| 38 exemples |
| 1 | Et quant vers tels gens la voit traite, Il puet penser qu'a sa retraite Que de celle part renvenra Et qu'encore la reverra En tous endrois mieus affaitie De scens et d'onneur mieus garnie. (MACH., D. Aler., a.1349, 264). |
|
| 2 | ...li signeur ordonnerent que chil de Toulouse, de Carcasonne, de Biauqaire ... qui la estoient, fesissent assaut dou matin jusques a midi, et chil de Bighorre, de Roergue, de Qersi et d'Aginois, a lor retraicte, jusques a viespres. (FROISS., Chron. D., p.1400, 667). |
|
| 3 | Li roys fist sonner la trompette Tantost en signe de retraite, Si que sa gent se recueillirent Et tous ensamble se meïrent. (MACH., P. Alex., p.1369, 208). |
|
| 4 | Et à leur retraicte, le duc de Bourbon fit (...) férir parmi les derniers retrayans, en une navière qui là estoit, où il morut des Anglois bien trente deux personnes. (CABARET D'ORV., Chron. Loys de Bourb. C., 1429, 81). |
|
| 5 | Il y avoit dedans troys ou quattre cens hommes d'armes, qui saillirent et donnèrent sur la queue de leurs gens à leur retraicte, et incontinent le peuple se mist à fuyr. (COMM., II, 1489-1491, 238). |
|
| 6 | Et ainsi dit-l'on que c'est la nature d'entre nous, Françoys, et l'ont escript les Ytaliens en leurs hystoires, disans que, au venir des Françoys, ilz sont plus que hommes, mais que à leur retraicte ilz sont moins que femmes (COMM., III, 1495-1498, 207). |
|
| 7 | "Li dus de Normendie est logiés en celle ville des Montais, et je vous ai amené jusques a chi pour faire auqune emprise d'armes. Si soiiés tous avisés. Et qant nous enterons en la ville, criiés : Hainnau au senescal ! et, Werchin a la retraite ! Et ne vous faindés pas de euls porter contraire et damage, se vous poés, car qant il enteront en nostre pais, il ne nous espargneront point." (FROISS., Chron. D., p.1400, 375). |
|
| 8 | Qant li Hainnuier perchurent que li hoos s'estourmissoit, quoique il se tenissent tout ensamble, sans euls desrouter, il criierent : "Fauquemont a la retraite !" et se retraissent bellement et sagement et se missent sus les camps et se trouverent tout, sans ce que il euissent riens perdu (FROISS., Chron. D., p.1400, 381). |
|
| 9 | ...nulle beste vive n'y fust demouree se li consul n'eussent corné retraite et se les chevaliers, ardans d'occision, il n'eussent fait retraire des tentes des ennemis par commandement. (BERS., I, 9, c.1354-1359, 14.12, 29). |
|
| 10 | Aprés souloyl couchié l'en sona la retraite, si que ceux d'une partie et d'autre tournerent en leurs tentez (BERS., I, 9, c.1354-1359, 32.10, 58). |
|
| 11 | Viers Acre s'en revont, la retraite ont sonnée (God. Bouillon R.B., t.3, c.1356, 249). |
|
| 12 | Pour Dieu, sonnez retraite pour vo gent rasambler (Hugues Capet L., c.1358, 120). |
|
| 13 | Et, lors que fut faicte la retraicte desditz gendarmes, l'enseigne de l'avant-garde du duc estoit très près d'eulx. (LE CLERC, Interp. Roye, c.1502, 270). |
|
| 14 | Et envoya commencier l'escarmouche devant la barriere, et y ot foison de mors et de navrez d'une partie et d'autre, et firent reculer les Sarrasins par force, et y ot moult d'occiz et de mehaigniez. Et fist le soudan sonner la retraicte quant il vit qu'il ne povoit autre chose faire. (ARRAS, c.1392-1393, 96). |
|
| 15 | Chils assaus dura bien trois heures, et n'i fissent riens li assallant fors euls travillier. Qant il veirent ce, il sonnerent la retrete et se departirent de l'assaut (FROISS., Chron. D., p.1400, 322). |
|
| 16 | Atant fist corner la retraite Hector (CHR. PIZ., M.F., III, 1400-1403, 80). |
|
| 17 | ...il firent sonner la retraite pour faire cesser toutez poursieutez, adfin que nullez inimitiez ou haynez ne sourdissent entre nullez dez partiez. (Comte Artois S., c.1453-1467, 14). |
|
| 18 | ROGER. Nous sommes quatre mille armez Sans les petis paletoquiers. GRIMAULT. Je les voy ilz sont moult d'archiers Sonnez la trompe de retraicte (Myst. st Martin K., a.1500, 250). |
|
| 19 | Evous sonner tronpetes et claronchiaus de retrete, pour retourner en l'oost. Car qant ils oirent dire, "Les Englois sont venus et entré ens es tentes," il quidierent rechevoir plus grant damage que il n'eurent (FROISS., Chron. D., p.1400, 554). |
|
| 20 | Le tournay dura moult longuement et jusques ad ce que on ne veoit plus goute. Les trompetes commencerent à sonner la retraicte (Cleriadus Z., c.1440-1444, 668). |
|
| 21 | Et Verdille et l'autre font grans faiz d'armes. Puis les trompetes sonneront une retraicte. Et ce fait, Verdille et son homme chacun s'en retourne en son lieu (Myst. siège Orléans H., c.1480-1500, 314). |
|
| 22 | Puis li vueill aprendre a corner retraite, ce est quant on se retrait et s'en revient a l'ostel, et doit corner un lonc mot premierement, et puis en doit corner deux, l'un aprés l'autre, et puis en cornera trois, l'un aprés l'autre. (GAST. PHÉBUS, Livre chasse T., 1387-1389, 145). |
|
| 23 | ...nous sonnerons Nostre trompë a la retraite. Pour le present la chasse est faite. (Myst. st Clément Metz D., p.1439, 325). |
|
| 24 | ...mais, à la retraicte d'une emprise, toutes gens du monde ont moins cueur que au partir de leurs maisons (COMM., III, 1495-1498, 207). |
|
| 25 | Et prindrent le chemin droit à Escallon, qui estoit la plus prouchaine retraicte qu'ilz eussent (BUEIL, I, 1461-1466, 212). |
|
| 26 | ...mais, s'ilz nous eussent peü attaindre près de nostre retraicte, peult estre qu'ilz en eussent eu meilleur marché qu'ilz n'eurent à Fournoue. (COMM., III, 1495-1498, 208). |
|
| 27 | SATHAN. (...) Et pour ruer plus essecrables maulx, Divers metaulx bricqueboillans et chaulx J'espancheré par mes machinemens. En desarroy mectray les elemens ; La terre fendré, aussi dangereux vens Par my le monde et toutes ses retraictes. (LA VIGNE, S.M., 1496, 219). |
|
| 28 | Si ne se fault point esbayr Pour une petite villete, Que quant vouldrons la recouvrir, En peu d'eure l'aurons retraicte ; Que Jargueau ne sert que pour guiecte Pour regarder les gens venir, Ne que soit ville de retraicte Point ne le voudrois soustenir. (Myst. siège Orléans H., c.1480-1500, 572). |
|
| 29 | Nom recouvré [Marie d'Orléans porte le nom que la Vierge a paré de grâces], joye de peuple, Confort des bons, des maulx retraicte, Du doulx seigneur [Charles d'Orléans] premiere et seule Fille de son cler sang extraicte (VILLON, Poèmes variés R.H., c.1456-1463, 40). |
|
| 30 | Les instrumens de constrainte ou de retraite de mal faire sont reprinses, manaches, verges, ferules et telz manieres de choses par lesquelles, comme dessus est dit selonc saint Augustin, "nonsacanche est deboutee et mauvaise convoitise est abaissee ou refrenee." (DAUDIN, De la erudition H., c.1360-1380, 179). |
|
| 31 | ...lesquelles terres, justices et seignories devantd. mond. seigneur le duc a eues par droit de retraicte et puissance de sond. fief. (Trés. Reth. L., t.4, 1480, 378). |
|
| 32 | Justisement est une retraitte faite sur aucun pour lui ester à droit de son meffait et, pour ce, appert il que nulz ne doit estre justisés, s'il [n'a] avant fait tel meffait de quoy il soit tenu à faire satisfacion. (Cout. bourg. glosé P.M., c.1380-1400, 104). |
|
| 33 | ...et ce signifie la retraite que Jhesucrist fist avec saint Pierre, saint Jehan et saint Jaques (JEAN GOLEIN, Rational B.D., c.1370-1372, 682). |
|
| 34 | DEUXIESME ESCUIER. Puis qu'a ci venir le voy tendre [Robert le dyable], Je m'en vois, sanz le plus attendre, Hors de ses mains. PREMIER ESCUIER. Et j'aussi n'en feray pas mains ; Jouer li vueil d'une retraicte. (Mir. Rob. Dyable, c.1375, 25). |
|
| 35 | Au conte de Toulouse se lancha tellement C'a .I. coup de retraite dont il frapoit souvent Feri si son cheval c'une cuisse li prent (Renaut Mont. B.N. V., c.1350-1400, 274). |
|
| 36 | ...pour tant il a joué de retraicte [cont. grivois, mon sexe] et n'a oncques voulu lever la teste (TARDIF, Facéties Pogge D.H.-P., c.1490, 168). |
|
| 37 | ...et ceaux qe demurrent pres de la mer et sur la ryve sount habitz, sovent ount lour fosses pleyns de eawe al flote, et a la retrete riens n'ount forsqe la bowe qi remest (HENRI LANC., Seyntz medicines A., 1354, 91). |
|
| 38 | L'escuyer savoyen nombra et demanda sept coups d'espée, lesquels se devoient faire à trois pas de démarche et retraite. (Faits Lalaing K., c.1470, 232). |
|
