| 30 exemples | | 1 | Pren bon conseil et par avis Fay ton fait, car il m'est avis Que la congnoist on la vaillance D'un prince mieus et sa prudence Qu'en cas qui li puist avenir, Ne la victoire appartenir Ne puet a la desconfiture, Ne tant n'i faut scens et mesure, Soit a combatre ou a retraire. (MACH., C. ami, 1357, 113). | |
| 2 | Tant orent bonté et prudence, Qu'onneur si les embellissoit Que d'eaus tout bon et bel issoit. (MACH., C. ami, 1357, 129). | |
| 3 | Se ne fust Dieu et sa prudence Et la paine et la diligence Et le grant sens qui l'a meu, La victoire qu'avons eu Fust certes a noz ennemis (Mir. fille roy, c.1379, 80). | |
| 4 | De ceste raison vient et naist discrecion, que aucuns dient prudence, laquelle est si comme servante de raison et ses commandemens envoie et met es cuers des creatures et distribue et depart tout ce que elle ordene. (CHR. PIZ., P.V.H., 1416-1418, 34). | |
| 5 | ...et pour ce veul je fondu madicte salle sur les très glorieux exemples de Prudence active, .IIme. fille de Dieu ; car de Prudence contemplative, sa premiere fille, je m'en rapporte aux sains docteurs et maistres en Sainte Eglise. (LA SALE, Sale D., 1451, 3). | |
| 6 | ...toutes les choses de bien en ce monde ordonnees (...) furent, sont et seront par ceste très sainte vertu de Prudence active trouvees et ordonnees. (LA SALE, Sale D., 1451, 6). | |
| 7 | Pense de lenfermete, de la langueur du chief de lame qui est franc arbitre, de la tristesse du cueur pleureux qui est prudence ou conseil humain, de la douleur des piez et de tout le corps : et de ce tu te pourras esleuer a mediter sur la vengence que Dieu fait si generalement pour le pechie de Adam. Et puis pourras monter a la prudence diuine qui a permis ce pechie et comment ce pechie a este occasion de humilite a lumain lignage (CIB., p.1451, 187). | |
| 8 | En la ville de Valenciennes eut nagueres ung notable bourgois (...) lequel entre les aultres fut renommé de large et discrete prudence. (C.N.N., c.1456-1467, 23). | |
| 9 | ...ung grand seigneur (...) entre les aultres ses serviteurs avoit parfecte fiance, confidence et amour en ung jeune et gracieux gentil homme de son hostel, pour pluseurs raisons, tant pour sa [leauté], diligence, subtilité et prudence (C.N.N., c.1456-1467, 79). | |
| 10 | ...a quelque peine que ce fut, la façon fut trouvée par la prudence et subtilité du cyrurgien (C.N.N., c.1456-1467, 504). | |
| 11 | Seigneurs de notable prudence, Ou est le lieu de grace plein Ou le roy des Juïfz haultain, Qui est né, faict sa residence ? (Myst. Pass. Troyes B., a.1482, 280). | |
| 12 | Salomon aussi roy de Jherusalem, dessus mencionné, fut en ce temps et florit en sapience et prudence sur tous les roys du monde (SIMON DE PHARES, Astrol., c.1494-1498, f° 33 v°). | |
| 13 | ...Et vous estes la fleur et l'excellence De tous les biens, par vraie experience, Ente et estos d'onneur et de prudence Et d'onnesté. (MACH., F. am., c.1361, 158). | |
| 14 | SAINCT MARTIN. Des valeurs la grande foison Qui est en vous et la prudence M'a faict, par moult bonne achoison, Querir vostre humble residence. (LA VIGNE, S.M., 1496, 257). | |
| 15 | Devant la royalle excellance En chaire de judicature Ne devons faire tel murmure. Ayez plus de prudence en vous (Cene dieux, c.1492, 113). | |
| 16 | Et pour ce disoient aucuns que toutes vertus sont prudences. (ORESME, E.A., c.1370, 359). | |
| 17 | A vous, sancts peres, je vien Et vous porte bonnes nouvelles, Car vostre saulveur et le mien Tantost viendré. Levés vous eles Pour ses prudences et cautelles. Il a les dïables deceu [La ponctuationsemble fautive : il faudrait sans doute ajouter un point après I>eles/I> et remplacer par une virgule le point qui suit I>cautelles/I>]. (Pass. Auv., 1477, 113). | |
| 18 | Après Prudence se sëoit Largesse qui riens ne vëoit, Einsois donnoit a toutes mains, A l'un plus et a l'autre meins, Or, argent, destriers, oisiaus, terre (MACH., J. R. Nav., 1349, 180). | |
| 19 | Prudence et Sobrece apprendront a la dame a avoir parler ordonné et sage eloquence, non pas mignote mais rassise, coye et assez basse (CHR. PIZ., Trois vertus W.H., c.1405, 45). | |
| 20 | Politique, qui est une espece de prudence, ordene toutes les choses de la communité (ORESME, E.A.C., c.1370, 355). | |
| 21 | Et ainssy, par son art et prudence, conseil mua (a) la paour des doubteux en fiance et hardement de victoire (LA SALE, Salade, c.1442-1444, 37). | |
| 22 | Et après, vous avès envoyé de par luy grand nombre de gens d'armes et de maistre Pierre de Morvillier, s'ilz l'eussent voulu oÿr, pour les soubztraire de nostre obeïssance, ce qu'ilz n'ont pas voulu faire, ains de garder leurs promesses, sermens et loyaultés envers nous, par quoy ilz à telles parolles seditieuses ont estoupé leurs oreilles, usans en ce de la prudence que nature a donnée aux serpens, recommandée en la saincte escripture, savoir de estoupper leurs oreilles contre la voix des enchanteurs. (LE CLERC, Interp. Roye, c.1502, 259). | |
| 23 | Item, quant a la partie de prudence judicative de moiens quis et trouvéz a jugier lesquelz sont plus honestes et plus convenables pour venir a la fin, quant a ce fait une partie de prudence judicative qui est appellee synesis, de quoy il dira ou chapitre ensuivant (ORESME, E.A.C., c.1370, 349). | |
| 24 | Pour ce vous requier qu'equité Viengne en place, sire, et prudence (Mir. Barl. Josaph., c.1363, 254). | |
| 25 | Fille yert dou bon roy de Behaigne, Qui fist son fil roy d'Alemaingne, Et empereur par sa vaillance, Et par son scens et sa prudence, Tout maugré Loys de Baiviere, Qui adont empereres yere ; Car de l'empire l'a desmis, Par force d'armes et d'amis. (MACH., P. Alex., p.1369, 24). | |
| 26 | Si li a devisé tout l'estre, L'estableté, la contenance, Le bien, l'onneur et la prudence Qu'il a trouvé eu roy de Chypre. (MACH., P. Alex., p.1369, 233). | |
| 27 | Or vous ay dit et raconté Le scens, l'onneur et la bonté, Le hardement, la grant vaillance, Les grans emprises, la prudence, La gentillesse, la noblesse Dou roy de Chypre, et la largesse, Et comment il usa sa vie. (MACH., P. Alex., p.1369, 246). | |
| 28 | Encor peut estre question de ce que il semble inconvenient se l'en dit que prudence est moins bonne et moins digne que sapience. (ORESME, E.A., c.1370, 355). | |
| 29 | Si comme prudence, qui a mestier de lonc temps et de moult d'experiences et aussi est il de pluseurs sciences, comme de astrologie, quant as mouvemenz et as jugemens. (ORESME, E.A.C., c.1370, 146). | |
| 30 | Et mouvoir ainsi continuelment sanz vacacion et sanz cesser et sanz avoir remission ne repos de vaquer a prudence ou a speculacion, ce n'est pas bonne vie. (ORESME, C.M., c.1377, 304). | |
|
