A. -

[À propos d'une pers.]

1.

"Action de raconter, d'exposer ce qu'on a vu ou entendu, récit, témoignage" : Et si m'acort Dou tout en tout de Raison a l'acort, (Car elle fait bon et loial raport) Que cils a droit, et ceste dame a tort. (MACH., J. R. Beh., c.1340, 126). LA MATRONNE. (...) Dame, vestez vous, par amour. Si irons faire sanz demour Nostre rapport. L'ABBEESSE. Dame, voulentiers, sanz deport. Qu'aourée soit nostre dame, Quant je suis pure du dyffame C'on m'a sus mis. (Mir. abbeesse, 1340, 94). Les quelx noz gens nous aient fait leur rapport, dont nous avons esté bien contens. (Doc. Poitou G., t.4, 1373, 321). N'en merencolie Ja mon cuer n'en metteray, Pour ce que pure me sçay De leur tricherie ; Ne cuers qui est de bon port Ne doit doubter leur raport Plein de felonnie. (MACH., Ch. bal., 1377, 598). ...et lors leur faisoit son rapport tel qu'il l'avoit trouvé, lequel rapport il qui parle lui a aucune fois oy dire et rapporter ausdiz Englois. (Reg. crim. Chât., I, 1389-1392, 57). ...lesquelz, par son rapport, aucune foiz sont sailliz hors et couru sus ausdis François, et aucune fois non. (Reg. crim. Chât., I, 1389-1392, 123). Si vous en diray [de Philosophie] mon rapport, Ainsi qu'ay de l'escript recort (CHR. PIZ., M.F., II, 1400-1403, 104). Par rapport a sceü le roy Comment ces enfens en arroy De princes sur pastours se tindrent (CHR. PIZ., M.F., III, 1400-1403, 178). Le roy, qui par ses gracieusetez [de J. de Saintré] et par les bons rappors qu'il en avoit, l'acorda tres voluntiers. (LA SALE, J.S., 1456, 66). Il n'est engendrement qu'en boing (...) Ne vray rapport que menterye (VILLON, Poèmes variés R.H., c.1456-1463, 56). ...depuis le chareton le racompta en la façon que avez oye, sinon qu'elle ne dormoit point : non pas que le veille croire, ne ce rapport faire bon. (C.N.N., c.1456-1467, 67). Son commendement fut fait et accomply par le varlet, qui luy fist son rapport. (C.N.N., c.1456-1467, 86). ...je n'ay pas seullement sceu par estrange rapport, mais a mes yeulx mesmes perceu ung aultre venu de costé (C.N.N., c.1456-1467, 234). Le bon president, sachant aussi bien ou mieulx l'estat de sa femme que son serviteur qui faisoit ce rapport, luy respondit tresfierement... (C.N.N., c.1456-1467, 311). Ce bon pere retourne en son hostel, et vient faire son rapport, dont la vieille cuida bien enrager. (C.N.N., c.1456-1467, 342). Mes sotz, de bon cueur je vous prie, Resjouyssez la compagnie De quelques rapors tous nouveaulx. (Rapp., c.1480, 62). Frere, moult se doit esmayer Cil qui ot faire ung tel rapport. (Myst. Pass. Troyes B., a.1482, 542). ...envoyons presentement par exprés devers vous, et pour nous fere le rapport de voz volontez sur ce, pour, aprés l'avoir oy, y donner les provisions telles qu'il apartiendra par raison. (Lettres Ch. VIII, P., t.3, 1491, 142).

-

Au rapport de qqn./Sur le rapport de qqn. "Au vu de ce que rapporte qqn" : En tesmoing de ce, nous, Pierre le Mere dessus nommé, au rapport dudict commis juré, auquel nous adjoustons plaine foy en ce cas cy et en greigneur, avons scellé ces lettres des sçaulx dessus dicts, l'an de grace mil IIIc quatre vings et six, le dimenche seize jours ou moys de septembre. (Chartes Abb. St-Magl. T.F., t.3, 1386, 557). ...il sceut, au rapport d'aucuns ses serviteurs qui en ce cas le servoient, que au dit Vrelenchem avoit une tres belle fille (C.N.N., c.1456-1467, 154). ...sa desloyaulté estoit venue a la cognoissance de celle qui luy vouloit tant de bien : non qu'elle sceust estre tel au rapport d'aultruy, mais elles mesmes en personne en a la vraye informacion (C.N.N., c.1456-1467, 181). MARCELLE. Le congnoisssez vous bien ? ST JEHAN. Ouÿ, Et vous respons de sa personne. MARCELLE. Sus vostre rapport, je luy donne Congié d'entrer ens ceste foys. (Myst. Pass. Troyes B., a.1482, 724).

-

[À propos d'un songe] : ...or voy je bien que c'estoit songe voirement qui ce rapport m'a fait. (C.N.N., c.1456-1467, 113).

2.

En partic.

a)

"Compte rendu présenté sous une forme officielle (souvent à la suite d'une mission)" : ...sicomme ces choses et autres estoient et sont plus a plain contenues et esclarcies es rappors de sergens (Chartes Abb. St-Magl. T.F., t.3, 1394, 681). ...par le rapport de maistre Jaques Saquespée, medecin (BAYE, I, 1400-1410, 294). ...mondit seigneur, actendu le rapport qui a esté fait à monseigneur l'evesque de Tournay, son chancellier, desdiz vacquacions et services, et par l'avis des gens de son conseil et de ses comptes, et par ses lettres patentes donnees à Dijon ledit XVe jour de juillet mil quatre cens et vint, a ordonné et tauxé audit Germain 18 gros viez pour ung chacun jour qu'il a vacqué (Comptes Etat bourg. M.F., t.2, 1420, 727). Et a esté enjoint audit Trucart qu'il face bons rappors à la Court des faultes qu'il trouvera en ladicte visitacion. (FAUQ., III, 1431-1435, 7). Et après mondit seigneur le Chancelier respondi en effect qu'il avoit bien entendu ce qui lui avoit esté dit et qu'il en feroit son rapport au Roy pour y pourveoir à son bon plaisir. (FAUQ., III, 1431-1435, 18). ...pour la copie du raport des jurez qui furent menés sur le lieu, 4 s. p., pour six memoriaux dependans de la cause, 2 s. p., et pour les traictiés et accors fais entre ladicte ville et ledit Bourdin, 8 s. p., montent lesdites parties comme il appert par lesdits exploits (Comptes Paris V.L.D., t.1, 1442-1443, 344). ...ce qui fut dit à icelle Perrette, laquelle declaira lors qu'elle estoit grosse : par quoy fut derechief differé de l'executer et fut fait visiter par ventrieres et matrosnes qui rapporterent à justice qu'elle n'estoit point grosse. Et incontinent ledit raport fait, fut envoyée executer aux champs devant ledit gibet par Henry Cousin (ROYE, Chron. scand., I, 1460-1483, 5). Laissons les la, puis qu'ilz sont mors, Et allons faire noz rapors A Valerien, nostre sire. (Myst. st Laur. S.W., 1499, 283). Mais ce pendant se esmeut discencion entre monseigneur Charles et le duc de Bretaigne, par mauvais et sinistres rappors. (LE CLERC, Interp. Roye, c.1502, 199). A quoy luy fut respondu par ledit connestable que, veu le rapport desditz prisonniers qui disoient lesditz Bourguignons estre en nombre VIII cens hommes d'armes et dix mil hommes de pied et cinquante pieces d'artillerie, que c'estoit trop pour eulx, et que ce seroit une viande qui leur seroit forte à digerer, attendu le petit nombre de gens d'armes qu'ilz estoient (LE CLERC, Interp. Roye, c.1502, 303).

-

[Sous forme écrite] : L'an de grace mil trois cens et trente, le vendredi aprés la feste dou Saint Sacrement Nostre Seignieur, nous tesmoingnerent et raporterent par leurs sermens Adenot Blondel, Jehan de Mante et Ansoult d'Angicourt, sergans a verge dou Chastelet de Paris, que par la vertu de la commission faite a eus, parmi la quelle ce present rapport est ennexé, et pour faire et acomplir ce que mandé et commis leur estoit par la dite commission, il furent, le dit jour, a heure de vespres, a Saint Germain des Prez, et la trouverent l'abbé de Saint Germain et le prevost d'ice lieu, ou lieu ou il tenoient et ont acoustumé de tenir leurs plaiz. (Chartes Abb. St-Magl. T.F., t.3, 1330, 15).

-

[Désigne le message transmis] : LE MESSAGIER. A celle fin que le temps plus ne perde, S'a gré vous vient, baillez moy ma despesche. De mon seigneur l'actente trop excede Si vous supplie que, de memoire fresche, Puisque present de cecy je m'empesche, A mon maistre le raport soit donné, Car messaigier qui nonchaillance pesche Merite bien qu'il soit mal guerdonné. EMPEREUR. Puisque tu es de ce faire ordonné, Ces lectres cy par moy luy porteras. (LA VIGNE, S.M., 1496, 253).

-

DR. "Exposé, témoignage fait au cours d'un procès" : Tous lesquelz, ouy la relacion et rapport dudit maistres Jehan de Cessieres, la maniere de la prinse d'icellui bastart, avec les confessions cy-dessus escriptes, que l'en dist estre faites par ledit bastard, delibererent et furent d'oppinion que l'en feist venir icelui prisonnier (Reg. crim. Chât., I, 1389-1392, 389). ...et li repeté les rappors fais par lesdites matrosnes jurées, cy-dessus escrips, et aussi sa confession par elle faite et escripte, sur le mardi XIIJe jour de ce present mois de juing, icelli mons. le prevost, veu ce present procès, et tout consideré, condempna icelle prisonniere (Reg. crim. Chât., II, 1389-1392, 298). Oye la confession duquel Estienne Josson, prisonnier, avec le rapport et tesmongnage desdiz barbiers jurez, demandé fu par ledit mons. le prevost ausdiz presens conseilliers leurs advis et oppinions comment l'en auroit à proceder contre ledit prisonnier. (Reg. crim. Chât., II, 1389-1392, 492). ...lors il vint à la congnoissance de la Court par les plaintes et rappors de pluiseurs que lesdis boulengiers, en contempt desdictes ordonnances ou autrement, pour calumpnier la provision d'icelles, avoient cessé de faire autant de pain qu'ilz faisoient par avant la publicacion desdictes ordonnances (FAUQ., I, 1417-1420, 353).

b)

"Récit qu'on fait par indiscrétion ou par malveillance, dénonciation" : Non pas pour ce que le diffame Le vous ay je dit, treschier sire, Mais a li mesmes l'oy dire, Pour ce je le vous rapportay. Ne scé se de ce rapport ay Gaires gaingnié. (Mir. fille roy, c.1379, 110). Ne personne qui advisast A telz trufes n'a telz rappors, A telz mensonges n'a telz sors N'a teles choses fantastiques, Controuvées, fausses, iniques Comme cilz homs treuve... (DESCH., M.M., c.1385-1403, 328). Et croit rappors et forge souspeçons Sus tous et toutes (CHART., D. Fort., 1412-1413, 185). ...plaintes de peuple et de commun, rappors divers et souspeçonneux, (CHART., Q. inv., 1422, 46). Je croy moy que ilz se vont coucher, Toutesfois, ilz me avoient promis Que pour l'honneur de leurs amis Desquelz ilz ont aide et support, Aujourd'huy feroient leur rapport Commë ont de bonne coustume. (Rapp., c.1480, 58). ...et si haient le plus de foiz les meilleurs et les plus loyaulx serviteurs et leurs font des dommaiges à l'appetit et rapport des plus meschans (COMM., III, 1495-1498, 260).

-

Faux/mauvais/traitre/vilain... rapport : Et si vous ay servi le mieux et le plus honnourablement que j'ay peu et sceu. Or est einsi que depuis un po de temps en sa, vous avez pris merencolie seur moy, ou par faus rapport, ou par vostre volonté, ne say le quel. Assez de foys vous ay dit et prié que il vous pleust à moy dire pour quoy vous me portez malivolence, ne se aucuns vous avoit reporté aucune chose de moy qui fust contre vostre honnour ou la moie. (MACH., P. Alex., p.1369, 228). Mais vraiement, j'ay un noble confort, Qu'en vous servir et en vous amer fort Et en espoir me delite et deport Par Souvenir Qui me monstre vostre gracieus port Dont nuls ne puet dire villain rapport. (MACH., Bal., 1377, 565). Mais pour peinne qu'endure, Tant soit à porter dure, N'orrez vilain rapport, Que je pense laidure, Barat ne mespresure Vers vostre gentil port ; À Amours m'en raport. (MACH., Ch. bal., 1377, 620). Pour ce le di que j'ay moult longuement De cuer, de corps, à mon loyal pooir, Servi, cheri et loé humblement Ma chiere dame où j'ay tout mon espoir. Las ! dolens, or me mescroit, Par faus rapors, qu'ailleurs mes cuers ne soit. Mais mort m'ara, se je li voy einsi De legier croire encontre son amy. (MACH., L. dames, 1377, 174). Mes dous espoirs, mes confors, Ma joie et l'onneur de my, Mon cuer, m'amour, mes depors Et mes amoureus tresors M'ont de leur grace bani, Par faus et mauvais rapors Et par envieus enors Qui m'ont faussement trahy. Dont je sui perdus et mors, Et vous pri : Venés au corps, Mi bon et loyal ami (MACH., Les lays, 1377, 372). Certes, j'ay si grant deport, Quant je voy son noble port Et quant, sans vilein raport, J'oy que chascuns son effort Fait de li prisier tres fort Dessus toute creature (MACH., Les lays, 1377, 429). Pour ce me confort, Et si me deport Es maus que je port, Ne mauvais rapport Ja de moy ne de mon port N'orra celle que j'aim tant, Se ce n'est à tort (MACH., Les lays, 1377, 439). Mon frere, je le savoye bien. Avez vous bien trouvé ce que je vous disoye ? Et Remond lui escrie : Fuiez de cy, faulx traitre, vous me avez fait par vostre faulx traitre rapport parjurer contre la meilleur et la plus loyal dame qui oncques nasquist après celle qui porta Nostre Createur. Vous m'avez apporté toute doulour et emportez toute ma joye. (ARRAS, c.1392-1393, 242). Telz gens doibvent vuider la porte, Car nulz biens n'y a ou ilz sont Pour les maulvais raportz qu'ilz font. (Roy sotz, c.1450-1500, 228). Et ne serions pas contens que, au moien de telz faulx rappors, ilz eussent perte ne dommaige. (Lettres Ch. VIII, P., t.3, 1490, 73). Et, incontinent après ledit sacre, furent faiz au roy plusieurs faulx et mauvais rappors dudit conte de Dampmartin par aucuns ses ennemys et malveillans, disans que, se le roy le povoit tenir, qu'il feroit menger le cueur de son ventre à ses chiens. (LE CLERC, Interp. Roye, c.1502, 142).

Rem. Ponthus Sidoine C., c.1400, gloss.

B. -

[À propos d'une chose] "Ce qu'une chose produit, revenu qu'elle engendre" : ...Des fruis des champs, du rapport de la terre (DESCH., Oeuvres Q., t.5, c.1370-1407, 232).

-

"Profit" : LE CONTE DE LISLEDES. Homme n'est point de grant barboillerie, Ains est courtois, parlant honnestement. PRINCE D'ANTHIOCHE. Je cuyde et croy, veu son commancement, Que de la fin nous aurons bon raport. LE DUC DE FALAIZE. Je suis joyeulx de son advancement ; Mais regardez son gracïeux deport ! (LA VIGNE, S.M., 1496, 175).

-

[Cont. métaph., à propos de la mort] : ...tout pauma tous ses cors C'on cuida qu'a li fust de le mort li rapors (Jourd. Blaye alex. M., a.1455, 119).

C. -

[À propos de plusieurs pers. ou choses] "Relation"

-

Rapport à. "Relation à" : Car il semble que l'en face de euls une derision quant l'en les loe en la maniere que l'en nous loe, et la cause est car l'en nous loe par relacion et en resgart ou raport a aucune autre chose meilleur. (ORESME, E.A., c.1370, 139).