I. -

[Sur presenter]

A. -

Empl. trans. "Présenter (à nouveau ou à son tour)" : Ton curé estoit li messages Pour representer a Dieu t'ame (Mir. parr., 1356, 23). Dame des cielx, (...) Recevez en gré les recors Que mon cuer de voiz et de bouche Vous represente (Mir. parr., 1356, 51). Les ministres representent a l'evesque l'oblacion et le calice (JEAN GOLEIN, Rational B.D., c.1370-1372, 630).

-

[Par renvoi, par réflexion (en partic. dans un miroir)] "Refléter" : Et, se tu li presentes [ou toupase] la pierre de yris, il te representera l'ymage de l'arc celeste (FOUL., Policrat. B., V, 1372, 283). Item, la lune est corps sperique perfetement poli, si comme il sera dit apres ou [ .XXe. ] chapitre, et donques, par ce que dit est, se elle fust corps non-transparent et obscur aussi comme est fer ou acier, elle representast la lumiere du soleil en maniere de mireur (ORESME, C.M., c.1377, 458). ...ledit miroir pour l'obscurte de lui ne represente pas aucunesfoiz la verite de la chose a lui presentee (MÉZIÈRES, Songe vieil pèl. C., t.1, c.1386-1389, 363). Les aucuns [miroirs] sont cassez, les autres bossus, les autres tachez et ordoyez ; les aucuns representent tant seulement la couleur des choses par dehors, sans quelconque figure ; les autres monstrent les choses a rebours (GERS., Trin., 1402, 172).

-

Autel representer. "Offrir autant en retour" : Bien savoient que li mestiers Des oiseaus moult m'abelissoit, Si que chascuns d'eaus s'avansoit De moy presenter courtoisie. Ad ce ne renonsay je mie, Mais moult les en remercioie Et autel leur representoie. (MACH., D. Aler., a.1349, 370).

-

"Présenter qqn à qqn" : Et là estoient si doi neveu, et neveu ossi à Monsigneur Jakemon, à qui il les representa moult doucement (FROISS., Chron. L., VI, c.1375-1400, 63).

B. -

Empl. pronom. "Se présenter (à nouveau ou à son tour)" : Au premier jour dudit Eschiquier et l'en demain jusques a midi, chacun est tenu soy representer, vers tous ceulx a qui il a afaire en chacune cause (Echiq. Normandie S., c.1350, 64). ...il est (...) temps qu'en faisant m'oroison Devant le doulx ymage fin De la mére au pére sanz fin Me represente jointes mains. (Mir. parr., 1356, 30). Pour ces jours, estoit li evesques de Cambrai a Paris, .... Si se representa et ces honmes de Cambrai au roi ; et recorderent les besongnes, ensi que par renonmee elles se portoient en l'Empire, (FROISS., Chron. D., p.1400, 290). La vint deviers le dit roi de France li jones contes de Hainnau ... car il estoit mandés. Mais qant il fu venus et il se representa, on ne li fist pas si bonne ne si belle requelloite, ce fu avis a lui et a ceuls de son consel, que on li deuist avoir fait (FROISS., Chron. D., p.1400, 329). ...le bailli de Vitri ne s'estoit pas hier representé en personne en la Court, auquel jour se devoient les bailliz de Champaigne presenter et estre en personne en la Court (BAYE, II, 1411-1417, 242). Maiz de present Mains font de lengage present, En disant, " Mon cuer vous present ", Sans que le cuer s'y represent (CHART., L. Dames, 1416, 278). ...il avoit esté nommé et esleu par chapitre de l'eglise de Paris pour aler et soy representer pour ledit chapitre ou saint Concil general estant en la ville de Basle (FAUQ., III, 1431-1435, 94).

-

Se representer pour + inf. "Se porter volontaire pour" : De rechief, il se offrirent a lui et se representerent pour aler partout la ou il les manderoit, car il les avoit bien paiiés. (FROISS., Chron. D., p.1400, 458).

II. -

[En lien avec representation]

A. -

[D'une pers. ou d'une chose] "Montrer, évoquer ; être l'image de"

1.

"Montrer, évoquer (comme une image du réel)" : ...mon dit songe, rudement et mains soufisaument conceü, represente tres humblement a Vostre Royal Majesté (Songe verg. S., t.1, 1378, 10). Sire Diex, bien vous doy ourer, Qui pour moy jetter hors de peine, Endurastes mort si grevaine Com represente ce drap cy. (Mir. st Alexis, 1382, 318). On se puet esmervillier, selonch le intitulure et le introduction de ceste matere qui represente les fais de Bretagne, a quoi mesires Carles de Blois pensoit, qui tenoit a avoir a fenme et a espouse la droite hiretiere de Bretagne, (FROISS., Chron. D., p.1400, 474). ...lors est faicte l'ame ung miroir bel, sans tache et sans boces, plain et poly pour representer la Deité. (GERS., Trin., 1402, 171).

-

"Évoquer qqc. (dans l'esprit de qqn)" : Car Doulç Penser se vient souvent offrir A moi, qui nuit et jour me represente Les biens de vous. (FROISS., Orl., 1368, 103). ...car la chose que tele odeur represente li est concupiscible. (ORESME, E.A., c.1370, 221). Cil Gantois se traissent ... deviers le conte, leur signeur, et, s'engenoullièrent tout devant lui... et là li representèrent mout humblement l'afeccion et le service de le ville de Gaind (FROISS., Chron. R., IX, c.1375-1400, 213). Et se pour li me tourmente Et demente, Quant elle ne m'est presente, Ce fait, sans mentir, Desirs qui me represente Plus de trente Pensers, voire de sexente, D'un seul souvenir. (MACH., Les lays, 1377, 336). ...car l'influence du ciel et dez elemens si fait une impression en corps humain, de laquelle impression une ymage d'aucunes choses avenir si est representee a l'onme en songent (Songe verg. S., t.1, 1378, 382). C'est ce que signifie ce nom ydee, c'est a scavoir que ydees soient raisons en Dieu ou une verité et une lumiere et une essence, mais neentmoins sont dictes pluseurs raisons et pluseurs ydees pour la pluralité des choses representees par les ydees. (Somme abr., c.1477-1481, 158).

.

Representer qqc. à + inf. : Li douse bourgois... vinrent sus le mont d'Ippre et s'engenoullèrent devant le roi et representèrent la ville d'Ippres au roi à estre en son obeïssance à tousjours mais, sans nul moien ne reservacion (FROISS., Chron. R., XI, c.1375-1400, 31).

-

Se representer qqc. "Évoquer qqc. en esprit" : Mes cils desirs ardamment me traveille, Car la beauté de vous me represente Et plaisance, qui m'est tous jours presente, En fait aussi grandement son devoir. (FROISS., Orl., 1368, 89).

-

Representer qqc. à qqn. "Évoquer qqc. devant qqn pour le lui faire admettre" : Et là lui remonstra l'inquisiteur de la foy moult haultement et solempnellement les belles prédicacions et enseignemens qu'il avoit autrefois faits et enseignez au peuple ou temps passé, quand il alloit par le pays prescher la foy et doctrine de Jésus-Christ, luy représentant là-dessus comme il estoit devenu prévaricateur. (CHART. J., Chron. Ch. VII, V., t.3, c.1437-1464, 45).

2.

"Être l'image, le symbole, la représentation de qqc." : Et la façon de li, selonc m'entente, D'un vrai amant tout le fait represente (FROISS., Orl., 1368, 83). Mais le [concevment] particulier, comme dire ce solleil ou ce monde, est propre et ne pourroit represanter autre solleil, pousé que il fust, ne autre monde (ORESME, C.M., c.1377, 154). Et pour ce, tel corps n'est pas mireur representant figure combien que il represente couleur ou lumiere. (ORESME, C.M., c.1377, 456). Et estoit vestue Sapience divine d'une robe longue de pourpre, toute vermeille et sanguine, representant la personne du benoist Filz de Dieu passionne. (MÉZIÈRES, Songe vieil pèl. C., t.2, c.1386-1389, 452). Vroiement, monseigneur, dit la matrone qui garde la dame, qui represente ung docteur en sa science, vostre commere de tel lieu ne fist aujourduy aultre chose fors efforcer madame de menger, mais elle ne tasta aujourduy de chose que Dieu feist croistre (Quinze joies mar. R., c.1390-1410, 22). Nos chevaliers donques porteront une robe honneste de drap de simple couleur, large et longe, jusques a demy-jambe, et sera appelee la cote principale de la Chevalerie, sur laquelle il seront cains d'une chainture de soie ou de cuir vermel, large de II doys ou ducas. Et sera la blouque ronde et de corne noir et le mordant aussi de corne noire, et la garnison des traus ou partuis sera de lecton. Et toujours nos chevaliers porteront chaperons rouges, representans le sanc de Jhesu Crist. (MÉZIÈRES, Sustance H., 1396, 85). Cestui compas sera tout rempli de coulour noire, representant la doulour de la Passion de Nostre Segneur (MÉZIÈRES, Sustance H., 1396, 86). ...la chandelle representant la grandeur du circuit de ladite ville, qui, de toute ancienneté, a accoustumée estre offerte et consumée devant l'image Nostre Dame en son eglise de Paris aux despens du domaine d'icelle ville (Comptes Paris V.L.D., t.1, 1449-1450, 635). Il fist faire un ydole tout d'or representant le dieu Mars (LEFÈVRE (R.), Hist. Jason P., c.1460, 189). Car combien que le monde represente la trinité, toutevoies pas ne l'ensieut par similitude comme l'homme qui est a l'ymage de Dieu (Somme abr., c.1477-1481, 111).

-

"Désigner par métaphore" : O ! voirement, qui seroit la puissance qui peust oprimer ne fouler tel corps s'il est tout ensemble, sans separacion de nulz de ses membres, c'est assavoir le chief qui est le roy, les espaules et parties haultes qui representent les princes et seigneurs, les bras qui est la chevalerie, les flans qui est la clergié, les reins et ventre qui sont les bourgeois, les cuisses qui sont les marchans, les jambes et piéz qui sont le menu peuple. (CHR. PIZ., Paix W., 1412-1413, 124).

-

[En géom.] : Lequel cercle sera representé en ceste figure presente par la ligne A C (EVR. CONTY, Harm. sphères H.P.-H., c.1400, 12). Commant aulcunes racines tierces, ou cubiques, se pevent representer et bailler par lignes. (NIC. CHUQUET, Géométrie H., 1484, 290).

-

[Comme effigie monétaire] : Il a fait la monnoie faire Dont voez vous en ci l'examplaire Qui sa personne represente (Jour Jug. R., c.1380-1400, 226).

-

[Dans une mise en scène] "Être l'image de qqn, jouer son rôle" : Au second estoient deux beaulx enfans, ung filz et une fille, vestus de damas blanc, faisans et representans mondit seigneur le daulphin et madicte damoiselle de Flandres. Et au tiers estaige au dessoubz estoient deux personnaiges de mondit seigneur de Beaujeu et de madame sa femme. (ROYE, Chron. scand., II, 1460-1483, 132). Parquoy il entra en la dicte ville avecques aucuns de ses gens et eulx serchant et faisant leur provisions de vivres par icelle ville, virent ung eschauffault dressé en l'ung des carrefours d'icelle ou l'en faisoit ung mistere tel qu'il y avoit ung roy representant le roy de France, lequel estoit assis en une chaire, et luy mettoient du feu au cul. (LA VIGNE, V.N., p.1495, 300).

3.

"Donner de soi-même telle ou telle image, telle ou telle apparence" : Cestuy Martin fust ung grand homme maigre, bien representant, et de condicion grant parlier et fort grant vanteur, et apparent de petite vertu (LA MARCHE, Mém., I, c.1470, 321). ...et là vint le conte Jehan de Vernambourc, qui avoit plus de soixante ans d'eage, mais beau chevalier, saige et representant se monstroit. (LA MARCHE, Mém., II, c.1470, 15).

B. -

[D'une pers.] Representer qqn

1.

"Tenir la place de qqn, remplacer qqn dans l'exercice de ses droits ou de ses devoirs" : ...au veu et sceu des diz religieus de Saint Magloire ou de ceulz qui representoient ou devoient representer leurs personnes au lieu. (Chartes Abb. St-Magl. T.F., t.3, 1335, 110). Et le juge, c'est le prince ou celui qui tient le lieu du prince et qui le represente. (ORESME, E.A.C., c.1370, 316). ... li rois Phelippes ...estoit venus jeuer et esbatre en la ville de Lille, et la le vinrent veoir les bonnes gens de Tournai ; il les vei volentiers. Et les representerent mesires Godemars dou Fai et li signeur qui dedens avoient esté le siege durant, et se loerent grandement de euls. (FROISS., Chron. D., p.1400, 459). Et se porterent lors tretiés que ils et auquns chevaliers et esquiers qui la dedens estoient enclos, se departiroient de la contesse, et se venroient rendre a mesire Lois d'Espagne qui representoit pour lors le corps a mesire Carle de Blois. (FROISS., Chron. D., p.1400, 522). ...li rois d'Engleterre et li dus de Normendie, representans la personne dou roi son pere, juroient les trieuves a tenir les trois ans. (FROISS., Chron. D., p.1400, 592). ...et representans la communaulté des soixante vendeurs de vins jurez et assermentez de par nous, en nostre ville de Paris (Mét. corp. Paris L., t.1, 1410, 649). ...la Court dessusdicte (...) est souverainne et capital et representans le Roy sans moien, et tenue de faire justice (BAYE, II, 1411-1417, 100). ...l'eglise de France, a dit, en effect, que l'eglise de France ou ceulz qui la representoient ou concile general de Constances avoient appellé des alternatives, reservacions et constitutions faictes et à faire ou prejudice des libertés, drois et franchises de l'Eglise et personnes ecclesiastiques de France (FAUQ., III, 1431-1435, 67). Et le lieutenant est aussy office royal, qui represente la personne du roy (LA SALE, Salade, c.1442-1444, 235). ...les représentants de l'évêque de Liège requeroient que je feusse content qu'ilz demourassent en neutralité sans soy declerer d'un cousté ne d'autre (Lettres Louis XI, V., t.6, 1475-1478, 307). Auquel grant maistre, illec seant en son siege et representant la personne du roy, ledit Boffille dist et exposa qu'il estoit illec venu et comparu armé de ses armes, prest d'entrer esdittes lisses pour deffendre sa juste querelle à l'encontre dudit Julio de Pise, et monstrer et prouver de son corps que faulsement et mauvaisement icelluy de Pise l'avoit accusé. (LE CLERC, Interp. Roye, c.1502, 357).

-

Representer le lieu de qqn. "Tenir la place de qqn en son lieu" : Il n'est pas doubte que il apertient a tout baron, se il veult estre honnouréz en son degré, que le moins du temps demoure sus ses manoirs et en son propre lieu, car suivre armes, la court de son prince, et voyagier sont ses offices. Or demeure la dame, sa compaigne, laquelle doit representer son lieu : quoy que il ait assez baillis, prevosts, receveurs et gouverneurs, il affiert que souveraine soit sur tous. (CHR. PIZ., Trois vertus W.H., c.1405, 150).

-

En partic. "Remplacer qqn dans l'exercice de ses fonctions" : Et quant le duc est malade ou empesche legitement, les six dessusdiz conseilliers representent le duc. (MÉZIÈRES, Songe vieil pèl. C., t.1, c.1386-1389, 255). ...monsieur le Seneschal de Beaucaire representant le connestable de Napples (LA VIGNE, V.N., p.1495, 266).

-

[Du prêtre par rapport à Dieu] : ...mais seriez plus grant pecheur en tant comme vous mectriez paine de enginier vostre confesseur qui represente la personne de Nostre Seigneur Jesucrist. (Ménagier Paris B.F., c.1392-1394, 19).

2.

"Être l'image de qqn par filiation, être le descendant (et conséquemment l'héritier) de qqn" : Item, de Droit divin aussi, la fille represente le pere, car il est escript en Genese que le frere doit prandre a fame, aprés la mort de son frere, celle qui fust sa fame, afin que il puist faire lygnie a son frere qui estoit mort sanz her de son corps (Songe verg. S., t.1, 1378, 246). La tierce coustume, qui est en Bretaingne, est telle que le filz ou la fille de son frere germain ainsné, si represente la persone de son pere et vient a la succession, exclus lez freres mainsnez. (Songe verg. S., t.1, 1378, 262). Et donques par plus fort raison, Tu, qui es raisonnables hom Et qui as ame intellective Perpetuel, saige et soubtive, Doiz mieulx tendre a avoir lignée Par le moien d'espouse née Que tu deusses prandre et henter Pour ta forme representer, Toy et ton nom après la mort Selon la loy. (DESCH., M.M., c.1385-1403, 10). Jamais memoire ne sera De toy, toi mort par ton default, Se par mariage ne sault Aucuns hoirs pour representer Ton nom, ton cri: vueilles planter Par mariage en succedent Aucun, qui soit representent Ta forme quant tu seras mors. (DESCH., M.M., c.1385-1403, 338).

-

Representant. "Descendant, héritier" : Et lequel Richart, aprés la mort dudit Edouart, son ayeul, comme representant ledit roy Richart son pere, fut vray heritier dudit Edouart. (JUV. URS., Aud. celi, 1435, 176).