| 48 exemples |
| 1 | Adont fu une pierre ostee Qui moult estoit pesant et lee, Si le mirent sans demourer, Pour li mangier et devourer, Comme l'aignel entre les leus, Avec les lions familleus. (MACH., C. ami, 1357, 40). |
|
| 2 | ...Fu pris et loiés Manassès, N'onques n'i ot autres prosès, Einsois fu menez sans pité En Babiloinne, la cité. Mais uns fers avoit si pesans Que, qui li donnast mil besans, Il ne s'en peüst deffergier. Et puis on l'ala habregier En une chartre moult obscure, Pleinne de puour et d'ordure. (MACH., C. ami, 1357, 51). |
|
| 3 | Mais li dieu si fort se courcierent Que crueusement s'en vengierent : Ne [Typhée] fu adjournez ne semons, Eins fu mis entre quatre mons Trop pesans et trop mervilleus. Tout enmi fu li orguilleus, Qu'i voloit les dieus desprisier Et li plus qu'eaus faire prisier. (MACH., C. ami, 1357, 84). |
|
| 4 | Puis traist l'espee et fiert a dextre et a senestre grans coups et pesans. (ARRAS, c.1392-1393, 161). |
|
| 5 | ...grans coupz et pesans (Percef. I, R., t.2, c.1450 [c.1340], 843). |
|
| 6 | ...et en fiert le jenne chevallier de toutte sa force sus son escu ung coup tant pesant qu'il fut constraint soy mettre a ung genouil. (Percef. III, R., t.1, c.1450 [c.1340], 133). |
|
| 7 | Le [prieur], du dos du cousteau, fiert au col de l'yvroigne ung grant et pesant cop (C.N.N., c.1456-1467, 63). |
|
| 8 | C'est vïande [les hures de loup] ung peu plus pesante Que duvet n'est, plume ne liege ; Elle est bonne a porter en tante Ou pour user en quelque siege. (VILLON, Test. R.H., 1461-1462, 95). |
|
| 9 | ST JEHAN. Choses grans misteres portans Habondanment et en grant somme Ay veües en mon pesant somme (Myst. Pass. Troyes B., a.1482, 659). |
|
| 10 | Toutevoie je me levai Et mon vis et mes mains lavai, Car j'estoie tous estourdis, Tous pesans et tous alourdis. (MACH., Voir, 1364, 230). |
|
| 11 | Touz jours verras le paresseux Pensant [var. pesant] et melancolieux (DUPIN, Mélanc. L., c.1324-1340, 178). |
|
| 12 | Et est a savoir que pluseurs causes sont par quoy un homme peut estre negligent de bien faire : une est la malice de sa complexion, qui le rent pesant, pereceus et negligent, si comme seroit un homme qui est trop fleumatique. (ORESME, E.A.C., c.1370, 198). |
|
| 13 | Et a Sisiphus point ne grieve La grant roche pesant et grieve. (MACH., C. ami, 1357, 90). |
|
| 14 | Vous contrefetes bien le pesant De ceulx qui sont contrefeysant Gens qui sont de lache corage. (Myst. st Sébast. M., c.1450-1500, 173). |
|
| 15 | JHESUS. O foles gens de fol penser Et encor pesans et tardis A croire les faiz et les ditz Que les prophettes par escript Vous ont denoncé et escript ! (Myst. Pass. Troyes B., a.1482, 922). |
|
| 16 | Je sçay bien que je ne puis mie Vivre en ce monde longuemant. (...) Je me vueil ore transmuer En mayson ; je suis tout pessant. (Myst. st Bern. Menth. L., c.1450, 105). |
|
| 17 | Il estoit anuyt tout pessant : Je ne sçay comme[nt] il se pourte. Va hurté ung po a sa porte Et l'esveiller toust doulcement. (Myst. st Bern. Menth. L., c.1450, 87). |
|
| 18 | Dessus celle chaire seoit Une dame, a qui bien seoit Sa maniere pesant et sage. (CHR. PIZ., Chem. estude P., 1402-1403, 99). |
|
| 19 | Me fu vis qu'elle estoit changie, Et pensay qu'elle le faisoit Pour autre qui mieus li plaisoit. Lors renouvela ma pesence, Et cheï en une doubtance Si grief, si pesant et si pesme, Que de joie ne que de cresme Dedens mon cuer ne demouroit Pour la doubte qui l'acouroit. (MACH., R. Fort., c.1341, 152). |
|
| 20 | Je li priai devotement Que de la joie et dou tourment Que li lions avoit eü, Si com je l'avoie veü, Et des bestes qui sont entour Qui li font meint pesant estour Me vosist dire l'ocoison - Car ce n'estoit pas sans raison - Et l'ordenance dou pourpris Ou je me tenoie pour pris, Se n'estoie a port de salu Par le lion qui m'ot valu, Et la vertu de la nacelle. (MACH., D. Lyon, 1342, 187). |
|
| 21 | ...Quar je ne sçay Escript en vray Qu'onques cuers eüst tant De grief esmay, Si comme j'ay, Ne de dueil si pesant. (MACH., Les lays, 1377, 474). |
|
| 22 | Moult fu l'enfez Jourdains liez dedens son corage Et li paiiens dolans de son pesant damage. (Jourd. Blaye alex. M., a.1455, 282). |
|
| 23 | Si me couchai dedens mon lit, Tous nus, sans joie et sans delit, En pensant a ceste aventure, Qui trop m'estoit pesant et dure ; Si m'endormi a moult grant painne (MACH., Voir, 1364, 682). |
|
| 24 | Li roys commanda qu'on l'enserre, Et qu'on le mette estroitement Uns fers en ses piez, telement Et si pesans qu'il ne s'en vole, Car mettre le vuet en géole, Ou apenre un autre mestier, Dont cure n'avoit, ne mestier. (MACH., P. Alex., p.1369, 258). |
|
| 25 | ...Grant martire qui tant pensant T'estoit (Prières saints R., t.2, 1400-1500, 332). |
|
| 26 | Et comme dit Tulles en son livre de Achademiques, les choses pesantes et de grant auctorité sont delectables (ORESME, E.A., c.1370, 101). |
|
| 27 | ...ceste maniere de guerre n'est mie permise ne droit ne l'octroie mie, maiz en est tant pesant (BOUVET, Arbre bat. R.-B., c.1386-1389, 405). |
|
| 28 | C'est ung conseil doubteux et pesant Et dangereux, a mon cuider. Se d'avanture vous saillez Et contre eulx ne soyez puissant, Vous ne vous pourrez reculler De la presse bien aisement. (Myst. siège Orléans H., c.1480-1500, 253). |
|
| 29 | De grans et de pesans merveilles (CHR. PIZ., M.F., I, 1400-1403, 143). |
|
| 30 | Moult ot roy Ninus noble femme Espousé, dont il est grant fame Et grant renom es escriptures, Pour les pesantes avantures, Qu'elle acheva grandes et fieres (CHR. PIZ., M.F., II, 1400-1403, 182). |
|
| 31 | ...est a entendre que tout grant blanket et li grant drap de couleur doivent estre trouvet apparilliet de 28 lb. de pesant (Drap. Valenc. E., 1344, 300). |
|
| 32 | En telz cas ceste est tres petite, et pour ce n'en font compte les aucteurs qui mettent que la chose qui noe fait ceder souz elle autant pesant de eaue comme elle poise. (ORESME, C.M., c.1377, 718). |
|
| 33 | La ville de Masseille donna six vingts ducatz, qui furent convertis partie en son pesant de cire à Saint-Loys, et le demourant elle en fist à son plaisir. (Roi René vie L., 1471, 353). |
|
| 34 | Faictes noz trompetes sonner Pour ralyer tousjours noz gens, Et sus les murs sans sejourner Soit porté pierres de grant pesant Pour acraventer toutes gent Qui voudront monter par eschelles ; Sans espargner petit ne grant, Faictes y euvres immortelles. (Myst. siège Orléans H., c.1480-1500, 551). |
|
| 35 | Et sont telz corps plus pesans que legiers, et pour ce, il tendent en bas naturelment par simple mouvement, aussi comme feroit la terre qui seroit simple element. (ORESME, C.M., c.1377, 66). |
|
| 36 | ...pour d'or fin men pesant (Hugues Capet Lab., c.1358, 87). |
|
| 37 | Avant, seigneurs chevaliers ! Penons nous de prendre la cité avant que le secours leur viengne. Par Mahon, cil qui premiers pourra entrer dedens, je lui donray son pesant d'argent en tel estat qu'il y entrera. (ARRAS, c.1392-1393, 110). |
|
| 38 | Mais sachiez, se vous nous voulez croire, il vous souffira d'avoir veue la tour, et en revendrez avec nous, car, quant a nous, nous n'yrons plus avant pour le pesant de nous de fin or. (ARRAS, c.1392-1393, 245). |
|
| 39 | A ce besoing point ne fauldré Pour guainnier d'argent mon pesant. (Pass. Semur D.M., c.1420 [1488], 104). |
|
| 40 | Mais il ne voulsist pour son pesant d'or que autre joutast a luy. (Percef. I, R., t.2, c.1450 [c.1340], 750). |
|
| 41 | Donner vouldroye mon pesant D'or fin, et vous fussiez en vie (Myst. siège Orléans H., c.1480-1500, 480). |
|
| 42 | Et il [l'épervier] de sa propre nature Se metoit a sa norriture Si a point que riens n'i failloit. Pour quoy son pesant d'or valoit Plus de cent fois, ce m'iert avis. (MACH., D. Aler., a.1349, 276). |
|
| 43 | IIIcXXII quartiers I b. et II raseaulx davoine (...) VII quartiers I demeel de fevez, VIIc pesant de burre (Compte Navarre I.P., 1367-1371, 61). |
|
| 44 | Gieffroy le fiert par telle vertu, a ce que l'espee fu dure et pesans et qu'il y mist toute sa force, que l'espee lui coula jusques en la cervelle, que oncques le bacinet ne l'en pot garantir, et l'abat a terre mort jus du destrier. (ARRAS, c.1392-1393, 235). |
|
| 45 | ...et de l'autre leez est le surplus de la montaigne toute plaine et toute environnee de pierres noires et pesantes comme fer (LA SALE, Salade, c.1442-1444, 142). |
|
| 46 | ...elle demoura en chemin, sans se povoir ravoir, ne monter, ne avaler, quelque peine qu'elle y mist, et ce a l'occasion de son derriere qui estoit beaucop gros et pesant (C.N.N., c.1456-1467, 275). |
|
| 47 | Sus, seigneurs, venés tous ayder ! Je vous dy qu'elle [la pierre] est bien pesante. (Pass. Auv., 1477, 261). |
|
| 48 | Sur la terre n'a herbe ne plante, A chault et froit la laissent descouverte, Faulx et courtes parmy la terre on plante. Par dens de herces et rateaux est ouvree Tant quë Athlas soubz sa charge pesante Ont rendu las qui faisoit si grant serte, Et n'y a plus beste en terre vivante Que les humains (ne) destruissent sans desserte. (Cene dieux, c.1492, 110). |
|
