| 101 exemples | | 1 | Qu'einc congié ne conseil n'en pris Fors a mon cuer et a ses yeus Qui en riant m'ont en mains lieus Prié que par amour l'amasse Si doucement, que je n'osasse Leur vueil refuser, ne peüsse. Et mes cuers voloit que je fusse Tous siens, et j'aussi le voloie, Et pour ç'a eaus m'en consilloie. (MACH., R. Fort., c.1341, 5). | |
| 2 | Si que moult paoureusement Respondi assez simplement : "Ma dame, refuser ne puis Vostre commandement, et puis Qu'il vous plaist, je vous en diray Le voir, ne ja n'en mentiray, Qu'a vous verité n'iert couverte De moy, pour gaaing ne pour perte..." (MACH., R. Fort., c.1341, 130). | |
| 3 | ...que je vous dye de la dame qui son hostel refusa a la brigade dessus dicte (C.N.N., c.1456-1467, 478). | |
| 4 | Item note que jassoit ce que choses fetides inficient, touteffois elles competent en suffocacion, car la matrice les refuse et s'en fuit arrier (GORDON, Prat., c.1450-1500, VII, 10). | |
| 5 | Au prophete vous fault atraire Pour grace demander et pardon, Car il est bien de si bon aire ; Pas ne vous reffusera ce don. (Pass. Auv., 1477, 138). | |
| 6 | Vous ne leur devez reffuser Treves, ne de parler ensemble, Autrement vous vous abusez Et mal fait seroit, ce me semble. (Myst. siège Orléans H., c.1480-1500, 264). | |
| 7 | Ce dit jour vindrent nouvelles au roy que les gendarmes de son avantgarde avoient prié et requis aux habitans d'une petite ville, nommee Toustannelle, de leur faire ouverture et leur administrer vivres pour l'argent, ce qu'ilz refuserent par plusieurs fois. (LA VIGNE, V.N., p.1495, 272). | |
| 8 | Pour ce vueil que soies engrans D'en faire assez, petis, moiens et grans. Or fay tost, si t'i aplique ! Tu ne m'en dois pas estre refusans, Qui te bail Scens, Retorique et Musique. (MACH., Prol., c.1377, 2). | |
| 9 | ...lez evesques et leurs officiaux en sont reffussans, et contraingnent lez partiez, sur poine de excomu[ni]ement, de proceder devant eulx en la cause, ou tres grant prejudice du Roy et de la juridiction seculiere. (Songe verg. S., t.2, 1378, 147). | |
| 10 | Et si amonestent les juges seculiers, subz poine de excomuniement, que, par prise dez biens et aultrement, ilz contraingnent ceulx excomuniés a faire satisfaction a partie, et se lez juges en sont delayens ou reffussens, ilz lez excomunient (Songe verg. S., t.2, 1378, 169). | |
| 11 | Et de fait avoit fait detenir icelle fille le duc en son chastel d'Estampes, où estoit alé un huissier de Parlement, par justice, querir ladicte fille, que l'en lui avoit refusée, pour quoy avoit adjorné les desobeyssans ceans. (BAYE, I, 1400-1410, 248). | |
| 12 | Et li amant ont congié demandé. Mais on leur a baudement refusé, Car Courtoisie, Franchise, Honneur, et Largesse s'amie, Li gentils rois qui pas ne s'i oublie, Et chascuns d'eaus moult duremeut les prie De demourer. (MACH., J. R. Beh., c.1340, 133). | |
| 13 | Voirs est que juenesse amoureuse Puet estre souvent dongereuse En dame moult legierement, Pour tant qu'en dous commancement Amans doit servir de prier, Et la dame puet ottrier Et refuser, quant il li plait ; Li amans n'i a autre plait. (MACH., D. Aler., a.1349, 251). | |
| 14 | Si vous devez moult aviser Que sa requeste refuser Ne vueilliés (MACH., R. Fort., c.1341, 138). | |
| 15 | Nulz ne requiert de rechief chelui qui fort refuse (DAUDIN, De la erudition H., c.1360-1380, 398). | |
| 16 | Mais en li est dou tout pour moi faillie, Car je la truis toudis apparillie De refuser, quant je li vueil jehir La grant dolour qu'elle me fait sentir. (MACH., L. dames, 1377, 117). | |
| 17 | ...Et tres amoureus sentement Me donna aveuc dous penser, Espoir D'avoir Mercy sans refuser. (MACH., Motés, 1377, 483). | |
| 18 | Et je t'offre toute m'aïe, Com ta bonne et parfaite amie. Si ne dois pas ci tant muser Que tu la doies refuser ; Qu'on dit : "Qui ne fait, quant il puet, Il ne fait mie, quant il vuet ; Et le fer chaut, on le doit batre." (MACH., R. Fort., c.1341, 75). | |
| 19 | Somme le tant, fai li tant d'offres Qu'on voie par ce que tu offres Qu'il n'a mie droit, s'il s'excuse Dou prendrë et s'il le refuse. (MACH., C. ami, 1357, 111). | |
| 20 | Belle, ne refuse cest offre Ne ces biaus presens que je t'offre, Mes vien, si trai hors de la mer Ton biau chief, car dignes d'amer Sui je bien (MACH., Voir, 1364, 638). | |
| 21 | Le tricoplier fu esleüs Et devant tous ramenteüs Pour faire la messagerie ; Et il ne la refusa mie, Ains y ala. Dieus le conduie Et li doint bon vent et sans pluie ! (MACH., P. Alex., p.1369, 160). | |
| 22 | Et doit chascun au commencement entendre et prendre garde de qui il reçoit courtoisie. Et aveques ce, quelle chose il reçoit, afin que il soustine [l. soustiene] et reçoive tele chose ou il la refuse. (ORESME, E.A., c.1370, 448). | |
| 23 | Et pour ce ceulz sont mal advisez qui refusent penitence en ce monde (GERS., Déf., 1400, 231). | |
| 24 | ...combien que aucuns grans hommes ou temps jadis eussent refusé offices publiques, les autres les eussent receuz, comme Jeremie qui les refusa pour vaquer à contemplation (BAYE, II, 1411-1417, 131). | |
| 25 | Toute la cause de sa voie Leur dist, et les requist de gent, Ou de navie ou d'argent, Pour le saint voiaige assevir ; Car enuis s'en porroit chevir, Se il li refusient aye, Especiaument de navie, Pour ce que moult de gent faudra Passer, quant la saison vendra Que ceus qui sont en Dieus creans Passeront sus les mescreans. (MACH., P. Alex., p.1369, 48). | |
| 26 | Tom sacriffice est aceptable. Toy, Caym, le tien je reffuse. (Pass. Semur D.M., c.1420 [1488], 22). | |
| 27 | APOTHICARIUS. Par celluy quil est Roy des rois, N'a pas encor deux jours entiers J'an reffussay trois cens deniers ; S'il vous plait, pour tant les prenéz. (Pass. Semur D.M., c.1420 [1488], 232). | |
| 28 | ...messire Phelippe de Morvillier, premier president, qui refusa ceste charge et ne le volt accepter (FAUQ., III, 1431-1435, 70). | |
| 29 | ...le bon chareton refusoit de tout point ce logis, et a toute force vouloit dessus le bang ou en la grange couscher (C.N.N., c.1456-1467, 66). | |
| 30 | Le monde par avant louoyt plaisances mondaines en toutes choses ; es richesses : le tres riche est icy povre ; es honneurs : le tres honneste est icy sans honneur ; es delices charnelz : toutes il les reffusa pour avoir froit, fain, doleur et mort. (GERS., Noël, p.1404, 296). | |
| 31 | Et ainsi esleuz ne pourront refuser la charge d'icellui échevinaige, ains seront contrains à icellui accepter sur peinne de LX livres tournois à paier à nostre prouffit par le contredisant ou refusant la charge du dit eschevinaige, laquelle le dit refusant encourra et commectra envers nous incontinent qu'il aura déclairé son reffuz ou ne vouldra accepter la dite charge (Chartes communes Bourg. G., t.1, 1423, 417). | |
| 32 | Fille, se creiez mes conseulz, Vous serez royne de France, Et fole vous tien sanz doubtance Du refuser. (Mir. Berthe, c.1373, 166). | |
| 33 | Et [soit fait] que les riches contribuent a ce que les povres aient louier pour venir as sancs ou assemblees neccessaires et que soient refusans et non faisans vaines oblations. (ORESME, Pol. Arist. M., c.1372-1374, 268). | |
| 34 | La moitié de mon reaulme aurés, Si le voulés, mon Dieu, vous jure. Ne reffusés pas l'adventure. Belle, demandés ardiment ! (Pass. Auv., 1477, 95). | |
| 35 | Je vous sains de l'espee doree Comme preux, vaillant chevalier, Que vous ne refusez journee En quelque lieu ou vous aillez ; Aussi les esperons dorez Que voyez que je vous presente, Foy de noblesse garderez A vostre povoir et entante. (Myst. siège Orléans H., c.1480-1500, 559). | |
| 36 | Et quant tous en vo commant Suis, je me merveil comment Vostre bonté M'a sa grace refusé, Quant en plourant Vous ay et en souspirant Merci rouvé. Plus dure qu'un dyamant. (MACH., Ch. bal., 1377, 621). | |
| 37 | Et, quant a ses levriers assis, Tost alans et bons et hardis Sanz nulle beste refuser A qui on les vueille harer... (LA BUIGNE, Rom. deduis B., 1359-1377, 391). | |
| 38 | Tel refuse qui aprez muse (ALECIS, Faintes monde P.P., c.1460, 105). | |
| 39 | Sire, je ne refuse pas Vostre gré faire. (Mir. fille roy Hongrie, c.1371, 59). | |
| 40 | La tresdoulce Vierge Marie Si a besongné en ce cas. Pardonner ne reffuse pas. Le doulx Jesus le vous pardonne. (Myst. jeune fille L., c.1413-1445 [c.1530], 67). | |
| 41 | Et s'il advenoit - que Dieu deffende ! - que en faisant lesdictes armes a cheval ou a pié l'un d'eulz fust tellement essonnié que pour ce jour parfaire ne les peussent (...) ou fust de teste, de corps, ou de bras tellement desarmez qu'il reffusast en cel estat parfaire lesdictes armes (...) sera cellui tenus de paier tous les pris des armes a faire (LA SALE, J.S., 1456, 145). | |
| 42 | Vray Dieu, je ne puis refuser Vostre conmandement a faire (Mir. ev. arced., c.1341, 135). | |
| 43 | [Les vieillards] Ynellement, les saus menus, En sont a Susanne venus Et dirent : "Li vergiers est clos, N'il n'a creature en cest clos Qui nous puist vëoir n'encuser, Si ne dois mie refuser A faire tout nostre plaisir, Car lieu, temps en as et loisir. Car par ta biauté sommes pris Et de t'amour forment espris. Fay dont ce que nous requerons..." (MACH., C. ami, 1357, 6). | |
| 44 | Ainssi Jhesu Christ obeÿ virilement a son pere, tellement que pour obedience ne refusa pas a morir. (DAUDIN, De la erudition H., c.1360-1380, 242). | |
| 45 | Et toutevoies ce n'est pas pour ce que l'aer ait region determinee de laquelle il refuse et resiste a issir, car se ce bacin estoit en eaue sus la plus haute montaingne du monde, il noeroit en l'eaue semblablement comme il fait ici bas et resisteroit l'aer a descendre (ORESME, C.M., c.1377, 716). | |
| 46 | ...Raoulet Grison, clerc du Roy nostre Sire (...) avoit refusé à porter tesmoignage ceans (...) devant aucuns de messeigneurs de la Court (BAYE, I, 1400-1410, 127). | |
| 47 | ...auquel huis estoit la femme dudit defunt, qui lui refusa l'entrée (Reg. crim. Chât., I, 1389-1392, 412). | |
| 48 | ...s'il avenoit que en faisant lesdictes armes a cheval ou a pyé que l'un d'eulz fust tellement essonnyé que pour ce jour parfaire ne les peust (...) ou que il fust de teste, de corps et de bras tellement desarmé qu'il reffusast a parfaire lesdictes armes en cel estat (...) sera tenus cellui de payer tous les pris (LA SALE, J.S., 1456, 157). | |
| 49 | ...maistre Jehan de Voton, conseillier du Roy, avoit refusé de venir à ladicte assemblée, non obstans les instructions et commandemens à lui fais de par ladicte Court (FAUQ., III, 1431-1435, 20). | |
| 50 | ...quand il voit le curé refusant d'oyr ses peschez, il mect la main a sa grand coustille (C.N.N., c.1456-1467, 61). | |
| 51 | Et ou cas que les dis piremans seront refusans de monter ou aualer les dittes nefs pour le pris que aultres le volront faire, les dis marchans... (Doc. 1371. In : Ch. Doutrepont, Z. frz. Spr. Lit. 22, 1900, 124). | |
| 52 | ...[ils] trouverent en leur chemin, environ heure de prime, un homme que ilz ne cognoissoient, auquel homme ilz demanderent de l'argent, lequel fu refusant de leur en bailler (Reg. crim. Chât., I, 1389-1392, 216). | |
| 53 | ...ilz furent refusans de lui rendre iceulx chevaux à lui appartenans, comme dit est, il, par les gens d'icelle ville (Reg. crim. Chât., II, 1389-1392, 101). | |
| 54 | ...ouquel lieu il vit ledit Oudot qui print icelle Perrete, dist qu'il la harigoteroit ou qu'il la batroit pour ce que elle estoit refusant d'acomplir sa volunté (Reg. crim. Chât., II, 1389-1392, 512). | |
| 55 | ...oncques ne fusmes refusans de vous faire et administrer raison et justice (Ch. VI, D., t.1, 1411, 342). | |
| 56 | ...il nous doit estre refusé (...) De soy mectre soubz la baniere D'un roy qui... (GRÉBAN, Pass. J., c.1450, 208). | |
| 57 | De contraindre parties à donner asseurement et en user sur les reffusans. (Hist. dr. munic. E., t.1, 1402,,, 205). | |
| 58 | Devotes gens, je treuve en l'Evangile que le mauvais riche glouton qui refusa au ladre les miettes de sa table, quant il ardoit en enfer il ot souvenance de ses amis vivans (GERS., Déf., 1400, 241). | |
| 59 | Com serf esclave là le mist, Dont moult à envis s'entremist ; Et certes il le refusast Volentiers, se faire l'osast. Mais la force n'estoit pas sienne, Ne que Iherusalem est mienne. (MACH., P. Alex., p.1369, 259). | |
| 60 | Lors refusa Passelion l'entree et se retira a part, car tant avoit sentu de chault que ses cheveulx en estoient esprins. (Percef. IV, R., c.1450 [c.1340], 750). | |
| 61 | Et aussi furent advertiz dudit siege Messrs d'Esquerdes, de Saint-Pierre, de Baudricourt et de Magny (lequel de Maigny estoit lieutenant pour le roy à Bethune), qui se getterent aux champs deliberez de bien et loyaulment servir le roy, de pourveoir à ce qu'il estoit à faire et de ne refuser point la mort honnorable en son service, jaçoit ce qu'ilz n'esperoient point qu'ilz n'eussent la victoire de leurs ennemys. (LE CLERC, Interp. Roye, c.1502, 391). | |
| 62 | ...Et doit on tousdiz refuser Toutes eaues et non user Des rivières et des fontaines Qui décourent parmi les vaines De souffre, métaulx et allume, Et couvertes de forte brume (LA HAYE, P. peste, 1426, 101). | |
| 63 | ...les poissons refusent a l'engin (DESCH., Oeuvres Q., t.3, c.1370-1407, 54). | |
| 64 | Mais il n'ont vergongne, ne honte, Ne courrous, s'il sont refusé ; Car si mauvais et si rusé Sont qu'il ne doubtent ce qu'on dit A eaus, quant on les escondit, Einsois ailleurs merci rouver Vont pour les dames esprouver. (MACH., R. Fort., c.1341, 63). | |
| 65 | Or puet estre qu'il avenra Que celle le refusera, Nom pas pour cause de dongier, Ne pour lui de li eslongier, Mais par raison, qui li enseingne D'abstinence la droite enseingne (MACH., D. Aler., a.1349, 304). | |
| 66 | Il [Jésus] vous ara bien agreable, Car tous ceulx c'ont afflictïon, De leurs pechiers contrictïon, Il ne les veul point reffusser. (Pass. Semur D.M., c.1420 [1488], 137). | |
| 67 | ...il s'avança une foiz pour la mener dancer, mais elle le refusa plainement devant tout le monde (C.N.N., c.1456-1467, 181). | |
| 68 | Il scet bien les gens reffuser Et est ouvrier de s'excuser. (ALECIS, Passe temps P.P., 1480, 196). | |
| 69 | ...ledit Lorin autrefois fu bouté hors de Paris, à l'instance de deux hommes, pour ce que leur refusa et ne leur avoit voulu donner deux robes d'escarlate (FAUQ., III, 1431-1435, 119). | |
| 70 | Ruffusez vous tel chastellaine ? (Moralité six pers. A., c.1490-1520, 516). | |
| 71 | Celles qui pas ne sont de leurs corps nectes, Qui de guingoys portent leurs grans cornectes, Contrefaisans les simples et rusees, Soubz menu vers, letices et jannetes, Enveloppees de bureaux ou brunetes, De Luciffer ne seront reffusees (LA VIGNE, S.M., 1496, 221). | |
| 72 | Et y devoit envoier l'omme qui devoit venir de pied en Bretaigne ; mais il le reffusa. (LE CLERC, Interp. Roye, c.1502, 312). | |
| 73 | LA MAGDALAINE. (...) Or ça, ça ! qui s'avancera De venir chanter avec moy ? Ve cy merveille ! nul ne voy Qui se veulle avec moy jouer (...) Je doy bien estre courouchie Quant tant vilement me sui livrée Et se me treuve refusée. (MARCADÉ, Myst. Pass. Arras R., a.1440, 117). | |
| 74 | Item, il n'appartient pas au magnanime fuir ou refuser celui qui le admoneste en raison. (ORESME, E.A., c.1370, 250). | |
| 75 | Car refus de dame perit En amant cuer et esperit, Chiere dame, et se je l'avoie, Certes, bien sai que je morroie. S'aim mieus qu'elle soit refusée Que moy, et s'elle est avouée, J'arai quanque mes cuers desire ; Si me devra plus que souffire. (MACH., R. Fort., c.1341, 135). | |
| 76 | L'ONCLE. Conme faux plain d'iniquité Vous recongnois, biau niez marquis, Que d'amer la dame requis. Mais elle, conme bonne et sage, Refusa moy et mon langage (Mir. marq. Gaudine, 1350, 167). | |
| 77 | [Polyphème à Galatée] Et certes, se tu rien n'ama(i)sses Et tu tous autres refusasses Aussi com tu refuses moi, Mains en eüsse ire et esmoi, Si le souffrisse en paciance. (MACH., Voir, 1364, 640). | |
| 78 | Alons nous ent sanz point d'esloigne, Et prenez congié a son pere. Trop est [Saint Fiacre] de diversse matere Quant sy faitement vous refuse. Sa jonesse povrement use, Car il ne tient de luy nul conte. (Vie st Fiacre B.C.P., c.1380-1400, 19). | |
| 79 | ...d'une damoiselle de Maubeuge qui se abandonna a ung charreton et refusa plusieurs gens de bien (C.N.N., c.1456-1467, 12). | |
| 80 | Dont maint nobles ayans bon droit s'en sont trouvez trompez (...) et aucunes foiz par la honte du monde donnant ou reffusant paix ou convenable partie (LA SALE, Salade, c.1442-1444, 223). | |
| 81 | Telz et telz m'ont maintesfoiz priée, et si les ay refusez tout plainement, dont me desplaist. (C.N.N., c.1456-1467, 347). | |
| 82 | Or m'est il advis que ne me refuserez pas ne rebouterez. Vous voiez quelle je suis, et povez l'absence de mon bon mary supplier (C.N.N., c.1456-1467, 573). | |
| 83 | Et si piet deffont maint debat Entre amie et loial ami, Quant aucuns amans dit : "Aimy ! De ma dame sui refusez ; Mais mes drois n'est pas abusez, Car je croy bien qu'elle le fit A s'onneur et a mon profit." (MACH., J. R. Nav., 1349, 279). | |
| 84 | ...quant .j.cuers d'ami est bien enamourez, Il n'osse descouvrir les cent pars des grietez Que ses cuers est sentans quant il est refussez (Brun de la Mont. M., c.1350-1400, 129). | |
| 85 | S'Amours ne fait par sa grace adoucir Vostre franc cuer, dame, à qui sui donnés, Je sui certeins qu'il mi convient morir De ma dolour ou d'estre refusés. (MACH., Bal., 1377, 537). | |
| 86 | ...il avient aucunes foiz que hommes contreuvent mauvaistiéz sur les femmes par despit de ce qu'ilz sont refuséz (CHR. PIZ., Trois vertus W.H., c.1405, 181). | |
| 87 | ...le mary de ceste vaillant femme (...) la huche et appelle pour [se] lever, mais il ne fut pas obey, ains refusé tout plainement (C.N.N., c.1456-1467, 242). | |
| 88 | Quant par ce se sent refusez, Pas ne se tient pour abusez De son droit ; car il voit la voie Qui droit le conduit et avoie, Si qu'il ne se puet desvoier (MACH., D. Aler., a.1349, 305). | |
| 89 | Et s'elle est trouvee grosse en la maison de son pere (...), aux parens elle acquiert reprouche et dessert d'estre refusee de son mary (DAUDIN, De la erudition H., c.1360-1380, 355). | |
| 90 | ...vous suppliant que demain encores avec Madame me faciez tant d'onneur que de prendre le disner en pacience, et que de ce ne me reffusez. (LA SALE, J.S., 1456, 286). | |
| 91 | ...suppliant qu'il [le roi d'Angleterre] ne lui vaulsist reffuser les treves de deux moiz (LA SALE, J.S. E., 1456, 273). | |
| 92 | Puis aprés il fut accusés, Et fut de office refusés, Et ceulx qui estoient ses amys Furent alors ses grans ennemis. (Myst. st Sébast. M., c.1450-1500, 11). | |
| 93 | Pour quoy ledit visconte, quant il sceut qu'il l'avoit refusé de venir parler à luy, et qu'il s'estoit transportés en ladite eglise, ala parler audit Hennequin (Reg. crim. Chât., I, 1389-1392, 382). | |
| 94 | ...se non que le peage leur eust esté demandé ou esté advisez de le payer et qu'ilz eussent esté reffusés. (BOUVET, Appar. Meun A., 1398, 66). | |
| 95 | Des biens que j'ay en moy arez (...) ; Vous n'en serés ja refusé. (Pac. Job M., c.1448-1478, 357). | |
| 96 | Mon intencion estoit maintenant de mettre la verge en mon doy, mais non feray, car honte seroit se aucunement j'estoie reffusee. (Percef. IV, R., c.1450 [c.1340], 1059). | |
| 97 | ...desquelz n'avoie nulle doubte d'estre de leurs bien refusé. (Abuzé D., c.1450-1470, 81). | |
| 98 | ...elle l'endura voluntiers, qui bailla courage au chevalier de proceder au surplus, dont il ne fut pas refusé. (C.N.N., c.1456-1467, 269). | |
| 99 | Si se cuida avancer de la baiser, mais il en fut refusé de tous poins (C.N.N., c.1456-1467, 316). | |
| 100 | Hé ! maistre d'ostel, et vous mesdames, soufferrez vous que je soye de ma requeste reffusez ? (LA SALE, J.S., 1456, 247). | |
| 101 | ...nature le met hors et reffuse (...) ...ilz [les membres] les reffusent [les humeurs] (...) ....lesquelles humeurs sont refusees (SAINT-GILLE, Comment. A.Y. L., 1362-1365, 328). | |
|
