| 46 exemples | | 1 | Cils sains rois ot un tel cheval Que qui l'en donnast plein un val De fin or, il ne l'eüst pas, Car bien le getast de tel pas Qu'Amours ne l'en peüst geter, Ne ses royaumes racheter : Il le pooit tenser de mort. Ceste raison ci me remort Qu'il estoit dont cause de vie. (MACH., D. Aler., a.1349, 312). | |
| 2 | Elas ! je perdray les meilleurs Gages que j'eusse au jour d'uy, Dont j'ay a mon cuer grant annuy, S'il n'est ainsi que les rachate (Mir. march. juif, c.1377, 187). | |
| 3 | ...le roy nous bailla, ceda et transporta laditte ville d'Amyens et autres villes et terres estans sur la riviere de Somme, que feu nostre très chier seigneur et pere, que Dieu absoille, avoit possedé depuis le traicté d'Arras, et lesquelles le roy en sa ville de Tours nous avoit promis et juré en parolle de roy non racheter du vivant de nostredit feu seigneur et pere. (LE CLERC, Interp. Roye, c.1502, 258). | |
| 4 | ...depuis V ou VJ ans ença, on a fait une constitucion par laquelle seroit loisible de racheter les rentes non deuement amorties, constituées sur les maisons de la ville de Paris et des forbours d'icelle (FAUQ., III, 1431-1435, 102). | |
| 5 | ...de la quelle rente de soixante et cinq solz par.. appartenant aus diz bailleurs, comme dit est, les diz preneurs pourront et seront tenuz de racheter des diz bailleurs ou de leurs aians cause quarante soulz par.. par la maniere qui s'ensuit, c'est assavoir a la Saint Jehan Baptiste prouchaine venant, vint soulz par.., et a Noël prouchain aprés ensuivant, vint solz par.., chascun vint soulz par.. pour douze livr.. tourn.., franc d'or du coing du roy nostre sire pour vint soulz tourn.. (Chartes Abb. St-Magl. T.F., t.3, 1386, 552). | |
| 6 | Aucun aultre pouvre qui ne ont point povoir de racheter lez prisonniers achetent oiseaulx en gaiolle, lesquelx on porte pour vendre ... celle fin. (JEAN LE LONG, Voy. Bieul B., 1351, 329). | |
| 7 | ...si come seroit la loy de racheter aucun qui est pris en guerre pour un marc ou autre pris, ou comme seroit sacrifier une chievre ou .II. ouailles. (ORESME, E.A., c.1370, 303). | |
| 8 | ...toutes foys que monseigneur (...) est pris en droite guerre et rachettez, ou que il vat oultre mer, (...) les bourjois de Rethel lui doivent cent livres parisis en commung. (Trés. Reth. L., t.3, 1488, 579). | |
| 9 | ...pour soy rachetter de la main de vos ennemis, il a mis tout son meuble, vendu et engaigé sa terre de Fougieres (JUV. URS., Exort., 1458, 412). | |
| 10 | Je croy qu'oy avez assez Qu'il n'a Crestien en tout le monde, Puis qu'il passe la mer parfonde, Pour faire le très saint voiage Qu'au soudan ne paie trevage : Car de V. florins de Florence Rachete son chief sans dobtance. (MACH., P. Alex., p.1369, 174). | |
| 11 | Bien est verité que aucuns docteurs tiennent que il est plus tenu a celui qui le delivra ou racheta de mort que a son pere. (ORESME, E.A.C., c.1370, 456). | |
| 12 | En ce temps le duc Charles d'Orleans, celluy dont est escript cy dessus que le bon duc Philippe de Bourgoingne le rachepta de la prison des Angloix, faisoit une guerre delà les mons (LA MARCHE, Mém., II, c.1470, 169). | |
| 13 | ...j'ay gages es mains Des Juifs (...). Si vous suppli (...) que les rachetez, Et s'en voz mains sont, ne doubtez Que dedanz huit jours tant feray Que vostre argent vous renderay Entiérement. (Mir. march. juif, c.1377, 188). | |
| 14 | ...les rentes du transport des villes dessus acouplees furent des longtemps à baillier en assiete de terre à feu messire Robert de Flandres, lesquelz feu le duc de Bar à cause de feue madame la contesse de Bar, dame de Cassel, sa mere, fille dudit feu messire Robert, nagaires trespassé, et ses hoirs souloient lever, excepté de la ville d'Yppres qui se rachata dudit messire Robert heritablement (Comptes Etat bourg. M.F., t.3, 1418-1420, 313). | |
| 15 | NOSTRE DAME. (...) il vous convient Que vous m'alliez deux turtres querre Ou deux jeunes coulons (...), Qu'avec moy seront apportez : Mon enfant en ert rachatez Après s'offrande. (Mir. nat. N.S.J.C., c.1343, 222). | |
| 16 | MARIE. (...) Joseph, pour mon fils racheter V pieces d'argent fault donner. JOSEPH. J'ay V sicles que je donray Pour l'enfant ravoir [Réf. à Luc 2, 22-24]. (MARCADÉ, Myst. Pass. Arras R., a.1440, 53). | |
| 17 | Le roy demande : le chevalier se muert et a pluseurs enfans soubz aagiéz, la dame demeure en vie. Qui a le gouvernement, ou aura, de ses enfans soubz aagiéz ? Response : la mere en aura la garde devant tous ; et ne rachetera point ; mais il convendra que, dedens XL jours aprés la mort du chevalier, elle aille par devers les seigneurs et qu'elle leur offre la bouche et les mains, tant pour son heritage comme pour son douaire (Cout. bourg. glosé P.M., c.1380-1400, 215). | |
| 18 | Item, se l'en reputoit que il [le prince] eust fait aucunes inhonorations ou appeticié les honeurs d'aucuns sans cause, il doit tele chose racheter et reparer en leur donnant plus grans honneurs. (ORESME, Pol. Arist. M., c.1372-1374, 251). | |
| 19 | Quant a moy, je croy que c'est celle Qui rachetera la perte telle Que François ont eu et l'esclandre. (Myst. siège Orléans H., c.1480-1500, 605). | |
| 20 | Mais tant vous dy je de cestuy fait que la mort n'en peult estre rachatee. (Percef. I, R., t.1, c.1450 [c.1340], 77). | |
| 21 | ...par ycelui esperit de conseil s'offri Jhesucrist secretement a la passion afin qu'il nous rachetast (JEAN GOLEIN, Rational B.D., c.1370-1372, 339). | |
| 22 | Benoit soit Diex qui rachaté A son peuple (Mir. ste Bauth., c.1376, 150). | |
| 23 | La premiere cause, et generale, si est pour ce que nous sommes tous Crestiens et freres en Jhesu Crist, lavé et rengeneré en un baptesme, confirmé en une foy et a un Dieu, Jhesu Crist, et du grant pris de son propre sang nous sommes rachaté (MÉZIÈRES, Vertu sacr. mar. W., c.1384-1389, 43). | |
| 24 | ...par ainsi que s'il ne la rachetoit dedens le jour de la Sainct-Audarien prouchain venant, que icelle coste estoit acquise audit juif. (Reg. crim. Chât., I, 1389-1392, 111). | |
| 25 | Pour tant, ame devote, creé[e] de Dieu a sa semblance, et de son precieux sang amoureus[ement] rachetée, chasse hors, pour Dieu ! chasse hors ceste maudicte hostesse Cruauté, et reçoy Misericorde. (GERS., Purif., 1396-1397, 67). | |
| 26 | Dy pourquoy aucuns sont rachetez et aultres non, quer aucuns sont dampnez ? (GERS., Annonc., a.1400, 230). | |
| 27 | Fais a ton filz petition Qu'il me face remission Si vrayement qu'i me racheta Par sa benoiste passion (RÉGN., F.A., 1432-c.1465, 124). | |
| 28 | Seuffre tu, las ! contre toy faire guerre D'hommes mauldiz, plus fragilles que verre, Et que dyables povres armes suberre, Qu'as rachetez de ton sanc precieulx, Et que sur toy les puisse ainsi conquerre Par ses suppos mauldiz et vicieux ! (Myst. st Adr. P., c.1450-1485, 89). | |
| 29 | Du Messias la comune voix Est qu'il nous doit tous rachapter. (Pass. Auv., 1477, 155). | |
| 30 | De mort [Jésus] a pris la monoye, Qu'il employe A rachapter l'omme vieulx. (Pass. Auv., 1477, 246). | |
| 31 | LE JUIF. Pour racheter l'humain lignage, [je croy] Que son corps [Jésus] a offert pour gaige (Mir. st Nic. juif, c.1480-1500, 153). | |
| 32 | Pour ce, Dieu des cieulx devalla, Sans aulcun cas de forfaicture Et comme ung colon s'en vola Au ventre de la Vierge pure Qui, sans maculle et sans ordure, En fit l'umble concepcion. Et puis, pour rachapter nature, Il souffrit mort et passion. Tantost, sans grant dillacion, Es bas enffers se transporta Ou il fit la redempcion Et au tiers jour ressuscita. (LA VIGNE, S.M., 1496, 299). | |
| 33 | L'autre chose est que racheptes de leur péché Soient ceux qu'il [Dieu] avoit crees A son ymage (GUILL. DIGULL., Pèler. âme S., c.1355-1358, 199). | |
| 34 | ...Dieus y fu crucefiez Pour nous tous et martyriez, Qui nasqui de sa Vierge mere, Par le comandement dou pere, Et d'enfer tous nous racheta, Et ses bons amis en geta. (MACH., P. Alex., p.1369, 14). | |
| 35 | ...[il] print en son hostel uns cisiaux, lesquieulx il mist en gaiges en la taverne aus Cinges en la Peleterie pour la somme de XIJ s. et lesquieulx depuis ce sondit maistre par l'enseignement de lui qui parle a iceulx rachetez. (Reg. crim. Chât., II, 1389-1392, 418). | |
| 36 | Beaulx seigneurs, nous sommes cy assemblez pour soustenir la foy de Jhesucrist, et de laquelle il nous a regenerez. Et savez comment il a premierement souffert la crueuse mort pour nous racheter des paines d'enfer. (ARRAS, c.1392-1393, 108). | |
| 37 | Sire duc, Cellui le vous merisse qui souffry la mort en la croix pour nous rachater de l'infernal servage. (ARRAS, c.1392-1393, 173). | |
| 38 | ...le benoit Jhesu-Crist (...) souffri tant amere mort pour les racheter des paines où ilz estoient encheus par la faulte des premiers parens (CHR. PIZ., P.V.H., 1416-1418, 51). | |
| 39 | L'esperit de Dieu nous saintefie, l'eaue de baptesme nous lave et nettie, le sang de nostre redempteur nous a racheté de la mort eternele et de la subjection et servitude du deable (Somme abr., c.1477-1481, 127). | |
| 40 | ...je sui croiantz Qe vous estez Roi sur touz rois Et pur nous touz en la crois Vousistes la mort endurer Pur nous hors d'enferne rechater (HÉRAUT CHANDOS, Vie Prince Noir T., c.1385, 83). | |
| 41 | Et entre pluseurs manieres de racheter et delivrer noz amis de la prison de purgatoire, la principale maniere est par prieres, et prier pour eulx en cuer humble et doloreux (GERS., Déf., 1400, 225). | |
| 42 | ...icellui son mari li dist que par ledit de Frainville li avoit esté baillée en gage de cinq frans qu'il lui avoit prestez une sainture d'argent par sondit mari vendue à Jehan Pigart, orfevre, et que icellui prisonnier avoit promis à sondit mari venir racheter icelle sainture (Reg. crim. Chât., II, 1389-1392, 477). | |
| 43 | ...laquelle terre puet racheter le Roy et ravoir entrecy et trois ans ou environ (BAYE, II, 1411-1417, 274). | |
| 44 | ...oudit temps les gens de mondit seigneur le Dalphin lui ont tuer ung beuf, lui prindrent six buefz et les raicheta et rançonna d'eulx de la somme de six florins d'or et quatre gros viez (Ecorch. Ch. VII, T., 1444, 333). | |
| 45 | [À propos d'une coutume plaisante] Ses gens en riant lui dirent : "La coustume de toutes telles eglises est de racheter des novisses les esperons que l'en porte aux cuers." (LA SALE, J.S., 1456, 189). | |
| 46 | Item, a maistre Ytier Merchant, Auquel je me sens tres tenu, Laisse mon branc d'acier tranchant, Et a maistre Jehan le Cornu, Qui est en gaige detenu Pour ung escot sept solz montant ; Je veul, selon le contenu, Qu'on leur livre... en le rachetant ! (VILLON, Lais R.H., c.1456-1457, 16). | |
|
