"Refuge ; au fig. recours" : Lors deffis je tout ce hourdis Qui la estoit fais et ourdis, Si qu'atout la prise emportay L'esprevier, si m'en deportay, Tant que je vins a mon refui Joieusement ; et quant j'y fui, Lors pris joie a recommencier ; Car je me pris a avancier Dou gent esprivier mettre a plain. (MACH., D. Aler., a.1349, 275). ...et touz jours [les sept péchés] repeirent au coer - c'est droit la fossee et le refut de larrons - et hors d'illoqes saillent mult tresovent affaire lour malveis devoir et perisent tout. (HENRI LANC., Seyntz medicines A., 1354, 85). C'est une penanciére A qui le pape a enchargié Que la ou li est anuittié Li fault demourer celle nuit Sanz querir nul autre refuit, N'en une ville ne pouoit Estre qu'une nuit, se disoit, Mais touzjours d'errer et mal traire Avoit set ans encore a faire. (Mir. mère pape, c.1355, 406). Diex, disoie [je], que ferai Quel part irai et ou fuirai ? Diversoire n'ai ne refui (GUILL. DIGULL., Pèler. âme S., c.1355-1358, 30). La dou tout m'apui, Là sont mi refui, À secours là fui, Là de tout me reconfort Et là me dedui, Car confors d'autrui Ne m'est fors anui (MACH., Les lays, 1377, 366). Là sont longues mes nuis, Là me destruis, Quant ne te truis ; Là tant me nuis Et si me duis Qu'à plourer est tous mes refuis. (MACH., Les lays, 1377, 422). ...vous estes grosses gens et gens de grant vaillance ; si est nostre refuy et nostre dongon à vous et en voz mains. (Ponthus Sidoine C., c.1400, 33).

-

[À propos de Dieu, de la Vierge] : La vierge, qui nostre refuis Est, vous en vueille donner grace (Mir. enf. diable, c.1339, 25). Vous [Dieu et Marie] seulement tieng à refui, A diversoire, et non autrui, Quar ne sai hurter à autre huis Se n'est pour ce qu'à mainz d'ennui A vous me main(s)t celle ou celui Que requerrai en mes abuis (GUILL. DIGULL., Pèler. J.-C. S., 1358, 125). Dame, ayde moy et sequeurs. Autre refui que toy n'ay mais : Des laz me deffen du mauvais (Mir. st J. Paulu, c.1372, 117).

-

Aller à refui qq. part. "Aller trouver refuge, se réfugier qq. part" : Pharnacés, qui l'un des filz fu Mitridatés, est a reffu Alé a un moult fort chastel. (CHR. PIZ., M.F., IV, 1400-1403, 21).

.

Aller à refui à qqn. "Se réfugier auprès de qqn" : Et pour ce, quant les genz doubtent et ne sont pas a acort ensemble, il vont a refuy au juge. (ORESME, E.A., c.1370, 289).

-

Avoir refui en qqn : JANICOLA. Certes en toy ay bon refuy Et bon recours, ma fille chiere, Car tu m'ez fille et chamberiere, Voire mere, se Dieu m'aït ! (Gris., 1395, 27).

-

Prendre son refui qq. part : ...vezla, ce me semble, un lieu Ou nous prenrons nostre refuit Et serons en couvert de nuit (Mir. Theod., 1357, 108).

.

Prendre ses refuis à qqn : Car, à droit jugier, Vos chiers Fils ame n'a chier Sans li ; et briefment, Pour ce prent M'ame humblement À vous ses refuis. (MACH., Les lays, 1377, 404).

-

Venir en refui à qqn. "Chercher refuge auprès de qqn" : Ma dame, Dieu soit en ce lieu ! Nous venons a vous en reffuy, Car l'empereur, je vous affy, Faict trasser tous les crestiens Pour les mettre en durs liens, Et pourtant plaise vous nous metre En ung secret lieu en vostre estre, Tant que sa fureur soit passee. (Myst. st Laur. S.W., 1499, 200).