| 180 exemples | | 1 | Et pour ce que la chose faite doit avoir et a similitude a son faicteur ou a ce qui est en la pensee de son faicteur, ce est signe evident que en Dieu est trinité selon ce que, par sa puissance infinie, trinité et pluralité est en lui avec simple unité. (ORESME, C.M., c.1377, 56). | |
| 2 | Certes, comme il a este dit deuant, tu peulx fonder en toutes creatures bonnes meditacions, car en chascune creature reluit la puissance, la sapience et bonte de Dieu (CIB., p.1451, 184). | |
| 3 | En celle petite enffance Se muera le Dieu de puissance, Car Dieu sera entierement Et filz de vierge propprement. (Pass. Semur D.M., c.1420 [1488], 45). | |
| 4 | ...car le continent a puissance de demourer en son propos contre concupiscences teles que pluseurs ne les pourroient vaincre. (ORESME, E.A., c.1370, 398). | |
| 5 | Et le ciel n'a en soy nulle telle qualité combien qu'il ait vertu et puissance de les causer et faire es corps corruptibles. (ORESME, C.M., c.1377, 82). | |
| 6 | Et nous cuidions, se vous eussiez eu voulenté de femme prendre, que nous feussions le premier a qui vous en eussiez prins conseil. Monseigneur, dist Remondin, ne vous en vueille desplaire, car amours a tant de puissance que il fait faire les choses ainsi qu'il lui plaist, et je suis si avant alé en ce marchié que je n'en puis reculer (ARRAS, c.1392-1393, 36). | |
| 7 | Ma doulce face miroie et remiroie Au reluisant bel escu cristalin De vous, Palas ; le savoir pur et fin De Salomon me tenoit en puissance. (Exc., Science A.R., c.1465-1468, 24). | |
| 8 | Mais sauve sa reverence, ce n'est pas bien dit, quar par ce il s'ensuiroit que une puissance peust mouvoir resistence ou aveques resistance egalle a elle, et que quelleconque puissance, tant fust petite, peust movoir quelconque resistance, tant fust grande. (ORESME, C.M., c.1377, 110). | |
| 9 | Il est escript que de nuit communaument regne la poissance de tenebres, c'estassavoir le dyable, pechie et traison (MÉZIÈRES, Sustance H., 1396, 68). | |
| 10 | Et par toutes les villes ou que le roy passoit, il fut faict ne plus ne moins que j'ay dit devant, selon la puissance des lieux, et tout par le commandement de ma dicte dame de Savoye. (LA VIGNE, V.N., p.1495, 303). | |
| 11 | Mais celui qui l'a faite ne declare en ce la puissance de l'euvre. (ORESME, E.A.C., c.1370, 474). | |
| 12 | ...et disoit (...) les ans devoir estre terriblement mauvais, quant le signifficateur se trouvoit retrograde en sa revolucion d'aucun an, et disoit vaincre le climat auquel il veoit Mars avoir plus de affinité et de puissance (SIMON DE PHARES, Astrol., c.1494-1498, f° 23 r°). | |
| 13 | Cestui fist le livre De fato, où il monstre bien que les estoilles ont puissance (SIMON DE PHARES, Astrol., c.1494-1498, f° 53 r°). | |
| 14 | ...et ce est a l'exemplaire de Dieu le createur qui a en Soy eternité et immensité et toute-puissance. (ORESME, C.M., c.1377, 272). | |
| 15 | Trax, l'archediacre, fut en ce temps, qui si compedieusement traicta de la puissance du Soleil en Aries. (SIMON DE PHARES, Astrol., c.1494-1498, f° 112 r°). | |
| 16 | Electuaire renommé, Trouvé jadis et composé, Comme est ailleurs mieulx exposé, Pour paour eschiver et tristesce, Douleur de cuer et sa foiblesce, Peut préserver puissantement Le corps de tout encombrement D'air venimeux, par sa puissance (LA HAYE, P. peste, 1426, 136). | |
| 17 | Pardevers vous, cy en presence, Sommes venuz dire nouvelles Que Anglois amenent puissance De vivres et autres sequelles ; Si voulons aller au devant En Beausse pour les destrousser (Myst. siège Orléans H., c.1480-1500, 330). | |
| 18 | Que tous archiers y abalestriers Vignient acoup par davant nous, Et qu'il soient fronnis trestous De fleches a grant puissance. (Myst. st Sébast. M., c.1450-1500, 262). | |
| 19 | Il croit par adulacion Me abatre par son langaiger, Mais il ne scet pas le danger Que je luy pourchasse a oultrance, Car des gens d'armes a puissance M'en vois querir pour le charger. (Myst. Pass. Troyes B., a.1482, 661). | |
| 20 | Prenez torches grant assemblee, Lenternes, brandons et fallotz A grant puissance. (Myst. Pass. Troyes B., a.1482, 678). | |
| 21 | Pause de cris et hurlemens orribles et sortent tous les deables d'enffer, gectant canons, feu et fusees a puissance. (LA VIGNE, S.M., 1496, 368). | |
| 22 | Par la croix bieu, tu mentiras, Je n'iray pas pour ta puissance ["tu n'as pas le pouvoir de m'y faire aller"]. (Sav. serg. D.L., c.1480-1490, 34). | |
| 23 | Tres noble et excellente Vierge, Royne, Mere du Sauveur de tout le monde, veulliez reconforter ceste povre orpheline et la veulliez garder par vostre saincte pitié et par vostre misericorde, que ces faulx Sarrasins n'aient ja puissance sur son corps. (ARRAS, c.1392-1393, 181). | |
| 24 | ...je ne craindroye en rien le dyable qu'il eust sur moy puissance ne autorité, sinon seulement de moy tenter (C.N.N., c.1456-1467, 427). | |
| 25 | Je suppose troys choses : primierement, que Diex de sa puissance absolue povet preserver et garder la benoite Vierge de pechié originel. Secondement, que il la povet garder selon la puissance ordenee. Tiercement, je diz que c'estoit chose tres appartena[n]te et tres honeste que il gardat sa benoite Mere de pechié originel. (Songe verg. S., t.2, 1378, 251). | |
| 26 | Vous voyez comment les Anglois Sont au dessus et en puissance ; Ayez pitié, vous, Roy des Roys, Du roy et du royaulme de France. (Myst. siège Orléans H., c.1480-1500, 349). | |
| 27 | Elle est aussi par sus touz en puissance devant mise et ordenée : Et in Jerusalem potestas mea. (Mir. march. larr., c.1349, 91). | |
| 28 | Lors arez lez anges amis, Lors arez sur les annemis Puissance et dominacion (Mir. st Ign., 1366, 91). | |
| 29 | ...lequel ycellui procureur disoit et maintenoit estre homme oyseux, vacabond, sanz estat, service de seigneur et sanz ce que il ait richesse, puissance ne chevance qui venue lui soit par succession, loyal acquisicion, etc. . (Reg. crim. Chât., II, 1389-1392, 456). | |
| 30 | Alez y et sommez le roy des Bretons comment il vous reçoive en droit, et que se vostre pere avoit occiz son nepveu sur son bon droit, en gardant sa vie, et que, pour doubte de la puissance du dit roy, il n'avoit soy osé tenir ou païs, mais s'en estoit estrangiez. (ARRAS, c.1392-1393, 48). | |
| 31 | Et se Dieux vous donne adventure que vous conquestez pays, si gouvernez voz gens selon la nature dont ilz sont. S'ilz sont rebelles, gardez que vous seignorissiez, sans riens laissier passer de vostre droit de seignourie. Et soiez tousjours sur vostre garde, tant que la puissance soit vostre, car, se vous vous laissiez sourmarchier, il vous fauldroit gouverner a leur voulenté. (ARRAS, c.1392-1393, 86). | |
| 32 | ...il est de neccessité que ceulx et celles, tant femmes comme hommes que Dieux a establiz es haulz sieges de poissance et dominacion soient mieulz moriginéz que aultre gent (CHR. PIZ., Trois vertus W.H., c.1405, 9). | |
| 33 | ...et le voult icellui suppliant fere monter dessus son cheval ou sur le cheval dudit barbier, mais pour puissance qu'ilz eussent il n'en voult riens fere (Chancell. Henri VI, L., t.2, 1427, 17). | |
| 34 | JHESUS [à Pilate]. Tu n'aroies puissance sur moy Se de plus grant n'estoit donnée, Ta puissance a peu de durée Ta puissance en riens je ne prise (MARCADÉ, Myst. Pass. Arras R., a.1440, 174). | |
| 35 | LE CRESTIEN. En puissance et auctorité Dieu vous tienne en prosperité ! (Mir. st Nic. juif, c.1480-1500, 86). | |
| 36 | J'ay, secondement, dist que Diex la povet garder de sa puissance ordenee, laquelle chose est assez prouvee par lez raysons dessus dittes, car se il la povet garder de sa puissance absolue, il s'ensieut que il la povet aussi garder de sa puissance ordenee. (Songe verg. S., t.2, 1378, 252). | |
| 37 | LA MERE. Or sus, Puisqu'ainsi est qu'il n'a puissance Ne permanente auctorité, D'avoir en luy jamais fÿance J'en ay du tout mon cueur osté (LA VIGNE, S.M., 1496, 296). | |
| 38 | Le seigneur féodal prent quint denier et neantmoins en retirant ledit fief par puissance de fief il rabat le quint denier. (Cout. Chât. O.-M., c.1480-1500, 420). | |
| 39 | Cellui est filz adoptif qui est en la puissance de son pere, et il [...] passe en la puissance de l'adoptant. (Sacr. mar., c.1477-1481, 60). | |
| 40 | Cognation legale en la seconde espece empesche mariage, tant qu'ilz sont en la puissance du pere, mais par mort ou par emancipation du filz adoptif ou du filz naturel aprez n'empesche pas. (Sacr. mar., c.1477-1481, 60). | |
| 41 | Ayez cuer de fierté de lyon envers voz ennemis, et entre eulx devez monstrer puissance et seignourie. (ARRAS, c.1392-1393, 87). | |
| 42 | Donques si comme dit est, le fait du magnanime est principalment et plus vers honeurs, mais encor vers richesces et puissances, grans offices ou estas. (ORESME, E.A., c.1370, 251). | |
| 43 | Item, quant les femmes ont princey et dominacion, si comme pour ce que il sont hoirs, adonques telz princees ne sont pas selon vertu, mais il sont pour leur richesces ou pour leur puissance, en la maniere que il est es princees oligarchies. (ORESME, E.A., c.1370, 437). | |
| 44 | Clovis, le roy de France, Qui est un roy de grant puissance... (Mir. Clov., c.1381, 215). | |
| 45 | L'onneur et la grace de Dieu en ce appare[u]t que par son moyen, par le moyen de luy seul, homme, il voult convertir tant soudainement et merveilleusement le monde a sa foy et a sa loy contre toute la furieuse puissance des tirans (GERS., P. Paul, a.1394, 494). | |
| 46 | Pour honneur elle prescha le crueux tourment de la croix et mort tres vergoingneuse, pour richesses povreté, pour delices astinence, jeunes et sobriété, et pour puissance et dominacion toute subjection et humilité. (GERS., P. Paul, a.1394, 494). | |
| 47 | Veez cy puissance virtüeuse, Et fust ce le prophete grant ! [Allus. à la résurrection du fils de la veuve de Naïn (Luc 7, 11-17)] (Pass. Auv., 1477, 132). | |
| 48 | ...lesdis seigneurs sont disposez d'eulx mettre sus à grant puissance et de faire guerre de feu et de sang et la plus dure qu'ilz pourront, soubz umbre seulement de soustenir l'auctorité et puissance du Roy (BAYE, II, 1411-1417, 122). | |
| 49 | ...afin que icelui Jehannin fust osté et mis hors de la main et puissance dudit Jehan de Bellefoye (FAUQ., I, 1417-1420, 385). | |
| 50 | ...par sa subtillité povoit evader la puissance de l'empereur et ne se porroit apprehender. (SIMON DE PHARES, Astrol., c.1494-1498, f° 48 v°). | |
| 51 | ...et jaçoit qu'il advertist icelui Daire de son infortune, il ne voulut croire et se confioit en sa grande puissance que peu lui valut, car au derrer il fut blecié à mort et ses gens perduz, mors et desconffiz. (SIMON DE PHARES, Astrol., c.1494-1498, f° 55 r°). | |
| 52 | Cestui ne doubta la puissance d'Alexandre, ainçois lui remonstra plusieurs choses (SIMON DE PHARES, Astrol., c.1494-1498, f° 55 v°). | |
| 53 | De leur plaine puissance dessus dite, si se reservent la provision de eslire et d'ordener archevesque, ou evesque, ou aultre dignité, et lez elections faittes par lez chapitres reputent vaines et inutiles, ja soit ce qu'elles soient faittes justement et saintement (Songe verg. S., t.1, 1378, 97). | |
| 54 | ...ung chevalier son voysin, tresriche, non toutesfoiz noble de parentage comme de richesses et puissances temporelles (C.N.N., c.1456-1467, 545). | |
| 55 | Toutesfoys donna Dieu tel honneur et grace a saint Pol, que sans grant eloquence, sans argumens et persuasions de humaine sapience, sans puissance terrienne, sans auctorité de fait, il, qui estoit souvent povre et nus, enchaynez et emprisonnez, converti a soy et a sa loy les pluseurs des parties du monde (GERS., P. Paul, a.1394, 494). | |
| 56 | ...un paien (...) Qui est homme de grant richesce Et courtois et plain de noblesce Et si est homme de puissance. (Mir. Pierre Changeur, c.1378, 268). | |
| 57 | ...il sont hommes de valeur Et de puissance. (Mir. fille roy, c.1379, 61). | |
| 58 | Mes pour quoy ara ce prophete Plus grant puissance que vous tous, Veu qu'il est seu et entre vous Estes plus de douze ensemble ? [Allus. à Marc 9, 18] (Pass. Auv., 1477, 160). | |
| 59 | ...et quant Verité fault, Erreur et Fausseté s'i boute. N'est, a la foiz, si saige qui n'en soit deceu s'il s'abandonne a l'escouter. "N'est rien, comme dit Juvenal, que un qui est en puissance ne puisse croire de soy quant on le loue". (GERS., Annonc., a.1400, 234). | |
| 60 | ...et si estoit le duc d'Orliens, auquel appartenoit ladicte forteresse, prisonnier et en la puissance du roy d'Angleterre (FAUQ., I, 1417-1420, 352). | |
| 61 | ...d'aucuns perilz et inconveniens qui pourroient avenir par le fait d'aucuns du parti d'Armaignac, que on avoit receu et reduit, et que on pourroit reduire en l'obeissance et puissance du Roy (FAUQ., I, 1417-1420, 374). | |
| 62 | ...laquelle [ville de Melun] avoit esté reduite et remise en la puissance et obeissance du Roy de France et dudit roy d'Angleterre, heritier et regent de ce royaume (FAUQ., I, 1417-1420, 389). | |
| 63 | Quant les Sarrasins apperceurent si grant navire venir vers eulx, si ne scorent que penser, car jamais n'eussent cuidié que telle puissance de crestiens feussent si prez de la. (ARRAS, c.1392-1393, 89). | |
| 64 | Ma fille, merciez ces nobles hommes du secours qu'ilz ont fait a moy et a vous, et a nostre royaume, car, se ne feust la grace de Dieu et leur puissance, nous estions tous destruiz, et, au mieulx venir, exilliez de nostre pays. (ARRAS, c.1392-1393, 119). | |
| 65 | ...il a passé par devant nostre ysle moult gros navire de Sarrasins. Et ne savons quelle part ilz sont tournez ; mais toutesfoiz ilz ont prins le vent pour aler vers Chippre, et tient on que ce soit ly gallafres de Bandas a toute sa puissance. (ARRAS, c.1392-1393, 127). | |
| 66 | Item, et adviseroient et conclurroient manieres pour fere widier de ce royaume les gens de compaigne qui y font tant de maulx, fust par force, par puissance ou par autre maniere. (BAYE, II, 1411-1417, 121). | |
| 67 | ...lesdis seigneurs sont disposez d'eulx mettre sus à grant puissance et de faire guerre de feu et de sang et la plus dure qu'ilz pourront (BAYE, II, 1411-1417, 122). | |
| 68 | ...ladicte forteresse, qui estoit mal emparée, mal garnie et mal avitaillée, et laquelle n'estoit mie tenable contre grant puissance (FAUQ., I, 1417-1420, 352). | |
| 69 | Diable muet, par ma puissance, Te comande que tu t'en vaises ! (Pass. Auv., 1477, 163). | |
| 70 | ...et avecques ce pour espier et regarder quelz gens de guerre et puissance le roy avoit, pour tout ce que dit est le rapporter ausdiz princes et seigneurs au roy contraires, pour mieulx et plus aisieement executer contre lui leur dampnée entreprinse. (ROYE, Chron. scand., I, 1460-1483, 78). | |
| 71 | Et, le venredi ensuivant [11 octobre], vint en l'ostel de ladicte ville maistre Jehan le Boulenger, president en Parlement, dire ilec de par le roy qu'on feist assavoir aux quarteniers et dixeniers de ladicte ville et de main en main au populaire d'icelle qu'on ne s'esbahist point se on veoit la puissance des Bourguignons venir ce jour devant Paris, et que ce seroit pour ilec faire leurs monstres ; et nonobstant ce n'y vindrent point ce jour, mais les firent depuis le pont de Charenton jusques au bois de Vinciennes, et se monstrerent grant puissance. (ROYE, Chron. scand., I, 1460-1483, 130). | |
| 72 | ...laquelle revenue se pourroit prendre par lesdiz commissaires et soubz la main du roy par icelle damoiselle de Bourgongne, et jusques à ce qu'elle lui eust baillé homme ; et que au regard de ladicte ville d'Arras, le roy n'y mettroit puissance ne gens d'armes sans le bon gré et vouloir desdiz habitans d'Arras. (ROYE, Chron. scand., II, 1460-1483, 45). | |
| 73 | Peu de gent et de menu taille Abat souvent grosse puissance ; Fortune en fait et en detaille Tout bien souvent a sa plaisance. (Myst. siège Orléans H., c.1480-1500, 482). | |
| 74 | Et pour ce, celui qui a la vertu de fortitude, il a mestier de puissance en armes se il doit parfaire aucune operacion selon tele vertu. (ORESME, E.A., c.1370, 525). | |
| 75 | ...lesquelz [gens d'armes] nouvellement par siege et puissance d'armes estoient entrez en la ville de Galardon (FAUQ., II, 1421-1430, 19). | |
| 76 | Ce jour, par puissance d'armes, les ennemis leverent le siege que tenoit le conte de Sulfok devant Montargis. (FAUQ., II, 1421-1430, 246). | |
| 77 | [Le duc de Bourgoigne] vint (...) à grant effort et puissance de gens d'armes, devant ladicte porte de Bordelles, pour (...) entrer en icelle nostre ville [de Paris] (Ch. VI, D., t.1, 1417, 394). | |
| 78 | Et, le jeudi ensuivant [10 octobre], vint ledit seigneur de Saveuzes et arriva en l'ost desdiz Bourguignons, à tout grant puissance de gens qui amenoient certaine grant somme d'or et argent pour faire le paiement des gens de guerre dudit seigneur de Charrolois. (ROYE, Chron. scand., I, 1460-1483, 129). | |
| 79 | Et les causes ad ce les mouvans furent pour ce qu'il doubtoit que ledit duc luy peust toutallement rompre son entreprinse et mettre quelque grosse puissance de gens dedans pour y resister. fist (LE CLERC, Interp. Roye, c.1502, 257). | |
| 80 | LA DAME. (...) Doulce vierge, par ta merite, Estain mon dueil et mon ennuy. En toy me fy ; en toy m'apuy. Toy de cuer lo et loeray. Toy seule gloriffïeray, Car seulement par ta puissance J'atens a avoir delivrance Et brief secours. (Mir. enf. ress., 1353, 42). | |
| 81 | ...son adversaire d'Angleterre qui est descendu a puissance ou pais de Normendie (Clos galées Rouen M.-C., t.2, 1415, 210). | |
| 82 | ...responce oye, se mist ledit duc à chemin, en jour de bonne ellection, et passa par les Ytalles, par puissance et vint et entra à force en Naples et en fut couronné roy par icelui pappe Clement. (SIMON DE PHARES, Astrol., c.1494-1498, f° 144 r°). | |
| 83 | ...car tantost après le duc de Berry, qui lors estoit en Advignon, devers le pappe, vint à puissance sur eulx et les mist à mort, tant par bataille que par strangullacion. (SIMON DE PHARES, Astrol., c.1494-1498, f° 150 r°). | |
| 84 | ...les treves faillies, il passeroit la mer et entreroit ou royaume de France à très-grant puissance, sanz aucune faulte. (Reg. crim. Chât., II, 1389-1392, 196). | |
| 85 | ...il savoit de certain qu'il yroit querre le secours aux deux enfans, que ilz y vendroient a grant puissance. (ARRAS, c.1392-1393, 148). | |
| 86 | Si nous convient sans deffaillir Y aller a grosse puissance Pour les faire de la partir Et mectre en nostre obeissance. (Myst. siège Orléans H., c.1480-1500, 525). | |
| 87 | Et quant Clarembaut les voit, si cuida que ce feust aucun secours qui leur venist, car il ne cuidoit pas qu'il eust ou pays, de leurs ennemis a telle puissance. (ARRAS, c.1392-1393, 203). | |
| 88 | Et qui l'a [le sultan] doncques, dist Uriiens, maintenant meu de passer la mer, puis qu'il est homme d'emprise ? J'ay grant merveille qu'il s'en est tant tenu, a ce que vous lui estes prez voisins, et aussi qu'il a grant puissance, si comme l'en m'a informé. (ARRAS, c.1392-1393, 93). | |
| 89 | Et quant il [Olliphars] fu grans et il ot puissance, il fist grant guerre aux Frisons et les sousmist a lui (ARRAS, c.1392-1393, 192). | |
| 90 | ...les .ix. ordres des angelz, c'est a savoir angelz, archangelz, thrones, dominacions, vertuz, princés et puissances, cherubin et seraphin. (JEAN GOLEIN, Rational B.D., c.1370-1372, 446). | |
| 91 | Je ne croy que nulz ait poissance Telle qu'il se puist mettre ou ventre De sa mére, ne qu'il y rentre Pour naistre enfant. (Mir. nat. N.S.J.C., c.1343, 239). | |
| 92 | ...se tu as en lui [Jhesu] creance Il te donrra telle puissance Que de trestoutes maladies Gueriras (Mir. st Panth., 1364, 317). | |
| 93 | Pas n'est a doubter que Dieu est infini, car comme il soit ainsi que en Dieu une mesmes chose est puissance et essence, il appert que l'essence de lui est infinie comme sa puissance. (Somme abr., c.1477-1481, 131). | |
| 94 | Item, un honme a ensemble la vertu ou puissance de soy seoir et de soy ester, quar aucune foys il a l'une et l'autre puissance, mais non pas a ce que il se sieche et se este ensemble, mais a ce qu'il se sieche en un temps et este en autre. (ORESME, C.M., c.1377, 212). | |
| 95 | ...convint que par contraincte et pour doubte de pis avoir il leur administrast de son vivre selon sa petite puissance. (Chancell. Henri VI, L., t.1, 1425, 214). | |
| 96 | Vous estes bien pouvres chetis Qui non avés nulle puissance Forque sceulemant par semblance. Vous avés puissance es corps Out vous festes vous grans effors, Mes Dieu a puissance es ames et garde ceulx de diffamme Qui sont en sa protectiom. (Myst. st Sébast. M., c.1450-1500, 284). | |
| 97 | Croire que au tiers jour il [le Christ] resuscita par sa propre puissance de mort à vie. (LA SALE, J.S., 1456, 38). | |
| 98 | ...[je] suys tant maigre que je n'ay force ne puissance (C.N.N., c.1456-1467, 82). | |
| 99 | S. NICOLAS. (...) Dieu eternel ou tout mon voloir tire (...) Glorifiant ta bonté et clemence, Je te remercie Et te regracie Du merite, d'autant comme ay puissance. DIEU. Ta puissance Est en grace Excellence D'efficace. Toute place Ou n'on fera de toy regnom, Des miracles exaulceray le nom. (Mir. st Nic. juif, c.1480-1500, 101). | |
| 100 | Mais pour ce que il repute inconvenient dire que eulz ne oeuvrent pas voluntairement, l'en doit savoir que se voluntairement est pris proprement et derivé de volenté proprement dicte, qui est appetit intellectif, en ceste maniere nulle chose mortel n'a volenté fors homme, ne nulle chose ne fait rien voluntairement fors homme, qui a entendement et usage de raison et liberté et puissance de faire ou de non faire. (ORESME, E.A.C., c.1370, 183). | |
| 101 | Tu dis scelon ce qu'il m'apart Qu'i sont trois ung seul dieu faisant Comant vais tu cecy disant Ung seul dieu n'est que une personne S'il sont trois il fault que chescunne Aye puissance naturelle Je te demande voir laquelle De ces trois personnes vault myeulx Il fault par force que trois dieux Soint scelon ce que tu dis (OUDIN, St Genis M.S., c.1490, 80). | |
| 102 | Je suppose troys choses : primierement, que Diex de sa puissance absolue povet preserver et garder la benoite Vierge de pechié originel. Secondement, que il la povet garder selon la puissance ordenee. Tiercement, je diz que c'estoit chose tres appartena[n]te et tres honeste que il gardat sa benoite Mere de pechié originel. (Songe verg. S., t.2, 1378, 251). | |
| 103 | J'ay, secondement, dist que Diex la povet garder de sa puissance ordenee, laquelle chose est assez prouvee par lez raysons dessus dittes, car se il la povet garder de sa puissance absolue, il s'ensieut que il la povet aussi garder de sa puissance ordenee. (Songe verg. S., t.2, 1378, 252). | |
| 104 | La puissance de Dieu appert en la creation du monde depuis le commencement, et en la moyenne et en la fin. Au commencement, car toutes choses crea de neent. En la moyenne du temps depuis la creation, pour ce que les choses de nature se retourneroient en neent, se n'estoient soustenues par sa puissance. (Somme abr., c.1477-1481, 161). | |
| 105 | Anne, de toute ma puissance Ly pri que me face secours. (Mir. fille roy, c.1379, 19). | |
| 106 | Le second, de sçavoir si vous luy avez baillé et fourny entierement tout ce que vous luy avez promis pour son appannaige, offrant, quant ne l'auriez faict, s'emploier de toute sa puissance pour le luy faire bailler et parfournir. (LE CLERC, Interp. Roye, c.1502, 220). | |
| 107 | ...quand il eut depuis bien la puissance a commendement, le vouloir de sa dame fut hors de ville. (C.N.N., c.1456-1467, 196). | |
| 108 | ...quand elle vit qu'elle n'avoit puissanuce [l. puissance] que de sa langue, Dieu scet s'elle la mist en oeuvre (C.N.N., c.1456-1467, 272). | |
| 109 | DEUXIESME SERGENT. (...) Laissons le cy estre, Car il n'a d'eschaper puissance (Mir. st Ign., 1366, 100). | |
| 110 | ...icelle prisonniere (...) est joine femme forte et bien vestue, qui avoit bien puissance de nourrir son enfant (Reg. crim. Chât., II, 1389-1392, 533). | |
| 111 | Et aussi le saige, quant il voit qu'il n'a pas puissance de resister a la force de son adversaire, il pourchasce longs traictiez pour dissimuler tant qu'il se voye en puissance qu'il puist nuire a son ennemy, et lors en pou d'eure treuve voye dont le traictié soit nul. (ARRAS, c.1392-1393, 87). | |
| 112 | Deux hommes une fois estoient Quil a ung riche marchant devoient, L'ung quarante, l'autre cinquante Denïers, et n'avoient puissance De contenter icelluy homme. A tous deux il quicta la somme. Liquel des deux, a ton advys, Ly doit estre plux grant amys ? (Pass. Semur D.M., c.1420 [1488], 138). | |
| 113 | ...pour le grant nombre et multitude du peupple qu'il y avoit, demouroit assez, par les logis et hospitaux, des povres gens qui pas n'avoient puissance de eulx bien faire. (ESCOUCHY, Chron. B., t.1, c.1453-14, 320). | |
| 114 | ...la pouvre gentil femme n'eut plus cueur, puissance ne vouloir de soustenir son fardeau desplaisant. (C.N.N., c.1456-1467, 125). | |
| 115 | La puissance de Dieu appert ez choses espiritueles, car comme ainsi advient que le deable aist pooir en nous de muer le sens et la fantasie, et l'angele a pouoir sur ce et encores de muer et changer ou alterer l'entendement, Dieu seul a puissance non seulement sur les trois choses sus dictes, mais aussi de muer la voulenté. (Somme abr., c.1477-1481, 161). | |
| 116 | Le quint, pour offrir à mondit seigneur vostre frere le mariage de madamoiselle de Bourgoigne, ou cas que à present il vouldroit prandre la Toison, ouquel cas ilz avoient puissance de conclure ledit mariage et l'en asseurer. (LE CLERC, Interp. Roye, c.1502, 220). | |
| 117 | Et, si mondit seigneur ne prenoit laditte Toisson, ilz n'avoient pas puissance de asseurer le faict dudit mariage ; mais bien leur sembloit, quant mondit seigneur y vouldroit entendre, il y trouveroit Mons. de Bourgoigne bien disposé. (LE CLERC, Interp. Roye, c.1502, 220). | |
| 118 | ...car sachiez de certain, pour en mourir ne pour en estre desheritee, je n'auray ja le roy d'Aussay a mary, non pas que il ne vaille mieulx que a moy n'appertiengne, mais pour tant qu'il me veult avoir par force. Et ceulx lui respondent : Ne vous en doubtez, car il n'aura ja tant de puissance tant que nous aurons la vie ou corps. (ARRAS, c.1392-1393, 148). | |
| 119 | Que par (n)[v]ous ilz soient parfaictes Quant ceste charge vous avez Et que en puissance vous estes Pour nostre ost tres bien gouverner. (Myst. siège Orléans H., c.1480-1500, 107). | |
| 120 | Car honeur est en ceuls qui le font et est en leur puissance de le faire ou non, et n'est pas honeur en celui qui est honoré. (ORESME, E.A., c.1370, 111). | |
| 121 | Monseigneur mon maistre vous a cuidé aider, mais il n'a pas esté en sa puissance de faire vostre fait. (C.N.N., c.1456-1467, 286). | |
| 122 | Elle fut prinse et portée sur ung lit, et luy revint le cueur. Mais depuis ne fut en puissance d'homme ne de femme de la faire menger ne dormir (C.N.N., c.1456-1467, 425). | |
| 123 | Il n'est en ma puissance que j'aye peu savoir qui sa dame est. (LA SALE, J.S., 1456, 49). | |
| 124 | ...ne fut pas en la puissance du chareton qu'a elle ne se joignit, et de tresprès. (C.N.N., c.1456-1467, 66). | |
| 125 | ...je suis arrivé pour vous secourir, et luy aider a parfournir ce qui n'est pas bien en sa puissance d'achever. (C.N.N., c.1456-1467, 247). | |
| 126 | Pour quoy, doulx Jhesus souverain, Puissance trop incomparable, En tous temps, matin et serain, Sera mon cueur inseparable De vous (LA VIGNE, S.M., 1496, 465). | |
| 127 | ...chacun faisoit sa puissance de soy tirer hors de la fosse. (C.N.N., c.1456-1467, 355). | |
| 128 | Quand doncques vostre chaleur naturelle vous aguillonnera (...) par telle maniere que pour vous contenir aurez perdu puissance, je vous prie, ma chere espouse, que a l'execution de vostre desir vous vous conduisiez prudentement (C.N.N., c.1456-1467, 563). | |
| 129 | Et aussi le saige, quant il voit qu'il n'a pas puissance de resister a la force de son adversaire, il pourchasce longs traictiez pour dissimuler tant qu'il se voye en puissance qu'il puist nuire a son ennemy, et lors en pou d'eure treuve voye dont le traictié soit nul. (ARRAS, c.1392-1393, 87). | |
| 130 | Et l'omme fist a sa samblance, Auquel segnourie et poissance Il donna sur toute autre chose (Mir. Barl. Josaph., c.1363, 265). | |
| 131 | Et par ferme foy fut ottroyé puissance a saint Pierre de faire miracles plus grans quant en aucune condicion que nous ne lisons de Jhesu Crist. Et n'est pas de merveille car ainsi l'avoit promis par avant : "Qui crera, dit il, en moy il fera les oeuvres que je faiz, et plus grandes", combien que tout estoit par sa puissance. (GERS., P. Paul, a.1394, 487). | |
| 132 | Et ne dois pas croire que lange les forme [les choses] de nouuel car il nest pas en sa puissance, mais telles similitudes des choses que tu as veues et ouyes en tout ou en partie ou par choses aians conueniences aulx autres choses il les compose ou deuise et met en tel ordre en ton ymaginacion que tu congnoistras et te semblera que tu verras les choses de quoy elles sont especes et semblances... (CIB., p.1451, 214). | |
| 133 | Il est aussi a dire que Dieu puet toutes choses ou par soy, ou par creature, c'est a dire toutes choses puet qui appartient purement a pouoir ou a puissance. Et ce je diz, pour ce que pouoir pechier n'apartient pas a puissance, mais a enfirmité et fragilité. (Somme abr., c.1477-1481, 161). | |
| 134 | Car, selon maint naturien, Tant Sarrasin que Chrestien, La puissance ymaginative, Quant elle est véhément et vive, Peut ouvrer merveilleusement Dedens le corps et autrement (LA HAYE, P. peste, 1426, 110). | |
| 135 | Car il a en une ame troys puissances, c'est assavoir : entendement, memoire et voulenté. (Déclar. Hyst. S., a.1449, 176). | |
| 136 | ...de quoy a este dit largement en la premiere partie, en laquelle a este dit de la creacion de lame et de ses puissances, du corps et de ses parties et menbres. (CIB., p.1451, 185). | |
| 137 | Premierement se aucun fait contredist a la divine puissance comme de faire plus grant de lui. Secondement se la fait contredit a sa voulenté ou a sa verité come de faire aucune chose que en ung moment elle soit ou non soit, ou que chose passee soit et advenir. Tiercement se le fait contredist a sa bonté come de dampner Saint Pierre et saulver Judas le traytre. (Somme abr., c.1477-1481, 161). | |
| 138 | Tourne toy apres a mediter les puissances de lame, tant en la partie vegetatiue que en la sensitiue que aussi en lintellectiue, et pense quelle diuersite il y a de vertus et comment ton ame a diuerses puissances en diuerses operacions. (CIB., p.1451, 186). | |
| 139 | Lymage de creacion est en tous bons et mauuais en tant quilz sont naquis en puissance dentendre et de aymer Dieu, et ont les trois puissances deuant dictes, memoire, intelligence et voulente. (CIB., p.1451, 204). | |
| 140 | ...il y a trois puissances sensitiues apprehensiues cest a dire par lesquelles on congnoist les choses sensibles, et sont lymaginatiue qui est tout vng auecques la fantasie, la seconde puissance est la cogitatiue, qui est dicte es bestes estimatiue, la tierce est la memoire. (CIB., p.1451, 212). | |
| 141 | ...comme en l'ame sont diverses vertus, c'est a scavoir la puissance intellective, par laquelle elle entent, la puissance raisonnable, par laquelle elle raisonne et juge et discerne, la puissance volentive, par laquelle elle veult ou non veult, la puissance sensitive, par laquelle elle sent, et ainsi des aultres. (Somme abr., c.1477-1481, 147). | |
| 142 | ...Que tous .VI. lez ochist ou bos par se puissance (Hugues Capet Lab., c.1358, 91). | |
| 143 | Par ma foy, ce dirent ceulx, monseigneur, c'est une fole entreprinse. Il a esté envahiz par mainte journee, de cent hommes, autre foiz de IIc, autre foiz de Vc, autre foiz de mille, mais saichiez que nous n'y veismes oncques homme conquester. Comment y penseriez vous tous seulx resister a sa puissance ? Or ne ne m'en parlez plus, dist Gieffroy, car saichiez qu'il aura tout ou il n'aura neant. (ARRAS, c.1392-1393, 244). | |
| 144 | ...et n'est mie à entendre de force corporelle ne puissance, ains est à dire purement force de corage. (CHR. PIZ., Paix W., 1412-1413, 109). | |
| 145 | Et pour dire verité, chascun se donnoit merveille de sa grandeur, de sa fierté et de sa puissance de corps qu'il auoit, et bien disoient que c'estoit l'omme qu'ilz eussent oncques mais veu qui plus se faisoit a ressoingnier de le courroucier. (ARRAS, c.1392-1393, 123). | |
| 146 | Ainsi comme je puis entendre, Vous devez recouvrer Orleans, Et est la fin ou devez tendre De puissance de corps et biens ; Que se ne l'avez, c'est riens, Car c'est tout le ressort de France, Que de la trestout en deppend. (Myst. siège Orléans H., c.1480-1500, 129). | |
| 147 | A ce veul je bien labourer. Or chascun si lyeve a puissance, Et alons tous par ordonnance En disant noz devosions ! (Myst. Pass. Troyes B., a.1482, 492). | |
| 148 | LE JUIF. S'i lui plaist [à saint Nicolas] estre intercesseur Envers la puissance divine, Que par luy puisse veoir tel signe Que ce povre homme vivifie Tellement qu'il lui rende (la) vie (Mir. st Nic. juif, c.1480-1500, 144). | |
| 149 | Nous le battons A puissance, mais riens n'y vault. (Myst. Pass. Troyes B., a.1482, 712). | |
| 150 | Il n'est fors que d'entrer dedens [le bateau] Et nager a toute puissance. (Myst. Pass. Troyes B., a.1482, 958). | |
| 151 | ...s'il vous eust voulu croire, et je n'y eusse contredict, vous aviez bonne devocion d'essayer sa puissance. [Celle de l'aubergiste qui a le plus gros membre viril de tout le pays] (C.N.N., c.1456-1467, 411). | |
| 152 | Je regarde semblablement Vous deulx, chascun en sa querelle, Celluy qui pourra plainement la mieulx servir au plaisir d'elle : Primo ce maistre monachus Dit qu'il joura ung personnage Qui vauldra plus de cent escutz, Et se vante de faire raige, Et oultre dit en son langaige Que vostre puissance est faillie, Par quoy il aura l'avantaige, Vela ce que je sentencie. (P. moyne, a.1500, 51). | |
| 153 | Car vostre puissance est trop vaine Pour bien faire vostre devoir. (P. moyne, a.1500, 51). | |
| 154 | ...ne suis si ancien, ne tant desfourny de puissance naturelle, que je ne doye soucier ne perdre esperance de non povoir jamais avoir generation. (C.N.N., c.1456-1467, 557). | |
| 155 | ...s'il vous semble que vous ayez puissance, avancez vous, et commencez tout maintenant. Je suis preste pour livrer le molle. [Il a menacé sa femme de lui "bouter ung quarteron d'enfans ou ventre"] (C.N.N., c.1456-1467, 519). | |
| 156 | Donques, puisque deux manieres en sont, nous devons mectre felicité en celle partie ou puissance de l'ame qui de soy ou en soy meïsme a raison. (ORESME, E.A., c.1370, 121). | |
| 157 | Et celle partie ou puissance d'ame qui est autre que raison et contrarie a raison, il semble que elle participe avecques raison comme nous avons dit, par ce que elle obeïst a raison en ce que dit est de celui qui est continent. (ORESME, E.A., c.1370, 144). | |
| 158 | Quatre foiz l'an (...) vous devez confesser [a vostre curé] du mains a quelque ung prestre ou religieux ayant sa puissance (C.N.N., c.1456-1467, 223). | |
| 159 | Ave, dame, en qui la divine Poissance des cieulx si ouvra Que (...) nous ouvri ce que jadis Femme nous clost (Mir. Theod., 1357, 102). | |
| 160 | ...s'ilz estoient en aage pupille, il avoit acoustumé de leur [le leur, leur héritage] restituer en accroissance le jour qu'ilz estoient instituéz en la puissance de leur heredité (MAMEROT, Romuleon D., 1466, 300). | |
| 161 | Chastellains de chastellenies des seigneurs à qui ellez sont ne pevent ne ne doivent donner procuracions par non puissance, tutellez ne curatellez (Cout. instit. Anjou Maine B.-B., t.4, 1426, 76). | |
| 162 | ...ledit cardinal fist venir devers lui en son hostel messire Lucas de Flisco, chevalier, ambassadeur dudit esleu en Pape, pour enquerir de lui s'il avoit aucune instruction ou puissance dudit esleu (FAUQ., I, 1417-1420, 108). | |
| 163 | ...lundi, IXe jour de ce mois, en la presence et du consentement de messeigneurs le Dauphin, le Connestable et autres du Grant Conseil du Roy, la puissance des reformateurs à Paris avoit esté revoquée et les lettres de la revocacion passées ou Conseil du Roy (FAUQ., I, 1417-1420, 125). | |
| 164 | Et s'aucun [de mes légataires], dont n'ay congnoissance, Estoit alé de mort a vie, Je vueil et lui donne puissance [à Jehan de Calaiz, notaire au Châtelet] , Afin que l'ordre soit suyvie Pour estre mieulx parassouvye, Que ceste aulmosne ailleurs transporte, Car s'il l'applicquoit par envye, A son ame je m'en rapporte. (VILLON, Test. R.H., 1461-1462, 141). | |
| 165 | ...les procureurs d'iceulx eschevins n'avoient puissance que de jurer ce que dit est et excuser lesdiz eschevins, et non pas à pranre droit ne autrement ceans (BAYE, I, 1400-1410, 87). | |
| 166 | ...et m'a dit qu'il welt que ses executeurs aient puissance d'interpreter et declarer les poins doubteuz de son dit testament. (BAYE, II, 1411-1417, 184). | |
| 167 | ...par lesquelles [lettres] le Roy donne puissance et auctorité à certaines personnes nommées esdictes lettres de proceder par maniere de reformacion (FAUQ., I, 1417-1420, 164). | |
| 168 | ...ilz retournerent atout lettres de puissance de pouoir passer le dit accord (Bouciquaut L., 1408-1409, 330). | |
| 169 | ...les presidens et conseilliers d'icelle Court ont tousjours esté, sont et seront prests et appareilliés de conseillier, aidier et conforter le Roy en ses affaires selon leurs facultés et puissances (FAUQ., I, 1417-1420, 212). | |
| 170 | Dy, va, qui es tu, qui as levé le mien larrecineusement ja l'espace de XIIIJ. ou de XV. ans ? Je te deffy de la puissance de Dieu, et te callenge mon droit heritaige. (ARRAS, c.1392-1393, 298). | |
| 171 | Et furent les rues parées et tendues à grant solempnité, selon la possibilité et puissance dez bourgois, manans et habitans de ladicte ville de Paris (FAUQ., I, 1417-1420, 389). | |
| 172 | Donques convient il separer et oster de nostre propos ou de nostre diffinicion et de felicité toute operacion de vie ou puissance nutritive et de puissance augmentative. (ORESME, E.A., c.1370, 120). | |
| 173 | Selon Aristote cinq puissances ou parties de l'ame sont... (ORESME, E.A.C., c.1370, 145). | |
| 174 | Aucuns dient que maistre Jehan de Mehung, mon consanguin, le lui assembla par la puissance et vertu de la perre des philosophes [l'or]. (SIMON DE PHARES, Astrol., c.1494-1498, f° 144 r°). | |
| 175 | Et se element est ce que nous avons dit, il convient par necessité que de aucuns corps soient telz elemens, car en char, en fust et en quelcunque tele chose est feu et terre en puissance ou en vertu. (ORESME, C.M., c.1377, 618). | |
| 176 | ...vezcy les belles Mains (...) qui (...) te servirent en t'enfance De quanqu'ilz orent de puissance A moult grant soing. (Mir. prev., 1352, 255). | |
| 177 | ...Une grant flame, qui ferir Se vint en ma bouche dedans Sanz meffaire a bouche n'a dens, Mais a si bel en moy ouvré Que la parole ay recouvré De sa puissance. (Mir. Pierre Changeur, c.1378, 292). | |
| 178 | ...et usoient de dars brullez au bout, de terrible puissance et penetracion (SIMON DE PHARES, Astrol., c.1494-1498, f° 145 r°). | |
| 179 | Quar avant que la chose soit, elle a puissance a estre (ORESME, C.M., c.1377, 212). | |
| 180 | ...je ne pense pas que ma langue eust la puissance de descouvrir la tresgrand infortune que j'ay si longuemen portée. (C.N.N., c.1456-1467, 93). | |
|
