I. -

Empl. trans.

A. -

[Idée d'affliction, de compassion]

1.

Plaindre qqn. "S'apitoyer sur qqn" : Tout le monde la plaint [ma dame] et pleure. (Mir. marq. Gaudine, 1350, 161). ...adonc prindrent le corps de leur seigneur et l'emporterent en sa terre, ou il fut moult plaint et regreté. (Bérinus, II, c.1350-1370, 146). LE PREVOST. Elas ! vezci dure sentence. Voir, je plain le filz et la dame Autant com je fas moy, par m'ame, Et plus assez. (Mir. fille roy Hongrie, c.1371, 56). Et moult plaingnent Regnault pour ce qu'il n'ot que un oeil, car il par fu tant beaulx du surplus que nulz ne savoit que deviser en la beauté de son corps ne de ses membres. (ARRAS, c.1392-1393, 165). D'autres beaux enfans assez n'as-tu, noble dame ? Bonne joye t'en vueille envoier cil Dieu qui les a fais ! - c'est assavoir : la bonne et belle ma dame Bonne, contesse de Nevers, quoyque moult la plaingnes et soies piteuse de sa vesveté (CHR. PIZ., P.V.H., 1416-1418, 39). ...Thomas respondit qu'il ne le devoit point plaindre (C.N.N., c.1456-1467, 395).

-

Estre plaint : Prenez sur eulx vostre droit, sans eulx [ceux que vous avez conquis] taillier oultre raison, ne alever coustumes inraisonnables, car, se peuple est povre, le seigneur est mendiz, et, se besoing lui orisoit de guerre ou d'autre neccessité, il ne se sauroit de quoy aidier, dont il pourroit cheoir en grant servitute, et n'en seroit ja plaint ne d'estrangiers ne de privez. (ARRAS, c.1392-1393, 86). Après ces choses, le jeudi, Ve jour de may mil CCCCLXVIII, dame Ambroise de Loré, en son vivant femme de messire Robert d'Estouteville, chevalier, prevost de Paris, ala de vie à trespas ce jour, environ une heure après myenuit, et fut fort plainte, pour ce qu'elle estoit noble dame, bonne et honneste, et en l'ostel de laquelle toutes nobles et honnestes personnes estoient honorablement receuz (ROYE, Chron. scand., I, 1460-1483, 201). ...et y mourut en la place grant quantité d'iceulx Bourguignons. En y eut grant nombre d'autres qui furent tout grillés et moururent incontinant après. - XV à XVIc hommes, entre lesquelz y morurent plusieurs gens de bien fort plains par lesditz Bourguignons. (LE CLERC, Interp. Roye, c.1502, 292). Et fut ledit seigneur de la Gastine fort plaint dudit grant maistre et autrez [gens] de guerre qui estoient en laditte ville. (LE CLERC, Interp. Roye, c.1502, 293). Et, ou temps audit grant yver, mourut à Tours Charles d'Amboise, gouverneur de Champaigne et de Bourgoigne, laquelle Bourgoigne il avoit toute reduite au roy très vertueusement, dont il avoit gloire deservie, qui fut fort plaint de tous les grans hommes de France ; et à sa mort perdit le roy beaucop. (LE CLERC, Interp. Roye, c.1502, 394).

-

Estre à plaindre : ...et que, pour eschever sa perdicion et de ses villes et pays, ledit seigneur de Bourbon voulsist estre et soy alier avecques ledit de Bourgongne ; et lui dist que en ce faisant lui en viendroit de grant prouffit, et où il ne le vouldroit faire que bien lui en convenist et que s'il lui en prenoit mal qu'il ne seroit pas à plaindre. (ROYE, Chron. scand., I, 1460-1483, 364).

2.

Plaindre qqc. "S'affliger à propos de qqc." : ...il [le pecheur] est trop folz s'il ne s'en deult et est plus dur que pierre s'il ne les plaint [ses pechiez] et s'en repent. (Mir. Barl. Josaph., c.1363, 246). Ha ! Osanne, ma chiére amie, Vostre mort plain et plainderay Tous les jours que je viveray (Mir. roy Thierry, c.1374, 288). ...achoison n'as de douloir ne de plaindre la mort des susdis tes amis trespassez par grace de Dieu (CHR. PIZ., P.V.H., 1416-1418, 52). Dont Lucan en pluiseurs lieux en fait grant mencion [de Julia], especialment ou il plaint et regrete très grandement sa mort (LA SALE, Sale D., 1451, 134). Alors Volunnius lui dist : "Je plains la mort de mon amy et plains la vye qui tant m'a duré aprez luy..." (LA SALE, Sale D., 1451, 163). ...la façon du faire est tant plaisante que je plains et complains mon gent et jeune corps qu'il fault pourrir sans avoir eu ce desiré plaisir. (C.N.N., c.1456-1467, 348). ...avecques ses archiers et ses gens tous habillez en dueil, qui avoient assez affaire de faire reculler le peuple tant des Françoys que autre, qui venoient plaindre et plorer la mort du tres debonnaire deffunct. (LA VIGNE, V.N., p.1495, 310).

B. -

[Idée de mécontentement]

-

Plaindre qqc. "Regretter, déplorer qqc." : ...il ne plaignoit riens fors la destrece de ses bonnes gens et loiaulz servans (CHR. PIZ., Faits meurs Ch. V, S., I, 1404, 140). ...en allerent chacun en leur chambre plaindre ses doleurs, Dieu scet ! plorant des yeux, du cueur et de la teste. [Deux amants sont contraints à la séparation] (C.N.N., c.1456-1467, 168). ...[il] luy dist le plus gracieusement que oncques peut le bon vouloir qu'il avoit de luy faire service, plaignant et souspirant pour l'amour d'elle sa maudicte fortune, d'estre allyée au plus jaloux que la terre soustiene (C.N.N., c.1456-1467, 256). Maintenant plaint sa robe, maintenant son couvrechef, et a l'aultre foiz son tixu. Bref, qui l'oyoit, il sembloit que le monde fust finé. [Elle a reçu le contenu d'un seau d'eau et de cendres] (C.N.N., c.1456-1467, 259). ...[elle] s'en alla tantost a sa maison plaindre son mal et son martire [Elle vient d'être rossée] (C.N.N., c.1456-1467, 265). ...car, ainsi que vous congnoissez assez, la despence nous est fort grande. Toutesvoyes, en ce qui est necessaire, nous ne la plaignons pas (Lettres Ch. VIII, P., t.2, 1488, 53).

-

"Regretter de donner qqc., de se séparer de qqc." : Et se ly jolis paniers fust De fin or, et non pas de fust (...), Sy ne le plaindist elle mie (Pastor. B., c.1422-1425, 78).

-

Plaindre que + complét. "Regretter que, déplorer que" : ...Uriiens (...) fu grant et fort a merveilles, et faisoit moult de forces et d'appertises. Et plaingnoit chascun qu'il avoit si estrange viaire, car il l'avoit court et large ; l'un oeil ot rouge et l'autre tout pers, et les oreilles aussi grandes comme manevelles a vans. (ARRAS, c.1392-1393, 80).

-

Ne pas plaindre sa peine. "Ne pas ménager sa peine, ses efforts" : Jamais homme ne trouvera Qui consonne mieulx a ses faiz Ne qui face ce que je fais, Et sy ne luy plains point ma peine. (Myst. Pass. Troyes B., a.1482, 644).

-

Part. passé en empl. adj. Plaint. "Regrettable" : ...[il] ne savoit a qui recourre ne soy rendre pour trouver garison de sa dolente, miserable et bien pou plaincte maladie. (C.N.N., c.1456-1467, 85). ...tu as peu congnoistre Son hault sçavoir et par droit luy promectre Non pleinct service (SAINT-GELAIS, Séj. honn. D., c.1490-1495, 139).

II. -

Empl. intrans. ou pronom.

A. -

[Idée d'affliction, de compassion] "Se lamenter, pleurer, gémir" : Vezci nouvelle trop amére. Je doi bien plaindre et plourer fort, Conme plaine de desconfort (Mir. femme, 1368, 192). ...quant Elinas ot perdue Presine et ses trois filles, il fu si esbahiz qu'il ne scot que faire ne que penser. Mais fu depuis, l'espace de VIIJ. ans, qu'il ne faisoit que plaindre, gemir et souspirer, et faire griefz lamentacions pour l'amour de Presine, qu'il amoit de loyal amour. (ARRAS, c.1392-1393, 10). Lors se plaint et se guermente et se nomme faulx et mauvais, et se dit tant de laidure qu'il n'est homs qui le peust penser s'il ne le veoit ou ouoit. Et croy que de fin ennuy il se feust occiz de l'espee, se ne feust que les X. chevaliers y vindrent, qui bien l'avoient ouy dementer et plaindre. Lors lui dist ly uns : Sire, sire, c'est trop tart a repentir quant la folie est faicte. Le doloser n'y vault desormais rien. (ARRAS, c.1392-1393, 252). ...dont jour et nuyt ne cessoit de plaindre et souspirer, et en ses plains disoit : "Hé ! lasse moy doulante, et que as tu fait..." (LA SALE, J.S., 1456, 149). Madame, qui de ce nouvel feu d'amours avoit son cuer enflamé, toute nuyt ne cessa de soy plaindre, gemir et souspirer (LA SALE, J.S., 1456, 254). ...et quant il la voit appallie et plaindant de tous sez membrez, non veullant gouster d'aulcunez viandes... (Cligès C.T., 1455, 146). ...il met tout a haste la main a son oeil, soy plaignant durement, disant qu'il estoit homme deffait (C.N.N., c.1456-1467, 35). ...[elle] se commenca a plaindre et faire si tresbien la malade qu'il sembloit que une fievre continue luy rongeast corps et ame. (C.N.N., c.1456-1467, 134). Il se part de la, et vient a l'ostel, et trouve sa femme qui se plaignoit et dolosoit tresfort. (C.N.N., c.1456-1467, 136). M'amye, veez la ma levriere qui se plaint la hors ; levez vous, si la mettez dedans. (C.N.N., c.1456-1467, 194). Mais ilz ont beau souffler dedens leurs cors, Plaindre et plourer, ou leur vie mauldire ; Riens n'en fera. (LA VIGNE, V.N., p.1495, 315).

-

[À l'occasion d'un deuil] : Tant fut le roy de ce cas estonné, Qu'on ne le vit jamais jour tant tanné, Ne tant marry pour perte qu'il sceust faire ; Mais quant il fut de se plaindre tourné Et par conseil d'y penser retourné, En deslayant de tous pointz son affaire, Pour son devoir vers Dieu et luy parfaire, Le lendemain fist chanter son office (LA VIGNE, V.N., p.1495, 191).

-

Se plaindre à qqn. "Exprimer sa douleur, se lamenter auprès de qqn" : He Dieu, mon createur souverain Je me plain A toy qui cognoiz mes doleurs ; De doleur j'ay le cuer tout vain, Par desdain, Des maulx qu'ont fait tous les pecheurs. (Pass. Auv., 1477, 197).

B. -

[Idée de mécontentement]

1.

"Exprimer son mécontentement, manifester ses récriminations, élever une protestation" : SAINT LORENS. (...) Et puis qu'il nous a tant meffait, Alons a Dieu nous deux de fait, Si nous plaignons. (Mir. prev., 1352, 246). Et vrayement, dit il, je vous en mercie beaucop. Je ne me doy pas plaindre, vous m'avez tres bien party (C.N.N., c.1456-1467, 321). ...allez veoir a ceste pouvre fille qu'on luy doit, et la paiez si largement qu'elle n'ayt cause de soy plaindre (C.N.N., c.1456-1467, 371).

-

(Se) plaindre de qqn/de qqc. : PREMIER CURÉ. (...) A Dieu propre de li me plain, Quant de soy amender n'a cure A ce que conscience cure Son cuer (Mir. parr., 1356, 11). ...a lui vous en plaindez (Hugues Capet Lab., c.1358, 282). Sire, je me plain devant touz Voz barons (...) De ce traitre faux icy (Mir. Oton, c.1370, 377). Item, des choses qui sont neccessaires pour ceste vie ou de choses petites il [le magnanime] ne se plaint onques, et n'est pas deprecatif ou depriant autres pour telles choses (ORESME, E.A., c.1370, 255). ...le dolent se complaignoit Aux dieux, en plourant, et plaignoit De Fortune, qui trop lui grieve. (CHR. PIZ., M.F., II, 1400-1403, 295). ...et a esté publié par le president et dit publiquement que s'il y a aucun qui se weille plaindre dudit procureur qu'il viegne devers la Court. (BAYE, I, 1400-1410, 292). Et avecques ce se plaignoient des manieres que on tient au regart de monseigneur de Bar qui est si prouchain du Roy que chascun scet. (BAYE, II, 1411-1417, 119). De quoy te plains tu donc ? dist monseigneur ; je te fais bailler ce que tu aymes. (C.N.N., c.1456-1467, 83). Tantost qu'elle vit la dame, elle se plaindit de son meschef, et n'est pas a vous dire le dueil qu'elle menoit de ceste adventure. (C.N.N., c.1456-1467, 259). ...[elle] se leve de son lit et se va plaindre a luy de son filz, en plorant tendrement. (C.N.N., c.1456-1467, 325). En prison ? Quelle chose ay je meffait ! A qui doy je ? Qui se plaint de moy ? (C.N.N., c.1456-1467, 508). Enffans, je congnoys vostre cas, Vous le ferez tirer a part, Regnez vous chascun a l'esquart, Chascun emportera son don. Vous aurez chascun son gardon Et ne vous plaignez point de moy. (Sots gard., a.1488, 112). SAINCT MARTIN [à l'empereur]. Ne pence poinct que pour barboillerie Ne lascheté qui soit en moy reduyte, Quoy que tu soye de grant babillerie, Que gentillesse soit dedens moy seduyte, Mais par honneur sera tousjours conduyte. Plains toy de moy quant je te mefferay. (LA VIGNE, S.M., 1496, 246).

-

Se plaindre de ce que + ind. : ...les seigneurs estans à Vernueil se plaignoient de ce que le traictié d'Aucerre n'estoit accompli (BAYE, II, 1411-1417, 119). ...pluseurs se plaignoient de ce que l'en ne publioit cens les elections qui y estoient faictes (BAYE, II, 1411-1417, 169).

2.

En partic. DR. "Déposer une plainte" : Item, il ne se plaint pas et n'est pas requerant. (ORESME, E.A.C., c.1370, 256). ...icellui compaignon (...) a demandé à ladite Marion ladite chainete d'argent, disant que se elle ne lui rendoit icelle, qu'il s'en plaindroit à justice (Reg. crim. Chât., II, 1389-1392, 424). Monseigneur le prevost, dit elle, je me plains a vous de la force qu'il m'a violée oultre mon gré et ma volunté, et malgré moy, dont je vous demande justice. (C.N.N., c.1456-1467, 160). ...[il] fut content que l'on feist citer nostre nouveau maryé, qui ne savoit rien de ce qu'ainsi on se plaignoit de luy sans cause. (C.N.N., c.1456-1467, 499).