| 94 exemples | | 1 | Il ne entendoient pas que ceste prison fust a l'element du feu pour paine, mes pour garde. Et par aventure, il entendoient - et est certain d'aucuns philosophes - que elle est pour poine aus ames des pecheurs. (ORESME, C.M., c.1377, 516). | |
| 2 | Voirement ay je du parfaire La paine et le travail sanz doubte, Mais de vous vient la cause toute, Car ainsi le me commandez. (CHR. PIZ., Chem. estude P., 1402-1403, 128). | |
| 3 | Qu'il poise ! [l'épouvantail] Mengié a foison De paille : elle chiet par derriere ; C'est paine pour la chamberiere De la porter hors de ce lieu. (Fr. arch. B., c.1468-1480, 46). | |
| 4 | Si fus aucques hors de l'esmay Que j'avoie, mais plus amay Ce livre qu'oncques je n'oz fait, Et mieux consideray l'effait, Combien qu'autrefois l'eusse leu ; Mais je n'avoie si esleu Le reconfort que l'en y prent, Bonne est la paine ou l'en aprent. (CHR. PIZ., Chem. estude P., 1402-1403, 13). | |
| 5 | Mal advisé a souvent paine. (MIÉLOT, Prov. U., 1456, 196). | |
| 6 | ...pour nul avoir, ne vous feront avoir Traittiet ne delivrance saine : Mal avisé a souvent paine. (MOLINET, Faictz Dictz D., 1467-1506, 62). | |
| 7 | ...Saül resgna, David celestïens Fut oingt, se tiens que pour ses lours maintiens Perdit des siens par mort grevaine : Mal advisé a souvent paine. (MOLINET, Faictz Dictz D., 1467-1506, 591). | |
| 8 | S'en lo Amours et raison m'i amaine, Car nulz ne doit avoir honeur sanz paine. (MACH., App., 1377, 652). | |
| 9 | Pour ce dit on parole qui est bien averie : Qui asne et femme maine sans paine ne va mye. (Flor. Octav. L., t.1, c.1356, 123). | |
| 10 | De che dist Ovide ou second livre de l'Art : «Che que tu portes en grant paine, acoustume toy de le bien porter a ton aise». (DAUDIN, De la erudition H., c.1360-1380, 171). | |
| 11 | A che que tu portes mauvaissement ou a grant paine, acoustume toy et tu le porteras bien. (DAUDIN, De la erudition H., c.1360-1380, 182). | |
| 12 | Les plaies es corps ydropiques sont garies a grant paine. (SAINT-GILLE, A.Y., 1362-1365, 90). | |
| 13 | Et Gieffroy et ses hommes entrent ou cavain et les enchassent au doz, mais a grant paine porent passer par my les mors qui avoient esté occiz du gett de pierres. (ARRAS, c.1392-1393, 204). | |
| 14 | Jadis Cadmus a moult grant paine Un grant serpent sus la fontaine Dompta, qui avoit pluseurs testes Et toutes dorees les crestes (CHR. PIZ., Chem. estude P., 1402-1403, 46). | |
| 15 | ...ou temps de l'empereur Charlemaigne, fut trouvé l'ymage d'icelui Mercure en Almaigne, en ung chastel apellé Hermopol, si grande et si riche, que à paine la peut icelui Charles par trois jours distribuer à ses gens d'armes (SIMON DE PHARES, Astrol., c.1494-1498, f° 23 r°). | |
| 16 | Et fu l'escarmouche moult fiere et moult perilleuse, et se tenoit le roy de Chippre a moult grant paine a cheval, car sachiez qu'il estoit bleciez de coup mortel, et ne feust que pour le venin dont le dart estoit entechié, et en pou de temps y paru, car il print mort de cellui coup. (ARRAS, c.1392-1393, 106). | |
| 17 | Et est a entendre que si ce n'eust esté la grant solicitude du dict seigneur de La Trimoylle qui faisoit boyre et menger souvent les gens traveillans en cest affaire et par les grans prouesses et vaillances sur ce faictes, a grant paine l'eussent voulu faire les dictz Allemans. (LA VIGNE, V.N., p.1495, 278). | |
| 18 | Mais quant ilz scorent que le roy estoit mort, si assemblerent leurs gens et se mistrent en mer a bien LX. mille payens, pour venir destruire toute l'isle de Chippre et les habitans. Et ce cuidoient ilz faire a pou de paine, car ilz cuidoient que ly Chipprien n'eussent point de roy. (ARRAS, c.1392-1393, 128). | |
| 19 | Mais il n'est bien ne joye si haultaine Que l'en prise se on l'a a peu de paine, Ne ce n'est droit, Car se chascun avoit ce qu'il vouldroit, Ne bien servir ne souffrir n'y vauldroit (CHART., D. Fort., 1412-1413, 165). | |
| 20 | Et se lez passions humaines te contrestent, de tant est ta victoire plus glorieuse, et ton merite plus precieux, car l'excellence de vertu est pesee selon la difficulté de son oeuvre, et les choses qui se font sans paine et sans dangier doivent estre sans loyer et sans louenge (CHART., L. Esp., c.1429-1430, 25). | |
| 21 | Loué cellui doit estre qui sa complexion maistrie par raison. Qui a bien faire a paine plus fait a louer. (LEGRAND, Archil. Sophie B., c.1400, 131). | |
| 22 | Par foy, dist Gieffroy, se je te devoye de bonne debte, si auroies tu grant paine avant que tu le peusses avoir. (ARRAS, c.1392-1393, 298). | |
| 23 | A dire qu'il conviengne que vous leur remunerez la courtoisie qu'ilz vous ont faicte, la moitié de vostre royaume ne souffiroit pas, a la paine et a la coustenge qu'ilz ont eue pour vous. (ARRAS, c.1392-1393, 189). | |
| 24 | LE VOISIN. (...) Est ç'acertes que marier Se veult vostre nepveu ou non ? (...) L'ONCLE. (...) Je voulroye bien qu'a mon gré Le fust (...). Mais encore n'en a il [le nepveu] mis Nulle ame en paine (Mir. chan., c.1361, 148). | |
| 25 | Mes anges, sus ! alez bonne erre Mettre paine a secourre Ignace (Mir. st Ign., 1366, 84). | |
| 26 | Et entretant que Remondin mettoit paine a alumer le feu pour faire a son seigneur plaisir, le conte regarde tousjours ou ciel (ARRAS, c.1392-1393, 19). | |
| 27 | Combien que tu [Remondin] t'estoies parjurez envers moy quant tu mis paine a moy [Mélusine sous forme de serpent] veoir, mais pour ce que tu ne l'avoies descouvert a personne, je le t'avoye pardonné en cuer (ARRAS, c.1392-1393, 256). | |
| 28 | Ne il n'est riens qu'omme sensible Puist ymaginer ne comprendre, Qu'elle ne meist paine a m'aprendre (CHR. PIZ., Chem. estude P., 1402-1403, 65). | |
| 29 | Et si fault que je paine mette D'avoir lait (Mir. Theod., 1357, 108). | |
| 30 | Et toutesfois que les presidenz sont negligenz de tele cure commune, lors est il convenable que chascun mecte paine de faire chose par quoy il puisse ses filz et ses amis adrescier a vertu ou eslire (ORESME, E.A., c.1370, 534). | |
| 31 | Ce roy, de bonne memoire, en son temps mist grant paine d'acquerir amis à tous lez, et bien luy besoingna. (FROISS., Chron. M., XIV, c.1375-1400, 177). | |
| 32 | ...ledit mareschal mectra paine de retraire ledit messire Remon d'aucunes entreprinses qu'il pourroit faire au dommage du Pappe et de l'Eglise (Ch. VI, D., t.1, 1388, 96). | |
| 33 | ...si par autre estoit faicte [la guerre], nous mecterons paine de l'empeschier (Ch. VI, D., t.1, 1413, 361). | |
| 34 | Clement, nostre chier filz en Dieu, Vous tendrez aprés moy mon lieu. Des maintenant vous y ordene, Et pour Dieu, chier filz, metez paine De faire a Dieu plaisant servise. (Mart. st Pierre st Paul R., c.1430-1440, 134). | |
| 35 | Se celle que jadiz servoye De si bon cueur et loyaulment, Dont tant de maulx et griefz j'avoye Et souffroye tant de tourment, Se dit m'eust au commancement Sa voulenté, mais nennil, las ! J'eusse mis paine aucunement De moy retraire de ses las. (VILLON, Test. R.H., 1461-1462, 66). | |
| 36 | Car c'est raison que mette paine D'acomplir le cas qui te maine (Cene dieux, c.1492, 128). | |
| 37 | Et, d'autre part, voyent bien IIIJc. hommes armez, qui moult fort se mettoient en paine de passer oultre pour grever ceulx de deca. (ARRAS, c.1392-1393, 100). | |
| 38 | Cist enfes si nous demourra : Vostre paine y avez perdue. (Mir. enf. diable, c.1339, 49). | |
| 39 | LE PREMIER CHEVALIER. Toute la teste me tournoye De corner fort a longue alaine, Et si m'est avis que ma paine Pers : je n'oy ame. (Mir. roy Thierry, c.1374, 299). | |
| 40 | ...car comme dist Chaton : «Lire et non entendre est paine perdue». (DAUDIN, De la erudition H., c.1360-1380, 67). | |
| 41 | Et furent envoyés de par ycelui concile les cardinaulx de Sainte Croix et de Saint Pierre, devers Phelippe Maria, duc de Milan, pour ravoir la terre de l'Eglise, qu'il tenoit. Mais ce fut paine perdue. (MONSTRELET, Chron. D.-A., t.5, c.1444-1453, 84). | |
| 42 | ...mais ce fut pour neant [de résister], et paine perdue, car leurs dis adversaires estoient trop puissans (WAVRIN, Chron. H., t.4, p.1471, 144). | |
| 43 | ...maiz oncques nul neantmoins n'en peust venir a chief, fors seulement Jason qui y eust perdu pareillement sa paine, se ce n'eust esté l'aide de Medee qui sy soudainnement et sy desmesureement l'ama, come dit est, de singuliere amour que elle n'en pot oncques son cuer retraire, aussi come se ce fut une chose predestinee qui de neccessité deust avenir telle. (EVR. CONTY, Eschez amour. mor. G.-T.R., c.1400, 394). | |
| 44 | Mais pour tant que les livres sont longs et que un chascun ne veult mie prenre la paine de les lire et de les estudier, pour tant en brief et par maniere de figure les hystoires et les fictions j'ay cy aprés descriptes a propos moult divers. (LEGRAND, Archil. Sophie B., c.1400, 156). | |
| 45 | Voz enfans (...) Vous mandent que (...) A eulz pensez de retourner Sanz plus aler en penitance, Sur paine d'encorre sentence (Mir. mère pape, c.1355, 379). | |
| 46 | Pour ce que l'appetit de l'homme est insaciable et quiert tousjours choses nouvelles, pourquoy très souvent il est deceu, et meismement par faulte d'experience, j'ay voullu prendre paine d'escripre et racompter les causes mouvans le Jouvencel, duquel je faiz principalle mention, d'aller à la court pour trouver aucun avantaige (BUEIL, I, 1461-1466, 41). | |
| 47 | Et l'amoit le duc d'Irlande si ardaument que voulentiers il eust veu qu'il se feust desmariez de la duchesse sa femme, la fille au bon seigneur de Couchy ; et y rendoit toutte la paine comme il povoit, et ja en avoit-il fait escripre au roy au plus especiaulment comme il povoit à Romme, à celluy qui s'appelloit pape Urbain VIe et que les Anglais tenoient pour pape ; (FROISS., Chron. M., XIV, c.1375-1400, 46). | |
| 48 | Pour quoy il me samble que premier on doit rendre paine d'aprendre les ars, espetialment les sept ars liberales qui sont la fondation de toute doctrine ; (DAUDIN, De la erudition H., c.1360-1380, 103). | |
| 49 | Ainssi dont quant la fenme rend paine pour a aultrui plaire, premiers a soy mesmes desplaist. (DAUDIN, De la erudition H., c.1360-1380, 412). | |
| 50 | Et il leur va accointier comment le roy estoit fort blecié, et comment il leur prioit humblement qu'il leur pleust a venir devers lui pour eulx mercier du noble secours qu'ilz lui avoient fait, et aussi pour eulx satisfaire de leur paine, et de leur mise, a son povoir, et aussi pour parler a eulx d'autre cas. (ARRAS, c.1392-1393, 115). | |
| 51 | Et vueil bien, sire roy, que vous sachiez que nous tendrons bien nostre paine a emploiee s'il vous plaist a nous faire tant d'onnour que vous me veulliez faire chevalier de vostre main. (ARRAS, c.1392-1393, 118). | |
| 52 | Mais quant Regnault appercoit le roy Selodus qui ainsi rent estal et maintient la bataille si tres vaillaument que on ne pourroit mieulx, si jure par Jhesucrist ou il mourra en la paine ou il delivrera la place du Sarrasin. (ARRAS, c.1392-1393, 185). | |
| 53 | Lors repaira Gieffroy au navire et commande a traire ses chevaulx hors, car bien afferme que jamais ne s'en partira, pour en mourir en la paine, tant qu'il y aura fait telle enseigne que on congnoisse ens ou pays qu'il y ait esté. (ARRAS, c.1392-1393, 220). | |
| 54 | ...en chevauchant, il comanssa ung pou a deviser a la pucelle et lui demanda s'elle estoit point mariee. Et elle luy dist que nennil. "Et ma doulce damoyselle, dist il, vous en estes plus aise, car ce n'est que paine de soi mariager !" (Charles de Hongrie C., c.1495-1498, 31). | |
| 55 | ...sens fraude, a paine de perdre lesdictes cottes (Ordonn. Ph. le Hardi, Marg. de Male B.-B., t.2, 1397, 241). | |
| 56 | Et si sont bien de leurs maris, Et leur font et festes et ris, Et si n'ont pas le quart de paine Que j'en ay en une sepmaine. (DESCH., M.M., c.1385-1403, 104). | |
| 57 | Bien nous devons lasses clamer, Car nous n'avons fors que la paine Des enfans. (DESCH., M.M., c.1385-1403, 103). | |
| 58 | Et depuis, pour restraindre et obvier ausdictes prinses, fu deffendu, sur paine de la hart, par cry publique et à son de trompe, que nul ne print ou emportast aucuns biens par la maniere dessusdicte (FAUQ., I, 1417-1420, 127). | |
| 59 | A bien faire toudis tourna : Royaumont fonda de Cisteaulx Grant abbaye (li lieux est beaulx Et l'edifice de grant paine, Grant rente y a et grant demaine) (DESCH., M.M., c.1385-1403, 310). | |
| 60 | A toute paine est dëu salaire. (MIÉLOT, Prov. U., 1456, 192). | |
| 61 | Sire, dist Ogier, je vous promeit par ma foy que je les feray croire en Dieu, ou je moray en la paine. (JEAN D'OUTREM., Myr. histors G., a.1400, 138). | |
| 62 | ".. [La reine Mirro à propos de Jason:] Par mon povre engin j'ay enchassié d'Oliferne cellui qui l'a rachetee a la paine de ses bras et au precieux pris de son sang. O, doncquez, qu'ay je fait ? Ma bouche, qu'as tu vuidié, ma langue, qu'as tu profferé, et mon cuer, ou estoyes tu..." (LEFÈVRE (R.), Hist. Jason P., c.1460, 153). | |
| 63 | LE MARI. (...) Et m'engoissent si pour toy, suer, Qu'a paine sçay je mais parler. (Mir. enf. ress., 1353, 58). | |
| 64 | Que dira l'en de Troye la renommee et la tresriche, et de Ylion, le chastel sans per dont les portes furent d'ivoire et les columpnes d'argent, et maintenant a paine reste le pié des fondemens que les haulx buissons forcloent de la veue des hommes ? (CHART., Q. inv., 1422, 3). | |
| 65 | ...la femme estoit tant luxurieuse (...) que a paine estoit elle contente qu'on la cuignast en plaines rues avant qu'elle ne le fust. [Elle n'est pas loin d'accepter...] (C.N.N., c.1456-1467, 518). | |
| 66 | L'empereur (...) escripsi devers les ducs et les contes qui de luy tenoient, que le XIIIe. jour de juing ilz fussent tous devers luy à Aix-en-la-Chapelle, sus la paine que de perdre leurs terres, si en desobeissance estoient (FROISS., Chron. M., XIV, c.1375-1400, 46). | |
| 67 | A paine eust mis cestui fin a ses parolles que cellui qui premier avoit parlé print a repliquer, par impacience de ouir reprouchier ses faultes, et dist: LE PEUPLE. (CHART., Q. inv., 1422, 36). | |
| 68 | Et tous autres seigneurs tenissent De lui et du riglé n'issisent De bonne paix, sanz nulle envie, Sus paine de perdre la vie. (CHR. PIZ., Chem. estude P., 1402-1403, 132). | |
| 69 | Se fusse des hoirs Hue Capel Qui fut extrait de boucherie, On ne m'eust parmy ce drapel Fait boire [allusion à la question de l'eau] en ceste escorcherie [la prison du Châtelet] - Vous [Garnier, clerc du guichet de la prison du Châtelet] entendez bien joncherie -. Mais quant ceste paine arbitraire On me juga par tricherie, Estoit il lors temps de moy taire ? (VILLON, Poèmes variés R.H., c.1456-1463, 74). | |
| 70 | Par la vertu et auctorité Des princes, gualant, te commande, Et sur paine de grant esmende, Que vieignhes ceste croix porter. (Pass. Auv., 1477, 192). | |
| 71 | ...l'en doit la paine donner Selon le meffait (LA BUIGNE, Rom. deduis B., 1359-1377, 134). | |
| 72 | La paine selon le meffait. Et lors ces folz, ces grans vanteux, Sont tous confus et marmiteux Quant ilz considerent leur fait. (ALECIS, Blas. faulses am. P.P., a.1486, 226). | |
| 73 | ...Ainçois requiers penance et paine Telle com vous plaira, biau pére. (Mir. st Guill., c.1347, 34). | |
| 74 | Et s'il [le penencier] te charge aucune paine, A la souffrir t'efforce et paine (Mir. parr., 1356, 26). | |
| 75 | Jugie sui a le grief paine D'enfer sanz fin. (Mir. nonne, 1345, 346). | |
| 76 | De la memoire de la paine d'Enfer est dit en Job ou .XXXIe. chapitre : «Quant j'en ay memoire, j'ay grand cremeur et le tramblement refiert ens ma char et me fait fremir». (DAUDIN, De la erudition H., c.1360-1380, 343). | |
| 77 | ...icellui bailli ou son dit lieutenant a condempné le dit Beraut à recevoir et prandre paine capital et d'estre mort, c'est assavoir d'estre boully, ainsi que faulx monnoyers et faiseurs de faulses monnoyes, condempnez à mort, l'ont acoustumé à estre. (Doc. Poitou G., t.7, 1408, 145). | |
| 78 | La souffrirés paine et torment. (Mart. st Pierre st Paul, fragm. Anholt R., c.1480-1500, 185). | |
| 79 | ...Si qu'en paine perpetuelle Ne soit, mais en gloire eternelle Vous puist veoir ! (Mir. fille roy, c.1379, 22). | |
| 80 | ...car il ne sont pas egallement [d']avoir a louer ceulx qui tousjours persevererent en verité et qui oncques ne congnurent paine de pechié, et ceulx quy tousjours congnoissent paine eternelle. (CRAP., Cur Deus, De arrha B.H., c.1450-1460, 188). | |
| 81 | L'homme en pechant descend de la dignité de sa nature, et ainsi appert que les presceus peuent demerir et deservir paine perpetuele par leurs demerites et malices. (Somme abr., c.1477-1481, 172). | |
| 82 | Mais aucun cognoist les drois et il juge injustement, il fait avaricieusement ou pour grace et proffit acquerir ou pour paine et damage eviter. (ORESME, E.A., c.1370, 315). | |
| 83 | ...et pour ce il ne mourut pas si trestost, mais vesqui XV. jours en grant paine et en très grant misere ; ne surgien, ne medicin, n'en sceurent ne ne peurent oncques remedier qu'il ne morust. (FROISS., Chron. M., XIV, c.1375-1400, 188). | |
| 84 | Las ! Mon amy, se tu ne m'eusses faussee, je estoye gettee et exemptee de paine et de tourment, et eusse vescu le cours naturel comme femme naturelle (ARRAS, c.1392-1393, 256). | |
| 85 | Portons devant la trinité, Gabriel, ceste ame (...) Qui en ce siécle a souffert tant Paine et martire. (Mir. st J. Cris., c.1344, 307). | |
| 86 | Certes, Trajan, je suis si fors A souffrir et de bon vouloir Que ne me peuz faire douloir Pour paine que tu m'apareilles. (Mir. st Ign., 1366, 84). | |
| 87 | Haro, je suis personne morte ! Quel doleur, quel poine et torment ! Oncques ne fut paine plus forte ! (Pass. Auv., 1477, 217). | |
| 88 | Du premier est dit en proverbes : «A paine meurt qui ne l'a aprins», c'est a dire qui ne scet soustenir les menaces de mort qui sont tribulations. (DAUDIN, De la erudition H., c.1360-1380, 350). | |
| 89 | Item Ovide ou livre de ses Epistres : «Mille figures ou manieres de perir viennent a l'omme au devant, et a la mort moins de paine que l'atente de la mort». (DAUDIN, De la erudition H., c.1360-1380, 347). | |
| 90 | Et quant est de la paine de l'engroisse ou de l'enfantement, je ne m'en merveille nyent plus que d'une geline ou d'une oaye qui met hors ung grous euf come le poing par ung partuis ou par avant vous n'eussés pas mis ung petit doy, et si est ce auxi grant chouse a Nature de faire l'un come l'autre (Quinze joies mar. R., c.1390-1410, 58). | |
| 91 | Tous hommes, qui ont voullenté de acquerir honneur et gloire par le moyen de la guerre, doivent porter et endurer paciemment la grant paine et durté qu'on y treuve au commencement. (BUEIL, I, 1461-1466, 21). | |
| 92 | ...et aussi aprés paine n'est nulle coecte dure, chascun bien sait cela. (RENÉ D'ANJOU, Cuer am. espris W., 1457, 107). | |
| 93 | Cestui fist moult de paine aux trois filles Cycrops, pour avoir leur terre. (SIMON DE PHARES, Astrol., c.1494-1498, f° 23 r°). | |
| 94 | Haa, Jehan, mon filz, la doleance Et paine que j'ay veu souffrir A mon filz, qu'estoit ma plaisance, De grant doleur me fait morir. (Pass. Auv., 1477, 258). | |
|
