Empl. trans.

A. -

"Appeler de nouveau ; faire revenir"

1.

Rappeler qqn

a)

"Appeler de nouveau qqn, appeler qqn pour le faire revenir" : Quant elle se merencolie, Se le rapelle doucement ; Et il qui l'aimme loiaument Volentiers devers li se trait (MACH., D. Aler., a.1349, 379). Cils vergiers dont je ci raconte, Par quoy je ne faille a mon compte, C'est Amours especiaument Qui cuers rapelle doucement A la haie dont il est clos Dont cils puet sieuir les esclos. (MACH., D. Aler., a.1349, 399). Lors a Tarquins les princeps Latins rapelé au conseil et les a mout louez dont il avoient puni Turnus de mort bien deservie, pour ce que il avoit volu bastir choses nouveles par cruel homicide (BERS., I, 1, c.1354-1359, 52.1, 86). ...toutes voies encore ama il [Jhesus] miex par sa benigne misericorde au conmencement de sa predicacion et encores aime le pecheur par promesses rappeller (Mir. Barl. Josaph., c.1363, 246). Biaus cousins, vous isterés un petit hors de la cambre, et tantos serés rapellés (FROISS., Chron. D., p.1400, 480). ...faisoient bons compaignons la roe (...) cuidans, comme ilz avoient proposé, que leurs dames en deussent estre mal contentes, et qu'elles les deussent rappeller ores ou aultrefoiz. (C.N.N., c.1456-1467, 364). ...et pria audit Voyau de luy dire qu'il se recommandoit bien fort à luy et qu'il ne se souciast que de garder sa personne, car, avant qu'il fust peu de temps, que on le rappelleroit bien voluntiers, et aussi que tous les plaisirs qu'il luy pourroit faire qu'il le feroit voulentiers, car il se sentoit estre plus tenu à luy que à homme du monde. (LE CLERC, Interp. Roye, c.1502, 150).

-

En partic. "Faire revenir celui qui a été disgracié ou banni" : Il sot que ses enfans vouldrent labourer a fin que les roys banis fussent rappelléz en la cité (FOUL., Policrat., IV, 1372, 79). ...et depuis en traictant des matieres fut expressement requis par le dit Edouard ou ses ambaxadeurs commis et deputez que le roy vousist rappeler les bannis, en recongnoissant a tousjours le roy Phelippe vray roy de France et seigneur souvrain de Guyenne (JUV. URS., T. crest., c.1446, 115). [Vous, Marie d'Orléans, avez été] Envoiee de Jhesucrist Rappeller sa jus par deça Les povres que Rigueur proscript Et que Fortune betourna (VILLON, Poèmes variés R.H., c.1456-1463, 42). ...les suppliants avons rappellez et rappellons en nostre royaume, nonobstans lesdits appeaulx, banissemens, deffaulx, confiscacion, sentence et amende à nous adjugez (Lettres Louis XI, V., Pièces justif., t.2, 1461-1465, 386).

-

Rappeler qqn en sa bonne grace : ...et rappela en sa bonne grace le duc de Bourbon, et le traicta bien, pour aux aultres donner à entendre que ceulx qui se rendroient à luy seroient amiablement traictez et receuz (LA MARCHE, Mém., III, c.1470, 32).

-

[De Dieu] "Faire revenir (le pécheur)" : Item Dieu par sa misericorde atend patiaument les pecheurs et les rapelle benignement et dissimule, afin de non pugnir et soy vengier et preserve de pluseurs perilz. (Somme abr., c.1477-1481, 180).

-

Rappeler une armée. "Rassembler une armée" : Et comme ce fust noncié a Belini, il rappella son ost et se hasta, la nuyt passee, en venant a une vallee par laquelle les ennemis devoient passer. (Percef. I, R., t.1, c.1450 [c.1340], 58).

.

"Faire revenir, retirer une armée" : ...il assiegent Capue et ont determiné que, jusques a tant que elle sera prise, il n'en rappelleront leur ost. (FOUL., Policrat. B., V, 1372, 337).

b)

Rappeler qqn à qqc. "Faire revenir qqn à qqc., inciter qqn à qqc." : Et pourtant la divine Sapience qui tousjours est songneuse du sauvement de toute humaine creature, en desirant d'amender la vie des diz esleus et en voulant oster et aneantir tous vices de leurs consciences, veult et entent en ce livre principalment ralumer les estains, renflammer les refroidiez, les pecheurs resmouvoir, les mal devots a devocion rappeller et promouvoir, et les endormis par negligence a l'estude des euvres vertueuses esveiller. (Horloge de sapience S., c.1389, 54). ...de rappeller au droit chemin ceulx qui sont desvoiez (PREMIERFAIT, Cas nobles hommes G., 1409, 92). Environ l'aube du jour, lors que la premiere clarté du soleil et nature contente du repos de la nuit nous rappellent aux mondains labours... (CHART., Q. inv., 1422, 5).

-

Rappeler qqn de + inf. "Inciter qqn à" : Ne vous traveilliez pas en vain, Car nient plus que de vostre main Ne pouez le ciel atouchier Ne la mer aussi asseichier, Ne me pourrez vous rappeller De Crist servir, a brief parler, Com crestien. (Mir. Barl. Josaph., c.1363, 276).

c)

Rappeler qqn de qqc. "Faire revenir qqn de qqc., détourner qqn de qqc." : Si me merveille que, comme tu n'as vergoygne de ce et que le jour de ta censorie est passé et ce que ton compaignon a renoncié a son estat si comme faire devoit, et loy et honte ne te rappellent de ton oppinion (BERS., I, 9, c.1354-1359, 34.22, 63). ...afin que il les rappellast des choses reprouvees et deshonnestes (FOUL., Policrat. B., V, 1372, 297). En Dieu est laieur de charité, par laquelle il nous revoque et rapelle de nostre erreur. (Somme abr., c.1477-1481, 131).

2.

Rappeler qqc.

a)

"Faire revenir qqc." : Et tu, creature, qui veulz si avant enchercher, monte ou firmament et descens en abysme, rappelle le preterit et avance le futur, desveloppe la mixtion dez destineez, embrasse l'ordre dez causes, le nombre des effectz, la mesure dez temps, et la dependence de leurs finz, et puis dispute contre le Createur qui leur ordonnance a enregistree ou livre de ses secretz (CHART., L. Esp., c.1429-1430, 35). ...car oyseuse met les humeurs en repos et dormir les fait fluxibles, car il rappelle chaleur et euvre les conduis et oyseuseté fait le contraire (GORDON, Prat., c.1450-1500, III, 16).

-

Rappeler qqc. à qqc. "Faire venir qqc. à qqc." : ...Et sans excez y traveillier, Pour haster la digestion Par plaisant et grant union De la chaleur très naturele Que l'estomac à ce rappelle (LA HAYE, P. peste, 1426, 104).

b)

"Faire revenir qqc. (en mémoire)" : Ne passons legierement che que nous lisons, mais aussi, quant en nos mains auchun livre ne tenons, rappellons en memoire che que nous avons leu (DAUDIN, De la erudition H., c.1360-1380, 120). ...[il] ne savoit qui ilz estoient, et faisoient mal de le ainsi injurier, en rappellant ycelles injures à son courage, disant qu'il estoit clerc, en habit et en possession de tonsure, et que l'en ne voulsist attempter en aucune maniere à sa personne. (Reg. crim. Chât., I, 1389-1392, 48).

c)

"Faire revenir qqc. en quantité, en intensité, réduire" : Mais rappeller le degré de naturel plaisir et eschaper les perilz et monter aus gloires souveraines et hautes vertus, ce est grant euvre (FOUL., Policrat. B., V, 1372, 299).

B. -

[Idée de révocation, d'opposition, de rétractation]

1.

Rappeler qqc. "Révoquer, annuler, renier qqc." : Si requeroit à grant instance que les dites lettres, renunciations et acort fussent rappelleez et mises au nyant (Doc. Poitou G., t.2, 1347, 376). Si vous lo que vous tant faciez Que ce jugement effaciez, Et que briefment le rapellez. Guillaume, se vous tant valez, Vous le pouez bien einsi faire Par soustenir tout le contraire. (MACH., J. R. Nav., 1349, 172). Et toutes les franchises que Ysopes et Berinus avoient ottroyees aux barons et a toute la gent du païs, Ypamador les rappella, et furent tuit plus serf qu'il n'avoient onques mais esté a nul jour (Bérinus, I, c.1350-1370, 202). Et se aucuns appeaux estoient sur ce faiz contre lui, nous par ces presentes les rappellons et metons du tout au neant, ou cas dessus dit. (Doc. Poitou G., t.3, 1351, 51). ...il par raison La foy crestienne au premier Soustendra, et au derrenier Se laira vaincre en rappellant Tout ce qu'il avoit par avant Enseigné. (Mir. Barl. Josaph., c.1363, 275). ...elle peult tantost ceste puissance revocquer et rappeler (ORESME, Monnoies W., c.1365, LXXIII). [Florimont, à genoux devant le roi, reconnaît sa faute] ...mal a point vous ay escript. Dont je me repen, sans mentir, Tant com je m'en puis repentir ; Et ce m'a fait faire consaus Mauvais et traïtres et faus ; Et se j'ay meffait ou mesdit, Ma bouche de cuer s'en desdit, Et devant chacun mon appel Met au néant et le rapel. Et s'il a chevalier ou monde Ferme, loyal, net, pur et monde De mal, je vous vueil accepter Pour tel, sans nul autre excepter. (MACH., P. Alex., p.1369, 243). Si tost comme injure appert ou est faite, raison dit que elle est a rappeller ou a adrescier et amender. (ORESME, E.A.C., c.1370, 383). Le Clerc dit que lez privilieges de l'Eglise ne puent estre rapellés (Songe verg. S., t.1, 1378, 41). Et pour ce dient lez decrés et lez loys que, quant un priviliege [privili[e]ge] est, ou comance a estre, prejudiciable au salut de la chose publique, il doit estre rapellé et mis au nient. (Songe verg. S., t.1, 1378, 46). Regardons se par raison, ou par aucun Droit, vostre conclusion puet estre soubstenue. Vous dittes et conclués que le roy de France est subjet de l'Impereur, et, par consequant, que il ne puet mie lez privilieges de l'Impereur rapeller. (Songe verg. S., t.1, 1378, 49). Et que toutes lez escriptures dez Sains ne sont pas a tenir ne a garder, il appert, car saint Augustin fist un livre de Retractacion, ou il rappella plusieurs choses que il avoit escript en sez aultres livres et volumes. (Songe verg. S., t.1, 1378, 115). ...mon Pere Jesucrist sera rapaise et rapellera sa sentence (MÉZIÈRES, Songe vieil pèl. C., t.2, c.1386-1389, 295). ...le sire de Terride et celx qui avoient plegié et cautionné Diago d'Avesche, escuier, ont rappellé ladicte caution et plegerie. (BAYE, I, 1400-1410, 150). ...le Roy rappelloit tous gages à vie desdiz conseillers, fors de ceulx qui avoient servi XX ans et au dessus (BAYE, I, 1400-1410, 150). ...ancores d'abondant ycellui evesque desavoe icelle citation, et ne la welt ne woudroit en riens soustenir, et la revoque et rappelle en tant que mestier est (BAYE, II, 1411-1417, 203). Si vous me croiez, orendroit Tout droit a l'emperiere yron ; Luy et son palais destruiron, S'il ne rapelle sa sentence. (Mart. st Pierre st Paul R., c.1430-1440, 150). ...et pour ce, n'est mie nostre intencion que ceste deffence soit rappellee ne actemperee a nulz cas passez devant ne apprès la dacte de noz presentes lettres. (LA SALE, Salade, c.1442-1444, 209). Encores voullons et ordonnons que, se l'en combact contre les coustumes contenues en nosdictes lettres, tout ce qui sera fait au contraire porra estre rappellé. (LA SALE, Salade, c.1442-1444, 210). ...la commission du gouvernement du royaume ne m'est point encores rappellee. (WAUQUELIN, Belle Hélène Const. C., c.1448-1452, 178). ...et que aucuns pourroient avoir ymagination qu'il auroit ce fait pour la necessité où il s'estoit trouvé d'avoir d'eulx secours, et que, après ladicte paix ou accord, les leur pourroit oster, il leur declaira pour ceste cause dès lors pour maintenant, et dès maintenant pour lors à tousjours, il les leur avoit donnez et laissez, sans jamais avoir esperance de les rappeller ne venir contre, et que, se mieulx vouloient avoir de lui, qu'ilz le demandassent, et il le leur octroieroit. (ROYE, Chron. scand., I, 1460-1483, 137).

-

Rappeler un voeu : ...quant a moy je rappelle mon veu, et n'ay pas intencion de plus me mettre en ce dangier. (C.N.N., c.1456-1467, 206).

-

Rappeler un ban. "Annuler un acte de bannissement" : ...ycellui absolons et quictons à touz jourz mais, et rappellons les bans et criz faiz contre lui et tout ce qui s'en est ensuy et li rendons le pays et remettons à ses biens et à son premier estat. (Doc. Poitou G., t.2, 1347, 383). ...combien que les eschevins de Cambray ayent esté sommez de rappeller certain ban qu'ilz ont fait ou contempt des arrests de ceans contre Marie du Cavech (BAYE, I, 1400-1410, 80). ...[le bailly] avoit rappellé le ban de pluisieurs porteurs au sacq banis d'icelle ville, ce que faire ne pooit de lui seul pour cas criminelles ne pour aultres, sans scavoir les cas et cause des dictz banissemens aus dictz eschevins et sans leur consentement (Hist. dr. munic. E., t.2, 1422, 159).

-

Rappeler que. "Se rétracter sur le fait que" : ...maistre Jehan de Pouly [qui s'est attaqué à un décret de Benoit XI amplifiant les privilèges des moines] fut condempné a rappeler a Paris (...) que ceulz qui estoient confessez aux religieux mendians estoient tenuz de eulz reconfesser a leur curé (JEAN GOLEIN, Rational B.D., c.1370-1372, 408).

-

Rappeler en doute. "Révoquer en doute" : Qui est celui, donques, qui rappellera en doubte se celui qui est Seigneur de tout le monde puisse ordener loy, et establir, dez choses lezquelles luy sont subjectes, et soubz sa seignorie ? (Songe verg. S., t.1, 1378, 23). Et qui, aussi, rapellera en doubte que le tres puissant roy de France ne soit roy ordené et establi de Dieu ? (Songe verg. S., t.1, 1378, 51).

-

Sans rappeler. "Sans appel, irrévocablement, sans recours possible" : En l'eure de la m'en volai Et devers Pallas m'en alai Pour gargouillier et reveler De mot a mot, sans rien celer, Par cui le coffre estoit ouvert Et tout le secre[t] descouvert. J'en cuidai avoir tel salaire Qu'elle m'en deüst grant bien faire. Ne sai qui ce me pourchassa, Mais tout en l'eure m'enchassa Et me banni sans rappeller, Ne puis n'osai vers elle aler. (MACH., Voir, 1364, 696). LE PAPE. (...) Vostre archevesché en perdrez Des maintenant sans rapellez La vous oste certainement (Myst. st Martin K., a.1500, 332).

-

Empl. pronom. à sens passif : ...car maintes dilligences se font de chascun costé pour grever son ennemy, qui si soudainement ne se peuent rapeller, comme avoient fait ces deux princes qui avoient entreprins ceste veüe si soudain, sans advertir leurs gens qui estoient au loing (COMM., I, 1489-1491, 125).

2.

Empl. abs. "S'opposer" : Et lors que de bouche le dit, Un dous regart le contredit Qui va dedens le cuer coulant Son dous amy en rapellant Par dous et par plaisant retrait. Et il volentiers s'i retrait, Aproche et se remet avant, En priant si comme devant. (MACH., D. Aler., a.1349, 252). Meffait m'as, a briez moz conclus ; Dont en mon corage rapel Et t'en denonce par appel Esconmenie de sentence De canon. (Mir. parr., 1356, 13).

3.

Empl. intrans. ou pronom. (Se) rappeler. "Se rétracter, se repentir" : ...il fut condempné a rappeller sur paine d'estre ars comme herite (JEAN GOLEIN, Rational B.D., c.1370-1372, 408). Et si je fail en rien, je m'en rappelle Et cry mercy et engage l'amende (CHART., Compl., 1424, 324). Et d'autre part furent trouvez en l'an dessusdit, plusieurs hommes et femmes tenans ladicte hérésie et faisant leur concile ensemble, en un vilage près Douay, nommé Sains, dedens lequel ilz furent trouvez et menez prisonniers à la court de l'évesque d'Arras. Desquelz les aucuns se repentirent et rappellèrent, lesquelz furent reçeuz à pénitence et mercy, et les autres, après qu'ilz eurent esté preschez dudit évesque et de l'inquisiteur de la foy, furent ars et brouyz audit lieu d'Arras, à Douay et à Valenciennes. (MONSTRELET, Chron. D.-A., t.4, c.1425-1440, 87).

-

Se rappeler de qqc. "Se rétracter de qqc." : ...du tout en tout, vous donné cueur, corps, service et amour et devins vostre home lige sans jamais m'en oster ne rappeller (Cleriadus Z., c.1440-1444, 48).