| 34 exemples | | 1 | Mon chier fil, a clerc ny a prestre Ne le diroye fors qu'a toy (Mir. enf. diable, c.1339, 28). | |
| 2 | Frere Robert Biaufiz, prestre de la tierce ordre Saint François, qui ala en l'armee dont le dit Houdetot fu capitaine pour faire office de prestre (Clos galées Rouen M.-C., t.2, 1341-1342, 59). | |
| 3 | ...et fu enterré en ladicte eglise entre le grant autel et les chaieres où se sient le prestre et diacre à la grant messe. (BAYE, II, 1411-1417, 233). | |
| 4 | ...en oultre de par ledit convent a esté enjoint à chascun des prestres d'icellui de dire pour la Court deux oroisons en leurs messes votives (FAUQ., II, 1421-1430, 268). | |
| 5 | ...l'inventaire des biens de maistre Jehan Ysembart, prebstre chappellain en l'eglise de Paris (FAUQ., II, 1421-1430, 339). | |
| 6 | ...en icellui chastel de Montemonaco, avoit ung prebstre, nommé don Anthon Fumato, c'est a dire messire Anthoine Fumé, lequel par lunoysons n'estoit mie en son bon sens (LA SALE, Salade, c.1442-1444, 82). | |
| 7 | Et, en icellui temps, advint à Paris que trois sergens à verge du Chastellet, qui estoient bien mal renommez, furent de nuit prendre ung prestre de l'eglise monseigneur Saint-Pol à Paris, lequel estoit paisiblement couché en sa chambre, en laquelle par force et violence entrerent dedens, et ilec le batirent, et puis l'en amenerent en la rue, et le trainerent au long d'icelle et le navrerent en plusieurs lieux, et puis le laisserent. (ROYE, Chron. scand., I, 1460-1483, 168). | |
| 8 | Icy sainct Martin se mect a genoulx et le prebstre le baptise. (LA VIGNE, S.M., 1496, 215). | |
| 9 | Et, par le commandement du duc, furent faictes choses le plus inhumaines et execrables que l'on pourroit dire ne panser : entre lesquelles ledit duc de Bourgoigne fist tuer et occire prestres consacrans et tenans corpus Domini entre leurs mains, fut laditte ville pillée, robée, et les murailles d'icelle abatus dedans les fossez. (LE CLERC, Interp. Roye, c.1502, 218). | |
| 10 | Et en la fin, après longs et divers tiltres, regardèrent de commun accord nostre humble personne, pour lors estant prestre -cardinal de l'église des Douze Apostres, et nous esleurent évesque Rommain. (Doc. 1409. In : MONSTRELET, Chron. D.-A., t.2 c.1425-1440, 28). | |
| 11 | Car un preudon prestre curé, A qui parroissien estoie, Tant qu'il vivoit si deboutoie... (Mir. parr., 1356, 41). | |
| 12 | Lequel [valet] son maistre bailla lors audit preste curé lui qui parle, et s'en ala avecques icellui preste en sondit hostel, ouquel il tailla icelle petite cote de vert dessus dite (Reg. crim. Chât., I, 1389-1392, 132). | |
| 13 | Sire prestre, que me fera Vostre haine... ? (Mir. parr., 1356, 5). | |
| 14 | A nostre presbtre, On vous fait croistre - vostre mal malicieusement. (Pass. Auv., 1477, 210). | |
| 15 | Zacarie dist et moustra Qui Crist le grant prestre avisa : Vidi Jhesum stantem sacerdotem magnum (Mir. st Sev., 1362, 229). | |
| 16 | Nul jamais triste Es cieulx ne peult estre Qui soit ministre De Dieu le grand prestre, Mais qu'il soit juste Et leal ad son maistre Nostre redempteur. (Pass. Auv., 1477, 101). | |
| 17 | L'andemain, devant son mari Vint li pueples a cuer mari Et li doi prestre plein d'outrage, D'inique pensee et de rage, Pour mettre Susanne a la mort Sans conscience et sans remort. (MACH., C. ami, 1357, 8). | |
| 18 | Que les chiefz de maisons trestous Maintenent vieignent aprés nous Au cruxiffiement de Jhesus, Lequel pour ses maulx et habus Est condempné estre pendu En croix, car ainsi l'ont volu Les princes de la loy ensemble Les prestres et Pharisieux du temple. (Pass. Auv., 1477, 180). | |
| 19 | C'est assés que laissions au temple Les presbtres pour dire l'office. (Pass. Auv., 1477, 271). | |
| 20 | ...si mande les prestres et religieux de sa loy [au Tibet] (JEAN LE LONG, Voy. Odoric A.M., 1351, 57). | |
| 21 | Achimenides, qui le vit, Disoit comment il se chevit Quant [Polyphème] de son oeil fu defferrés : Jamais dÿable ne verrés Si forsené, si enragié De son oeil qu'on a arragié. Ne portoit perches ne bastons, Ainçois aloit a atastons, Querant les voies et les sentes A ses ordes mains et senglentes. Souvent au[s] roches se hurtoit, Dont li sans de li degoutoit. Lors maudissoit dieus et deesses, Auters, moustiers, prestres, prestresses, Et menassoit tous ceulz de Grece. Mais jamais ne li feront presce, Car jamais ne l'approcheront Ne plus prés de li ne seront. (MACH., Voir, 1364, 626). | |
| 22 | L'EMPEREUR. Vas me querre, vas sanz demour Les prestres a noz dieux servans. (Mir. st Panth., 1364, 345). | |
| 23 | DEUXIESME PRESTRE. Mon dieu Astaroth, de cuer pieu Soiez a ma priére enclin, Et vous, Mahom et Apolin, Devotement vous pri mercy (Mir. st Panth., 1364, 347). | |
| 24 | Et quant la viande fu preste, Là vinrent li clerc et li preste, Et dirent Benedicite. (MACH., P. Alex., p.1369, 37). | |
| 25 | Nos grans et anciens seigneurs de jadis mistrent arriere les livres des portens, meu de l'auctorité des augures et de l'amonicion de Appollo et de la predicacion de leur docteurs ou prophetes pour avoir la science de bien faire les solempnitez de leur grans festes et les solempneles cerimonies de leur grans prestres ou evesques ["grans... evesques" trad. lat. I>pontifex/I>] (SIM. HESDIN, Val. Max., 1375-1383, I.1.1, f° 4c). | |
| 26 | Metellus, qui estoit grant prestre ou evesque, ne souffri pas que Postumius, qui estoit consule et prestre de Mars, se partist et laissast les cerimonies de Mars... ["grant... evesque" trad. lat. I>pontifex/I>] (SIM. HESDIN, Val. Max., 1375-1383, I.1.2, f° 6c). | |
| 27 | ...ou temps que P. Licinius fu le tres grant prestre, une des vierges de Veste fu trouvee digne de perdre son office (SIM. HESDIN, Val. Max., 1375-1383, I.1.6, f° 7d). | |
| 28 | L'APOTICAIRE. (...) Se je vous voloie compter Tout ce que le marchant m'en dist [d'une herbe médicinale merveilleuse] Et la vertu qui de elle yst, Je vous tenroie cy ung an, Jusques au pays prestre Jehan N'en a point de plus affiné (MARCADÉ, Myst. Pass. Arras R., a.1440, 247). | |
| 29 | Au matinet, messe escouta Li roys, que uns prestres li chanta, Et quant la messe fu chantée, Il monta dedens sa galée ; Et fu le diemenche ensievant. (MACH., P. Alex., p.1369, 64). | |
| 30 | Quartement, il est dit en une decretale qui se commence SI SACERDOS que se un prestre scet par confession le crime d'un homme, il ne peut tel homme pugnir ne excommunier par son propre nom. (ORESME, E.A.C., c.1370, 316). | |
| 31 | ...ycellui evesque, seul estant en sadite chambre, lonc vestu, n'est record s'il avoit housse ou habit de prestre qui vueille chanter messe, ne de quel drap il estoit vestu, lui donna (...) tonsure de clerc (Reg. crim. Chât., I, 1389-1392, 94). | |
| 32 | ...et en ce disant, s'aprocha dudit hermite, lequel lui demanda s'il estoit prestre, et il lui respondi que non, jà soit ce qu'il feust ès saintes ordres, comme diacre (Reg. crim. Chât., I, 1389-1392, 311). | |
| 33 | Lequel leur respondi : Je suis un presbtre de ceste ville qui vien de Paris. (Reg. crim. Chât., II, 1389-1392, 223). | |
| 34 | ...povres veuves, mainagiers souffraicteux, povres pucelles a marier, acouschees, escolliers, prestres ou religieux en povreté. (CHR. PIZ., Trois vertus W.H., c.1405, 37). | |
|
