A. -

[D'une pers. (ou d'une chose personnifiée, en partic. la fortune), de son coeur, de son comportement, de ses propos, de ses pensées...]

1.

"Porté au mal, mal intentionné, mauvais, cruel" : Je me plein de celui qui en celier converse : Il me honnist mon vin de l'iaue qu'il y verse. Mout fu l'uevre de Dieu à la sienne diverse ; Car il fist d'yaue vin, et il fait la renverse. C'est uns truans convers qui aimme une converse, Orde, vieille et puante, orgueilleuse et perverse. Je la trouvay l'autrier dessous lui toute enverse. (MACH., Compl., 1340-1377, 266). Pour ce, dame, je vous demant Qu'a moy vueilliez dire commant Je me porray de li [Fortune] deffendre, Car si gieu sont pour un cuer fendre, Mais qu'il soit de loial amant, Et fust plus dur que dyamant, Et s'aus autres est si diverse Et de nature si perverse Comme a moy, qu'elle eüst occi, Se Dieus ne vous eüst tost ci Amenée, pour moy destordre Dou mors dont elle me volt mordre. (MACH., R. Fort., c.1341, 87). Car qui en amours ne scet feindre, Il ne puet a grant joie ateindre, N'il n'a pooir de bien celer Ce qu'il ne vorroit reveler ; Car li mondes est si divers, Si mesdisans et si pervers Et pleins de si fausse contrueve Qu'au jour d'ui on dit et contrueve Ce qui onques ne fu pensé. (MACH., R. Fort., c.1341, 154). Avec ces paroles diverses, En leurs diversetez perverses, Me moustra elle une maniere Aspre, crueuse, male et fiere, En signe de grant mautalent, Pour moy faire le cuer dolent Et mettre ma pensée toute En effroy, en soing et en doubte. (MACH., J. R. Nav., 1349, 165). J'ay si perverse entencion Eu que maintes fois disoie Qu'aussi grant dame ou plus estoie Conme la mére au doulx Jhesu (Mir. mère pape, c.1355, 355). ...ceste fortune perverse Qui ainsi me trebuche et verse Me vient a cause du meffait Que envers mon seigneur ay fait. (Mir. Theod., 1357, 107). Mais quant Amours .I. amant point, Il n'est pas tous jours en .I. point, Ains a des pensees diverses Et des douces et des perverses. (MACH., Voir, 1364, 142). Le cuer (...) me fait mal D'Inace, que ce desloial, Pervers et mauvais emperiére A tourmenté (Mir. st Ign., 1366, 89). Maint cuer pervers et despiteux Fait et a fait doulx devenir (Mir. st Val., c.1367, 131). Car ceulz qui sont tres mauvais, felons et pervers, teles choses ne sont pas en eulz, ne ilz ne leur semble, et a peu que il n'est ainsi de ceulz qui sont mauvais et non pas tres mauvais. (ORESME, E.A., c.1370, 467). ...se par aucune aventure aucun chetif fol Juyf par sa fausse mauvaistié et de perverse foy... (FOUL., Policrat. B., II, 1372, 146). Sa contenance [de Fortune] en vertu pas ne dure, Car c'est tous vens, ne riens qu'elle figure Ne puet estre fors de fausse figure ; Et li siens sont toudis en aventure De trebuchier ; car, par droite nature, La desloyal renoïe, parjure, Fausse, traïtre, perverse et mere sure Oint et puis point de si mortel pointure Que ceaus qui sont fait de sa norriture En traïson met à desconfiture. (MACH., Motés, 1377, 497). ...attendu l'estat de sa personne, qui est homme pervers, de dure et mauvaise voulenté, lequel, par sa confession, l'en ne puet attaindre des delis par lui fais et commis (Reg. crim. Chât., II, 1389-1392, 147). Hee, faulse Fortune, comment es tu si perverse que tu m'as fait occire cellui qui tant m'amoit, cellui qui tant de bien m'avoit fait ! (ARRAS, c.1392-1393, 22). ...il voult convertir tant soudainement et merveilleusement le monde a sa foy et a sa loy contre toute la furieuse puissance des tirans, contre toute la sapience et moquerie des philosophes, contre tout l'effort et l'esclande des juifs, contre la malice et parverse cautelle des dampnez ennemis. (GERS., P. Paul, a.1394, 494). Nous avons veu de pluseurs et en pluseurs que pour demonstrance de miracle quelconque ilz n'ont point esté faiz meilleurs mais plus parvers et obstinez en leurs mauvaises voulentez et foles creances et faulsetez : il apparu en Pharaon et pluseurs des juifs, et depuis en maintes gens. (GERS., P. Paul, a.1394, 497). ...Gloutonnie la perverse ! (CHR. PIZ., M.F., II, 1400-1403, 32). ...de condicions perverses, Felonnes, males ou diverses (CHR. PIZ., M.F., II, 1400-1403, 81). Vois se Fortune la perverse (CHR. PIZ., M.F., IV, 1400-1403, 68). Qui est l'omme de cuer si dur, si ingrat et si pervers que se le roy, qui icy est, offroit monseigneur le Daulphin, son propre enfant, a mort pour le garentir de mourir, et pour le sauver et honnourer, qui moult n'amast le roy ? (GERS., Noël, p.1404, 294). Laissiés m'ester ces traïtres parvers Et me parlés des loyaulx amoureux, Qui ont esté en leurs fais sy couvers Conme Pontus, qui tant fut bien cureux Es fais d'amours, et en armes sy preus, Que pour ytant Sydoine conquesta. (Jeu quatre pers. L., a.1465, 191). Tant grant pestillence fut soubz l'empire de ces .iiii. parvers invaseurs de l'empire (MAMEROT, Romuleon D., 1466, 420). LE CRESTIEN. (...) Present, je congnois mon peché De grant courtoisie enteché, Tempté du pervers ennemy [Sathan]. N'est secours que de vray amy [saint Nicolas]. (Mir. st Nic. juif, c.1480-1500, 149). Gracianus fut aussi environ ce temps, selon aucuns, excellant astrologien et fut lui qui advera la perverse heresie de Jehan Wicleff, Anglois et de Jehan Hus en Boheme (SIMON DE PHARES, Astrol., c.1494-1498, f° 145 v°). LUCIFFER. Puant, pugnais, porc prejudicïable, Poilleux, pensu, putier, pasteur paillart, Parvers, poiltron, paludin penetrable, Paralletique, puissant prince pillart, Persecuteur, parjure papellart, Patron perdu, perilleux preparé, Palle pelle, pousif, pourry pendart, Par tous les deables soit ton corps desvoré ! (LA VIGNE, S.M., 1496, 368).

-

Empl. subst. "Personne portée au mal, mal intentionnée, mauvaise" : Par malvaise genglerie, Par envie Commencie, Diex Malebouche maldie Et dont elle a port ! Quar la perverse pourrie, Ennemie Renoiie, Defait contre moy partie Et me greve à tort Tant que jour, nuit ne demie N'est partie Ne faillie Ma doulour ne amenrie Dont j'ay pis que mort. (MACH., Les lays, 1377, 470).

2.

"Perverti, corrompu" : Car dès le ciel jusques en bisme Ses puissances par tout s'espandent, Et de ses puissances descendent Circonstances trop mervilleuses, Et sont a dire perilleuses, Qui s'apruevent par leur contraire. Par ces raisons s'en couvient taire Pour les entendemens divers Qui sont aucune fois pervers. La dame a nom Bonneürté Qui tient en sa main Seürté En la partie de Fortune ; Car il n'est personne nesune Cui Fortune peüst abatre, Se la dame le vuet debatre. (MACH., J. R. Nav., 1349, 270). Ne retenez, sire, envers vous quelzconques personnes qui vous enhortent a mal et au contraire de verité, car dit le Saige que le prince qui oÿt voulentiers parole de mansonge et de flateurs a ses ministres tous pervers. (GERS., Noël, p.1404, 310). ...Pou perspesif, plain propos penetrable, Povoir partable, prescript, pris, properable, Party plorable, prevention portable, Pacificable, postulant, pris, parvers, Ceste opusculle fist lugubrer par vers. (LA VIGNE, Compl. roy Bazoche M.R., 1501, 388).

B. -

[D'une chose]

1.

"Mauvais (en partic. d'odeur)"

Rem. DESCH., Oeuvres R., t.7, c.1370-1407, 62.

2.

"Qui a des effets nuisibles, malfaisant" : ...car, comme dit est, selon les principes et les causes de elles, les unes sont humaines et natureles et selon leur gerre ou maniere et selon leur quantité, et les autres sont bestials ou pour deffaute de nature ou pour passions et perverses acoustumances ou pour maladies. (ORESME, E.A., c.1370, 386). Et la malice de la complexion est cause de corrupcion de l'appetit et de perverses ymaginacions. (ORESME, E.A.C., c.1370, 380). Disoit on aussi que monseigneur d'Orléans s'estoit consenti à la perverse excommunicacion envoiée par Pierre de La Lune pour induire le Roy à son obéissance. (Doc. 1408. In : MONSTRELET, Chron. D.-A., t.1 c.1425-1440, 319). Car ladicte conjonction, Comme l'escript fait mention, Fut si mauvaise et si perverse, Si merveilleuse et si diverse, Qu'elle mist à perdition En toute terre et région Les deux pars du peuple (LA HAYE, P. peste, 1426, 25). Car mauvaise replétion Reçoit tantost l'impression De chascune rien qui avient, Soit perverse ou convénient (LA HAYE, P. peste, 1426, 59). Ce .VI^e. chappittre parle de la très plaisante moderacion que ledit Sipio Affrican eust contre la perverse fortune de Hanibal, son très mortel ennemy. (LA SALE, Sale D., 1451, 76). Année ne fut onc si parverse. (Sots, c.1480-1500, 271). Vie perverse et desordonnee, Vie a tout mal habandonnee, Vie dampnable, vie dissolue, Vie de vices orde et polue, Par moy seras empoisonnee. (Cene dieux, c.1492, 137). ...Dont le regret de trop pis en pis mont Entre nous tous pour la desconvenue Las ! qui nous est si tres a coup venue Qu'il nous convient soit par prose ou par vers Mettre en avant les maulx durs et pervers, Sans que nully s'en puisse deporter Que pour sa fin nous fault adés porter (LA VIGNE, V.N., p.1495, 317).

-

Pervers contre : Puis vinrent pensées diverses, Assés contre mon cuer parverses, Qui moult malement m'argüoient Et moult forment me contraignoient Que de ce lieu me destournasse, Afin que je l'entroubliasse (MACH., D. Aler., a.1349, 260).

3.

[Dans le domaine de l'hérédité] "Perverti, altéré" : ...aucune foys descent de luy un filz mal morigynés et de perverse condiction, et tel ne doit mie estre reputé pour noble (Songe verg. S., t.1, 1378, 299).