| 213 exemples | | 1 | L'un a nom Pol et l'autre Pierre. Ces deux diex de fust ne de pierre Ne sont, mais sont droitement hommes Aussi conme vous et moy sommes (Mir. st Sev., 1362, 208). | |
| 2 | La semence est la parole Dieu, Que es durs cuers n'a point de lieu, Si peu que semence sur piarre. [Réf. à la parabole du semeur (Luc 8, 13)] (Pass. Auv., 1477, 137). | |
| 3 | Or est temps de venir aux noces et non pas senz larmes et piteuse compassion. Et qui a ces noces cy par grace en sa contemplacion se trouvera et ne ploura, aiant compassion, il pourra bien dire qu'il avera le cueur plus dur que pierre. (MÉZIÈRES, Vertu sacr. mar. W., c.1384-1389, 78). | |
| 4 | Pour congié prendre veulx baiser La pierre que clo le sepulcre [du Christ]. (Pass. Auv., 1477, 265). | |
| 5 | Pour estre au dessus de son mary, que jamais ne batra sa femme, dist Berthe, fault prendre toutes les chemises de son mary, et a chascune foiz que son curé chante des trespassez, en mettre secretement une et estendre sur la pierre de l'autel dessoubz les nappes, et lui faire vestir le dimence ensievant (Ev. Quen., II, c.1466-1474, 135). | |
| 6 | ...Mes encores n'avéz vous sçeü Comment ma soeur et moy pouons Savoir et comment nous voions Tout ce que l'en fait par toute terre. Qui le feroit soubz une pierre Si le voions nous et savons (Liber Fort. G., 1346, 91). | |
| 7 | ...si a [le concierge du Palais de la Cité] la correccion des seaulx et marchandises à la pierre de marbre et si a la visitacion ou punicion des denrées qui y sont venduez (Industr. Paris F., 1396,,, 386). | |
| 8 | Item nul ne ira audevant du poisson d'eaue doulce que on apportera ou amenera a Paris, pour l'achetter pour revendre a Paris ne ailleurs, de deux lieues en tout sens a l'environ d'icelle ville, mais il sera apporté ou amené aux bouticles et aux pierres a poisson d'autour le Chastellet et le Petit Pont (Mét. corp. Paris L., t.1, 1416, 450). | |
| 9 | Nul ne nulle ne puet vendre à estal poisson d'eau doulce fors que à la porte de Grant-Pont, aux pierres le Roy et aux pierres aux poissonniers qui sont en ce mesme lieu (Ordonn. rois Fr. P., t.19, 1484, 510). | |
| 10 | Et semblablement ont acoustumé de faire un maistre sergent et ung soubz-sergent, et ung ou deux jurez de la pierre au poisson, qui visitent le poisson mis en vente en ladite ville (Ordonn. rois Fr. P., t.19, 1484, 436). | |
| 11 | Le divin saint Denis baille l'exemple : comme l'entretailleur des ymaiges forme son ymaige par oster les pierres d'entour jusques a tant que l'ymaige demeure parfaicte (GERS., Trin., 1402, 169). | |
| 12 | ...comme nous disons que une statue, c'est a dire une ymage painte en une paroit ou entretaillié de pierre ou de boiz, est l'ymage d'aucun homme, et tele ymage est apellee ymage imparfaitement. (Somme abr., c.1477-1481, 111). | |
| 13 | Se vous estiés or sur la roche Du jaiant [Polyphème] qui les nez arroche Des grans pierres et des grans cros ! Tant est fors, orguilleus et gros Que les nés perist et affonde Dedens la haute mer parfonde (MACH., Voir, 1364, 620). | |
| 14 | Oui est celui catholique crestien qui a la poitrine ferree et le cuer dur comme pierre, qui ne soit esmeus a pitie et profundement larmoier oiant la dolour et affliction de noz freres crestiens et le vitupere de la foy catholique. (MÉZIÈRES, Sustance H., 1396, 55). | |
| 15 | En ce point furent longuement Que l'un assaut, l'autre deffent. Mais li nostre petit gaingnoient, Que Sarrazin maint en blessoient, De cops de pierre et de trais, Qui d'eaus estoient souvent trais. (MACH., P. Alex., p.1369, 86). | |
| 16 | Puis que la bataille s'atise (...), Gettons leur ces gros mengonniaux Et ces grans pierres. (Mir. Oton, c.1370, 332). | |
| 17 | Se tost d'aler tu ne t'afaittes (...) Et je tien pierre ne baston, Je t'en donrray par tel essart Que diras que dyable y ait part (Mir. Pierre Changeur, c.1378, 236). | |
| 18 | Penons nous de prendre la cité avant que le secours leur viengne. (...) Qui lors veist Sarrasins saillir es fossés, et portent pics, houyaux, eschielles, piez de chievre. Mais ceulx de dessuz leur gettent pierres de fais, grans bans traversains, pieux aguisiez, huille chaude, plonc fondu, pocons plains de chaux vive (ARRAS, c.1392-1393, 110). | |
| 19 | ...un vallet aloit ou venoit de la riviere atout un grant cheval, et en passant devent les enfans qui pipoient, comme aucune foiz font, le cheval s'esmut et esclissa aucuns, dont il cheterent et pierres et boes (BAYE, I, 1400-1410, 107). | |
| 20 | ...alors se revengerent ses vallès qui furent aucuns navrez de pierres (BAYE, I, 1400-1410, 107). | |
| 21 | Et, en pourparlant d'icelle, lesdiz pages du Bien Publique coururent sus ausdiz pages du Palais, qui se revencherent, et baillerent les ungs aux autres de terribles et merveilleux cops, tant de poings, de pierres, bastons, cousteaulx et dagues, et y en ot plusieurs navrez, batus et les yeulx crevez ; et falut fermer les portes et que gens de bien s'en meslassent pour les defaire et appoincter. (ROYE, Chron. scand., I, 1460-1483, 163). | |
| 22 | Plus va de pierres a la tour Par l'engin, plus se froisse entour Que quant une seule la fiert. Se un seul homme te requiert, Tu te puez mieulx mettre a deffense Que se .XV. te font offense (DESCH., M.M., c.1385-1403, 34). | |
| 23 | Il fait d'une pierre deux coups (MIÉLOT, Prov. U., 1456, 195). | |
| 24 | Cil quil n'ara pechier ne taiche Ly gette la premiere pierre. (Pass. Semur D.M., c.1420 [1488], 162). | |
| 25 | Il a le cueur plux dur que pierre Quil ce peult tenir de plorer. (Pass. Semur D.M., c.1420 [1488], 217). | |
| 26 | Cils de vous qui est sans peciet D'une pierre rue premiers A elle. (MARCADÉ, Myst. Pass. Arras R., a.1440, 116). | |
| 27 | Penons nous de prendre la cité avant que le secours leur viengne. (...) Qui lors veist Sarrasins saillir es fossés, et portent pics, houyaux, eschielles, piez de chievre. Mais ceulx de dessuz leur gettent pierres de fais, grans bans traversains, pieux aguisiez, huille chaude, plonc fondu, pocons plains de chaux vive (ARRAS, c.1392-1393, 110). | |
| 28 | Puis apres, faictes porter pierres De fais, tantoust sus la muraille, Broches ardant a grosses quarres Pour percer jalerant a maille (Myst. siège Orléans H., c.1480-1500, 550). | |
| 29 | ...les bombardes, pierres de bombardes et autres abillemens de guerre (Comptes Etat bourg. M.F., t.2, 1420, 845). | |
| 30 | Et, durant ledit temps, fist faire bien grant quantité de boules de fer es forges estans es bois prés de Creil, dont il bailla la charge à maistre Jehan de Reilhac, son secretaire. Et pareillement fist faire es carrieres de Peronne grant quantité de pierres à bombarde, et aussi faire dedens les bois grant nombre de chevretes et taudis de bois, avoecques des eschelles à assaillir villes et fortresses, pour avoir les villes de Flandres et Picardie, qui encores oudit temps estoient à reduire. (ROYE, Chron. scand., II, 1460-1483, 63). | |
| 31 | Et fut acculée la queue d'icelle aux champs devant la Bastille Sainct-Anthoine et la gueulle d'icelle en tirant vers le pont de Charenton ; laquelle fut chargée pour la premiere foys et tira très bien, et porta la piarre d'icelle de vollée jusques à la justice dudit pont de Charenton. (ROYE, Chron. scand., II, 1460-1483, 81). | |
| 32 | Messeigneurs, il nous convient faire Une bombarde merveilleuse Pour contre les Tourelles batre, Qui soit grosse et adventureuse, Portant la pierre vertueuse Comme de huit vings livres pesant (Myst. siège Orléans H., c.1480-1500, 197). | |
| 33 | ...deux gros canons getans pierres et quatre petis canons getans plonmees (Clos galées Rouen M.-C., t.1, 1377, 249). | |
| 34 | À Jehan de Flandres, messaigier de pié, pour avoir hastivement alé de nuit en Cambresis querir Jehan Gommian, faiseur de pierres de canon, 12 solz parisis (Comptes Etat bourg. M.F., t.1, 1420, 490). | |
| 35 | Et soubdainement vint une pierre de canon de ladite ville, qui ferit contre ung des costés de ladite fenestre (CHART. J., Chron. Ch. VII, V., t.1, c.1437-1464, 64). | |
| 36 | JHESUCRIST. (...) Plus que pierre as le cueur deur Se tu ne m'ame de cueur pur Et de toute ta volenté. Et se tu as entalenté De moy amet d'ame et de corps, Je te seray misericorps. (Pass. Autun Biard F., 1470-1471, 146). | |
| 37 | À Guillot Charnel, pour certains carreaux et pierre de taille qui furent prins de lui à faire pierres dengin pour recouvrer le chastel de Valloignes (Compte Navarre I.P., 1367-1371, 219). | |
| 38 | A Jehan Sertpourveant, charretier, pour sa paine et salaire d'avoir acharié de dedens le chastel de Saint-Sauveur-le-Viconte, jusques sur la riviere au dessoubz dudit chastel, 335 pierres d'engin pour envoier a Boulongne (Clos galées Rouen M.-C., t.2, 1378, 164). | |
| 39 | Item, un autre engin on fait, qui est appellé vigne, et cel engin fait on de bons ays et merrien fort affin que pierre d'engin ne le puisse brisier (CHR. PIZ., Faits meurs Ch. V, S., I, 1404, 232). | |
| 40 | ...[il] demande que luy facyons delivrer partie de nostre artillerye qui est à Avranches, et aussi des plombs, bouletz de fer, pierres de grés, et pareillement du traict, des pelles, picqs, tranches (Lettres Ch. VIII, P., t.1, 1488, 301). | |
| 41 | ...auquel lieu voiant qu'il ne povoit plus fouir et que les dessus diz l'ateignoient, et qu'il trouva ilec des pierres de mines de fer qui autres foiz y avoient esté, en prinst pour soy deffendre (Doc. Poitou G., t.11, 1469, 150). | |
| 42 | Ça, baillez leur fault ung assault, A nostre premiere venue, Qui leur soit fort boillant et chault, Et gecter a pierre perdue, Que sus leurs meurs ne en leur rue Nul d'eulx ne si ose trouvoir ; D'artillerie grosse et menue Donques servir vous les povoir. [cf. tirer à coup perdu (COMM. I, 1489-1491, 185)] (Myst. siège Orléans H., c.1480-1500, 541). | |
| 43 | ...le duc de Berry et le dit connestable alerent mettre siege devant Congniac et firent drecier pierres et engins et livrerent moult fors assaulx (Chron. Valois L., c.1377-1397, 252). | |
| 44 | Si assirent leurs engins, canons, bombardes et aussi pierres, ès lieux plus convenables pour plus grever ladicte ville. (MONSTRELET, Chron. D.-A., t.2, c.1425-1440, 282). | |
| 45 | Plus dure qu'un dyamant Ne que pierre d'aymant Est vo durté, Dame, qui n'avez pité De vostre amant Qu'ociés en desirant Vostre amitié. (MACH., Ch. bal., 1377, 620). | |
| 46 | Or venons donc a ce que l'acteur dessusdit dont nous parlons dit aprés que l'eschiquier dont il fait mencion estoit fait d'une pierre d'aymant, et considerons bien pourquoy c'est qu'il le faint et que ce segnifie. (EVR. CONTY, Eschez amour. mor. G.-T.R., c.1400, 614). | |
| 47 | JUDAS. Pierre de mabre, coronne d'ayment Est mon faulx cueur. (Pass. Semur D.M., c.1420 [1488], 189). | |
| 48 | I>Lapis magnetis/I>, c'est la pierre de aymant qui attrait le fer. (Grant herb. C., c.1450, 125). | |
| 49 | ...et fut lui, comme aucuns dient, qui premier trouva la maniere de fere une roe de perpetuel mouvement, sans toucher par la force de la perre d'ayement. (SIMON DE PHARES, Astrol., c.1494-1498, f° 36 r°). | |
| 50 | Plus dure qu'un dyamant Ne que pierre d'aymant Est vo durté, Dame, qui n'avez pité De vostre amant Qu'ociés en desirant Vostre amitié. (MACH., Ch. bal., 1377, 620). | |
| 51 | Item ly dyamant croissent sur les roches de cristal et de aymant c'on nomme mangnet, autrement : la pierre de maronnier qui trayt le fier. (MANDEVILLE, Lap. M., c.1350-1390, 175). | |
| 52 | Ch'est la pierre des maronniers, car elle monstre a euls, par une aguille, les partyes que il quierent parmi les partyes de la mer ou il vont nagant. (MANDEVILLE, Lap. M., c.1350-1390, 184). | |
| 53 | ...l'en ne pourra mettre feul, fustel, glaioleure, balocier, ne noir de chaudiere aveques laine ou il ait waide, brunette, rouge ne jaune, sur paine de dis solz parisis pour chascune pierre de laine (Doc. 1340. In : L. Demaison, Bibl. Éc. Chartes 89, 33). | |
| 54 | ...une pigneresse pignans en se maison ne puist avoir que de une pierre de laine (Hist. industr. drapière Flandre E.P., t.3, 1383, 336). | |
| 55 | ...et pour ce se obligarent, chascun pour le tout, envers lesdis lombars, en la somme et quantité de XXX pierrez de lainnez (Trés. Reth. S.L., t.2, 1395, 399). | |
| 56 | Et la matière du tonnoirre Souventesfoiz se tourne en pierre De dure nature ou substance, Qui depuiz, par grant violence, Soudement en terre se boute Sans droit sentier garder ne route. (LA HAYE, P. peste, 1426, 7). | |
| 57 | Item aussi aucunefois pour le temps du tonnerre cheent aucunes pierres, desquelles les orfevres se aident a brunir ; et les appellent les pierres du tonnerre. (FUSORIS, Traité cosmogr. G., 1432, 30). | |
| 58 | Il ne sent poim de la challeur. Par dieu, c'est ung droit enchanteur Qui use de enchantemant ; Il c'est ousté le senctemant. Il ne sent ausi peu que pierre. (Myst. st Sébast. M., c.1450-1500, 240). | |
| 59 | ...et après son aage LXXII, pour ce que ceulx de Athenes adoroient le Soleil et il leur dist que c'estoit perre ignite, à cause de quoy ses ennemis le firent incarcerer et mourir par venin. (SIMON DE PHARES, Astrol., c.1494-1498, f° 47 v°). | |
| 60 | Autel di que li bons Guillaumes Argent, fin or, mirre ne baumes, Dras d'or, ne pierres precieuses, Supplications scienteuses, Ne force de charnels amis Ne l'eüssent ja ad ce mis Dou cheval qu'il avoit, einsois Qui estoit le roy des François, Que ja jour eüst sus monté, Afin que siens eüst esté. (MACH., D. Aler., a.1349, 324). | |
| 61 | ...une autre coupe d'or semée de greneiz de pierrerie, de perles et d'esmaux, à 1 fritellet sur le couvercle senz pierre (Comptes argent. rois Fr. D.-A., I, 1353, 305). | |
| 62 | Item, à l'abbé de Tournon, il print et embla en sa chambre, en unes bouges, XXVJ fr., deux pierres de saffirs et licorne (Reg. crim. Chât., I, 1389-1392, 29). | |
| 63 | ...elle a prins et emblé, dedens le moustier de Saint-Jehan en Greve, en la bourse de Perrin Le Champuiseur, demourant en la rue Jehan Le Conte, un anel d'or à une grosse pierre (Reg. crim. Chât., I, 1389-1392, 323). | |
| 64 | Item, ung petit crosson d'argent doré, où fault ung esmail et une pierre. (FAUQ., II, 1421-1430, 118). | |
| 65 | Item, ung livre d'evangiles, couvert d'or d'un costé et garny de plusieurs pierres, et y fault une grosse appellé saphir (FAUQ., II, 1421-1430, 118). | |
| 66 | Le payen, plain de vie maligne, Qui m'a ton sainct corps revellé Certes ne s'en fust ja meslé, N'eust esté pour les grans tresors Qu'il cuidoit avoir de ton corps, Et touteffois nous voyons bien Que de ses dis il n'en est rien, Et quil n'y a ne or ne pierre. (Myst. st Laur. S.W., 1499, 281). | |
| 67 | Assis comme la piere en l'or Ai je mon coer, et mieuls encor. Tous sui garis de ma dolour, Puis que ma dame par douchour Me dagne regarder des or. (FROISS., Pris. am. F., 1372-1373, 169). | |
| 68 | Mais, fait il, se je l'ay [si j'ai Sidoine pour épouse], je vous tendray vos franchises et libertez et vous garderay comme la pierre en l'or. (Ponthus Sidoine C., c.1400, 159). | |
| 69 | NOSTRE DAME. (...) Ou s'il fault que ceste mort voye, [bon seroit que] Comme pierre insensible soye. (Myst. Pass. Troyes B., a.1482, 581). | |
| 70 | Et pour mieux cognoistre le fin rubin des faulses pierres, il convient qu'il soit a jour et senz aucune feulle ou aide humaine, et que en toutes ses parties de sa propre vertu que l'Aucteur de nature lui a donné il doie moustrer sa clerté. (MÉZIÈRES, Vertu sacr. mar. W., c.1384-1389, 68). | |
| 71 | Tu as tous les jours de ta vie Heü quanque tu as volu : Se tu vosisses or molu Mengier, ou pierres precieuses, Ou avoir robes curieuses, Joiaus, deniers, chevaus, destriers, Dont d'or fin fussent les estriers, Tu l'eüsses sans contredit (MACH., C. ami, 1357, 66). | |
| 72 | Et Ovide ou premier livre des Remedes : "Nous sommes deceuz par aornement, car toutes choses sont couvertes en plusieurs fenmes de or et de pierres precieuses..." (DAUDIN, De la erudition H., c.1360-1380, 372). | |
| 73 | Vezci, d'autre part, noz reliques (...) D'or et de pierres precieuses (Mir. Rob. Dyable, c.1375, 12). | |
| 74 | ...uns anciens chevaliers, moult noblement acesmés et ceint d'une ceinture a pierres precieuses et a perles, monté sur un hault palefroy lyart (ARRAS, c.1392-1393, 38). | |
| 75 | Une couronne ot en son chief Sus ses crins blons sanz cuevrechief, Ou ot pluseurs resplendissans Pierres precieuses plaisans. (CHR. PIZ., Chem. estude P., 1402-1403, 100). | |
| 76 | ...chascune chose en son propre lieu, l'estoille ou firmament, l'ymage ou mireoir, la cyre ou seel, la pierre precieuse en l'or, le miel en cyre. (Somme abr., c.1477-1481, 159). | |
| 77 | Cestui escripvit de la science des estoilles et de la vertu des herbes et des pierres precieuses assez amplement (SIMON DE PHARES, Astrol., c.1494-1498, f° 24 r°). | |
| 78 | Aucuns dient qu'il avoit une perre precieuse appellée selenites, ayant proprieté que sa blancheur croissoit le croissant d'une Lune, puis descroissoit durant le decours et, par icelle, faisoit choses incredibles. (SIMON DE PHARES, Astrol., c.1494-1498, f° 24 v°). | |
| 79 | Cestui Larrixe fut moult bon lapidaire et fut celui qui eult charge du roy de parquerir plusieurs pierres precieuses et grans camahieux qui sont à Saint Denis lez Paris (SIMON DE PHARES, Astrol., c.1494-1498, f° 103 r°). | |
| 80 | Car elle est tant attraiant pautonnière Qu'elle feroit de tenebres lumiere Et tireroit bien de la pierre sang (NESSON, Lay guerre P.D., c.1424-1429, 58). | |
| 81 | Et lors lui fist emplir vaisseaux d'or et d'argent et autres perres precieuses et perles et le fist enfermer en une tour et deffendit que nulle autre viande ne lui fust baillée, et là mourut de faim (SIMON DE PHARES, Astrol., c.1494-1498, f° 121 r°). | |
| 82 | ...dist [théologie] que mescreance obstinee n'estoit pas digne que on declarast tels misteres devant elle ne devant ses adherents (...) ; ce seroit mettre pierres precieuses entre les pies [l. piés] de pourceaulx et choses saintes aux chiens. (GERS., St-Sacr. G., c.1402, 702). | |
| 83 | Et y a en la chambre tant de richesse que c'est sans comparoison, comme chandelabres d'or et de riches pierres, torches, lampes qui y ardent jour et nuit. (ARRAS, c.1392-1393, 14). | |
| 84 | Lors prent le fermail d'or ou il ot mainte bonne pierre et riche (ARRAS, c.1392-1393, 99). | |
| 85 | Et doit ons savoir qu'ilz oit plus de bonnez pires en cel fietre qu'en nulz aultrez : carbouclez, esmeradez, rubis... (JEAN D'OUTREM., Myr. histors G., a.1400, 159). | |
| 86 | ...ung anneau pour ung oeil de chat, et ung autre anneau pour une pierre d'azur (Comptes roi René A., t.1, 1452, 292). | |
| 87 | Et en presence de tous les assistens fu fait l'essay de ladicte monnoye, c'est assavoir au feue, au cyment et a la pierre de touche, et fu trouve que la monnoye estoit assez de bon aloy (MÉZIÈRES, Songe vieil pèl. C., t.1, c.1386-1389, 307). | |
| 88 | Et pour tant que point ne est neccessyté, sy m'en taray a tant, ja soit che que il soit moult de pierres precieuzes autres que celles que je vous ay devizet sy com : Baudine Corneline (...) et pluzeurs autres perres taillies, c'om dist camabieus et pierre de Ysrahel, desquelles je vous auroye mis les coulors en chesti mien lapidayre, mais je ay trouvet que ly autre lapidaire en parollent assés. (MANDEVILLE, Lap. M., c.1350-1390, 185-186). | |
| 89 | I>Lapis agalpis/I>, c'est la pierre agappe que l'en appelle la pierre judaique. Elle est semblable a ung genitaire de coq, et est roié par dehors et par dedens ; elle est ferme et clere comme voirre. (Grant herb. C., c.1450, 125). | |
| 90 | I>Lapis lincis/I>, c'est la pierre de lin. Elle set faire de l'urine du leu cervin... et la treuve l'en es montaignes. (Grant herb. C., c.1450, 125). | |
| 91 | Il le doit prendre [le poisson] et recevoir En tant qu'il peut, à dire voir, De bonnes eaues et mondes Et mesmement des plus parfondes Et courantes en bonnes terres, Par suz beau sablon ou sur pierres. (LA HAYE, P. peste, 1426, 93). | |
| 92 | La pierre de la lune est blanche, pale, à vaynes noires ou rouges, ou telle foys jaunes ; sy rent clartet de nuit telle foys en playne lune. Et telle foys ne luist fors en certaines heures et constellations. (MANDEVILLE, Lap. M., c.1350-1390, 180). | |
| 93 | La pierre de solea est noyre, reonde, à vaynes blanches et telles bleues desquelles il ist fors rayes sy com rayes de solail. Se on le met en solail dedens ayghe, elle rendera grant clarté. (MANDEVILLE, Lap. M., c.1350-1390, 180). | |
| 94 | ...d'un costé [du psautier], a une figure de David en yvoire, et d'autre, quatre pièces de couvre, et ou millieu une pierre de verre (Doc. 1492. In : A. Castan, Bibl. Éc. Chartes 50, 1889, 329). | |
| 95 | Un reliquiaire ront (...) garny de plusieurs garnaz, et de deux pierres de voirre. (Ch. VI, D., t.2, 1418, 291). | |
| 96 | Amour est Diex qui (...) Fist Dieu son fil (...) Prendre humain corps en vierge que nommer Puis pierre pure et tressaine Qui sa sainte escharboucle nous amaine (Mir. prev., 1352, 278). | |
| 97 | Marchant sui, qui ay une pierre A vendre precieuse et fine, Qui les avugles enlumine (Mir. Barl. Josaph., c.1363, 264). | |
| 98 | Et puis dist encores audit cordelier Sordun : "Beau pere, veez cy une pierre que j'ay longuement portée en mon col et que j'ay moult fort aymée, pour ce qu'elle a moult grande vertu, car elle resiste contre tout venin et preserve aussi de toute pestilence. Laquelle pierre je vous prye que portez de par moy à mon petit filz, auquel dictes que je lui prye qu'il la garde bien pour l'amour de moy..." (ROYE, Chron. scand., I, 1460-1483, 365). | |
| 99 | A Gabilleau, orfèvre, le XXIe dudit moys, la somme de cinq escuz pour ung jaspe vert, goutte de sang deux pierres contre l'épidémie qui suivent le vinaigre, dont le roy a fait le marché lui-mesmes (Comptes roi René A., t.1, 1478, 338). | |
| 100 | ...somme six onces demie et un esterlin, dont il chiet (...) pour la dicte pierre de chappon qui ne vault riens une once demie et un esterlin (Industr. Paris F., 1381,,, 387). | |
| 101 | ...unes patenostres de cornaline, une pierre d'yrondelle, quatre petitz demy ceincts, une plume d'austrusse, sept peignes d'ivoire, troys cordes de patenostres de cornalines (Comptes roi René A., t.2, 1478, 352). | |
| 102 | Item, en devisant une busche ou une pierre ou autre corps materiel et corruptible, l'en puet venir a si petite partie que on ne la pourroit plus deviser sans corrompre sa substance. (ORESME, C.M., c.1377, 46). | |
| 103 | ...pour auoir fait un manche, auquel auoit une pierre d'unicorne, servant à une nauette d'argent doré (Comptes Lille L., t.1, 1405-1406, 19). | |
| 104 | Une salière d'or (...) assise sur la teste d'un serpent qui a le doz d'une pierre crapaudine (Ch. VI, D., t.2, 1418, 302). | |
| 105 | Je n'y querroie autre metal voire ce faisant par distillacion, par sublimacion et par calcinations, affin que finablement et par grant travail je peusse par doulce conclusion parvenir a la pierre du philosophe, c'est a la pouldre qui est appelle[e] "Elixir". (MÉZIÈRES, Songe vieil pèl. C., t.1, c.1386-1389, 193). | |
| 106 | Et avoit empris le dit prince a toute sa belle compaignie de marchans ses subgiez de tant naviguer en la dicte nef que finablement il peust parvenir a la cite de Hierusalem, pour trouver et achapter le vray elixir et la vraye pierre du philosophe (MÉZIÈRES, Songe vieil pèl. C., t.1, c.1386-1389, 543). | |
| 107 | ...et avoit esté ce dit clerc disciple de maistre Arnault de Villeneuve, qui moult fu en science sollemnel homme, et tenoient aucuns que il attaigny à la pierre des philosophes. (CHR. PIZ., Faits meurs Ch. V, S., II, 1404, 64). | |
| 108 | BRUYT. Mais de quoy, de quoy Est l'aglux qui fait nostre affaire ? CUIDER. Il y a aussi grant mistere A trouver les propres estouphes Que la perre des philosophes Qui fait bien muser les musars. (Pipée R., c.1470-1480, 182). | |
| 109 | Aucuns dient qu'il eut une branche de la perre des philosophes. (SIMON DE PHARES, Astrol., c.1494-1498, f° 115 v°). | |
| 110 | Cestui pratiqua, par son subtil entendement et au moïen des ellections de la science des estoilles, la pierre des philozophes, tellement que tous metaulx convertissoit en fin or (SIMON DE PHARES, Astrol., c.1494-1498, f° 128 r°). | |
| 111 | Item, lesdiz coustumiers pevent prendre et cueillir les pommes de bosc, les melles et tout fruit à pierre aprés la saint Michiel, sans amende, quant il n'y a point de pasnage, sans deffens. (HECTOR DE CHARTRES, Cout. R., 1398-1408, 60). | |
| 112 | Pour fere que les neffez perdent les perres par dedans et qu'elles demeurent doulces comme miel, fetez comme dessus est dit : hentés en aglantier et mollez le greffe en miel a l'enter. (Hent. soutill. L., c.1466, 86). | |
| 113 | Et par celle sueur il [l'aigle] oste ses plumes. Et aprez qu'il les a recouvrees, il va et quiert une roche de pierres, et tappe et fiert son bec a la plus aspre et dure pierre de la roche, tant qu'il oste son becq et lui en revient ung nouvel, et prend viande aussi bien qu'il fist onques, et ainsi se renouvelle et ajovenist. (Somme abr., c.1477-1481, 179). | |
| 114 | Beaubarbier le acheva de tuer d'une grosse pierre qu'il trouva à ses piez, de laquelle il fery plusieurs coups ledit Normant sur la teste (Reg. crim. Chât., I, 1389-1392, 62). | |
| 115 | La premiere est que les cerises purgent l'estomac, et celle utilité est veritable, selon aulcuns docteurs, quant la pierre est mengié et quassee en l'estomac, car elle a aulcune vertu abstersive et mundificative. La seconde utilité est que le noyel de la pierre a vertu de rompre la pierre des rains et de la vescie quant on la mengeue sec ou mis en forme de laict avec eaue appropriee. (Rég. santé corps C., 1480, 88). | |
| 116 | Item prenez de veen blanc Et de rouge plesant et franc, De blate bisante, cacabre, Qui est pierre où est gomme d'abre (LA HAYE, P. peste, 1426, 148). | |
| 117 | Item por le pire et por le gravelhe qui fait que li homme ne puit pishiir, R. semence de peirsin machidone et groumilh et persin de cortilh et saxifrage et betoinne et rachinne de fenoilh, et broies tot ensemble, et destrenpreis de blanc vin, et en faite le malade desjuneir toz lez jours et maiement en baingh, se li aderat mult. (Méd. nam. H., c.1400-1500, 202). | |
| 118 | La pierre est une maladie officiale adjoustee en membre oultre nature et s'engendre aulcuneffois en la vecie, aulcuneffois es reins et en maintes concavités selon Galien (GORDON, Prat., c.1450-1500, VI, 12). | |
| 119 | Cellui qui pisse contre le soleil, il devient en sa plaine vie graveleux et si en engendre souvent la pierre. (Ev. Quen., I, c.1466-1474, 99). | |
| 120 | Et dit Galien que quant les voyes des rongnons sont plus estroictes que doivent selonc nature et y lui demeure aulcune grosse et viscouse matiere longuement et y a chaleur excessive, la chaleur resolve le subtil et le demourant se convertist en pierre qui est gros et viscoux ainsi comme il advient es vessiaulx esquieulx nous chauffons l'aigue. (PANIS, Guidon, 1478, tr.VI, doct.2, chap.7). | |
| 121 | La cure de la pierre par manuelle operacion (...) l'une est palliative, l'autre proprement curative. (PANIS, Guidon, 1478, tr.VI, doct.2, chap.7). | |
| 122 | Le quint est que le vin nouveau engendre la pierre, et par especial celle des rains, qui est rouge et est facile a rompre a cause qu'il fait es rains oppillations par sa grosse substance. (Rég. santé corps C., 1480, 64). | |
| 123 | La premiere est que les cerises purgent l'estomac, et celle utilité est veritable, selon aulcuns docteurs, quant la pierre est mengié et quassee en l'estomac, car elle a aulcune vertu abstersive et mundificative. La seconde utilité est que le noyel de la pierre a vertu de rompre la pierre des rains et de la vescie quant on la mengeue sec ou mis en forme de laict avec eaue appropriee. (Rég. santé corps C., 1480, 88). | |
| 124 | ...c'est signe qu'il y a pierre confermee a laquelle il n'y a remede fors que de tailler (PREVOST, Cir. Guill. Salicet, 1492, I, 47). | |
| 125 | ...et lui bailla, ledit Pierre, une pierre noire pour faire ledit saing. (Reg. crim. Chât., I, 1389-1392, 466). | |
| 126 | Et me fut dit qu'il estoit mort parce qu'il avoit eu grant occuppacion de la maladie de la pierre (ESCOUCHY, Chron. B., t.1, c.1453-14, 402). | |
| 127 | Aucuns dient qu'il predist la combustion de Chartres et les horribles pluies et grosses grelles triangulaires et quadrangullaires et grosses perres comme gros eufz, qui fist dommage infini aux blez, arbres et vignes. (SIMON DE PHARES, Astrol., c.1494-1498, f° 119 v°). | |
| 128 | Parmy icelui tonoirre tumba une perre de glace, pesante de deux cens L livres et plus, laquelle perre de present est gardée en ladite ville et sur icelle fut escripte une epithaphe de XL vers (SIMON DE PHARES, Astrol., c.1494-1498, f° 165 r°). | |
| 129 | Et, s'il n'y avoit borde, ilz doivent demourer en mi le boys, car chascun archier qui veult faire a droit son mestier doit aporter esche et pierre et fuysil pour alumer du feu, et doit porter aussi un pain troussé avecques soy tousjours et un petit barillet de vin, car on ne scet les aventures qui aviennent en chasce. (GAST. PHÉBUS, Livre chasse T., 1387-1389, 280). | |
| 130 | Vostre honneur, seur, certes y pent : Gettez la pierre avant la faulx ; Celle est saige qui se repent Et qui efface ses deffaulx. (VAILLANT, Oeuvres D., c.1445-1470, 150). | |
| 131 | Ainsi nous y avons gecté La pierre au devant de la faulx.. (Myst. Résurr. Angers S., 1456, 539). | |
| 132 | Ung homme fin et caulteleux Se tient bien tousjours sur sa garde, Et s'il est fier et courageux, De l'outragier chascun se garde. A toute heure espye et regarde A son point, car il est sy faulx Que tout a coup, qui n'y prent garde, Met la pierre devant la faulx. (Prov. rimes F.M., c.1485-1490, 74). | |
| 133 | ...nous avoir esté humblement exposé (...) que (...) le dit Perin et un autre sien compaignon (...) en gardant leurs brebis en la dicte Ysle d'Oleron jouassent au jeu de la pierre... (Doc. 1384. In : P. Rézeau, R. Ling. rom. 78, 2014, 428-429). | |
| 134 | ...ung soir, le filz au conte de Glocestre, qui mout bon chevallier estoit et fort, et estoit ung pou presoncieux, gectoit la pierre avec le filz au roy et plusieurs autres. Si avoit passé messire Henry bien de quatre dois et s'en vantoit (Ponthus Sidoine C., c.1400, 90). | |
| 135 | Doit un chascun en sa maison Labourer et s'exerciter, Pour greigneur péril éviter, Dont s'ensuit que c'est chose sote Que jouer lors à la pelote, Courre, lutier, jeter la pierre, Et cheminer de fervent erre, Et tous autres telz excez faire Qui peuent à Nature desplaire. (LA HAYE, P. peste, 1426, 85). | |
| 136 | ...N'ad cure qui doit chanter messe, Ne qui les champs doit labourer, Mais q'al hasard pourra juer, Ou a merelle ou eschequer, Ou a la pierre jetteresse (GOWER, Miroir homme M., c.1376-1379, 70). | |
| 137 | J'ay a non Pol, et cestui Pierre, Qui est le fondement de pierre Sur quoy Jhesus crucifié A son eglise ediffié. (Mir. st Sev., 1362, 204). | |
| 138 | Demye XXIIne de cousteaux Ferrez d'argent et belles gaynes De cinq pierres et des fuseaux Pour donner le jour des estraines. (HAUTEV., Invent. biens B., c.1441-1447, 72). | |
| 139 | Et s'estoient XXX. contre un De gens d'armes et de commun, Li Sarrazin, que Dieus confonde ! De pierre d'engin ou de fonde. (MACH., P. Alex., p.1369, 157). | |
| 140 | On n'osoit aler ne venir, N'on ne se pooit soubstenir, Car si horriblement venta Que li vens mainte fois jetta Pluiseurs gens plus loing, par saint Pierre, De .C. pas ou d'un jet de pierre. (MACH., Voir, 1364, 608). | |
| 141 | ...la mer estoit là si plate, Si pleinne, si coie et si mate, Que pour ce estoient demourées Long dou port toutes les galées, Aussi comme à get d'une pierre, Que ne pooient penre terre. (MACH., P. Alex., p.1369, 68). | |
| 142 | Aprés li vueill aprendre a savoir mener les chienz a la suyte, quar, quant celuy qui suit du limier commence sa suite, celui qui moine les chienz doit demourer loing au moins le giet d'unne petite pierre et ne se doit mouvoir d'ilec jusques a tant qu'il oye que celi qui suit du limier criera "Par ci !" (GAST. PHÉBUS, Livre chasse T., 1387-1389, 146). | |
| 143 | Et a chascun feu ait un homme ou deux, et ait de l'un feu a l'autre le tret d'une petite pierre. (GAST. PHÉBUS, Livre chasse T., 1387-1389, 239). | |
| 144 | Et, s'il veult chascier aux chienz, il doit avoir touz ceulx qui scevent traire aux arcs et les doit mettre au dessoubz du vent tout de renc, au giet d'une grosse pierre poignal ["grosse comme le poing"] l'un loing de l'autre, s'ilz sont en cler pays, mes, s'ilz sont en fort païs, ilz doivent estre plus pres, devant un arbre chascun et non pas darriere, les eschines devers l'arbre. (GAST. PHÉBUS, Livre chasse T., 1387-1389, 270). | |
| 145 | ...ainssi comme nous estiomps a ung trait de pierre de le ditte roche et la cuydions encontrer tout au través, que selluy fort vent nous estrema et vint ung autre qui soffla tiel cop le ditte nef que l'en porta long hors toute celle montaigne de roche (CAUMONT, Voy. N., p.1420, 59). | |
| 146 | Car Gervaise et son compaignon iroient devant et les deux autres après environ la longueur d'un ject de pierre. (BUEIL, I, 1461-1466, 66). | |
| 147 | Au partir de la, a main senestre, environ un petit gectet de pierre fut faicte la division des Appostres ou leur fut dit : (r)Ite et predicate (Pèler. D., 1486, 352). | |
| 148 | ...un aistre de pierre qui est ou contre cueur, de morte pierre de dix pieds de long et six pieds de hault, pour mettre du feu de charbon à tourner les rotz (Trés. Reth. S.L., t.2, 1409-1410, 603). | |
| 149 | Ung tas de pierres feray rire. (Roy sotz, c.1450-1500, 226). | |
| 150 | Mais ainsi ne faisoit pas Pothon qui en povreté et misère et en toute estroite et escharse fortune avoit esté nourry, et, par estrange manière de parler, avoit tiré de pierres et de cailloux lait et miel toute sa vie (CHASTELL., Chron. K., t.2, c.1456-1471, 125). | |
| 151 | La plante aussi ne peut fructefier qui trop souvent est ailleurs transportee ; et aussi dit l'ancien proverbes que "pierre souvent remuee ne cueillira ja mousse". Et de toutes ces choses veult Seneque conclurre que cely qui sy souvent ses opinions mue ne peut faire beau fait. (EVR. CONTY, Eschez amour. mor. G.-T.R., c.1400, 732). | |
| 152 | Qui souvent se remue Pour prendre son esbat, Et sault hors de sa mue Pour changier son estat, Souventesfois s'esbat A trouver jerbe escousse : Pierre qui trop rabat Ne pourroit cueillir mousse. (Prov. rimes F.M., c.1485-1490, 59). | |
| 153 | Fame neïs pierre amollie, Si com pert en dame Marie, Qui son chier fil amollia Quant pour le monde le pria. (Mir. N.D. Rosarius K., c.1330, 38). | |
| 154 | ...toute femme qui voit son seigneur doulz et simple, sans grant malice, de tant lui doit-elle porter plustost honneur (...) et se doit plus tenir close et plus simplement, et soy efforcier de garder et tenir s'amour et sa paix, car les cuers ne sont pas tousjours en un estat ; pierre vire et cheval chiet. (LA TOUR LANDRY, Livre pour l'enseign. de ses filles, éd. A. de Montaiglon, 1371, 133). | |
| 155 | Bien est vray que a user de ceste science il faut souvent desfacier une figure pour mectre l'autre, et pour ce est ce que les clers communement calculent sur pierre d'ardoise (LEGRAND, Archil. Sophie B., c.1400, 243). | |
| 156 | Perseüs, qui par l'air voloit, Se m[o]oit en ce qu'il voloit ; Politetus le desprisoit Et partout de li mesdisoit, Mais en pierre si le mua Qu'onques puis ne se remua, Par le chief Gorgon qu'i[l] gardoit, Qu'ame ce chief ne regardoit Qui en pierre ne fust muee, Tant fust subtive ne discree : Ovides le dit en ses fables En moralité[s] veritables. (MACH., Voir, 1364, 494). | |
| 157 | Alors je allay rouller celle grosse pierre que vous veez auprès de l'Aguille. (LA SALE, Salade, c.1442-1444, 153). | |
| 158 | Un autre s'en va chevauchant Et va par le chemin brochant, Car en trop grant ire est entré Pour son cheval, qui a sopé, Si treuve une grant pierre bise, Qui est pres du chemin assise. Son cheval prent a reculer, Quant le cuide avant faire aler. Adonc li croist la felonnie, Si renie Saint Marie Se la pierre ne baisera (LA BUIGNE, Rom. deduis B., 1359-1377, 105). | |
| 159 | Aussi li dieu les gens muoient En quelque forme qu'il voloient Et les deesses ensement, Car on vëoit appertement Les uns mués en forme d'arbre, Les autres en pierre de marbre. (MACH., Voir, 1364, 494). | |
| 160 | ...pour visiter et regarder deux pierres de molin (...) pour sçavoir s'ils estoient prouffitables et le valeur d'iceux (Doc. 1415. In : Y. Coutant, Terminol. du moulin médiév. dans le comté de Flandre, 1994, 797). | |
| 161 | ...une pierre de molin pour ledit molin, cousta ledit pierre... (Doc. 1449. In : Y. Coutant, Terminol. du moulin médiév. dans le comté de Flandre, 1994, 797). | |
| 162 | ...deux pierres de molins appellees "meules" (Doc. 1453. In : Y. Coutant, Terminol. du moulin médiév. dans le comté de Flandre, 1994, 797). | |
| 163 | ...2 pierres sur lesquelz li asse se tourne (Doc. 1393. In : Y. Coutant, Terminol. du moulin médiév. dans le comté de Flandre, 1994, 797). | |
| 164 | ...une piere nommé "assesteen", qui gist dessoubz le asse du dit molin (Doc. 1415. In : Y. Coutant, Terminol. du moulin médiév. dans le comté de Flandre, 1994, 798). | |
| 165 | Helas, helas ! a moy, vil pecheur et viel escripvain qui m'entremés sans larmes d'escripre l'entremés dont les pierres fendirent, et mon vil cuer remaint vuit de devocion, de pitié et de compassion, traitant la sainte redempcion de l'umaine generacion. (MÉZIÈRES, Vertu sacr. mar. W., c.1384-1389, 95). | |
| 166 | Et as veu la terre croler, le solail escousser et la pierre fendre [phénomèmes qui se sont produits à la mort du Christ] et aprés en esperit et non pas sans larmes et compassion cordiale tu pues avoir veu la grant playe de son costé ouverte du fer agu, de laquelle le precieux sang et l'yaue salirent a tres grant habondance (MÉZIÈRES, Vertu sacr. mar. W., c.1384-1389, 283). | |
| 167 | J'ay veu roches et pierres fendre ; Cheüe est une part du temple. [Réf. à Matth. 27, 51] (Pass. Auv., 1477, 274). | |
| 168 | Paste de roy, citron, madrien, pignolat, sucre rosat et sucre en pierre. (Comptes hôtel rois Fr. D.-A., 1390, 265). | |
| 169 | ...trouvé en la chambre du martinet dudit lieu 80 pièces tant grandes que petites de cuivre peloux (...) Item, trouvé audit martinet ung recuit de mine, duquel partie estoit fondue, autre partie estoit caché et batu et autre partie dudit recuit estoit en pierre sans estre cachié ne batu. Item, trouvé dedens l'un des murez dudit martinet ung autre recuit de mine qui avoit eu 14 feux et luy en failloit encores 6 (Aff. Jacques Coeur M., 1453-1457, 250). | |
| 170 | Pleüst Dieu que ceulz qui ce font Et qui amour ainsi deffont Par faus et par mauvais rappors Devenissent sauvages pors Ou qu'il fussent mués en arbre Ou en noire pierre de marbre (MACH., Voir, 1364, 706). | |
| 171 | De parler de froidure, c'estoit trop grant honte a luy, car jamais amant ne doivent avoir froit soit qu'il gelle pierre fendant (MART. D'AUV., Arrêts Am. R., c.1460-1466, 20). | |
| 172 | Et qu'il soit vray que la Mort n'avoit point de congnoissance sur eulx, il en apparoissoit assez par experience des amoureux qui montent et desvalent de nuyt du hault de deux ou trois estaiges par une touaille ou longiere pour entrer en une maison sans eulx blecier ou faire mal, pareillement de ceulx qui couchent entre deux goutieres toute le nuyt, voire quant il gelle a pierre fendant (MART. D'AUV., Arrêts Am. R., c.1460-1466, 154). | |
| 173 | ...un vent, chault comme feu, la ferit par telle guise qu'elle ne se pot bouger ne remuer, ne plus que une pierre (LA TOUR LANDRY, Livre pour l'enseign. de ses filles, éd. A. de Montaiglon, 1371, 59). | |
| 174 | Item, vueil qu'autour de ma fosse Ce qui s'enssuit, sans autre histoire, Soit escript en lectre assez grosse - Qui n'auroit point d'escriptouoire, De charbon ou de pierre noire Sans en rien entamer le plastre (VILLON, Test. R.H., 1461-1462, 142). | |
| 175 | ...Dieus, qui tout fist et fourma, A trois angles donné fourme ha Tele qu'il sembloient homme estre (...) Et les envoia a Abram, Qui puis fu nommés Abraham, Et les receupt dessoulz le chaisne Ou il habitoit, car de fraisne N'avoit ne maison ne palais, Ne de pierre, ne biaus ne lais. (MACH., Voir, 1364, 492). | |
| 176 | La tierce chose toutevoie Qui fait renom fortifier, Est grant chastel edifier, Cité, ville ou autre artifice Qui se fait de grant edifice, Car celle pierre amoncelée Ne puet tost estre consummée Ne cité si fort demolie Qu'il n'en demeure une partie Ou nom de celui qui la fist. (DESCH., M.M., c.1385-1403, 263). | |
| 177 | Lors, quant elle [Mélusine en forme de serpent] ot le fort environné troiz foiz, si se vint fondre si rudement et si orriblement sur la tour Poitevine, en menant tel tempeste et tel escroiz, qu'il sembla a ceulx de leans que toute la forteresse cheist en abisme, et lors sembla que toutes les pierres du massonnage se remuassent l'une après l'autre. (ARRAS, c.1392-1393, 261). | |
| 178 | Echielles y fist charpenter Et engins, pour en hault monter Pierre et tout quanqu'il couvenoit A ouvrier, qui la maçonnoit [la tour de Babel] (CHR. PIZ., M.F., II, 1400-1403, 151). | |
| 179 | Premierement, devant la tour Y sera assis la Bergiere, Et des canons tout a l'antour, Qu'i n'y demorra pierre entiere. (Myst. siège Orléans H., c.1480-1500, 547). | |
| 180 | ...Avoekes les dames sont vassaus, tels .XXIII., Qui ne vous prisent mie le pierre d'un berfroy. (Baud. Sebourc B., t.2, c.1350, 161). | |
| 181 | Et affin que jamais ne soit ostee, cruaulté luy met tres pesant, tres froide et tres horrible pierre de obduracion de cuer et de desesperance. (GERS., Purif., 1396-1397, 66). | |
| 182 | Lors furent les deux parois adjoustees ensemble par la pierre angulaire, voire par un ciment du precieux sanc de nostre Roy qui porte grant medecine. (MÉZIÈRES, Vertu sacr. mar. W., c.1384-1389, 97). | |
| 183 | Et a l'edification de cestui precieux fondement de Saint Pol, c'estassavoir a l'incarnation du benoit fil de Dieu ou ventre de ceste benoite vierge, le Saint Esperit maistre masson, ceste benoite et souveraine vierge aminstra la prumiere pierre, qui est dite pierre angulaire, qui conjont lez deux paroirs en un (MÉZIÈRES, Sustance H., 1396, 72). | |
| 184 | ...trois murs de au travers de la riviere, tous de blanche pierre (Doc. 1450. In : Y. Coutant, Terminol. du moulin médiév. dans le comté de Flandre, 1994, 798). | |
| 185 | ...faire le fondation de brique et de pierre blanche (Doc. 1475. In : Y. Coutant, Terminol. du moulin médiév. dans le comté de Flandre, 1994, 798). | |
| 186 | Combien cuides tu que cest edifice doye durer puis que tu voys que le fondement, la pierre quarree et les pillers en sont et seront tost ostez (Horloge de sapience S., c.1389, 81). | |
| 187 | Au pié d'une tour sont ycy deux homes, l'ung aiant le visaige enflé et l'autre une gibesiere, qui minent au pié d'une tour et hotent la pierre quarree accouplant deux murs, qui signifie paix, pour faire cheoir l'edifice. (Déclar. Hyst. S., a.1449, 158). | |
| 188 | ...nostre très cher filz le duc de Normendie et de Guienne, qui de nostre commandement assit la premiere pierre en ladite eglise... (PHIL. VI VALOIS, Doc. paris. V., t.2, 1350, 361). | |
| 189 | ...et la faisoient faire [une nouvelle église] Jehan Aubrion, Colignon d'Abocourt, Werrin l'escuier (...) ; celuy jour on mist la première pierre. Et la mist monsr l'évesque ; et y mist III pièces de métal, c'est assavoir : or, argent et couvre. (AUBRION, Journal L., 1481, 120). | |
| 190 | Et a l'edification de cestui precieux fondement de Saint Pol, c'estassavoir a l'incarnation du benoit fil de Dieu ou ventre de ceste benoite vierge, le Saint Esperit maistre masson, ceste benoite et souveraine vierge aministra la prumiere pierre, qui est dite pierre angulaire, qui conjont lez deux paroirs en un (MÉZIÈRES, Sustance H., 1396, 72). | |
| 191 | O sainte mere Eglise, tu fus fondee sur humilité, qui est la premiere pierre de l'edifice de Jhesu Crist, et par humilité gardee soubz la cremeur de Dieu es eslevee en exaltation sur le monde. (CHART., L. Esp., c.1429-1430, 56). | |
| 192 | LA FILLE. Vostre filz un cuer de pierre a. Il n'est nul qui le puist flechir Ne muer. (Mir. Barl. Josaph., c.1363, 296). | |
| 193 | Nambroth, qui tous les gouvernoit, Ordena comment pierre cuite Fust faite et pollie et enduite, Et comment le mortier feroient Et le ciment conroyeroient, Pour saëler par les jointures L'une a l'autre les pierres dures. (CHR. PIZ., M.F., II, 1400-1403, 150). | |
| 194 | Et y peut prendre pour son dit hostel pierre froide et un quesne de livree chacun an à Noël par la main du verdier (HECTOR DE CHARTRES, Cout. R.B., 1398-1402, 99). | |
| 195 | ...masson de pierre froide vingt deniers oultre ses despens, ouvrier commun de pierre de taille deux sols oultre ses despens (Très anc. cout. Bret. P., Textes divers, 1425, 394). | |
| 196 | Et quant il approucha un petit plus, il apperceut un hostel de pierre a maniere d'une chappelle. (ARRAS, c.1392-1393, 29). | |
| 197 | ...il apperceut le bourc, qui estoit cloz de haulx murs et de grosses tours et drues, et les fossez parfons et tous fais de pierre de taille, et voit la tour haulte et grosse entre le bourc et le fort (ARRAS, c.1392-1393, 77). | |
| 198 | ...une piece de chaussée commençant à l'endroit de la rue des Bretons du costé des Jacobins, en venant au long de ladite rue Saint Jacques, jusques à l'endroit et à l'opposite d'une jambe de pierre de taille qui fait le coing de la rue Saint Estienne des Grez (Comptes Paris V.L.D., t.1, 1424-1425, 58). | |
| 199 | ...en la cuisine près icelle chambre, avoir fait l'attre tout neuf de tielleaux et argille et restouppé plusieurs trous et avoir fait troys marches de degré tout de pierre de taille et machonnées de plastre ou l'en va au cellier et avoir estoupé une fenestre croysée sur la rue par laquelle l'en avait getté les terres et graviers de la court devant les fours. (Comptes Archev. Rouen J., 1437, 155). | |
| 200 | ...despence, à cause de deux massons besoingnant au fondement du pillier de pierre de taille de l'ostel du vergier dudit seigneur (Comptes roi René A., t.1, 1457, 55). | |
| 201 | ...ung Anglois prandra une grant pierre fort grosse et espesse et la gectera droit sus sa teste de la Pucelle, et de ce coup ladite Pucelle cherra sus les genouz et les mains a terre, et dont ladite pierre se doit emyer en pieces combien qu'elle fust de pierre de taille et pesante (Myst. siège Orléans H., c.1480-1500, 552). | |
| 202 | Et dit sur ce requis que le maçon et tailleur de pierre par lui cy-dessus accusé n'est en riens coulpable desdites saintures et argent prins (Reg. crim. Chât., II, 1389-1392, 485). | |
| 203 | Avant, villain, plus dur que pierre, Dedens se sac vous fault bouter. (Sav. serg. D.L., c.1480-1490, 35). | |
| 204 | Et puis fist venir grant foison macons et tailleurs de pierre, et fist commencier sur la ounye roche et bastir les fondemens telz et si fors que c'estoit merveilles a veoir. (ARRAS, c.1392-1393, 46). | |
| 205 | ...pour I huysset de boys a couvrir la pierre dudit puis (Comptes Archev. Rouen J., 1438-1439, 183). | |
| 206 | ...deux autres trous estouppez dedens ladicte ville, l'un dessoubz la pierre de la fontaine de la Seraine, et l'autre entre la maison du mareschal qui est emprès ladicte porte et la maison de la veufve feu Laurent Huguelin, avaluez à 2 toises (Comptes Paris V.L.D., t.1, 1441-1442, 280). | |
| 207 | ...pour avoir mené une pierre d'esvier prinse en la rue Saint Martin et menée sur le Pont Nostre Dame (Comptes Paris V.L.D., t.1, 1455-1456, 865). | |
| 208 | À Gillis Stoghe, soieurs d'ais, pour avoir (...) à soier un steenbedde et un nouvel ghereide, sur quoy la pierre gist ou molin à vent, et pour soier alpen et stutterlinghen qui appartiennent ou molin à eaue (Comptes Etat bourg. M.F., t.3, 1418-1420, 634). | |
| 209 | ...en cest estage mettra [Jehan Rose, charpentier] deux baulx de travers de 10 piez de long, sur lesquelz tourne le fer et la pierre dudit molin ; item, et sur ce mettra deux filieres de 20 piez de long et 16 poch de lez, sur lesdiz 8 baulx et sur lesdictes deux pieces de bos appellez filieres mettra deux doubles baux ainsi qu'il appartendra appellez dwersbalken ; et sur les deux filieres au dessus mettra deux doubles croissees appellez cruusbanden, la traversee où gist la pierre sus, et en oultre fera la roe de l'eaue, asse et camwiel de nouvel ainsi qu'il appartendra (Comptes Etat bourg. M.F., t.3, 1418-1420, 647). | |
| 210 | "Daniel, biaus amis, En lac des lions sera mis. Sergens de Dieu, pren bon espoir En ton dieu, car par li j'espoir Que chascuns clerement verra Qu'a joie te delivrera." Adont fu une pierre ostee Qui moult estoit pesant et lee, Si le mirent sans demourer, Pour li mangier et devourer, Comme l'aignel entre les leus, Avec les lions familleus. (MACH., C. ami, 1357, 40). | |
| 211 | Et quant ma femme fu morte, je l'enfouy en ce tertre lassus, s'i a sur elle mise une grande piere que mes filz y mist l'autrier (Chev. papegau H., c.1400-1500, 82). | |
| 212 | Mes compaignes, prenés conffort, Car je voy la pierre levee, Bien y povons avoir entree (Pass. Semur D.M., c.1420 [1488], 249). | |
| 213 | La pierre veistes revolue Du lieu duquel Jesus yssit, Dont nostre foy fut soustenue, En Galilee si fut veue La vraye resurrection : Priez toutes que descendue Soit sur moy sa remission. (RÉGN., F.A., 1432-c.1465, 24). | |
|
