| 172 exemples | | 1 | ...la consideracion de lieu, de temps, de maniere, de personne et de cause est ordeneresse et mesure de toute licence et congié (...). Bien donques doit estre en toutes choses consideree la condicion des personnes avec leur nature, la raison, la fortune : chascune en son droit reveste et aourne l'homme selon la personne (FOUL., Policrat. B., I, 1372, 112). | |
| 2 | ...il semble que il veste en soy et preingne la personne d'estrange ["le rôle, le personnage de quelqu'un d'autre"] (FOUL., Policrat. B., III, 1372, 219). | |
| 3 | Et nonobstant ladicte ruine, pestilence et peril merveilleus n'y a eu aucune personne perillée, Dieu mercy (BAYE, I, 1400-1410, 216). | |
| 4 | Dame des cieulx, cinc mille fois Vous loe (...) De tant que vous vous estes cy A ma personne demonstrée (Mir. enf. diable, c.1339, 4). | |
| 5 | S'il avenoit qu'on eust mestier De moy, touchant vostre personne, Seurement ce mot cy vous sonne : Guere languir ne vous feroye. (Myst. jeune fille L., c.1413-1445 [c.1530], 53). | |
| 6 | Jhesu, respon a ma personne, Or me dix, Jhesu, es tu roy ? (Pass. Semur D.M., c.1420 [1488], 190). | |
| 7 | ...la Court a ordonné que Girart de Bourbon, frere de l'abbé d'icelle abbaie, sera contraint, par prinse et emprisonnement de sa personne et par toutes autres voies deues et raisonnables, à rapporter à Paris à ses despens (...) les trois angels d'argent doré et autres parties qu'il a du reliquiaire du chief Saint-Denis (FAUQ., II, 1421-1430, 113). | |
| 8 | Par ma foy, mon seignieur, il n'a Pas pris conseil a ma personne. (Myst. st Bern. Menth. L., c.1450, 89). | |
| 9 | ...ayant despit en sa personne quant elle me voit avoir aucun bien de plus haulte valeur en amours que a mon estat n'appartient. (Percef. III, R., t.1, c.1450 [c.1340], 300). | |
| 10 | ...et leur sambloit bien qu'ilz ne touchoient point de leurs piez a terre, ains leur estoit advis qu'ilz ambulassent tant proprement sus leurs personnes sans eulx remouvoir qu'il sambloit qu'ilz fussent portez en l'aer ["qu'ils allaient, qu'ils tournaient sur eux-mêmes"]. (Percef. III, R., t.2, c.1450 [c.1340], 31). | |
| 11 | Mon amy, ne soit esbaye Vostre parsonne des tourmens Que vous vueillent ces males gens Fere, par la seule sentence De l'empereur et ordonnance : Ilz vous veullent sanctiffier (Myst. st Adr. P., c.1450-1485, 151). | |
| 12 | Et est bien raison que les gensdarmes soient bien payés car ilz gaignet leurs gaiges a grant poine et a grant travailh de leurs personnez. (Traité politique C., c.1492-1493, 163). | |
| 13 | "...Et se aucun vouldra dire Hiesucrist appreuva les grans disners et les festes quant il fu en personne, sa mere et ses disciples, aux noces d'architriclin ; a ce je respons", dist la royne, "que mon Pere appreuva les dictes noces et convient. Quel merveille ! car il ne fu pas oultrageux quant ou millieu du disner le vin y failly..." (MÉZIÈRES, Songe vieil pèl. C., t.2, c.1386-1389, 317). | |
| 14 | "Et qui luy fist ?" dit la dame. - "Vous pouez bien savoir que ce fust male personne ; car nulle bonne personne ne l'avroit fait ja mais si maulvais comandement." - "Qui fu celle personne ?" dit la dame. (Chev. papegau H., c.1400-1500, 32). | |
| 15 | ...et, pour ce, commanda aus sergens de Montlehery, ou à aucun d'iceulx, que se ilz le trouvoient en personne, ilz le admenassent ès prisons de Montlehery (Reg. crim. Chât., I, 1389-1392, 505). | |
| 16 | ...maistre Pierre des Champs, docteur en decret et prieur de Saint Anthoinne ou diocese de Rodès, estoit ceans adjorné à comparoir en personne (BAYE, I, 1400-1410, 300). | |
| 17 | ...plusieurs de ceulz qui tiennent iceulx offices n'y ont fait résidence ne les exercez en personne (Ch. VI, D., t.1, 1406, 290). | |
| 18 | ...à quoy ledit Montbleru en personne s'opposa ou regard de l'office dudit bailli de Meleun. (FAUQ., I, 1417-1420, 43). | |
| 19 | ...ou cas que ne paierions lesdits IIIIc mil escuz aux termes, soubz les condicions et en la manière dessus touchée, et que faulte ou délay y auroit en tout ou en partie, en ce cas, après chascun desdits termes escheuz et non acquictez en la manière que dit est, ils vendront en personne eulx et chascun d'eulx tenir hostaiges es villes cy après déclarées (Roi René vie L., 1437, 228). | |
| 20 | Hoster vois fere mes cheveulx Et vestiray ung habit d'omme, Grace ou quel g'yray en personne Visiter les povres de Dieu Crestiens, lesquelx en ce lieu Sont boutez pour tenir sa foy. (Myst. st Adr. P., c.1450-1485, 137). | |
| 21 | Missire André Morel et Pierres Morel, frères, commis au gouvernement et recepte des terres de La Mothe Boysi, Saint-Aon et autres terres de Rouannais qui furent de Jacques Cuer, (...) se sont aujourduy comparus et présentez en personne par devant moy (Aff. Jacques Coeur M., 1453-1457, 244). | |
| 22 | ...il convient que chascun chief d'hostel face une foys la sepmaine, en personne, le guet par nuyt, sur la muraille (C.N.N., c.1456-1467, 387). | |
| 23 | ...contraint fut (...) aller aux affaires qui tant luy touchoient, que sans y estre en personne il perdoit une grosse somme de deniers (C.N.N., c.1456-1467, 435). | |
| 24 | Lors vint le marissal de Bourgoingne aux deux chevaliers de par le duc et leur dist : "(...) je vous assigne jour et place de par luy en la ville de Malines ou de Bruselles (...) ; et a l'aventure vous verra meismes en personne, et on verra le bien norry, car je vous asseure qu'il vous soufrera bien comparer voz oultraiges..." (CHASTELL., Chron. IV, D., c.1461-1472, 138). | |
| 25 | ...et nommerés (...) sans faveur desordonnée et sans hayne, bonne personne, ydoinne et convenable pour exercer l'office de Chancellier. (BAYE, II, 1411-1417, 130). | |
| 26 | Voz deux freres vous bailleron Pour vous conduire le pays, Et me desplaist que je ne puis Y aller moy mesmes en personne. Vous savez l'affaire ou je suis ; Fault de ce pays que je ordonne. (Myst. siège Orléans H., c.1480-1500, 351). | |
| 27 | ...toutesfois le roy, voyant le bruit, y alla en personne et appaisa tout. (LA VIGNE, V.N., p.1495, 261). | |
| 28 | ...au temps du crime par les dessusdiz Savoisy et vallés crimineulx perpetré, le Roy estoit mauhaitié, si n'y povoit pourveoir en sa personne (BAYE, I, 1400-1410, 112). | |
| 29 | ...en ceste presente armée où nous entendons aller en nostre personne au plaisir de Dieu, contre noz adversaires et rebelles (Doc. 1412. In : L. Mirot, Le Moy. Âge 21, 1919, 34). | |
| 30 | ...lequel messire Amourry, en sa personne, a dit et proposé que au regard desdictes cédulles il les confesse avoir signées de sa main et a confessé toutes les quatre parties dessusdictes (Aff. Jacques Coeur M., 1453-1457, 558). | |
| 31 | Le nombre des touchans a ceste emprinse du More furent XXV en tout, XII à Aras et XIII devant les dames. N'y fut point le conte de Charolois (...), car s'en estoit allé ledit conte (...) en Zeellande tenir la Vierscare - qui vault autant comme ung parlement a la coustume du pays -, que nul ne peut tenir que le prince en sa personne ou son filz aisné. (CHASTELL., Chron. IV, D., c.1461-1472, 129). | |
| 32 | Et, combien que personne ne lise mie en propre personne, si n'est il pas pour ce sanz lecture et sanz escripture lire se il oit et entent sagement les autres lire et le met en son cuer. (FOUL., Policrat., IV, 1372, 65). | |
| 33 | En propre personne moy meisme [Je] saray posé pour le disme. (Myst. st Bern. Menth. L., c.1450, 125). | |
| 34 | Et puis il [les Chrétiens] dïent aultremant Que Dieu est en propre personne A la messe et c'on le donne A ceux qui le vueillent reçoyvre (OUDIN, St Genis M.S., c.1490, 67). | |
| 35 | Et especialment devez vous avoir le cuer eslevé a Dieu en temps et en lieu d'oroison et a l'eglise quant vous chantez et servez Dieu, et la doit estre le cuer en propre personne, autrement il pert ses distribucions, ce sont les consolacions divines que Dieu soustrait aux cuers qui vont vaguant par le monde et n'entendent a chose qu'ilz dient, si comme ceulz et celles qui n'ont que le corps en l'eglise et le cuer au siecle. (FRÈRE ROBERT, Chastel perill. B., c.1368, 315). | |
| 36 | S'ensuient les noms des cent personnes qui au jour d'ui font le Parlement du Roy nostre Sire... (BAYE, II, 1411-1417, 159). | |
| 37 | Ordrené est que considerées les graces qui autre foiz leur furent faites (...), la Court leur eslargist leur prison pour aler là où il voudront, juques au jour de la baillie de Senz de cest present parlement ; à laquelle journée il se comparestront en leurs propres personnes pour oïr l'ordrenance de la Court sur poine (Conf. Jug. Parlem. Paris L.L., 1334, 93). | |
| 38 | ...vint en se propre personne Simon le Boullenguier, demourant a Autreville (Cartul. Beauv. L., 1365, 635). | |
| 39 | Pour tant te dix en ta personne Que tous pechiers je ly pardonne (Pass. Semur D.M., c.1420 [1488], 139). | |
| 40 | DIEU. (...) Car pour oster l'homme d'exil, Nous en personne de no fil Prenderons incarnation Pour humaine redemption Dedans ung virginal autel (MARCADÉ, Myst. Pass. Arras R., a.1440, 11). | |
| 41 | Et, pour ce, en vostre presence, je le constitue lieutenant en lieu de moy et vous prie et commande à tous que vous luy obéissez comme à ma propre personne. (BUEIL, II, 1461-1466, 5). | |
| 42 | Tenez, m' amye, je vous ayme Autant que ma propre personne, De tresbon cueur cecy vous donne. (P. Jouh. D.R., a.1488, 29). | |
| 43 | Je vous fais mon grant lieutenant Et vous donne plaine puissance De faire guerre ou acordance, Ainsi que bon vous semblera. Tout mon ost vous obeira, Ainsi qu'a ma propre personne, Et de ces choses je vous donne Commission toute planiere. (Myst. st Laur. S.W., 1499, 152). | |
| 44 | Je luy ay chargé vous dire aucunes choses, et pour ce vous prie que vous faictez ce qu' il vous dira et le croyez comme ma propre personne et sans difficulté ne dissimulation nulle. (LE CLERC, Interp. Roye, c.1502, 385). | |
| 45 | PRIMA MULIER. (...) Mon enffant, ma douce personne ! Dolente, quel mortel guïerre ! Bien me deust transglotir la terre Quant je vous voy mort soutenir. (Pass. Semur D.M., c.1420 [1488], 94). | |
| 46 | ...aucunes foiz advient, quand on s'endort en aucun desplaisir ou melencolie, au reveiller c'est ce qui vient premier a la personne (C.N.N., c.1456-1467, 366). | |
| 47 | ...la premiere personne qu'il rencontra ce fut sa femme (C.N.N., c.1456-1467, 287). | |
| 48 | ...siques au terme Que la personne leur ora, La compaignie demora (Tomb. Chartr. W., c.1337-1339, 48). | |
| 49 | Gens d'eglise : Labbé de Montebourg, C fr. ; le commandeur de Walcainville, XV ; la personne de Diguilleville, V ; (...) Dan Guillaume Troude, V. (Compte Navarre I.P., 1367-1371, 468). | |
| 50 | Bien scevent personnez discretes Qu'entre les miseres secretes Y a asséz d'autres molestes (LE FÈVRE, Respit Mort H., 1376-1380, 88). | |
| 51 | ...le benoist Jhesus son filz, seconde personne de la trenité (Mir. march. larr., c.1349, 92). | |
| 52 | Ave, Jhesu, digne personne De la benoicte Trinité (Pass. Semur D.M., c.1420 [1488], 239). | |
| 53 | Dieu qui de ce fait cy ordonne Veult que la seconde personne De la Trinité souveraine Voist la jus prendre char humaine, Pour avoir Adam et les siens Hors des prisons et des liens De tous les princes infernaulx (MARCADÉ, Myst. Pass. Arras R., a.1440, 11). | |
| 54 | Du pere et du filz tresamé Ressourt ung amour personele, Saint esprit, vray dieu renommé, Vray dieu en puissance eternele, Ne de la seule paternele Personne, mais des deux ensemble Procede, aux deux coeternele, Des deux part, et aux deux resemble. (MARTIN LE FRANC, Champion dames I-II, P., 1440-1442, 122). | |
| 55 | Et pourtant, car raison moult inevitable nouz contraint de dire et de consentir que divine nature et humainne soient conjoinctes par union en une personne - laquelle union ne se peult faire en pluseurs personnes de Dieu et plus convenablement elle se puet faire en la personne du Filz que es aultres -, chose neccessaire est de croire parfaitement le Filz de Dieu et l'omme convenir en une meisme personne. (CRAP., Cur Deus, De arrha B.H., c.1450-1460, 219). | |
| 56 | ...en la personne de Dieu, Jhesus. (CRAP., Cur Deus, De arrha B.H., c.1450-1460, 231). | |
| 57 | Ung seul Dieu, une mesme essance En trois personnes seullement, Qui vit en gloire eternelment ! (Myst. st Adr. P., c.1450-1485, 78). | |
| 58 | ...les personnes mesmes dont se fait le compte ["le récit"] sont tes prochain[s] en sang (CHASTELL., Temple Boc. B., 1463-1464, 141). | |
| 59 | Tu es unng Dieu en une substance, Troys personnes en une exence (Myst. st Sébast. M., c.1450-1500, 89). | |
| 60 | Car ce que fait l'une des trois persones, toutes les trois ensemble font, si non que l'une desdictes manieres d'estre apellé Pere conviengne et compete a l'une des personnes par approbation. (Somme abr., c.1477-1481, 108). | |
| 61 | De ce nom "Spiritus Sanctus" il est a scavoir comment se puet entendre une maniere d'exposer ung nom propre, et en tele maniere seulement apartient a la tierce persone de la trinité, et adont ce nom "le Saint Esperit" n'est que une diction, mais a le prendre pour deux dictions "sainct" et "esperit", adont le "saint" est adjousté par maniere de raison. Par tele maniere compete a toutes les trois personnes, car chascune est apellee Saint Esperit. (Somme abr., c.1477-1481, 121). | |
| 62 | Des choses attribuees aux persones divines on puet parler en deux manieres : ou selon la realité, et par telement parler tous sont une chose totalement, ou selon raison, et par ceste maniere aucuns d'eulz se approprient, aucuns non. (Somme abr., c.1477-1481, 159). | |
| 63 | IMPERATOR. (...) Tu dis scelon ce qu'il m'apart Qu'i sont trois ung seul dieu faisant Comant vais tu cecy disant Ung seul dieu n'est que une personne (OUDIN, St Genis M.S., c.1490, 80). | |
| 64 | MICHEL, a JHESUS (...). Car une personne divine Estre confortee d'un ange Est moult peu et bien piteux change, Car anges et archanges tous Doivent prendre confort en vous. (Myst. Pass. Troyes B., a.1482, 692). | |
| 65 | ...l'evesque de Lysieux (...) chanta une messe ou dit paveillon (...) et consacra deux personnes, en esperance que de l'une feust fait II parties et usées par les diz regent et roy. (Chron. Jean II Ch. V, D., t.1, c.1375, 192). | |
| 66 | En cydoine ait toudis personne Et la saincte unction qu'om donne Pour les malades adrecier (DESCH., M.M., c.1385-1403, 302). | |
| 67 | Atant at mis sa bouche à la boiste et sachat sus une des personne à sa lenge et l'uisat ["et prit l'hostie avec la langue et la mangea"], et puis remist le boiste en son cyboire. (JEAN D'OUTREM., Myr. histors B.B., t.3, a.1400, 57). | |
| 68 | Quantez personnes est il ? Trois. Quelles ? La primier, la deusiesme, la troisiesme, si come I>je/I>, I>tu/I>, I>cil/I> en singuler, I>nous/I>, I>vous/I>, I>ceulx/I> en pulier. (DonatOxf., p.1400. In : Th. Städtler, Zu den Anf. der frz. Grammatikspr., 1988, 130). | |
| 69 | Laisse du tout celle personne, Vieulx Satan, je le te comande ! (Pass. Auv., 1477, 159). | |
| 70 | Dittez moy, s'il vous plaist, se vous y avez recongneu personne. (Percef. IV, R., c.1450 [c.1340], 19). | |
| 71 | ...pource que vostre cas n'estoit pas bien honeste, gardez vous bien d'en rien dire a personne. (C.N.N., c.1456-1467, 42). | |
| 72 | Or gardez bien que tu ne dyes a personne que je sache parler de ceste matere (C.N.N., c.1456-1467, 375). | |
| 73 | ...en son absence elle n'oseroit recevoir personne (C.N.N., c.1456-1467, 476). | |
| 74 | Ce corps est formé proprement Et si bien qu'oncques fut personne. (Pass. Auv., 1477, 260). | |
| 75 | Je ne vis onc façons pareilhes, Ne a personne faire mieulx. (Pass. Auv., 1477, 95). | |
| 76 | Aucuns jouerent que bon n'est trop enquerre, Et comme on peult en ce cas trop errer, D'autres avoit sans parsonne requerre Qui s'empeschoyent lors des oyes ferrer. (LA VIGNE, V.N., p.1495, 166). | |
| 77 | Et non obstant ce, lesd. supplians tousjours se deffendoient au mieulx qu'ilz povoient en disant qu'ilz ne enmeneroient point ledit foing ou herbe et qu'il estoit a eulx et qu'ilz ne laisseroient pour personne du monde qu'ils ne l'enmenassent (Doc. 1496. In : P. Rézeau, R. Ling. rom. 78, 2014, 426). | |
| 78 | Il est vray c'un propos formay, Et dedens mon cuer l'enfermay, De l'alerion que j'amoie, Qu'a personne ne requerroie Qu'il me fust vendus ne donnez (MACH., D. Aler., a.1349, 310). | |
| 79 | Neponcian a eu soing de soy tellement conduire que personne ne eust cause de sur lui quelque chose mesdire (DAUDIN, De la erudition H., c.1360-1380, 298). | |
| 80 | ...il vit (...) le bourgois en tres beau lit encourtiné avec sa secunde personne [Il est surpris au lit avec sa maîtresse] (C.N.N., c.1456-1467, 26). | |
| 81 | ...personne ne passera la riviere que toy. (ARRAS, c.1392-1393, 299). | |
| 82 | ...quoy que par toute la place l'en n'eust ouy personne (Percef. IV, R., c.1450 [c.1340], 434). | |
| 83 | ...l'intencion et volenté dudit de Bedford estoit de maintenir et faire maintenir l'eglise de France et les personnes ecclesiastiques de ce royaume en leurs libertés et franchises anciennes (FAUQ., II, 1421-1430, 144). | |
| 84 | ...voulans ladicte Eglise de Paris et les personnes ecclesiastiques d'icelle Eglise et des aultres estre maintenus et gardez en leurs franchises (Entrées roy. G.L., 1437,,, 71). | |
| 85 | ...car la partie qui va devant est senestre et devant ou resgart de celle qui vient apres elle, aussi comme des personnes en une carole. (ORESME, C.M., c.1377, 340). | |
| 86 | ...et icelles [rentes] transporter en eglises ou personnes d'eglise (PHIL. VI VALOIS, Doc. paris. V., t.1, 1331, 112). | |
| 87 | ...ne les personnes d'eglises, ne les religieux (VIGNAY, Théod. Paléol. K., c.1333-1350, 57). | |
| 88 | ...et icelles trente livrées parisis de rente transpourter esdites eglises, lieus ou chapelles, ou en personne d'eglise. (PHIL. VI VALOIS, Doc. paris. V., t.2, 1339, 38). | |
| 89 | Ce jour l'arcevesque de Toulette, nepveu du Pape, est venu en la Court (...) à laquelle a recommendé les causes touchans les eglises et personnes d'eglise (BAYE, I, 1400-1410, 132). | |
| 90 | ...son curé se gouvernoit oultre la regle, bonne et honeste conversacion des personnes d'eglise (C.N.N., c.1456-1467, 531). | |
| 91 | ...a esté dit par la Court aux procureurs de l'evesque et dudit chapitre que yceux evesque ou de chapitre assisteront et seront presens, ou de par eulz, comme privées personnes, à la perfection de l'inventaire des biens de maistre Jehan Ysembart (FAUQ., II, 1421-1430, 339). | |
| 92 | Lesquelles choses et voyes de fait dessusdictes ont esté faictes, commises et perpétrées par led. seigneur de Mirebel et sesd. complices, qui n'estoient ne sont que privées personnes et n'avoient ne ont quelque justice ou seignourerie en nostred. ville de Dijon (Doc. 1455. In : J. Marion, Bibl. Éc. Chartes 7, 1845-1846, 259). | |
| 93 | ...et que les noms et seurnoms de touz ceulz qui auront faiz lesdiz seremens soient enregistrez par personne ou personnes publiques, et mis et escriptz soubz seaulx autentiques (BAYE, II, 1411-1417, 153). | |
| 94 | Aucuns estoyent vestuz d'une livree, D'autres portoyent une devise ornee Selon leur cas et leur plaisir aussi, Car tant avoyent lïesse recouvree Que leur personne estoit oultre navree De voir leur roy les approcher ainsi. De leur cueur fut chassé dueil et soussy Pour recueillir la royalle parsonne Qui tant en bien de toutes les pars sonne Que toutes gens d'onneur a luy s'assemblent (LA VIGNE, V.N., p.1495, 144). | |
| 95 | Sacent tout que c'est nos gres et no volontés que Jehans de Cantin, nos justiciables, soit aherités et qu'il face persone vivant et morant de wit ["huit"] rasieres de terre u environ, gisans en no terroir de Dichi et de Fierin (Vie urbaine Douai E., t.4, 1335, 234). | |
| 96 | ...et du grant espavant qu'il fist a la dessendue, tombarent plus de .xxviii. parsones, et en y eut nuef de blecés et ung mort qui fu geté en le mer. (CAUMONT, Voy., p.1420. In : Chrestom. R., 71). | |
| 97 | ...A moult de joie et de deport Personne qui s'est ordenée En vous servir, vierge honnorée. (Mir. abbeesse, 1340, 87). | |
| 98 | ...aussi personne qui bien est noée par amour se laisseroit plus tost rompre et dessevrer l'ame du corps que elle fust dessevrée de l'amour de Dieu. (Mir. femme roy Port., c.1342, 150). | |
| 99 | ...le bien de foy : c'est assavoir que personne ["aucune personne", plutôt que pron. indéf.] n'aime nulle chose fors Dieu. (Mir. femme roy Port., c.1342, 150). | |
| 100 | ...laquelle maison et ses appartenances yceulz Raoul et sa femme ne leurs aians cause ne pourront, ou temps a venir, de plus chargier ne asservir envers quelque personne ne pour quelconque cause, fors que des charges dessus dites seullement (Chartes Abb. St-Magl. T.F., t.3, 1353, 183). | |
| 101 | Et, combien que personne ["une personne"] ne lise mie en propre personne, si n'est il pas pour ce sanz lecture et sanz escripture lire se il oit et entent sagement les autres lire et le met en son cuer. (FOUL., Policrat., IV, 1372, 65). | |
| 102 | Et dist, sur ce requis, que oncques jour de sa vie il ne moustra lesdites pieces d'argent et cuillier à sezdiz pere, fiancée, ne à sa sueur, qui estoit et demouroit avec lui, ou autre personne quelconque. (Reg. crim. Chât., I, 1389-1392, 211). | |
| 103 | ...et lors lui, veant qu'il n'avoit personne ["il n'y avait aucune personne"] près d'illec qui se prenist garde d'iceulx, print icelles robes linges, et les porta et vendi, en icelle ville de Compiengne, la somme de cinq soulz parisis. (Reg. crim. Chât., II, 1389-1392, 73). | |
| 104 | ...que en cas de premier larrecin, l'en n'a pas acoustumé, oudit Chastellet, de faire justicier aucune personne (Reg. crim. Chât., II, 1389-1392, 279). | |
| 105 | ...quant une personne ne se veult accorder au fait et au dit des autres personnes (Ménagier Paris B.F., c.1392-1394, 22). | |
| 106 | ...mais ton aveuglee ignorance conduicte d'orgueilleuse arrogance te fait mescognoistre comment toute personne, soit grant ou petite, qui mauvaisement use ses jours, dessert que toute chose lui doie estre contraire (CHR. PIZ., Trois vertus W.H., c.1405, 16). | |
| 107 | ...il y estoit bien mort cinquante mille personnes (CHART. J., Chron. Ch. VII, V., t.3, 1437-1464, 246). | |
| 108 | ...mais il n'y veoit quelque personne que il congnust (MANSEL, Fleur hist., c.1446-1451. In : Chrestom. R., 115). | |
| 109 | ...quantesfoiz avez vous oy prescher que mieulx vauldroit a une personne s'abandonner a la mort que commettre ung seul peché mortel ? (C.N.N., c.1456-1467, 143). | |
| 110 | ...n'ay amy ne personne en ce monde, tant soit mon privé, a qui je vouldroye en nulle maniere descouvrir. (C.N.N., c.1456-1467, 388). | |
| 111 | ...ne savoient juger, non fist oncques personne qui depuis la veist ["aucune personne qui"], de quoy elle estoit, si c'estoit os ou corne (C.N.N., c.1456-1467, 430). | |
| 112 | Devers la dame retourna Droit en le fin de ceste annee Et, conme personne apressee, Ly fist son pry conme devant. (Dit prunier B., c.1330-1350, 74). | |
| 113 | Vraiz Diex, moult est excellente (...) Vostre bonté souveraine, Car vostre grace presente A toute personne humaine. (Mir. Amis, c.1365, 62). | |
| 114 | Lequel jugement cy-dessus conseillié et prononcié fu, par ledit maistre Gieffroy Le Goibe, fait mettre à excecution en la ville de Rungy, assez près de l'eglise d'icelle ville, en la presence de plusieurs personnes notables, tant officiers du roy comme autres (Reg. crim. Chât., II, 1389-1392, 247). | |
| 115 | ...et ausquelles espousailles furent plusieurs personnes de bien, lesquieulx elle qui parle ne scet nommer (Reg. crim. Chât., II, 1389-1392, 316). | |
| 116 | Sy vous suppli tres humblement que de petite personne vueilliez prendre en gré le petit present. (BOUVET, Appar. Meun A., 1398, 1). | |
| 117 | ...car moult est de grant auctorité la bonne renommee qui est recitee par la bouche de sage ancienne persone de la relacion d'autrui (CHR. PIZ., Trois vertus W.H., c.1405, 204). | |
| 118 | Ledit jour, est venu monseigneur le bastard du roy à Gardane (...) et avoit pour soy conduire en sa compagnie Nodun, varlet de chambre du roy, ambe ung varlet que avoient amené le chariot dudit seigneur avecques cinq chevaulx, et aussi deux varlets à pié dudit seigneur (...), par cause de lui tenir compaignie, car ainsi l'avoit commandé le roy. Desquels met en despence pour ledit Nodun et Vincent, le charretier, avecques deux varlet à pié, que sont six personnes et sept chevaulx (Comptes roi René A., t.3, 1473, 20). | |
| 119 | Moult ay plus meffait que une simple personne qui ne scet rien synon par la doctrine de pere et de mere (Percef. IV, R., c.1450 [c.1340], 554). | |
| 120 | ...car vaillance est entre les bons si privilegiée et de telle aucthorité, qu'elle doit estre manifestée, publiée et dicte de petite personne ou de petit estat comme des plus grans. (LA MARCHE, Mém., II, c.1470, 324). | |
| 121 | Haro, je suis personne morte ! Quel doleur, quel poine et torment ! (Pass. Auv., 1477, 217). | |
| 122 | Humble vierge, a qui ne ressamble Personne née... (Mir. nat. N.S.J.C., c.1343, 225). | |
| 123 | ...et je n'ose bonnement En requerir alegement Ne le dire a personne nee (Narcissus, p.1426, 283). | |
| 124 | Je n'é trouvé personne nee Qui m'en saiche faire rapport. (GRÉBAN, Pass. J., c.1450, 128). | |
| 125 | ...oncques personne nee Ne vit ung train si tres bien remerché (LA VIGNE, V.N., p.1495, 160). | |
| 126 | ...de ce qui seroit entre eulx deux jamais nouvelle n'en seroit a personne vivant. (C.N.N., c.1456-1467, 387). | |
| 127 | ...j'ay mieulx amé endurer et seuffrir jusques cy les maulx que j'ay porté que en rien dire a personne vivant. (C.N.N., c.1456-1467, 537). | |
| 128 | ...le deable ou personne qui vive ne doit avoir fyance (Percef. IV, R., c.1450 [c.1340], 171). | |
| 129 | Et telz mouvemenz signifient et monstrent les meurs des persones. (ORESME, E.A., c.1370, 271). | |
| 130 | Et vous pri pour Dieu que s'il y a foy ne loyaulté en nostre amour, que a personne qui vive vous me descouvrés, car il m'en pourroit advenir beaucoup d'ennuy et de desplaisir. (BEAUVAU, Troyle B., c.1455, 567). | |
| 131 | ...vous n'avez nulle cause de moy suspessonner en rien de personne qui vive [À un jaloux] (C.N.N., c.1456-1467, 235). | |
| 132 | C'est a dire, mon ami : Eschieve oiseuse, superfluité de vins et de viandes, afin qu'en luxure tu ne soies soillié, car la personne oiseuse et bien repeue a grant peine puet garder chasteté. (LA SALE, J.S., 1456, 24). | |
| 133 | ...Si ce n'est pour pugnir malice Ou preserver de plus grant vice Auquel la persoipne [sic] est encline. (Moralité cincq pers. B., 1484, 47). | |
| 134 | Lequel prisonnier, ce fait, dist qu'il estoit clert, en possession et habit de tonsure, et que l'en se gardast bien de touchier à sa personne. (Reg. crim. Chât., I, 1389-1392, 204). | |
| 135 | ...[elle] ne savoit que l'en li vouloit faire et que l'en gardast bien comment l'en toucheroit à sa personne, car elle estoit grosse d'enffant. (Reg. crim. Chât., II, 1389-1392, 429). | |
| 136 | ...pour occasion d'un excès et bateure faicte en la persone dudit Daguin (BAYE, I, 1400-1410, 122). | |
| 137 | La dame regarde si vivement le Chevalier du Papegau, toute sa façon, les yeulx, la bouche, le front et le menton et toute la personne, si qu'elle ne puet saouler de le regarder. (Chev. papegau H., c.1400-1500, 22). | |
| 138 | Et mesmement fut le roy blessé et percé d'un coup de flèche au travers le col, et fut en grand danger de sa personne. (CHART. J., Chron. Ch. VII, V., t.3, 1437-1464, 53). | |
| 139 | ...a tout se vouloit joieusement emploier, combien que sa personne estoit et fust tousjours linge et menu, mais son cuer estoit entre les autres tout fer et achier. (LA SALE, J.S., 1456, 2). | |
| 140 | ...qui le recorderoit en appert, les personnes ne le pourroyent aucunement croire. (Percef. IV, R., c.1450 [c.1340], 287). | |
| 141 | Je ne say que suis, par mon ame, Ou bete, ou je ne sey coy... Més je vos promet, par ma foy, Qui'il m'est avis que je suis home : Car j'en porte bien la persone. (Fol Mari A., a.1470, 510). | |
| 142 | LE JUGE. Bien respondray de sa personne ; N'en doubtez, ne m'eschapera, Car en tel lieu l'en le mettra Dont d'eschaper il n'avra garde. Baillez le, je le pran en garde : Vous en estez tous deschargiez. (Myst. st Adr. P., c.1450-1485, 130). | |
| 143 | Hola ! n'en vueilliez plus parler, Tenez vous seur de sa personne Et nous en alons sans ensonne, Car nous arons trop demouré. (MARCADÉ, Myst. Pass. Arras R., a.1440, 225). | |
| 144 | Je vous promet sux vous sayntes mayns De vous contanter tresbien Et vous done pour fiance Ma persone et toux mes biens (OUDIN, St Genis M.S., c.1490, 59). | |
| 145 | Fuy de cy, personne vilaine. (Mir. pape, 1346, 381). | |
| 146 | ...et estoit bien chascun homs et de personne et d'aage gregneur de vous. (Chev. papegau H., c.1400-1500, 63). | |
| 147 | ...afin que des benefices qui escherront à leur collacion ilz leur veullent pourveoir selon leur estat et dignité de leurs personnes. (FAUQ., II, 1421-1430, 6). | |
| 148 | Je seroy avecquez vous en quelque peril que vous mettéz tant comme la personne ["mon être"] me durera. (BEAUVAU, Troyle B., c.1455, 604). | |
| 149 | Si Pilate jucge Jhesus le prophete tresgrand, A tous vous faiz comandement Que l'estranglés luy et sa femme, Car Jhesus est homme sans blasme, Tresparfait et juste personne. (Pass. Auv., 1477, 168). | |
| 150 | ...voiant que Esope estoit si contrefait, estima en luy mesmes que ce ne estoit que une beste et que le roy de Babilonne se mocquoit de luy et de sa personne (MACHO, Esope R., c.1480, 63). | |
| 151 | ...il n'est chose en ce monde plus cruelle ne plus grevant les personnes. [Un marchand refuse de rester à la maison auprès de son épouse] (C.N.N., c.1456-1467, 560). | |
| 152 | Entre les Hebrieux fut repputté homme glorieux en science et bon de sa personne et florit en ce temps en la science des estoilles, ou il emploïa toute son estude et toute sa vie (SIMON DE PHARES, Astrol., c.1494-1498, f° 23 v°). | |
| 153 | ...il fist pluseurs choses convenables au fait de Monseigneur, si comme enduire les gens des dis lieux à faire garnisons, conforter les dis lieux, enorter les gens de Monseigneur de secourre Évreux, tant de gens comme de finance, mettre acort entre les cappitaines pour leurs raencons, veoir la personne de Monseigneur Messire Charles et parler sur aucunes emprinses (Compte Navarre I.P., 1367-1371, 392). | |
| 154 | ...[ils] delibererent et furent d'oppinion, attandu l'estat de la personne dudit prisonnier, que pour en savoir par sa bouche la verité, il feust mis à question. (Reg. crim. Chât., I, 1389-1392, 467). | |
| 155 | ...nonobstant que toute la Court eust moult pour recommendée la personne dudit Boschet (BAYE, I, 1400-1410, 64). | |
| 156 | ...reservé vostre noble personne qui le puet faire... (Percef. IV, R., c.1450 [c.1340], 339). | |
| 157 | ...et sy estoit ce lieu pourveu pour un an entier de tout ce qu'il convenoit pour la personne de son treshonnouré mary (Percef. IV, R., c.1450 [c.1340], 523). | |
| 158 | Ces motz que je cy vous sermonne Puis ge bien dire en la personne De ceulx qui sunt en purgatore (Tomb. Chartr. Trois contes S., c.1337-1339, 73). | |
| 159 | Et finablement leur ay fait commandement. C'est assavoir ausdiz Jehan et Guillaume en leurs personnes ["en leur propre nom"] et en leurs noms, et audit Miles en la personne dudit Léonart, son filz, et à chacun d'eulx pour tant à luy touche, à la peine de cent marcs d'argent, qu'ilz paient, baillent et délivrent réalment et de fait audit Briçonnet, receveur (Aff. Jacques Coeur M., 1453-1457, 248). | |
| 160 | S'ensuyt le rondeau qui fut mis sur le sercueil parlant en la personne du dict seigneur, auquel est son nom et surnom par les lettres capitales. (LA VIGNE, V.N., p.1495, 318). | |
| 161 | Et en sentence Virgile dit ainsi en la personne de Anchises : "Sachent les autres faire biaus ymages, les autres bien mener les causes, les autres astrologie." (ORESME, E.A., c.1370, 98). | |
| 162 | Esmerveilliez sont plus de mille Personnes qu'alés est a fin Ce biau jonne homme (Mir. femme, 1368, 196). | |
| 163 | Icy recite l'acteur en la persone de la roine d'Angleterre les parolles dont elle usa envers Jehan Bocace (CHASTELL., Temple Boc. B., 1463-1464, 83). | |
| 164 | ...excez et deliz que l'en dit par eulx avoir esté commis, tant en la personne du curé de ladite ville, au frere du maire de Rungy, en l'ostel du curé d'icelle ville, comme en l'eglise. (Reg. crim. Chât., II, 1389-1392, 229). | |
| 165 | ...homicides par lui faiz, commis et perpetrez ès personnes de messire Estienne Laisné, promoteur de la court de l'official, et Thevenin Le Moine, sergent du guet (Reg. crim. Chât., II, 1389-1392, 490). | |
| 166 | ...pour la rebellion que les Janenoix ont fait au Roy en la personne du mareschal Bouciquaut (BAYE, I, 1400-1410, 298). | |
| 167 | Le soir du lendemain approucha (...) tresdesiré du bon mercier pour accomplir la trescriminale vengence qu'il veult executer en la personne de celuy qui veult estre son lieutenant (C.N.N., c.1456-1467, 50). | |
| 168 | Des seigneur et dame de Thalart (...), la somme de deux cens escuz (...), en laquelle somme, ils ont composé à la court pour le cas de meurtre que leur feu filz fist faire en la personne du clavaire de Sisteron, laquelle somme de IIc escus le roy a fait ainsi recevoir pour convertir et employer en son argenterie et édifices (Comptes roi René A., t.2, 1478, 476). | |
| 169 | ...et aussi [la sainte Chevalerie] se garde diligaument des femmes des mescreans et des scismatiques, comme de venin toute la Chevalerie entachant, en administrant discipline de chevalerie et justice publique, sans acception de personnes, gardant aussi a la lettre la sainte regle de Dieu inspiree (MÉZIÈRES, Sustance H., 1396, 93). | |
| 170 | ...sans faire difference des personnes et sans faveur non deue (BOUVET, Appar. Meun A., 1398, 3). | |
| 171 | Nous sçavons par raison prouvable Qu'en ton fait n'a que verité, Et que, par tres bonne equité, La voye de Dieu nous enseignes Sans ce que la personne prengnes Plus que l'autre : tu faiz tout ung Du roy et du petit commun. [Expr. biblique : I>personam accipere/I>] (GRÉBAN, Pass. J., c.1450, 227). | |
| 172 | MARCELLE. Le congnoissez vous bien ? ST JEHAN. Ouÿ, Et vous respons de sa personne. (Myst. Pass. Troyes B., a.1482, 724). | |
|
