquante mille hommes, les plus enciens et plus vertueux de son sanc, pour ce qu'ilz avoient parlé de son faulx et pervers gouvernement (SIMON DE PHARES, Astrol., c.1494-1498, f° 69 r°). | |
| 47 | Et en ce faisant, ses plaies lui escreverent, et en yssi le sang a grant randon parmy les bendeaux. (ARRAS, c.1392-1393, 119). | |
| 48 | J'ay veu ès euvres d'aucuns mes predecesseurs astrologiens, par especial en celles maistre Jehan de Mehung, duquel j'ay eu les livres par succession de prouchain sang, que icelui livre fut composé par Hali Abenragel (SIMON DE PHARES, Astrol., c.1494-1498, f° 123 v°). | |
| 49 | Myolans est moult noble saing Et parti de moult hault hostel (Myst. st Bern. Menth. L., c.1450, 15). | |
| 50 | ...c'est le plus gentil de sanc (JEAN D'OUTREM., Myr. histors G., a.1400, 14). | |
| 51 | ... car voz ennemis sont fors et de merveilleux et fier couraige, et sont tous cousins, et du plus grant sang de cest pays. (ARRAS, c.1392-1393, 197). | |
| 52 | Et celle dame avoit un esparvier, ou tout chevalier de noble sang qui le povoit veillier III. jours et III. nuys, sans dormir, elle s'apparissoit a eulx, et avoient un don de elle, tel qu'ilz le vouloient demander, voire des dons temporelz, sans pechié de corps, ne sans elle touchier charnelment. (ARRAS, c.1392-1393, 302). | |
| 53 | Sire, devez vous choisir dame qui soit de hault et noble sang (LA SALE, J.S., 1456, 16). | |
| 54 | ...la chose estoit intollerable a eulz et non a souffrir pour mort ne pour vie, car se reputoient de hault et noble sang beaucop plus que l'aultre (CHASTELL., Chron. IV, D., c.1461-1472, 105). | |
| 55 | Andallo le Gennevois, homme de cler sang et bien noble souverain astrologien et medicin, fut en ce temps. (SIMON DE PHARES, Astrol., c.1494-1498, f° 141 r°). | |
| 56 | ...et ay de parens de sanc plus de XXm qui moy vengeront. (JEAN D'OUTREM., Myr. histors G., a.1400, 25). | |
| 57 | ...c'est piteuse journee Qu'il faille que mon sangt [ma fille] soit de present livree Au traitre chien matin (Flor. Octav. L., t.1, c.1356, 245). | |
| 58 | Et le sang lui raye tout aval, tant qu'il ot le costé tout rouge jusques au talon. (ARRAS, c.1392-1393, 264). | |
| 59 | ...sans avoir riens déméry envers luy, les vouloit déprimer, ce leur sambloit, pour avancier le sang du chancelier (CHASTELL., Chron. K., t.3, c.1456-1471, 230). | |
| 60 | Si se congrea icy une dure envie entre ceulx de Croy et le sang du chancelier (...). Dont a ceste darreniere fois, quand virent qu'en cas d'honneur qui poignoit le sang du chancelier encoire surmonteroit le leur, a priemes leur commença a cuire leur playe (CHASTELL., Chron. IV, D., c.1461-1472, 106-107). | |
| 61 | ...car iceulx menuz gens et vers de terre susserent tout le noble sang de France et furent tuez plusieurs gentilz hommes en leurs litz et firent moult de inhumanités (SIMON DE PHARES, Astrol., c.1494-1498, f° 150 r°). | |
| 62 | Car amistié de lignage est causee et vient aussi comme de nature ; car il [les amis] sont d'un sanc. (ORESME, E.A.C., c.1370, 440). | |
| 63 | Boins sans ne poet falir (Baud. Sebourc B., t.1, c.1350, 251). | |
| 64 | Car bons sangs ne poet pas mentir (Pastor. B., c.1422-1425, 95). | |
| 65 | A peine peult bon sang se dementir (Myst. Viel test. R., t.2, c.1450, 252). | |
| 66 | ...bon sang ne poeult mentir. (MOLINET, Faictz Dictz D., 1467-1506, 172). | |
| 67 | Jamés bon sang ne poeult mentir. (MOLINET, Faictz Dictz D., 1467-1506, 198). | |
| 68 | Bon sang ne peult faillir a ses amis. (MOLINET, Faictz Dictz D., 1467-1506, 380). | |
| 69 | Et lors Gieffroy prent l'espee et l'empoigne de la main dextre, et escrie au chevalier : Encore n'as tu pas la bourse ne l'argent ; il t'aura aincois cousté du sang de ton corps, mais certes je m'esmerveil comment tu te pues tant tenir a moy. (ARRAS, c.1392-1393, 299). | |
| 70 | ...bon sang ne poelt mentir (MOLINET, Chron. D.J., t.2, 1474-1506, 351). | |
| 71 | Aussi ne peult mentir bon sang. (Parn. sat. S., a.1500, 82). | |
| 72 | ...le duc (...) s'en trouva le plus bastard et le plus eslongié de coeur qui fust en tout le sang (CHASTELL., Chron. K., t.4, c.1456-1471, 143). | |
| 73 | ...tant pour le roy que pour le duc qui est François et du sang (CHASTELL., Chron. K., t.5, c.1456-1471, 445). | |
| 74 | [Les ambassadeurs du duc de Bourgogne auprès du roi de France] Luy racompterent aussy [au duc de Bourgogne] la tresconfuse et doloreuse sentence du duc d'Alenchon et la maniere de son condempner (...) ; mes eussent bien volu que le roy, pour l'honneur du sang, ne l'eust pas scandalisé si fort (CHASTELL., Chron. IV, D., c.1461-1472, 152). | |
| 75 | Et pour lesquelles franchises dessus desclarées, iceulx religieux sont tenuz faire prierez et oroisons pour le roy leur fondeur et tout le sanc royal. (HECTOR DE CHARTRES, Cout. R., 1398-1408, 169). | |
| 76 | Et elle est venue de par Dieu pour reclamer le sang royal (Myst. siège Orléans H., c.1480-1500, 413). | |
| 77 | Devant lequel corps estoient, ainsi qu'il est requis a ung grant seigneur du sang royal, deux huissiers a masse, habillez en dueil, faisans et exerçans leur office ainsi qu'en tel cas appartient. (LA VIGNE, V.N., p.1495, 311). | |
| 78 | ...ledit d'Alençon estoit ung prince de roial sang encheu en povre fortune confuse (CHASTELL., Chron. IV, D., c.1461-1472, 281). | |
| 79 | Cestui chevalier se disoit estre de sang royal et avoit toujours près de lui ung plain chariot de livres et de instrumens de astrologie (SIMON DE PHARES, Astrol., c.1494-1498, f° 134 r°). | |
| 80 | ...et pour eviter plus grant efusion de sang humain (FAUQ., I, 1417-1420, 360). | |
| 81 | ...les quittances [par l'Argentier du duc de Bourgogne] de ceulx du sang (Doc. 1468. In : H. Stein, Bibl. Éc. Chartes 98, 1937, 328). | |
| 82 | Et fut lui qui fut moïen de fere la responce que fist icelui Dauphin en la presence des princes du sang et fut respondu à la duchesse d'Orleans et à son filz que on leur feroit justice de la mort dudit duc d'Orleans et tous ceulx du sang se firent parties formelles, pour procurer icelle vengence. (SIMON DE PHARES, Astrol., c.1494-1498, f° 147 r°). | |
| 83 | ...laquelle paix et union observer et entretenir avoient juré les segneurs du sang et du Conseil du Roy qui avoient esté presens audit traictié. (FAUQ., I, 1417-1420, 171). | |
| 84 | ...tous les douze qui venoient faire armes a son pas estoient seigneurs du sang (LA SALE, J.S. E., 1456, 275). | |
| 85 | ...par l'advis et deliberacion de messeigneurs du sang (ESCOUCHY, Chron. B., t.2, a.1465, 396). | |
| 86 | ...il voyoit (...) le désordre qui a esté et est en tous cas ou royaume, dont les seigneurs du sang, l'Église, la noblesse et le poure peuple, aussi la justice se deulent (Roi René vie L., 1465, 310). | |
| 87 | Et de la acompaigné de tous les seigneurs du sang alla voir comment la dicte Citadelle avoit esté batue et assiegee, et ce fait fut advisé comment on auroit le dit chasteau. Parquoy l'artillerie du costé de Citadelle fut assiegee (LA VIGNE, V.N., p.1495, 252). | |
| 88 | Et se ainsi l'en ne peut garir [le cheval], que l'en face restrainctif: c'estassavoir de sanc de dragon, d'aubun de eufz, ou plastre bien sassé et aubun d'eufz, et liez par bendeaulx entour la jambe, puis sechier a ung tison de feu par derriere. (Ménagier Paris B.F., c.1392-1394, 141). | |
| 89 | ...comme de pins, de dragonniers portans sanc de dragon, et d'aultres arbres portans lait de grant medicine (GADIFER DE LA SALLE, Canarien, c.1404-1406. In : Chrestom. R., 62). | |
| 90 | Le sanc des occis sans lever Crie contre eulz. (CHR. PIZ., J. d'Arc, 1429, 36). | |
| 91 | ...la main percee que ne se povoit de chault et d'ire le sang estanchier (LA SALE, J.S. E., 1456, 260). | |
| 92 | ...Chausses d'escarlate aussy rouges que sanc (Tristan Nant. S., c.1350, 231). | |
| 93 | ...[il la] batit tresbien et dos et ventre, jambes et cuisses, tant que le sang en sailloit de tous costez. (C.N.N., c.1456-1467, 300). | |
| 94 | Je pers tout appetit et goust ; Plus ne sçaroie cy arrester, Quant je voy du sang le desgout. (Pass. Auv., 1477, 108). | |
| 95 | ...pour le sang humain Eviter et garder d'espandre, Et que nostre roy est begnain, Prest a tous de a mercy prandre. (Myst. siège Orléans H., c.1480-1500, 628). | |
| 96 | Cestui predist moult veritables l'orrible temps et la grande clameur du sang espandu ou resne d'Allexandre. (SIMON DE PHARES, Astrol., c.1494-1498, f° 57 v°). | |
| 97 | Semblablement fut veu en une maison les murailles et paroys d'icelle, toutes espergées de sang dedans et dehors et en plusieurs vaisseaulx apparut gouttes de sang que nul ne povoit oster pour laver que l'on peust. (SIMON DE PHARES, Astrol., c.1494-1498, f° 102 r°). | |
| 98 | ...et dist que en bref en lieux maritins grande effusion de sang, ce qui advint tost après, car les François prindrent deux navires du roy Edoart chargées et misdrent le feu à la tour, qui est à la rive d'Angleterre (SIMON DE PHARES, Astrol., c.1494-1498, f° 134 v°). | |
| 99 | PREMIER TIRANT. Si de son corps ne foys le sang couller, Je suis contend qu'au jour d'uy on me pende ! (LA VIGNE, S.M., 1496, 341). | |
| 100 | Et povons sainctement croire et tenir que celle fust le vestement de Jhesuchrist, lequel celle fame toucha qui avoit souffert flu de sanc l'espace de douze ans, et en le touchent elle fust soubdainement et par miracle guerie (Songe verg. S., t.1, 1378, 329). | |
| 101 | ...apparurent choses merveilleuses, entre lesquelles fut une qu'il apparut en plusieurs vestemens de hommes yssir pur et vray sang à grosses gouttes. (SIMON DE PHARES, Astrol., c.1494-1498, f° 102 r°). | |
| 102 | ...et en plusieurs vaisseaulx apparut gouttes de sang que nul ne povoit oster (SIMON DE PHARES, Astrol., c.1494-1498, f° 102 r°). | |
| 103 | Li autres a son corps couvert De camelin ou de fusteinne, De toile ou d'autre drap de leinne ; L'autre l'est de noir ou de blanc ; L'autre l'est plus rouge que sanc (MACH., C. ami, 1357, 131). | |
| 104 | ...il fu navré a sanc courant (JEAN DE HAYNIN, Mém. B., t.1, 1466-1477, 70). | |
| 105 | ...il fut blessé à sang (Doc. 1468. In : G. de Lhomel, Nouv. rec. de doc. pour servir à l'hist. de Montreuil-sur-Mer, 1910, 39). | |
| 106 | ...il, par eschaufeture, descendi de desus son cheval à terre (...) et le féri un cop d'une espée, à sanc et plaie (Ch. VI, D., t.2, 1400, 187). | |
| 107 | ...ledit Pierre, (...) le fery dudit baston qu'il tenoit par la teste a sang (Chancell. Henri VI, L., t.1, 1425, 202). | |
| 108 | Il est vray que Jargueau est pris, Tout tué, pillé, mis a sang (Myst. siège Orléans H., c.1480-1500, 568). | |
| 109 | ...lesdis seigneurs sont disposez d'eulx mettre sus à grant puissance et de faire guerre de feu et de sang et la plus dure qu'ilz pourront (BAYE, II, 1411-1417, 122). | |
| 110 | ...certaines lettres patentes (...) seellées du petit seel du duc de Bourgongne et signées de sa main, comme l'en dist, contenans menasses de feu et de sang contre ceulx qui gouvernent à present par deça et entour le Roy (FAUQ., I, 1417-1420, 18). | |
| 111 | ...et continuerent lesditz Suisses à faire la guerre au Roy, tant en Austriche comme en Ferrate, à feu et à sang. (LA MARCHE, Mém., III, c.1470, 311). | |
| 112 | Je regnye Amours et despite Et deffie a feu et a sang. Mort par elles me precepicte, Et ne leur en chault pas d'un blanc. (VILLON, Test. R.H., 1461-1462, 69). | |
| 113 | ...monseigneur Philippe de Clèves l'envoya deffiier de feu et de sang par Ravestain, son herault (MOLINET, Chron. D.J., t.1, 1474-1506, 412). | |
| 114 | Li quars estoit resplendissans, Et s'estoit rouges comme sans (MACH., F. am., c.1361, 237). | |
| 115 | Ferés bien fort, baptés roillés Jusques au sang soit tout moillés. (Pass. Semur D.M., c.1420 [1488], 196). | |
| 116 | Veez cy piteux coronement De jong poignhant Jusques au sang. (Pass. Auv., 1477, 254). | |
| 117 | Il le fist batre eygremant De grosses verges jusqu'au sang (OUDIN, St Genis M.S., c.1490, 53). | |
| 118 | ...par l'espée et par le sang (LA MARCHE, Mém., II, c.1470, 304). | |
| 119 | ...dont il ait sanc ne plaie (Brun de la Mont. M., c.1350-1400, 68). | |
| 120 | Se tu ne reprens ta memoyre De ton sang il me fauldra boyre (OUDIN, St Genis M.S., c.1490, 81). | |
| 121 | ...car nous summes gens assés pour lui faire son sang boire. Mauldit soit il (WAUQUELIN, Gir. Ross. M., 1447, 274). | |
| 122 | ...lequel Jehannin se fust pris à euls et leur eust fait sanc (PHIL. VI VALOIS, Doc. paris. V., t.2, 1349, 330). | |
| 123 | Qui fiert un homme sanz faire sanc et clain en veigne au maire, cil qui l'a batu doit XIII d. au maieur (Cout. bourg. glosé P.M., c.1380-1400, 36). | |
| 124 | ...ils s'estoient courrouciés cette nuit près du dit ostel à deux frères appellés les Pasquiers de Gigney et les avoient batus et fait sanc (Chartes communes Bourg. G., t.1, 1415, 259). | |
| 125 | Li uns se vest pour li de vert, L'autre de bleu, l'autre de blanc, L'autre s'en vest vermeil com sanc (DESCH., M.M., c.1385-1403, 57). | |
| 126 | ...et en jouant ledit Louvel fery ledit Vincent ou front dudit baston et lui fist sang. (Chancell. Henri VI, L., t.2, 1428, 117). | |
| 127 | Mes ceulz qui sont cultiveurs de terre, pource que il sunt espartis par la region, il ne se assemblent pas si legierement et ne ont mestier de faire tel sanc ; ce est a dire tel convent ou assemblee. (ORESME, Pol. Arist. M., c.1372-1374, 264). | |
| 128 | Et [soit fait] que les riches contribuent a ce que les povres aient louier pour venir as sancs ou assemblees neccessaires et que soient refusans et non faisans vaines oblations. (ORESME, Pol. Arist. M., c.1372-1374, 268). | |
| 129 | ...il laveroit ses mains en sang de pbrestre [à un évêque qui ne rend pas l'argent prêté] (MOLINET, Chron. D.J., t.1, 1474-1506, 156). | |
| 130 | N'ayez en vous nulles discordes, Et tuez sans misericordes Les François sans les espargner, Et n'ayez pas peur qu'i vous mordent ; En leur sanc me feray baigner. (Myst. siège Orléans H., c.1480-1500, 454). | |
| 131 | C'est a dire, mon ami, que hommes de sang ne verront ja la fin de leur aige. (LA SALE, J.S., 1456, 42). | |
| 132 | ...led. messire Oyseau a la justice et seigneurie du sang ["des crimes de sang"] et du larron (Doc. 1399. In : L. Mirot, Le Moy. Âge 15, 1911, 55). | |
| 133 | Son sanc que tu as respandu Crie vangence a grant vertu. (Pass. Semur D.M., c.1420 [1488], 24). | |
| 134 | ..la voix du sang de ton frere Clame jusques a moy dés la terre. (Myst. Pass. Troyes B., a.1482, 111). | |
| 135 | Mes mains du fait je vueil laver Pour vous clerement demonstrer Que du sang de ce juste cy Suy innocens, je le vous dy. (MARCADÉ, Myst. Pass. Arras R., a.1440, 177). | |
| 136 | Plus roge sera que nul sang Je croy bien avant qu'il m'eschappe (OUDIN, St Genis M.S., c.1490, 83). | |
| 137 | Quant Pilate les mains lavoit, Ingnoscent du sanc ce disoit. (Pass. Auv., 1477, 268). | |
| 138 | ...jeo sai comment vous venistes en terre et preistes char et saunk de la tresbenoite virgyn nostre douce dame seynte Marie (HENRI LANC., Seyntz medicines A., 1354, 3). | |
| 139 | Je croy que veez cy de son sang. Je ne scey s'il est rouge ou blanc ; Ma main en est toute molhee. [Allusion à Jean 19, 34 : (de son côté) il sortit du sang et de l'eau] (Pass. Auv., 1477, 231). | |
| 140 | Son sang sur nous et noz enfans, Mes qu'il en passe pour le peage A mon soet. (Pass. Auv., 1477, 171). | |
| 141 | Vint lors le mois de may que ceux de Bruges ont de coustume de faire leur procession le jour de Sainte-Croix et de porter le Saint-Sang de miracle, qui est une des précieuses choses de la crestienté. (CHASTELL., Chron. K., t.3, c.1456-1471, 309). | |
| 142 | Coment, dea ? Je y voy clerement ! Las, mon Dieu, roy du firmement, C'est la vertu du sang precieux De ce prophete glorïeux, Duquel j'ay sur mes yeulx touché. (Pass. Auv., 1477, 231). | |
| 143 | Mais, par le sanc que Dieu me fist, Jamais a femme ne jerras N'a marquis honte ne feras. (Mir. marq. Gaudine, 1350, 138). | |
| 144 | Et ne verras tu devenir Ung marchant, s'il est amoureux, Meschant, maloustru, souffraiteux, Ne jama[i]s ne fait son proffyt ? Et par le saincg que Dieu me fit, Ung clerc en pert son estudiez Et son savoir, que que tu diez. (Lord. Tart Ab. L., a.1465, 167). | |
| 145 | Par le sainct sang que bieu me fist, Puis que je l'ay dict, il suffist. (Obstin. femmes T., c.1480-1500, 42). | |
| 146 | Sang de moy, quelle bourgoise ! (CH. D'ORLÉANS, Rond. C., 1443-1460, 496). | |
| 147 | ..."pur çeo qe nostre seignour Jhesu Crist fust mis à mort par venderdi, nous ne volom espaunder nul saunke yceste jour." (Chron. London A., c.1350, 76). | |
| 148 | Harou ! Sandieu ! Vecci le pis. Tu me compte dure nouvelle. Des François desloyaulx, fuytiz, M'en vengeray de l'euvre cruelle. (Myst. siège Orléans H., c.1480-1500, 568). | |
| 149 | LE LARRON. Que tu faitz bien de l'esbahye ! Ha, sainct sang bieu, quel tresor ! Baille sa tost ce signet d'or Que tu as eu de ce marchant. (Myst. jeune fille L., c.1413-1445 [c.1530], 38). | |
| 150 | Le sang bieu ! plus allez avant Et plus estes fricque et jolye. (P. Jouh. D.R., a.1488, 28). | |
| 151 | LE VALLET DU BOURREAU. (...) Sang bieu, vecy bonne despoille ! J'ay esperance que ma boille En aura quelque lopinet. (LA VIGNE, S.M., 1496, 317). | |
| 152 | Saincte sang bieu, quelz motz cuisans (Pont aux ânes T., c.1480-1500, 92). | |
| 153 | Taste s'i pleut Saincte sang bieu ! (P. Jouh. D.R., a.1488, 19). | |
| 154 | ..."Ribaut, tu m'as fait adjourner pour avoir tes ays ! Par le sanc Dieu, tu ne les auras pas, et en fays du pis que tu pourrais !" (Doc. Poitou G., t.5, 1377, 62). | |
| 155 | ...mais, par le sanc Dieu ! (Reg. crim. Chât., I, 1389-1392, 543). | |
| 156 | ...quant ilz oyrent dire que il estoit prestre, dirent par le sang Dieu que c'estoit le curé de ladite ville (Reg. crim. Chât., II, 1389-1392, 223). | |
| 157 | Lequel religieux respondi : "Par le sang Dieu ! il sera batuz." (Ch. VI, D., t.2, 1390, 144). | |
| 158 | Homs de Dieu maudit et hais, De ton sanc sera taint le fer De ceste lance (Mir. emp. Julien, 1351, 196). | |
| 159 | ...et si comme ledit Paton cheminoit droit à eulx, ledit Agin lui dist telz motz : "Par le sang bien [l. bieu], se tu ne t'en retournes, tu t'en repentiras." (Doc. Poitou G., t.12, 1483, 598). | |
| 160 | Par le sanc bieu... (Path. D., c.1456-1469, 70). | |
| 161 | QUART [LARRON]. Par le sang bieu, je m'y acorde. (LA VIGNE, S.M., 1496, 279). | |
| 162 | Par le sainct sang bieu ! le vilain Boyt mon vin et menge mon pain. (Gent. moun. T., c.1500, 364). | |
| 163 | Sc'il avoit annuyt une femme, Par le san tieu ; il luy feroit Cella que mon pere feysoit A ma mere quant il me firent. (Myst. st Sébast. M., c.1450-1500, 15). | |
| 164 | Vecy pour moy trop grant esclandre ! Par le sainct Sang ! (LA VIGNE, Munyer T., 1496, 210). | |
| 165 | En aucun lieu du ventre, le sang quant il est espandu contre sa nature est converti en sanie. (SAINT-GILLE, A.Y., 1362-1365, 92). | |
| 166 | ...et par le sang nous povons entendre les autres humeurs, colle, fleume, melencolie (SAINT-GILLE, Comment. A.Y. L., 1362-1365, 334). | |
| 167 | ...se aucun songe occupacions de feu, c'est signe que matiere colerique si seignourist en luy ; se de occupacions d'aër, come de voler ou de samblable, c'est signe que sanc seignourist en luy ; se d'occupacions d'yaue ou d'aultre liqueur, c'est signe de fleumatique ; si d'occupacions de terre, c'est signe de melencolique. (Songe verg. S., t.1, 1378, 382). | |
| 168 | ...Communiquent, c'est tout certain, Aux quatre humeurs de corps humain, Car la cole le Feu resemble En chaleur et sécheur ensemble, Et, comme à tous peut apparoir, Le noble sang resemble à l'Air ; Droit flegme aussi, comme qu'il soit, Est comme l'Eaue moiste et froit, Et cole noire ensuit la Terre En ses qualitez, s'elle n'erre (LA HAYE, P. peste, 1426, 64). | |
| 169 | Et dit Homerus que Hector monstroit la forte et aspre vertu de lui par chascune de ses .II. narines, par lesquelles on veoit le sanc esboullir. (ORESME, E.A., c.1370, 214). | |
| 170 | Lesqueles herbes, à vray dire, Doit on appareillier et cuire O bonne char soigneusement, Et en user petitement Pour leur substance aquatique, Qui engendre sang flegmatique (LA HAYE, P. peste, 1426, 95). | |
| 171 | Le sanguin quant il est pur et net a bon sens subtil et chault mouuement pour les operacions corporelles et a lentendement bon et bien arreste, et si est le sang plus amy de vie naturelle..., car la vie se tient et est conseruee en chaleur et en moiteur. (CIB., p.1451, 218). | |
| 172 | Quelle chose est voyne ? c'est le lieu du sang de nourrissement. (PANIS, Guidon, 1478, tr.I, doct.1, chap.4). | |
| 173 | Quelle chose est arthere ? c'est le lieu du sang espirituel. (PANIS, Guidon, 1478, tr.I, doct.1, chap.4). | |
| 174 | Et ou millieu [le coeur] a une fosse (...) esquieulx le sang gros nutrimental venant du foye est digeré et fait subtil et espirituel (PANIS, Guidon, 1478, tr.I, doct.2, chap.5). | |
| 175 | Doncques sont quatre substances ou humeurs naturelles et quatre non naturelles et la aigousité, lesquelles les anciens ont nommé sang, colere, flegme et melencollie, qui sont engendrees ou foye (PANIS, Guidon, 1478, tr.I, doct.2, chap.6). | |
| 176 | Sang est humeur chaulde et humide engendré de la plus attrempree partie de chillus. (PANIS, Guidon, 1478, tr.II, doct.1, chap.2). | |
| 177 | ...de sang naturel par admixion sont engendrés troys especes d'appostemes selonc que troys humeurs peuent estre meslees avec luy : comme se colere y vient, flegmon hersipillades est engendré et se flegme y vient, flegmon udimiades y est engendré et se melencollie y vient, flegmon sephirodes ou sclirosis y est engendré. (PANIS, Guidon, 1478, tr.II, doct.1, chap.2). | |
| 178 | Le bon sang est celluy qui n'est pas trop gros en substance ne trop subtil mais est froyssable comme peccanment, atrempé en chaleur, rouge et [l. en] couleur, pur en odeur et amiable en saveur. (PANIS, Guidon, 1478, tr.VII, doct.1, chap.1). | |
| 179 | Le sang mal est celluy qui se devoye de cestuy [bon sang] comme celluy qui se decline a subtilité, a citrinité et amaritude et en odeur aguë et est dit colloricque. (PANIS, Guidon, 1478, tr.VII, doct.1, chap.1). | |
|
