I. -

Empl. trans.

A. -

"Réunir (des pers. ou des choses ; une collectivité)"

-

[Des pers., une collectivité] : Lors fu le soudant moult courroucié, et fait sonner la retraite, et met ses gens en ordonnance. Mais, avant qu'il les eust rassemblez ne ordonnez a moitie, vint Uriien et sa bataille, qui leur coururent sus moult asprement. (ARRAS, c.1392-1393, 112). Et quant le soudant voit sa perte, si recule tout le pas en rassemblant sa gent et en attendant les autres qui venoient. Et atant en rassembla bien Xm. (ARRAS, c.1392-1393, 230). ...et eulx, dispers par horrible hayne qui de toutes pars gectoit feu et flamme, as rassembléz, rejoings, raunis (CHR. PIZ., Paix W., 1412-1413, 60). Neemyas et Esdras pevent en cest endroit estre nombrés entre mes feables, qui en autre temps de persecution conceurent en leur pensee la merveilleuse esperance de rassembler le peuple dispers en servage par la persecution dez Assyriens, et se esvertuerent a reedifier la sainte cité et temple demolis. (CHART., L. Esp., c.1429-1430, 136). ...et illecq l'amiral de Grenade rassambla en ung mont sez hommez (Comte Artois S., c.1453-1467, 74).

.

Rassembler (des pers.) ensemble : Et l'admirault et le roy rassemblent leurs gens ensemble, et courent sus a crestiens de grant force. (ARRAS, c.1392-1393, 218).

-

[Des choses] : ...qui savoir Vorra mon nom et mon seurnom de voir, Il le porra clerement percevoir En darrein ver dou livret et vëoir, Mais qu'il dessamble Les premieres set sillabes d'ensamble Et les lettres d'autre guise rassamble, Si que nulle n'en oublie ne emble. Einsi porra Mon nom savoir qui savoir le vorra. (MACH., J. R. Beh., c.1340, 134). ...Prenez tout le ver penultime Et les lettres desassamblez, Puis autrement les rassamblez, Et dou darrein la premereinne. Adont porrez savoir sans peinne Mon nom et mon seurnom sans faille, Car lettre n'i a qui y faille. (MACH., D. Lyon, 1342, 236). DIEU À JÉSUS. L'ame de son cors [de Marie] partira Par les coustumes de piec'a, Mez rassembler tout repourron Tost jë et tu quant nouz voudron (GUILL. DIGULL., Pèler. J.-C. S., 1358, 351). Adieu, ma vraie dame chiere, Pour le milleur temps garde chier, Honneur à vous qu'aim sans trichier. Mais il convient desassambler Ses lettres, et puis rassambler. (MACH., P. Alex., p.1369, 8).

B. -

Rassembler qqc.

1.

"Réunir les parties éparses de qqc., ressouder les morceaux de qqc." : ...le grant desir que j'ai de veoir che livret rassamblé et volumé ensi qu'empris l'avons (FROISS., Pris. am. F., 1372-1373, 168). ...ladite Jehanne la Pucelle fist faire ung cry, que nul homme de sa compaignie ne tensist aucune fame diffamée ou cuquebine. Néantmoins elle trouva aucuns trespassans son commandement, parquoy elle les frappa tellement d'icelle espée, qu'elle fut rompue. Et tantost ce venu à la congnoessance du roy, fut baillée à ouvrier pour la resoulder, ce que ilz ne peurent faire, ne la peurent rassembler oncques, qui est grant aprobacion qu'elle estoit venue divinement. (CHART. J., Chron. Ch. VII, V., t.1, c.1437-1464, 122-123).

-

"Réunir, accumuler qqc. par fragments" : ...poursievant sadicte emprise, a tout ce grant povoir qu'il [le roi] avoit rassamblé encontre les Florentins (LA SALE, Salade, c.1442-1444, 193).

2.

"Réunir qqc. (une partie) au tout qui normalement le comporte" : Se le nez est est du tout tranché, il ne peut plus estre restauré ou rassemblé car union es membres organicques est impossible. (PANIS, Guidon, 1478, tr.III, doct.2, chap.2).

II. -

Empl. intrans. ou pronom.

A. -

"Se réunir" : Se voulez, rassemblons demain Pour regarder a cest affaire (Mir. chan., c.1361, 145). Alons men de cy touz huymais, Et demain nous rassemblerons Pour regarder que nous ferons De ce fait cy. (Mir. st Alexis, 1382, 356). Après lesqueles choses ainsy faites, déliberé fu par mesdiz seigneurs que demain matin à huit heures ilz se rassembleroient, et que de rechef iceulx prisonniers seroient questionnez, pour savoir d'iceulx, par leurs bouches, se l'en pourroit aucune chose traire plus avant qu'ilz n'avoient confessé. (Reg. crim. Chât., I, 1389-1392, 554). Ce jour, après disner, se rassemblerent au Conseil en ladicte Chambre de Parlement les presidens et conseilliers des III Chambres (FAUQ., I, 1417-1420, 253). Et ce jour ne fu point sur ce conclud, mais rassemblerent lesdis presidens et conseilliers en ladicte Chambre de Parlement le lundi et mardi ensuivant, avant les plaidoieries, pour deliberer et prendre conclusion en la matiere dessusdicte. (FAUQ., II, 1421-1430, 205). Et, lendemain, ledit premier president fist rassembler en ladicte Chambre de Parlement les dessus nommez presidens et conseilliers pour avoir plus avant deliberacion sur ce que dit est (FAUQ., III, 1431-1435, 78). Oudit temps se rassemblerent à Compiengne les ambasseurs du roy, qui auparavant avoient esté assemblez à Senlis, cuidant y trouver l'ambaxade de Bourgongne, qui avoit promis y venir ; lesquelz y firent longuement attendre lesdiz ambasseurs du roy, lesquelz s'en retournerent à Paris, pour ce que lesdiz Bourguignons n'y venoient point. (ROYE, Chron. scand., I, 1460-1483, 302). Et les autres, qui s'estoient mis en fuite, se rassamblerrent et mirrent ensamble, en ung pré fermé de hayes plantices (ESCOUCHY, Chron. B., t.2, a.1465, 90). ...quant ledit connestable y estoit, vint devers icelluy connestable et l'advertist du nombre de gens qu'estoient lesditz ennemys, ainsi que ledit prisonnier l'avoit raporté, et aussi de ce qu'il avoit veu à l'oeul, en l'advertissant qu'il les avoit veu mettre en deux bandes, et que, avant qu'ilz se fussent rassemblez, il estoit temps de donner dessus eulx, qui avoit vouloir de les deffaire. (LE CLERC, Interp. Roye, c.1502, 303).

-

Se rassembler entour qqn : Ausaiz ! Avant, seigneurs barons, ne vous esbahissiez pas, la journee est a nous. Faisons leur un bon poindre et nous tenons ensemble et tantost les verrez desconfiz se nous nous povons un pou tenir contre eulx. Lors se rassemblent entour le roy et vont faire aux Poictevins une fiere envahie. (ARRAS, c.1392-1393, 161).

B. -

"Se joindre (à un groupe)" : Ce mesme jour se partit la duchesse pour suivre le duc, et demourarent le lendemain tout le jour au lieu de Sainct Saingne, et furent logez en l'abbaye, et là attandirent que chascun se rassemblast (LA MARCHE, Mém., II, c.1470, 13).

C. -

"Se joindre pour le combat, s'affronter au combat" : Troys foys se rassemblerent ambedeux ce jour la (Flor. Octav. L., t.2, c.1400, 562). Car Jourdain et se gent a yaux se rassambla (Jourd. Blaye alex. M., a.1455, 315).